燒閒站II - 私房‧火鍋‧蒸氣燒鍋 (已結業)

食材唔新鮮而且唔干淨，我同老公食完又痾又嘔全身軟晒又肚痛，價錢貴唔值呢個價。遇著山竹十號風無得睇醫生，超辛苦。見facebook 介紹，無諗過咁差唔明點解仲咁多人去食，真係名過於實，我從未試過在openrice 打評論，但實在太差無辦法點都要寫一次，唔講出來無人知咁差，建議大家唔好去。只怪自己太肚餓，見到咁唔新鮮仲要食攪著自己個身體，大家食之前諗清楚值唔值去食啦，因為食完會又痾又嘔拿命博就真係無謂啦。

開頭睇fb介紹d短片，話有聖子皇、鲍魚元貝，十幾款海鮮任食，$348，跟著唸，是否雪藏诲鮮？然後打電話問，店員話100%是海上鮮，跟住即去試試！ 店內原來有五款式任食餐牌，我當然揀海鮮全部任食，果個啦！跟著即時來了十二款海鮮，我們二話不說，即放聖子皇、鲍魚、貴妃蚌蒸，一食就知真係新鮮、好鮮甜，尤其是聖子皇、然後再食煎鵝肝，牛肉粒，用鵝肝的油去煎牛肉粒，原來好香，好正！正過用牛油煎，鹅肝件件都夠大件，我們不停EncalI較貴的食材，店員上菜速度快、我們食得好快，然後我們四個人計算，如果呢餐，自己去街市買回家食，點計都要買成千蚊餸，我們埋單$1500，仲有每送盅雞燉翅，超低，食到好飽，好飽！

呢間野嘅存在根本係侮辱左餐飲業。先講食物，非常唔新鮮，衛生其差！去廁所經過廚房...全地下又濕又多垃圾.... 廁所有曱甴屍...臭味非常！D蝦好似死左幾日咁...鵝肝完全無味...生蠔還好，其他屬中下級水平....服務一開波已經唔多好，趕頭趕命咁。到last 40分鐘提我地要準時走提左5次！ 無禮貌~收費唔平，真係俾多2百去酒店好過....地點唔夠人好，唔衛生又唔好食，服務差到爆。如果佢可以一直生存到，絕對係奇蹟

一行四人 book左夜晚八點！$398加一(星期日再+$2x附加費) 任食兩小時！唔包飲品要另外收費！一入去坐低店員會問要咩粥底(南瓜排骨/蠔仔肉碎)二選一！然後店員就會一次過將menu既所有肉類海鮮上枱！其實張枱比較細，d食物一次過上晒係有d迫，不過每張枱隔離會有架車仔可以放食物！刺身第一轉份量好足，生蠔差唔多有兩打，牡丹蝦每人三隻，所以之後都冇再嗌過！海鮮按人頭計，之後再落單速度都快，質素冇變！地方唔大 枱比較細 員工唔多比較忙，所以有時照顧唔到咁多客人！但禮貌不錯！呢個價錢任食海鮮刺身真係好抵食！海鮮款式唔多但勝在都算新鮮大隻！刺身整體質素真係唔錯！回本冇難到！燒肉就一般般啦，貪得意燒返一轉都OK既！刺身類⬇️生蠔 鮮甜飽滿 但有幾隻有少少碎殼 可以接受牡丹蝦 大隻 肉質不錯 但要自己剝殼三文魚 冇食到 所以冇評價象拔蚌 鮮甜 肉質爽彈 推介！👍🏻👅赤貝 味道不錯 若嫌口感有點硬蟹腳 肉質鞋口 乾 唔新鮮！👎🏻蒸氣海鮮類⬇️貴妃蚌 味道都唔算好鮮甜 但勝在大隻抵食！鮑魚 大隻 厚肉龍躉片 厚肉冇骨夠滑 好食！海蜆 鮮甜飽滿 好食！推介👍🏻海蝦 質素一般 唔太新鮮蒸氣蔬菜類⬇️番薯 夠粉

之前行過既時候又見佢幾多人等，加上網上推薦，去到食果啲野同片介紹既完全唔同，環境質素先唔講，去到原來乜野都限住限住，野飲都要一罐一罐咁計，跟住到食物，啲蟹完全無洗過，問員工又話一啲食草一啲食乜，鮑魚條邊又係刷都無刷過睇到都唔敢食，到豬牛跟本係20一盒果啲貨，最後啲食物跟本拎出黎解都無解冷過，有啲食物應該落鹽去調味都無落，仲要問員工拎鹽同埋蒜蓉，跟本過哂份。300幾蚊一位，不如自己落街買海鮮番屋企煮都好過佢刷得乾淨過佢。

話說兩位朋友生日，又有人食過話呢間好正好新鮮好食，所以連research 都無做就訂位！訂左夜晚8點，準時入去！啲位窄到一個點，連想放個袋既位都無。啲食物黎啦，啲蟹黑色，完全無味！到碟刺身黎啦，還算可以，不過一舊三文魚我都無食過！因為佢切出黎既部位完全唔認為係可以作刺身食！然後啲鵝肝，牛肉粒黎喇，啲鵝肝還可以仲唔知點解佢要用啲炸粉包住？朋友話 啲牛肉粒 完全無味同埋「好有咬口」（利申我唔食牛）！ 好～ 正題黎喇！ 海鮮- 第一round 既海鮮係正常既，鮑魚，貴妃蚌，蜆，蝦。同埋果盤生蠔，有啲都係甜既，有啲瘦到你見到都唔敢食！之後就奶哂野，有隻貴妃蚌係臭到**，聞落去係好似係垃圾堆度搵野食咁！啲鮑魚之後果啲腥到嘔，仲有啲牛肉、小籠包，劣食到不能，不過有點安慰既係食呢啲起碼唔會肚痛先！ 不過連我老公平時乜春都食，佢見到啲五花腩都唔敢擺落口！ 到最後既粥，本身都驚驚地，諗住照試下啦，因為食左兩粒鐘都唔飽，樣樣都臭夾腥！點知，佢隻碗同匙羹，即使你（畢）左啲應該充滿海鮮香味既粥，竟然低頭一聞，漂白水味飄入你鼻！我只可以講，食呢間野，慘過食屎！食屎都唔洗錢，呢度平均要比$440/人。 最慘係請人

第一次嚟地方有少少難搵,我地幾個人叫左$398套餐因為可以任食,冇幾耐嚟左生蠔好大兜食落算正常,長腳蟹啲肉黑黑地色冇味連海水味都冇而且係唔凍應該放左出嚟一段時間,之後就嚟左刺身啲刺身出哂水三文魚係肥厚魚腩連皮見到唔開胃跟住愈食愈出事鮑魚同啲貴妃蚌又臭又唔新鮮..好似食緊屎咁...唯一個煎鵝肝好少少..小龍包好厚皮,牛柳粒連肉味都冇,最後諗住個粥應該唔錯,食之前聞一聞成浸漂白水味,唔敢食唔會再有下次..價錢唔值連一杯野飲都唔包...劣評!!!!

睇Facebook廣告見到呢間燒閒站||有任食鵝肝，二話不說就打電話去book位。去到見到舖面算細，夜晚十一點都近乎爆場。一坐低店員會比幾款唔同menu你揀，最平嘅係$278，都有好多款食物選擇。我就揀咗$308個set，有鵝肝、安格斯牛柳粒、鮑魚、桶蠔、聖子、扇貝、貴妃蚌、蜆等等，當然唔少得肉類同丸類啦。一開始店員會送上海鮮拼盤比你自己蒸，每樣食材蒸幾耐寫得好清楚；另外有個煎pan用嚟煎鵝肝同牛柳粒。第一輪嘅鵝肝都幾好味，份量多不過唔係太肥美；去到往後幾輪嘅鵝肝唔知點解有陣苦味，苦到食唔到。另外佢個牛柳粒好好味，好有牛味！海鮮方面，個人認為聖子最正！有粉絲同蒜蓉鋪面，聖子肉好鮮甜。其他海鮮質素都係平平，值得一讚嘅係佢嘅食材洗得好乾淨。另外佢嘅生蝦刺身都幾大隻，望落賣相麻麻，不過味道都肉質都幾好幾甜。食到尾有一鍋粥，可以揀蠔仔肉碎或者南瓜排骨。我就揀咗蠔仔肉碎，蠔仔好腥不過粥底唔錯。講真，呢度食野嘅性價比唔高，兩個人埋單七百幾蚊；不過店員服務態度非常好，都有加返少少分

難得父親節帶阿爸黎食海鮮，刺身蝦個蝦頭係黑色㗎！一睇就知唔新鮮啦！仲生食！一定食壞人。跟住蒸鮑魚啦，點知蒸完鮑魚一開，綠色發臭，勁惡頂！以為得一隻係咁，點知六隻都係咁！帶子又唔新鮮，啲肉係梅嘅😤😤😤😤😤叫佢換鮑魚，佢話不如你換其他啦。六隻鮑魚換咗三隻聖子，我問點解，佢話本身六隻有三隻係送㗎！🤬🤬🤬🤬嬲呀！ 一開始又唔比gas爐我地燒嘢，下下都要我地見到隔離檯有，問佢地先俾！有無搞錯啊！！！！好嬲呀！！第一次俾負評，真係超級唔滿意！！相信忙唔係藉口咯！！間間食肆父親節都係咁忙㗎啦！

餐廳位置一點也不方便，但晚飯時段卻坐滿了人，相信大家可能都是和我一樣，由朋友推介而幕名前來 一試的蒸邊爐。而粥底有兩款選擇，分別係蠔仔肉碎和南瓜排骨。當晚我揀了"任食十二款珍貴食材",雖然個名有D 誇，而食材也不見得有幾珍貴。上枱外觀賣相也只是一般般，但一食落口的海鮮類別…大大隻鮑魚，貴妃蚌，元貝,生蠔，象拔蚌經過清蒸後的海產鲜味通通出來了。而細細粒的海蜆，東風螺也很鲜甜，海蝦亦很新鮮彈牙。龍躉片也不錯。真係只食海鮮也回本。再來一客超好味的(自己慢煎)鵝肝和安格斯牛柳粒，想不回本也難而除了海鮮類。事實上叫其他肉類或餃子…就質素麻麻了。所以不點也不會有損失。不如留肚主攻海鮮類。所以當晚海蝦，赤蝦刺生也叫了幾round。反而各位食家請留意，有些餐單提及的海鲜，未必有貸，所以若為了某一種海鮮而光顧的，可能會失望，但餐廳也會用同價或更高價的另一款海鲜補上，不會有取巧的感覺 ,略為失望的是，不包飲品。但侍應有禮拜和快速服務挽回不少分數刁I

垃圾燒閒站，原本今日訂左枱夜晚7：30，今朝訂枱已經問洗唔洗話定食咩餐，佢地就話唔洗落黎先揀，好啦到左7：30入去等齊屋企人就開始，問我地要咩餐(其實我地一早諗好食生蠔半任食餐)，循例都睇下個餐有d咩食，好啦到叫餐竟然同我講我哋講話個餐賣晒，我地就話我地就係為左個餐先落黎食，跟住就話我哋做咩唔訂枱嗰時講明 ，聽到呢句真係嬲左，咁我咪起身走人囉

屋企人話想食蒸氣火鍋，諗起一直想去試既燒閒站。因為之前見食評好壞參半所以心大心細，不過最後都試左，反正周圍都3百幾蚊，比個機會佢佢有3個plan可以揀我地一行6人揀左生蠔套餐，仲有一堆任食既野冇影，呢到有萵筍食呢個讚，因為好小地方會有，而且份量唔會好多，食完再叫咁就唔會浪費（你要求多d佢會比你）我地仲試左個五花腩都幾香幾得別。一定一定一定要留肚食最後啖粥，嘩所有蟹，海鮮精華入晒去（本身已經係蠔仔肉碎粥）個粥勁香蟹羔味呀，而家講起都好想食之前都食過其他蒸氣火鍋，不過食生蠔要加錢，呢度唔使加有得送真係好抵食，又有刺身又有燉湯又有海鮮，而且海鮮我覺得呢間最新鮮同鮮甜，啱晒咩想食既我如果可以食生蠔之餘再encore 多2-3隻蟹就very 骨喇3百幾蚊有咁多選擇超正下次一定會再嚟！都破解左我之前睇其他食評心大心細既疑慮

人生第一次寫食評，因為實在太唔值奉勸各位千祈唔好去食，就算有人請都咁話！夜晚七點幾到，唔洗等位。餐單只有3款，我地揀左海鮮餐，聖子同小龍蝦都冇，轉左做象拔蚌同帶子。帶子味道正常，象拔蚌味道好”聲” 食左一啖已經冇再食。蜆仔超鹹，刺身海蝦一般去到肉類，只有安格斯牛肉片比較正常，其他牛肉粒，牛仔骨，羊肉豬肉片完部都唔得。小籠包直頭係垃圾送嘅個條魚，沙巴龍躉，同行友人都係食一少少就冇食。唯一全場再好食，就只有個個咩波波腸仔。都算啦，去到最後最期待嘅粥，竟然係好難食都已經唔知可以用咩黎形容佢。所謂嘅蒸氣火鍋，旺角尖沙咀嘅放題加蒸氣火鍋，都可以好食過佢，價錢平百幾蚊，仲有飲品冇限飲，有其他嘢食叫。呢到420蚊一個人，完全係唔值，食完好似冇食過嘢咁。同行嘅朋友個個都係未食飽，寧願出去再食嘢，都唔想係到再叫嘢食，可想而知呢間嘅食物質素有幾差。呢到唯一好d嘅係員工有有禮貌，唔會話忙就對你黑面。

今晚老友約了去試呢間蒸氣火鍋，雖然地點好似有點偏僻~土瓜灣（因為大家住香港區），但其實有過海巴士，都算方便。臨行前睇過評語，發現較多關於招呼嘅負評，但最後發覺一點都沒有（可能未滿座），成晚不停招呼（換碟密，落單快...）。我地叫咗全海鮮任叫任食，新鮮希臘龍蝦仔，上檯時仲生生猛猛，經過殘酷一蒸，鮮甜爆膏。仲有大大隻鮑魚，蟶子，貴妃蚌，安格斯🐮...最後食埋個南瓜粥，飽晒，唯獨是覺得餃類及丸類比較普通，有待改善。另外這裡飲品不包，我們叫了一渣薑母茶，30多圓，味道不錯

任食大大隻鮑魚, 食到你飽, 帶子同蝦都好新鮮，丸同鮫子大大粒，最緊要係服務好好, 係咁落單都冇黑面， 唔會hold order, 即叫即到, 粥底足料，地方又舒服, 同三五知己聚會好地方, 直得一去再去