燒蝦蝦 (興泰大廈) (已結業)

今日心血來潮想食燒烤，朋友就帶我嚟到位於屯門新開一間「燒蝦蝦」可以喺室內嘆住冷氣有得玩又有得食燒肉。入到餐廳每張枱旁邊都有個裝滿蝦的水缸，蝦非常新鮮扎扎跳夾起之後放喺爐燒，爽口鮮甜。服務員會按照人頭每人有半隻龍蝦，龍蝦啖啖肉好清甜。餐廳外面有個自助區，放滿多款海鮮，有東風螺、扇貝、生蠔、原條魚和蜆等，好新鮮，燒完之後可以按照個人喜好加入調味料及配料等，好美味！仲有大量豬、雞、牛肉、腸類、丸類及蔬菜🥬等供應👍汽水和啤酒都是任飲的，仲有大量甜品選擇，多到數唔晒😋每人大約三百幾蚊可以食到多款海鮮及肉類，質素不錯好抵食，下次會再嚟幫襯👍

餐廳裝修好特別，有好多好得意嘅霓虹燈牌，去到見到勁旺場，好彩有book位咋。呢度氣氛都幾熱鬧，好多歡笑聲，因為捉流水蝦真係好好玩！啲蝦真係好活躍咁游嚟游去㗎，我諗前後捉咗廿隻都有，食極唔厭，戰鬥力100😝😂除咗蝦🦐之外，呢度仲有好多海鮮、肉類、丸類、蔬菜、飲品、甜品🥳出面嘅海鮮有帶子、扇貝、海螺、魷魚鬚、原條魚等等，仲有我最愛嘅鮑魚添呀，大大隻好正呀，一次過食咗勁多隻😆喺肉類方面，有羊架、牛仔骨、五花腩、雞扒等等，我哋每樣都拎咗件😝 記得加孜然粉去燒呀，惹味到不得了🤤佢哋嘅甜品區有蛋糕雪條嗰啲，不過我就選擇燒菠蘿🍍作為我嘅甜品，酸酸甜甜好juicy💦整體嚟講，烤爐有兩層，可以節省時間一次過燒多啲嘢食，而且火力十足，好快就熟有得食😋 環境寬敞又夠衛生、員工仲會不時添蝦👍🏻

燒蝦蝦開到黎屯門la等我又去燒下海鮮食先🦐任飲任食2.5小時放題 $368/位每枱旁邊都有流水蝦任夾放落冰筒凍死再燒自助區有好多海鮮任夾，魚、蠔、鮑魚、帶子、蜆等仲有牛扒、雞串、羊架任你夾想食住燒唔好浪費時間？熟食都有好多蝦食，可以邊食熟蝦邊慢慢燒海鮮！梅酒清酒任飲好chill！當然有甜品、雪糕、飲品任飲任食！每枱仲會送鰻魚、牛肉片，鰻魚真係好好味呢！2.5小時飲飽食醉，同朋友黎開心聚下好適合ar！

*此餐廳收取加一服務費。2.5小時流水蝦放題（兩人$736），流水蝦蝦膏飽滿，肉質彈牙，味道鮮甜。白鱔串（附送$0），燒烤之後肉質皮脆肉嫩，魚肉調味味道甜鹹，食落類似鰻魚。雪花和牛串（附送$0），牛味濃厚。海鮮（跟餐$0），包括有鮑魚、帶子、貴妃蚌、生蠔、東風螺、海瓜子、青口、沙白、大蜆、魷魚、馬友、大眼雞小食（跟餐$0），包括有瑞士汁雞翼、麻辣排骨、涼拌魚皮、秘製五花腩、拍青瓜、涼拌木耳。炸物（跟餐$0），包括有鹽酥雞、炸饅頭、甜不辣、千絲卷、韓式炸馬鈴薯波。甜品（跟餐$0），包括有草莓蛋糕、朱古力凍餅、芝士蛋糕、蜜桃撻、朱古力撻、豆腐花、乳酪、20款雪糕及雪條；朱古力糯米糍表面鋪滿可可粉，中和朱古力醬夾心甜度，口感煙韌，如果食落溫度更凍，整體味道應該會更好。飲品（跟餐$0），包括有42款包裝及罐裝飲品、4款罐裝啤酒、清酒、梅酒。

夏天唔知點解特別想去Bbq😁😁，不過呢排天氣真係熱到痴左線，戶外Bbq一定會中暑🔥🔥🔥。朋友介紹我黎呢度 “燒蝦蝦” ，佢話唔止可以滿足燒野食既慾望，仲有好多海鮮食😍。雖然屯門有D遠，不過原來坐西鐵都好方便👍👍。一坐低，真係好興奮🤩！每張枱旁邊都有個魚缸，流水蝦好生猛，真正生蝦咁跳😂😂。服務員都好好講解返點樣捉蝦，又幾好玩，雖然有D殘忍，不過新鮮蝦真係唔同，本身大頭蝦蝦味唔算好濃，但有膏既甘香，仲好彈牙，燒蝦蝦果然名不虛傳😋😋。出面自助區有好多款式，唔單止有熟食，甜品，燒烤食品，仲有好多種類既海鮮，飲品選擇都唔少，淨係酒類都唔簡單，有1664, hoegaarden ,嘉士伯 ,清酒梅酒都有🤩。如果每區都有一間就好啦，一定成日黎食。另外一坐低俾左一份一次性既鱔 ,牛肉 ,同埋正價時段先有一份既龍蝦。燒鱔真係無得輸，皮脆肉嫩，好惹味😋😋，如果唔夠再order都係$28一串，不過太多食物選擇，都係少食多滋味🤭🤭。龍蝦雖然細隻D，但有膏及鮮味唔錯，反而牛肉就一般。呢度既海鮮都好食，至鍾意鮑魚，扇貝，同烤魚，生蠔本身味道都唔錯，不過就細隻左D，唯有食多幾轉😂😂。其實燒烤食物都有驚喜，好似雞全翼

一直都好想食呢種流水蝦🦐放題😋😋，上星期終於有機會同朋友試到。我地夜晚7:30前入座都係338元一位。流水蝦🦐最特別既地方係坐位旁邊會有個水缸，餐廳會放置新鮮活蝦享缸內活動，而我地可以享水缸即夾活蝦🦐即放享個燒爐度燒🍡🍢，超級新鮮。除咗蝦🦐之外，餐廳仲有好多海鮮🦑🐚🦪同埋大量既串燒🥩🍡🍢供應，亦都有熱盤。呢個價錢都算幾抵食。大頭蝦🦐啖啖肉，蝦膏甘香鮮甜，肉質彈牙可口😋😋而且餐廳無限量供應，呢個抵讚。太多種類，其實食唔哂，太飽了。🤣🤣下次一定會再幫趁！！👍👍

雖然餐廳主打係流水蝦同埋海鮮，但都有其他種類嘅嘢食任拎😍 我哋成家食肉獸拎得最多嘅梗係肉類啦！佢哋有雞軟骨、雞全翼、五花腩、牛仔骨、豬仔髀等等（多到不能盡錄🤣）我哋拎嘅扒全部都逼晒啲肉汁出嚟，加上岩鹽、孜然粉等調味，味蕾滿足到不得了～當然都要歸功老豆嘅BBQ技術😎🙌🏻豬仔髀好厚肉，唔韌，口感鬆化👍🏼 另外仲拎咗墨魚丸、芝士丸，仲有好多想食但試唔晒😂建議大家用錫紙兜燒螺，燒嘅時候方便打理同埋均勻受熱啲，大家仲可以用個錫紙兜整清酒煮蜆、蒜蓉牛油扇貝、金菇、娃娃菜等等，自行發揮創意🙆🏻‍♀️總括而言，呢間餐廳全部食材唔腥臭，夠新鮮，種類琳琅滿目，非常適合一家大細嚟玩，又或者一大班朋友聚會呀～

🦐燒蝦蝦喺屯門中心附近都開咗新分店，放假又去食流水蝦放題，有海鮮鮑魚串燒任食2.5小時每位💰3️⃣6️⃣8️⃣每位客人送半隻龍蝦😍、鱔同和牛每張枱旁邊就有蝦缸，流水蝦夾放冰桶內約30秒凍暈才燒，唔夠食可以叫店員添加大頭蝦新鮮蝦肉彈牙，仲有鮮味嘅蝦膏😋自助區有多款新鮮海鮮有🦪生蠔、八爪魚串🐙、扇貝、東風螺、多款蜆、鮑魚、倉魚同大眼雞等其他燒烤肉類有雞翼、腸仔、雞軟骨、羊架同丸類等蔬菜類有翠玉瓜、金菇、韭菜、茄子、菠蘿🍍等每張枱放置燒烤唔少得嘅孜然粉、燒烤味粉、海鹽同辣椒粉🧂熟食有炸蟹鉗、炸鱔、炒飯、冬陰公湯、牛角包等飲品有各款啤酒值得一提有貴價1664啤酒🍺，汽水果汁唔少得，仲有韓國罐裝飲品甜品有糖水外，雪糕雪條都有10多款選擇🎈燒蝦蝦 (興泰大廈)🎈屯門仁愛堂街45號興泰大廈地下1,1A,2至8號舖

屯門終於有流水蝦放題喇，唔洗再岀去甘遠每張台側邊都有個缸， 入座嗰陣店務員已經介紹檯面細兜可以出去攞冰加水，作用係要你將蝦夾落去令到佢凍暈，如果唔係蝦太活躍就好難燒架喇除左大頭蝦，岀面仲有生蠔，鮑魚，螺，沙白，花甲最重要係成條魚都有得燒，而且仲有幾款種類其中有烏頭，深海泥鯭，黃腳鱲，紅衫魚蔬菜類肉類+丸類仲有自助飲品區，另一邊有多款花茶，清酒同梅酒都可以任飲架湯，糖水，熟食，驚唔夠飽個可以煮個烏冬食下個爐2人用都ok，可以燒到好多野台面有晒海鹽，辣粉，燒烤粉，孜然粉可以加係海鮮到另外我地係岀面羅埋蒜蓉，味蒜，加落生蠔到好似以前北上食燒烤個種感覺串白蟮好肥美，好正，不過無得任食架之前睇過教學，蜆類可以放係錫紙盆，加蓋，之後放去中間個層燒，咁樣可以慳位啲，我仲加埋清酒落去煮添，好鮮甜丫，又夠大隻數唔到今晚食左幾多蝦隔離個缸如果無蝦，店員會好自動幫手加蝦，唔驚唔夠食或者有限制住食幾多最後燒多條魚就好滿足，條魚燒到皮脆肉滑

住港島區, 同屯門真係冇乜緣份, 不過既然唔可以離開香港, 今日就安排一個屯門遊~~朝早去黃金海岸玩完, 就黎食期待左好耐既燒蝦蝦啦雖然唔係市中心, 不過都一樣全場滿座呀!!  入黎記得BOOK位啦!想講完全冇失望, 真係好多野食, 首先, 除左燒烤外, 其實餐廳都準備左好多熟食,當日見到既就有串燒大頭蝦, 炒蜆, 沙律, 炸物仲有湯同糖水飲品方面係應有盡有!! 佢地酒類都任飲, 有真露, 啤酒仲要唔係大陸啤, 俾嘉士伯你飲!!另外仲有清酒, 梅酒, 當然汽水檸檬茶呢D就唔少得黎到介紹主角燒烤啦, 一坐低就每人一份龍蝦 + 鱔 + 牛肉隻龍蝦仲要郁緊, 勁新鮮  ,  鱔超肥美!!任食區有好多肉串, 蔬菜, 其實乜都有, 不過大家都走去海鮮到XD當日見到既有鮑魚, 蚌, 蜆, 花甲, 蠔, 扇貝仔, 魚全場都好鮮甜, 特別鍾意燒蠔呢到仲準備左好多蒜, 蔥, 芝士等等既調料2個半鐘絕對夠食!!

好耐之前喺泰國玩過一次流水蝦，原來香港都有喎！本身睇過呢間餐廳嘅食評，都擔心會唔新鮮/有伏，但係食完之後，我覺得仲正過我喺泰國食嘅體驗呀！午市2.5小時任食$298，絕對夠時間俾你慢慢食。一入座我哋就拎個桶去裝冰，燒大頭蝦，蝦肉唔霉，甘香彈牙。除咗大頭蝦之外，外面任拎嘅海鮮款式簡直係包羅萬有😍 我哋去嗰日有蜆、螺、扇貝、生蠔、鮑魚、魚類等等。生蠔大隻夠鮮味，鮑魚口感軟嫩飽滿。燒原條魚都好正！外皮燒到香脆帶焦香，魚肉嫩滑一絲絲。大家可以自己去攞調味料～想食食物嘅原汁原味當然就係唔落任何調味，不過個人最鍾意就係加少少蒜蓉落去燒，非常香口惹味。我對呢間餐廳十分滿意，尤其海鮮超抵食！好多都仲郁緊㗎，非常新鮮👍🏻 性價比極高，下次要帶埋屋企人嚟食！

最近試完元朗間任食燒蝦，朋友分享屯門都開了新店，鍾意試食野嘅我，梗係要試下！地點都好方便，屯門西鐵站行10分鐘左右，V City 附近！同元朗分店一樣，限時2.5小時之內，任你食燒蝦、海鮮、串燒.......啤酒、汽水任飲！屯門分店更方便！因為每枱都有得坐喺位到夾流水蝦，唔使行出行入💯變相都慳返時間！可以食多D！而且屯門分店個燒烤爐有2層，可以同一時間燒多D美食！真係要留肚去食呢間！因為除了鮮蝦，仲有好多貝殼類海鮮、魚仲有大量肉類、串燒勁滿足呀講番D蝦，都唔差架除了新鮮即捉即燒即食，都大大隻架大頭蝦咁任食質素黎講認真算高，唔係hea做，值得encore 同推介比親友鱔 、和牛就另加錢先有好和味當然唔加錢的食物種類都夠晒多，又好味架喇！仲有要梅酒、清酒可以任飲，真係不醉無歸咁盡興！環境有D似日/韓燒，有吸油煙機，室內環境，舒適，好過室外咁捉蝦食！

食過一次唔會想去再食！但冇試過嘅想試都唔會阻止🤗（我諗賣點應該都係海鮮同酒放題🙂同埋自己殺生自己食感）個人覺得：1.地方窄，排隊，轉身，拎野食嘅地方係喺一行仔入面發生（兩面都有啲野食，中間留一個人位出入）2.兩個人食比張細枱你食個爐都佔左三分一，冇乜地方可用（跟枱會有冰筒+骨桶+長調味料盤+大剪刀同夾），好迫，食得好唔舒服3.所有野食及調味料都勁少選擇，食食下會發現選擇唔多，燒黎燒去都係果幾味⋯另外，蛋糕望落唔同味但食落一樣味同質感，伏！4.尤其係串物同甜品都冇牌介紹，都唔知咩黎5.拎野食嘅碟又淺又細，每次都拎唔得多，要行好多轉6.蠔size偏瘦，又勁多殼碎，食到好像食魚感要下下吐骨出黎感款7.係固定時段食野同離開，唔係睇你幾點入座計時收費果啲，放假都要夾餐廳提供嘅時間食飯🌚搞到好趕原本想淨食海鮮想回本但燒都好花時間燒，比幾舊水係食唔飽嘅😭如果好考慮cp值嘅朋友仔可以諗諗先

流水蝦🦐燒海鮮🐠🐟🦀🦞🦑🐙放題😋原來屯門近新墟仁愛堂附近開咗間燒蝦蝦🦐🦐，屋企人鍾意食海鮮，立即book位試食😋，好旺場，weekend full 哂，只好book 平日放工趕回來。參考食評半好半壞，抱着試試心態，款式ok 多，不但有海鮮（除咗可以自己喺魚缸釣蝦之外、仲有鮑魚、扇貝、青口、生蠔及多款魚及蜆類）、牛肉、蔬菜、丸類、亦有少量熟食可選擇。大部分也新鲜的。有得玩又有得食👍🏻。

一去到門口就見到好多人排隊了，等咗陣終於入到去。嚟到燒蝦蝦，唔洗問都知佢哋主打係蝦！每個座位旁邊都有個養蝦嘅水缸，先由水缸度夾蝦上嚟，再放佢喺冰桶度浸暈，跟住就可以夾上個爐度燒喇🤪 自己一手包辦成個過程，一啲都唔容易㗎，因為佢哋一夾就會跳，唔小心就會彈到自己🤣 佢哋啲蝦真係勁新鮮！食落仲有勁多膏，蝦肉爽口彈牙。除咗蝦，餐廳都有提供各式各類嘅新鮮海鮮任食任拎🤩 有生蠔、青口、鮑魚、扇貝、東風螺、貴妃蚌、魚類等等。我覺得最好食嘅係原條魚，肉質非常嫩滑，大家唔好錯過～ 另外佢哋嘅螺都唔錯㗎，爽嫩多肉。扒類都係超多！我哋拎咗豬排同雞排，因為想快啲熟所以我哋剪到細細塊，燒得啱啱好，肉汁豐富😋 另外仲燒咗廚師腸，但係我一唔留神就燒到黑晒😂