燒蝦蝦 (興泰大廈) (已結業)

未試過比$400食餐飯咁勞氣！😡😡😡～入座持已安排混亂，多人等入但無人排隊！～無大枱訂位時又唔講，帶多幾個小朋友都幾危險！d枱仲要係唔穩，要叫職員先整一大輪！～環境衛生情況差，爐又細，唔知要燒幾多轉？枱已經又細又迫，仲要在枱中間仲要有個桶放垃圾！🤔🤔🤔～調味粉罐入面沒有調味料，叫職員家態度惡劣，仲要講到好似我哋唔啱咁！～攞野食好似搶咁，出面攞既海鮮唔新鮮......！叫職員加蝦，佢話只可加一邊，我地係兩張枱架大佬！乜唔係任食架咩？真係好難理解！～ 仲要提早45分鐘之前截單，不可再取食物，在入座或定位前有沒有說明！～職員態度差，無論要求乜嘢都好似係我地有問題！**今時今日咁既服務態度......，咁唔想做就唔好做啦！以為唔使錢架咩？成4舊水1位架！

今日晏晝淨係食左少少野, 同朋友👭🏻行完屯市之後勁肚餓! 上openrice 搵到呢間餐廳, 晚市開5點, 時間岩岩好! 所以走去walk in, 好彩有位✌🏻。不過都幾多人係開店前排隊, 我再望望門口既價錢牌, 原來7:30前離座的話, 成人每位$338 (加埋1就大概$370左右)。其實燒2個半鐘, 真係好夠。餐廳位置都幾大, 而且每張枱旁邊都有蝦缸?! 而且店員間唔中都會refill一D蝦🦐入去個缸度,包你一定可以夾到蝦。我都係第一次燒蝦, D蝦都幾生猛, 個夾一掂到隻蝦就會逃走😮💨💨。原來夾完蝦之後唔可以直接拎去燒, 要放入裝左冰水既桶入面凍暈佢先再拎去燒🥶, 真係長知識了。D蝦既肉質都爽彈, 而且仲有勁多蝦膏! 有D仲有蝦籽添!除左佢地主打既蝦之外, 海鮮區仲有好多其他選擇, 而且款式都幾多，有扇貝, 蠔, 鮑魚, 青口, 帶子, 蜆, 魷魚🐙, 竟然連原條魚🐟都有。朋友好中意食蠔🦪, 所以每一round都有拎。因為我見有2種蠔, 一種係即開 (但都要燒熟佢先食得), 另一種係連殼一齊燒既, 我就問店員有咩分別啦。佢地就話連殼燒既蠔, 蠔味會出D, 我試完都覺得係連殼既好味D

作為屯門人，開左燒蝦蝦，禁有趣既鋪頭，唔會唔試！一坐低會有份龍蝦、白鱔、牛肉拼盤，三樣都係要比錢先有得追加既食物。白鱔燒完賣相非常吸引，估唔到自己第一次就燒到同日式料理店咁令。龍蝦自然係好新鮮，有膏，蝦肉都非常彈牙。座位旁邊有一排魚缸，裡面就養住d生蝦，夾起之後記得要用冰桶凍暈d蝦再燒，如果唔係就一定會有一陣尖叫聲。自己夾起黎燒既蝦肉自然好新鮮彈牙，但要記得睇火，時不時翻面，禁樣就唔會燒到個殼燶哂。 出面海鮮區係每次出去都有驚喜，因為員工係不停補貨期間會加一d新野，就禁食成晚都唔會悶啦。熟食區有唔同既蝦料理，炸物，冷盤等，飲品區更加有AL代言SOH飲，未試過既呢個係好機會試下。價錢上拍得住酒店自助餐，體驗上係新奇既，兩個半鐘都絕對夠哂，唯一美中不足係張台細左d，如果兩個人去安排到卡位就最好了。

屯門市中心最近新開咗間流水蝦放題，2.5小時任飲任食，環境舒適，食物選擇多。餐廳主打係流水蝦，每一枱隔離都有個大水缸，大頭蝦喺入面游嚟游去，可以自己用夾即夾即燒，生猛又新鮮。每枱仲有送1隻龍蝦、2串白鱔同2份和牛。龍蝦肉爽味鮮，白鱔夠厚身同肥滿，仲有和牛！可惜只有一碟。呢啲冇得仼食~放題方面海鮮種類繁多！主要係貝殼類，元貝帶子成隻手咁大，鮑魚有口感，貴妃蚌、沙白、大蜆、花甲都有得任食而且完全無沙，大隻又鮮甜，食多幾隻隻都已經回本。海鮮仲有原條嘅魚，配上泰式辣汁非常惹味。其他食物選擇亦唔少，由羊架、牛仔骨、雞翼、雞軟骨等肉類，去到雞髀菇、茄子、娃娃菜、粟米等蔬果類都一應俱全。熟食方面就有意粉、炸雞、蒸蝦、雞翼等，怕燒得耐唔想等嘅可以食住先。最後要特別一提嘅係飲品區，連啤酒都可以任飲～

今日入屯門做嘢，約朋友食lunch，佢話新開咗間食店叫燒蝦蝦，好想食，我之前食過元朗分店覺得唔錯，所以緊係冇問題啦！餐廳每個坐位側都有魚缸，魚缸裡有好多游水大頭蝦，朋友第一次食，佢話感覺好好玩。自己在魚缸夾蝦，服務員講解先用冰水凍暈啲蝦，等幾分鐘後放上爐燒。我覺得加埋蒜蓉牛油就更加香。餐廳仲有好多海鮮，都是自助式，魚，蠔，鮑魚，青口，扇貝，蜆，墨魚鬚……。我哋抱住唔好蝕的心態，燒咗好多鮑魚，連金鼓魚都燒二條。服務員送上二串白鱔及二片和牛比我哋，燒好的白鱔好美味新鮮，有口感得來又唔太淋，真係好美味，可惜每人得一串，牛肉都入口即溶又有牛味。另燒烤肉方面就有好多，我哋燒咗雞腎，雞翅，羊扒及魷魚都唔錯。仲有很多甜品及糖水，但太飽了，只好揀我最喜愛的韓國雪條。整餐飯朋友話食得好開心，有得食，有得玩，佢話一定要推介friend來食。結賬每人三百多元，真係超值！

近排新興左一種放題，就係燒蝦😂😂我又趁墟去屯門試吓玩🤣平日夜晚食都勁多人！好彩我有book枱🙈🙈預約仲有鰻魚，牛肉，龍蝦送，所以大家醒水記得預約先去😂😂😂嘢食勁多選擇，除咗有蝦俾你任夾之外，出面有貝殼類，鮑魚，肉類都唔少，仲有蔬菜🥬，真係俾我任拎！唔想食咁多煎炸嘢嘅朋友唔緊要，炒菜，冬陰功湯，糖水食😂真係應有盡有。海鮮都好新鮮，見到店員即刻開蠔😂😂大家好快手拎晒。飲品同雪糕梗係唔會少選擇，連個酒櫃有出名牌子韓國燒酒，同燒烤真係絕配！價錢就差唔多四百幾一個人，同出面食放題差唔多，價錢可以參考以下呢張圖總括嚟講，今次放題體驗都係好嘅，我最鍾意就係勁多海鮮🤣🤣仲要質素唔錯。

熱辣辣又想食燒野食bbq太熱試下呢間燒海鮮🦞 $368再加一即係$405一個人送鰻魚同雪花肥牛其他野食任拎竟然連鮑魚 扇貝同埋好多嘅蜆都係任拎入到去 侍應好仔細咁介紹環境 同埋如何捉蝦活蝦捉上黎雪凍迷魂佢 再燒其實個過程都幾嚇人🙈🙈🙈有大量蒜蓉辣椒蔥 可以加仲有燒法包，金菇同九菜 所有野都好新鮮第二日無肚痛 腸胃測試通過有個位係煮麵有個位係有熟食 同糖水然後 啤酒🍻燒酒係任飲❤️❤️❤️好想食牛肉同泡菜 好似黎錯左地方 比左$810兩個人 唔岩食都幾貴當用左消費卷🙈如果鍾意食海鮮 燒2.5小時 好值得推薦

👅熱辣辣又想BBQ，最好就係涼住冷氣「燒蝦蝦」，主打即夾即燒流水蝦，自助區仲有包裝蠔、鮑魚、扇貝、貴妃蚌、冬風螺等，更有原條大眼雞！逾100款海鮮串燒任燒任食，最平$338一位就可以食足150分鐘，性價比高！🌈提早訂座可享7:30pm前離座88折優惠⭐️每人都會送👍🏻大白鱔一串👍🏻龍蝦半隻👍🏻雪花和牛一份👍🏻HaagenDazs或Dreyers 一杯💁🏼‍♀️餐廳座位闊落，通風系統好，唔使擔心油煙問題！每個座位旁邊都有專屬蝦缸，可以自己親手夾蝦，好玩又好食！不過就要眼明手快，因為d大頭蝦真係超生猛，試多幾次可能你都會成為抓蝦高手！🦐流水蝦燒幾分鐘，加些少鹽調味即可，蝦肉特別彈牙，仲食到甘香鮮甜嘅蝦膏！💫除咗瘋狂食蝦之外，必食推介仲有鮑魚、扇貝、貴妃蚌、羊架、菠蘿等等，印象最深刻嘅係燒白鱔，皮脆肉嫩，魚油豐富，想Encore 嘅可以另外加錢食啦！🍻食完海鮮仲有多款熟食、小食、甜品、雪條，飲品亦選擇豐富，有齊梅酒、清酒、啤酒，仲健康既花茶，真係應有盡有，包你滿載而歸呀！

今日去咗位於屯門新墟附近嘅呢間燒蝦蝦到食流水蝦放題餐廳地方都幾大 被安排坐咗個二人位坐位 隔離已經有流水蝦道 可以任夾新鮮游水大頭蝦大頭蝦肉質爽甜 而且入面仲有蝦膏 真係百吃不厭除此之外仲有個巨型海鮮櫃 上面嘅海鮮都係任夾任食 包括大蜆 東風螺 生蠔 扇貝 帶子 黃立倉 魷魚等等 我最鍾意就梗係食扇貝啦上面加上牛油同埋芝士一齊燒 有拉芝效果 真係勁邪惡呀除咗海鮮之外仲有唔少bbq嘢食都係任食 羊架 牛仔骨等等 真係幾大手筆仲有唔少熟食 乳鴿都竟然有得食

我都想試流水蝦好耐，但之前一直冇去，因為好似去親都好遠，或者喺工廈區先有，但原來屯門呢間燒蝦蝦，就喺屯門市廣場嘅附近，區內外嘅人都唔難去~坐低之前，侍應已經會好詳細咁解釋每一件工具嘅用法，有齊晒生熟碟、生熟夾、放殼嘅筒同埋冰水筒等等，我覺得係十分之細心，能夠好有條理咁專心暴食每個座位隔離都有個水缸，入面嘅蝦都有唔同品種，冇見到反肚嘅蝦，捉佢上黎嘅時候有時都需要多啲耐性同技巧，但呢個就係食流水蝦嘅重點啦，一路玩一路食！好值得一讚係呢度酒水任飲，而且選擇非常之多，連樽裝維他奶都有，真係幾驚喜！雪糕嘅選擇都多，唔會得一兩款牌子呢度都有好多醬料，適合整唔同風味嘅海鮮如果怕唔夠飽，仲有個煮麵角落，除咗出前一丁都有好多泰式即食麵，好開心！呢度有個職員專門負責海鮮部，源源不絕咁開完擺出黎，選擇都多，同埋有幾款都食倒海水味呢度嘅熟食選擇都多㗎，而且仲會定錢換吓款式除咗海鮮之外都有好多常見嘅串燒類食品以一間唔算超級大嘅任食海鮮放題黎講，有咁多野食，真係出奇地抵食！最重要係新奇又好玩, 正呀！

今日同朋友過咗嚟屯門呢邊食流水蝦放題，已經唔係第一次食！場內嘅佈置幾好，自助區喺中間，有幾款炸物熟食、糖水，飲品任飲，選擇真係勁多 連啤酒都有幾款，仲有清酒梅酒任飲，真係岩晒酒鬼。另外就係海鮮，超多款！最最最最最驚喜係鮑魚有任食🥰🥰😍第一次食流水哈放題係有鮑魚任食，另外我最鍾意食嘅蜆都有幾款，仲有蠔、青口，扇貝同埋幾款魚！另外仲有蔬菜區、丸、同埋肉類，見到都覺得滿足。首先每位都會送龍蝦，白鱔！個白鱔真係超正，燒完出嚟個皮好脆，肉質嫩彈，一串真係唔夠喉！食完唯有開始燒流水蝦同埋食海鮮！流水蝦勁生猛，好新鮮！總括來講所有食物質素都唔錯，可以食到咁多海鮮真係滿足晒了。最後留返少少胃食甜品，雖然甜品唔算得上好高質，但係有一兩款都係特別吸引，例如有朱古力糯米糍同埋brownie，出面雪糕櫃都有兩大個 基本上咩雪糕都有，總會搵到啱食，一啲都唔求其。

今日同朋友去咗燒蝦蝦食放題，呢間餐廳我地第一次食過之後念念不忘，今次再黎食過。😋😋燒蝦蝦出名係流水蝦🦐同埋海鮮，有生猛活蝦🦐、原條燒魚🐠。今晚我地食仲有原隻生蠔。🦪之前享日本就有試過，但享香港從未見過放題有原隻生蠔，所以我地都超滿意，生蠔咁新鮮，基本上唔使任何調味都好好食。😋😋其實佢地既肉類都一樣好出色，佢地既原條五花腩🥓好正，原條燒完剪開黎食。五花腩燒到外脆內香，除了肉味香濃，仲有油香好重。配埋啤酒簡直一流。以呢個價錢黎講，燒蝦蝦性價比真心高。我地星期五晚去都爆哂場，所以去之前記得要book位啦😋

疫情下不可以去旅行，有任何新鮮的事物都想去試一試。新開的“燒蝦蝦”有些像泰國出色的流水蝦餐廳，所以很有衝動去試試。吃午市任食任飲餐，2.5小時每位$298，由11：30 - 3：30。每個座位一傍都有長長的缸，已準備好金屬桶及夾子，可以隨時夾蝦。先去拿冰+水，如果直接把鮮蝦放入空桶，因為蝦很生猛，蝦會很容易跳出來的。😆因為我試過，初初不知道要加冰。原來放了之後蝦就會立即冷凍，不會跳動了。每枱有燒烤用的爐，如果是4人位的會大一點。有上下兩層，燒有殼類的食物建議放下一層。食物種類都多，除了新鮮蝦外，還有蠔、鮑魚、帶子、蜆、原條魚。而且供應充足，個人愛吃蠔及鮑魚，應該起碼有6隻。另外燒烤一般都有的這裏也有，例如雞翼、豬扒、牛扒，不同的雪糕及雪條，最愛有榴槤雪條飲品還有Anson Lo代言的飲品

終於今次我哋中午嚟試啦！而家餐廳打電話訂位時確認中午可以任飲任食四小時，我哋即刻book ~屯門店地點都好方便～好啦！店裡啲座位相對比較迫，因為要常常出去取食物係冇咁好，不過抽風系統還可以唔會好烟，我哋一安排座位職員就會放蝦係座位旁嘅水缸所以有足夠新鮮蝦夾上嚟燒，當然之前要用冰桶浸暈佢先！而家訂位仲送每人一串鱔（好好味）及和牛（一般）仲有雪糕蛋撻👍🏻店內有一個位置好似海鮮檔咁俾我哋夾海鮮自己燒，當日就有魚、鮑魚、青口、蜆、螺、蠔⋯⋯等等，仲有一個位置有串燒、菜⋯⋯又有熟食、醬料、飲品（包括酒精和無酒精）、甜品、雪糕⋯⋯真係好多！好彩而家做優惠中午有四小時可以慢慢食～慢慢燒！如果就太趕了，所以有優惠可以一試👍🏻聽聞這間餐廳有邀請網紅試食，連openrice 都以為我哋係唔係試食，我哋絕對係真金白銀自己俾錢㗎！

琴日去咗屯門的燒蝦蝦食海鮮放題，食足2.5小時🤤佢呢度嘅海鮮放題絕對唔係Hea你，有鮑魚、生蠔(仲要係即開)、唔同種類嘅蛤、扇貝、螺、同埋魚，種類非常豐富！肉類就有串燒、丸、菠蘿呀蔬菜啊嗰啲啦。仲有少量嘅熟食，不過我就冇試啦。佢啲嘢飲都好有誠意㗎，有任飲啤酒，仲有隻rosee hoeegarden (好甜，好容易入口，好適合女仔飲)。拎完想食嘅嘢之後就返埋位自己燒，仲可以夾流水蝦。我都成功挑戰左😍一開始好驚，因為啲蝦真係好生猛，一夾佢就跳起，我都俾佢嚇到跳起左！不過夾左幾次之後就覺得好好玩。記得夾完蝦之後要放佢喺冰水入面凍暈左佢先再拎去燒，如果唔係佢就會熱到跳起㗎喇！總括來講，價錢唔算平，每位加埋一大概$400左右啦，不過海鮮份量夠多而且又好玩。我下次會想試吓lunch過嚟，聽講lunch會有八八折， 仲可以任食4小時添😋