燒肉牛蔵 (已結業)

放題]專登過去試試，點知大鑊啦，我肯肯定食過返唔到轉頭。$438only，恆生卡仲有八折，抵食得好恐怖。（折後即係三百幾蚊）每位送一個海鮮盤，有蠔，有“一夜干”，有北海道蟹腳，仲有海膽（睇圖啦 😍，圖張單張有寫送咩）和牛，雖然係用澳洲和牛，但仍比牛角既級數靚好多，好有牛味，入口鬆化，每份都有張紙仔介紹返係咩部份（見圖）。刺生唔係主題，但供應的仍然好足夠食用。飲品，唔慳的，見圖啦，驚喜既係鴻星“楊枝甘露”都係任飲，仲有幾款清酒任飲，仲有啤酒紅酒，多到唔識講。甜品，Movenpick, Dryers雪糕， 同埋韓國雪條都係任食。好耐未試過，成餐飯係忙到爆炸，平時食放題係要 encore 相同款式先食飽晒，但尋晚係，想食的食一次都多款式到食唔晒，需要encore 的的唔多。食過呢間應該返唔到轉頭，牛角早割晚割，盛八燒肉，全部都應該短期放棄了。 呢間強烈誠意推介，特別係星期日晚，及用恆生卡找數（去之前請查返最新係邊張卡有優惠） 講到最尾先話你知，呢間係“鴻星集團”的。 利益申報，本人並沒有持有鴻星集團股份。