燒蝦蝦 (興泰大廈) (已結業)

今日心血來潮想食燒烤，朋友就帶我嚟到位於屯門新開一間「燒蝦蝦」可以喺室內嘆住冷氣有得玩又有得食燒肉。入到餐廳每張枱旁邊都有個裝滿蝦的水缸，蝦非常新鮮扎扎跳夾起之後放喺爐燒，爽口鮮甜。服務員會按照人頭每人有半隻龍蝦，龍蝦啖啖肉好清甜。
餐廳外面有個自助區，放滿多款海鮮，有東風螺、扇貝、生蠔、原條魚和蜆等，好新鮮，燒完之後可以按照個人喜好加入調味料及配料等，好美味！仲有大量豬、雞、牛肉、腸類、丸類及蔬菜🥬等供應👍
汽水和啤酒都是任飲的，仲有大量甜品選擇，多到數唔晒😋
每人大約三百幾蚊可以食到多款海鮮及肉類，質素不錯好抵食，下次會再嚟幫襯👍