燒肉牛蔵 (已結業)

少留食評,係時候對這店向大家說出事實全部今次第3次幫襯出事(第1,2次放工後著是正,服務都正常)每次特色係坐低唔到3分鐘硬上海鮮同牛肉盤後(客人沒點任何食物情況下)馬上提點食晒檯面先再點,感覺小家,生意手法沒太大在意$500/人左右呢個星期第二次幫襯因就腳,可能今次著新而整潔的優閒服,服務態度好差,你會感受到的,哈哈,全程有問不理,無故黑面.等,40分鐘左右,唔見硬上個碟牛肉黎,已落紙少量牛肉後,過10分鐘,經理仔上硬食碟牛肉拎住10分鐘前ORDER紙質問仲落牛? 下,無位擺仲要落? (P.S.檯面只有硬上的食物,沒任何客人落單點的)限兩個半鐘,客人唔清楚無辦法問,只收落單紙.因不想被加料的想法,沒爭吵.之後服務Keep到水準,有提問無回應食物 : 跟價錢相約服務 : 外觀定生死地點 : 方便

約咗老公第一次去食夜晚放題好有驚喜……1. 頭盤魚生 (海膽... 三文魚... 吞拿魚... 帶子.. 甜蝦……) 好新鮮2. 海鮮拼盤 (長腳蟹... 生蠔……海蝦... 貝殼... 魚...) 最鍾意食條魚 極力推介3. 澳洲和牛 本人最愛西冷😍同埋肩脊😍 另外仲有天婦羅等等等等等嘅嘢食非常非常豐富任飲紅酒、白酒、清酒啤酒及汽水 另外有雪糕同埋甜品因為實在太豐富 非常滿足 食咗一set 頭盤已經飽飽 最後嗌埋個天婦羅同埋炸榴槤 簡直滿足滿足滿足到極點現有優惠 如果有恆生信用卡有八折 四人同行一人免費

在朋友FB 照片中看見了這食店, 給自助式的飲料包括幾種日本酒吸引!!馬上在OpenRice 起它底! 有很多好平,食物超吸引昨晚終於與姐姐試試! 服務員很是細❤️，先預告什麼信用咭有85析, 可惜無! 但馬上加入餐廳會員有9折😬Ok...首先店員已告之有幾種食物會送過來，可以暫時不用點餐! 好在聽話, 一盤新鮮魚生包括2 件新鮮海膽, 一盤海鮮及精彩的🐂不同部位!! 真是很超值的食物乃服務水準由於送來的美味食物已太多, 已沒有再點歺⋯⋯但真的很喜歡用一個超合理價錢吃到咁多種牛, 海鲜, 魚生, 飲料,甜味😋😋謝謝你的存在藏牛及工作人員! 加油啊！

搵咗好多間， 都搵唔到食咩。無意之中見到呢間餐廳， 就入咗去食。企出面個reception姐姐， 係木獨 咗少少。入到去環境幾好呀， 服務員態度 都好好。。 都有耐心解釋點樣食啦！喺邊度攞嘢飲啦！ 佢會提醒你第一轉呢乜嘢都會有得食嘅， 會叫你唔好咁心急便嘢食住。 當食物嚟到，佢會逐樣介紹話畀你聽大概啲嘢點樣整。 佢見到你整得冇咁好，仲會出手幫你添。 整體服務係幾好㗎。去到攞嘢飲嗰度會有個姐姐， 話俾你聽啲儀器點用。講到食物就非常之好啦…… 刺身新鮮甜美， 牛肉真係好好味， 海鮮呢就差少少。

一入去，立即點了碳烤蠔、蜆、蟹腳、元貝、大蝦……已經夠滿足。食材上乘。海膽及帶子好夠鮮味，甜蝦文魚吞拿魚也很新鮮，令人回味無窮刺身材料一流，真係要讚下。食左咁多，主角牛肉終於登場。澳洲和牛當然入口即溶，美國穀飼牛也不遑多讓。美國牛肉的味道確實充滿牛肉鮮味，非和牛能取代。牛舌也很嫩～再來的雪花豬腩肉。雖然燒後很香，但只可作為配角，而且吃下去感覺較肥，所以不能與牛肉同日而語呢。

尖沙咀星期日中午食飯處處人山人海，又估吾到尖沙咀 i square 六樓D餐廳間間都有位，行來行去终於搵咗間日本餐廳食午餐。呢間餐廳專食和牛同燒肉，有放題或午市套餐。見套餐亦有烤肉可叫，而價錢只是約六十至九十元不等，所以選擇咗套餐。餐廳分兩邊，一邊食放題，一邊食set lunch 。set lunch嗰邊好多位，主要以卡位為主，地方都好闊落同舒適。套餐除了主菜外，還有前菜，御飯，味噌湯和汽水。我們選擇了三個日式烤肉套餐：醬汁雞肉，櫻花團腩片和三色烤肉（牛肉、雞肉、豬肉）。前菜是醃漬咗的螺肉，幾惹味，但略嫌汁太稠。味增湯一般，但都OK。最初以為套餐烤肉的份量唔會多，但如果以一人份量計都算多。D肉醃得好入味，味道都唔錯，腩片則沒有醃的，脂肪分佈都算均勻，燒完食唔覺肥。整體而言，食材味道滿意，環境滿意，服務滿意，價錢更滿意！

澳洲和牛：西冷，肉眼，胸腹 除了和牛肉眼吾好食之外, 其他都好食! 刺身拼盤, 除咗海膽得一客外, 其他刺身任食! 啲刺身, 海膽, 呑拿魚赤身, 油甘魚, 帶子, 超新鮮! 甜蝦大隻又鮮甜! 北海道蟹腳, 就麻麻地! 北海道一夜干, 好味!對於喜歡飲酒黎講, 最重要當然是飲之放題啦！包括有梅酒, 清酒, 紅/白酒, 啤酒, 不過覺得當晚的清酒不是太好飲! 紅白酒就未試, 一次一定再黎試!

餐廳職員服務態度極差！限時2.5小時自助餐，因餐廳座位設計失誤，以至有幾位朋友未能自如地進出取食品，隨要求經理轉換至隔鄰座位位置，但回覆卻是，其他位置給別人訂了，難道我們沒有訂位子？本來與朋友興生，蛋糕已買了，亦願意付切餅費用，但卻換來極不愉快感覺，非常掃興，結果不歡而散，最後一行人決定轉場，以後亦不會再考慮到餐廳用膳！當初有朋友介紹，雖然覺得自助餐價錢不便宜，每位$498，各人亦希望一嘗，但原來係錯誤的決定！

服務態度非常差， 惡劣！我都未試過寫食評！！呢間公司啲員工真係好無禮貌！客人飲酒，飲到面紅紅，你地位經理仔大大聲聲話啲酒無貨，叫啲同事唔洗refill。（其實我地已經見到係放酒下面個雪櫃有存貨）仲要勁無禮貌同客人講：小姐，有咩幫到你架，你想點樣架。你飲啖水好過啦，你塊面咁紅，我怕你中酒毒丫，到時要幫你call白車就唔好啦！！咁樣講係咩意思？！大開門口做生意，野飲明明任飲，又要特登唔refill。仲要勁無禮貌咁咒個客人！真係食到一肚氣，比錢買難受！

話說今日千里迢迢由中環去isquare 食lunch 因為唔使淋雨，第一去試牛藏，都抱著期待心情。一行六人，我就叫了一個最簡單的鐵板牛肉雜菜，以為實無死，點知中晒伏，其他人食完，我份餐都未上，催左三次，個個話去問下都無下文，最後一次都等左足足20 分鐘先同我講 仲要等多5-10分鐘！我唔明係無曬鐵板定牛肉未解凍定雜菜未洗，一個咁簡單既餐等了半個鐘！最仲解釋係多人點，漏單就認啦！上到黎d 牛肉同菜都唔夠熱既！

今日係我同男友週年紀念黎試下食和牛放題～嘩～無諗過正！正！正！和牛真係超水準～唔多食豬嘅我，覺得佢地嘅日本豬超 juice 👍👍👍👍👍👍👍👍👍👍正有小量海鮮同幾款和牛～～刺身都係好正！特別係油甘魚～帶子！飲品～我淨係見到酒類😍😍😍～有柚子酒～紅白酒～清酒～啤酒～綠茶酒～太多飲品啦～每樣都唔錯～～食品款式唔多～但質量真係無得輸～值得再黎！！！服務都好細心～不過有人教導～～好細心～

係isquare睇完戲 發現呢間燒肉和牛放題好似唔錯 於是就入左去食入坐後店員隨即安排頭round食物 頭round食物亦非常豐富店員服務好好 而且卡位敞闊舒服仲有個好大既飲品區 梅酒柚子酒紅白酒同清酒都係任飲 價錢稍貴但質素絕對唔差

去了iSquare睇戲，友人選擇了在同層的這家店吃放題。原因甚簡單，食評不錯，而適逢有放題優惠，更重要係任飲紅酒、白酒、啤酒、梅酒及各類清酒！一到埗，職員便帶我們介紹一下任飲的地方，給簡介一下不同的清酒、梅酒等，亦歡迎我們先試飲。結果我們也很喜歡「角玉梅酒」，亦同時倒了兩酌其他的日本酒。當然少不了就是喝Asahi啦！回了枱不到一分鐘，出乎意料之外地，很快便陸續送上第一輪食物！送上的刺身很新鮮，同時送上的燒肉也看得出絕不求其！刺身拼盤每人有兩隻甜蝦、兩件三文魚、兩件油甘魚、兩件赤身(Tuna)、同埋一件絕不欺場亦無腥味的海膽！值得一讚的是，用的Wasabi是鮮磨的那一種，感覺上已經覺得好抵！牛肉有4款，每人有兩件；豬扒一件（好味）；五花腩每人兩件；一夜魚干每人半條，加一件帶子及鮮蝦！好味～我哋有加其他熱食，包括誠意之作嘅「泡菜豚肉鍋」，豚肉份量不算少，亦有配菇、粉絲、豆腐及菜，味道亦不會辣，正！亦有點南瓜、番薯、冬菇天婦羅，熱辣辣的到來，亦有配汁俾我哋，味道唔錯。食物有水準，飲品種類多，招呼都好好，限時食2.5小時，由於有信用卡推廣優惠，八折後每人$448，性價比高！一定會再去！

琴日經過isquare 去7樓睇戲, 見未開場 周圍逛下 無意中 俾我發現到呢間 唔係咁起眼嘅燒肉放題.. 喺門口攞咗張單張睇 又好似好 豐富喎店員好好人 仲邀請我入去參觀下飲品甜品區有 三款日本嘅梅酒有兩個sake仲有紅白酒有多款蛋糕有movenpick雪糕多款飲品仲有個新奇又好玩嘅自動啤酒機tim大家冇眼花 淨係個飲品區真係咁多嘢飲嘢食好似酒店自助餐咁 雖然我未去食 但係見到個飲品區 咁豐富 我一定會去幫襯.. 淨係飲都抵呀, 呢度個環境都幾適合一班朋友傾下偈飲下嘢咁 一定會去試

我本身係非常中意食燒牛肉既人黎第一次食呢間 牛肉方面都幾多選擇有貴有平 適合唔同人 呢樣幾好裝修好靚 成間餐廳燈光偏暗不過座位夠光 唔會暗到睇唔到啲肉熟未座位夠私隱度呢樣幾好叫左好幾碟牛肉 全部都唔錯 有牛肉味 新鮮既唔會太韌咬唔開當然都要睇返燒得有幾熟啦蕃薯同多春魚就正常牛油蒜實在太好食不過其實無咩特別 只係我個人好中意食咁解姐雜感天婦羅漏左單黎到熱辣辣既 天婦羅蝦好好味面頭炸到脆卜卜 入面隻蝦係生既 又爽口其他都無乜特別牛肉每碟份量都好少 所以可以叫多幾種試下男仔朋友嫌唔多夠飽 本身想叫多個冷烏冬點知賣晒 放棄左野飲份量都偏細杯 真係唔多夠飲呀而且仲係燒肉呢啲食物會特別口渴整體食物飲品份量偏小 其他都幾好