更多
2018-03-19
1124 瀏覽
因為老公生日,所以一早做定功課睇下邊到有適合我地既餐廳。難得放低仔女,出黎二人世界輕鬆食個飯,唔想俾西餐廳令我地有所拘束,咁岩見到呢間以和牛燒肉做主題既燒肉放題店,正合晒我地合尺。之前睇到好多留言話呢間店既服務麻麻,令我考慮左好耐,最後都決定博一博。預早一星期打電話去訂座,記得一定要打定電話去訂座,因為見到好多人冇訂座而又冇晒位既時候咁就冇得食架啦,當日我眼見有4次因為冇訂座而又FULL晒所以冇得用餐。而佢地會係你訂左既日子前一天致電同你Confirm booking。一入座就會有職員問要唔要做會員,做會員需要20元,當晚已可享用八折優惠,咁當然做會員就比較抵。跟住就黎食物,以下呢幾款食物由你一入座就會自行送上。刺身拼盤 — 除左海膽之外,其他都可以再柯打,不過我地再柯打三文魚既時候就冇咁靚既腩位,但都一樣鮮甜味美,其他刺身都好新鮮。和牛拼盤 — 食完齒頰留香,而家諗返都仲想再食呀!特別鍾意佢既牛胸腹同埋牛舌,加少少鹽去燒真係好正。海鮮拼盤 — 本人真係唔係好識燒海鮮,燒完唔係太乾就係太燶。一夜干上網睇其實係一種保存魚既方式,你會發現食落偏鹹,我唔太識欣賞。另外,長腳蟹燒完好好味,不過
難得放低仔女,出黎二人世界輕鬆食個飯,唔想俾西餐廳令我地有所拘束,咁岩見到呢間以和牛燒肉做主題既燒肉放題店,正合晒我地合尺。
之前睇到好多留言話呢間店既服務麻麻,令我考慮左好耐,最後都決定博一博。
預早一星期打電話去訂座,記得一定要打定電話去訂座,因為見到好多人冇訂座而又冇晒位既時候咁就冇得食架啦,當日我眼見有4次因為冇訂座而又FULL晒所以冇得用餐。而佢地會係你訂左既日子前一天致電同你Confirm booking。
一入座就會有職員問要唔要做會員,做會員需要20元,當晚已可享用八折優惠,咁當然做會員就比較抵。
跟住就黎食物,以下呢幾款食物由你一入座就會自行送上。
刺身拼盤 — 除左海膽之外,其他都可以再柯打,不過我地再柯打三文魚既時候就冇咁靚既腩位,但都一樣鮮甜味美,其他刺身都好新鮮。
其實食完大約都已經用左個半鐘既時間,但呢間放題好就好在係2個半小時放題,時間充足之餘又唔使趕頭趕命。接著落黎就係柯打環節。
食得太多肉,當然要食下沙律菜中和一下。
蕃茄沙律
溫泉蛋沙律
燒菠蘿 — 唔好笑我呀,因為佢既燒菠蘿實在太好食,咬落好juice,而且食左咁多肉食返d水果係唔錯選擇。
重點一提,店內有啤酒、紅酒、白酒、梅酒、柚子酒任君選擇,淨係飲酒都抵呀!如果唔飲酒既,店內都提供大部分常見既飲品,比較驚喜既係因為鴻星集團,所以店內都有提供樽裝楊枝金露、荔枝飲品。
柚子酒 — 比起梅酒我更愛柚子酒既一股清清的味道
甜品區其實有好多甜品,不過細細件既蛋糕見到都飽晒啦,雪糕都有好多款式選擇,可惜肚子唔爭氣,我只夠位置容納一杯品牌雪糕。
總括來說食物質素好,而家諗起都想再食,不過因為2個人都要9百幾,所以有慶祝活動先再黎食啦!
張貼