燒肉牛蔵 (已結業)

好耐冇食燒肉了，心血來潮想做下食肉獸，朋友話依間網上好有人氣，我地一於去試下。餐廳環境唔錯，係一格格卡位，好岩同一班朋友黎聚會。一開始先送上刺身盤，睇起黎好新鮮仲有海膽，個人覺得帶子同甜蝦係最好味，夠肥美同鮮甜。肉未到去拎下飲品先，酒類除左啤酒仲有清酒同梅酒，梅酒淺嚐一下發現幾好飲，好香純好簡入口。另外有氣水、茶、果汁，驚現碧泉檸檬茶，好耐冇見穩唔住飲左兩罐。牛肉先黎一盤有幾個唔同部位，牛肉點少得和牛呢～雖然唔係日本和牛，澳洲和牛都唔輸，油脂分佈均勻，口感嫩肉味都濃。我最愛嘅牛舌都冇令我失望，厚薄岩岩好，燒幾下就食得，爽口彈牙，食十塊都唔夠喉😋燒到甘上下黎盤海鮮轉下味道先，海鮮都唔錯，最驚訝係成條一夜乾自己燒，味道岩岩好唔會好咸，魚肉都鮮甜。最後更係要食返個雪糕先走，種類幾多下，Movenpick一定唔可以少😊一邊燒店員都會主動黎睇下我地要唔要幫手，同埋抽風系統幾好，食完出黎都唔會好大煙。

呢間一句總結：高質燒肉放題肉類唔係多，唔會有各種唔同味道選擇，但真心高質！枱面有七味粉同埋岩鹽可以自己調味一開始會俾你試晒d牛同豬， 但你都可以提早講唔要，自己點。牛花好靚，我覺得最好食係和牛西冷同肉眼。澳洲牛同日本牛唔同，比較重牛味但相對無咁稔，但呢間的和牛真係好得，唔韌又有牛味。最抵係之後encore的牛都維持到質素米澤豚西冷同腩肉都幾好， 我加埋泡菜一齊食 即刻韓風晒送左一盤海鮮：一夜干自己燒見到d肉都覺得juicy。職員見到我燒，會教我先燒d魚皮幾helpful刺身盤： 帶子同油甘魚都好好食肥美呀另外一個回本位係呢度有得飲紅白酒同埋日本酒梅酒幾好飲，易入口甜品有任食movenpick 同haggendazs 另外朱古力麻糬都幾好食

放假緊係要出去行下啦，果日有廣場搞折扣活動，有大收穫完畢後就去左第二到搵野食，我朋友一早book定食烤肉午市放題。呢間烤肉店一直都有好多人食，而且上網睇過好多人都話好好味，我地都抱有好大期望，當然最後亦都無呢我地失望。出面有飲品吧，有好多飲品可以選擇，除左有果汁、茶類飲品外，入面有日本清酒、梅酒、啤酒任飲，鍾意飲酒嘅朋友仔一定最岩喇。野食好快就到，刺身、海鮮同烤肉拼盤望落都夠哂吸引刺身相當新鮮，海膽好鮮甜同creamy ,同我係日本食嘅一樣好味，三文魚、油甘魚刺身，件件都有一定厚度，食落口非常有口感。帶子白雪雪，嫩滑鮮甜。一路食緊刺身嘅同時就燒海鮮食下每隻鮮蝦都大大隻，蝦味濃郁，蜆亦都好鮮甜可口，經過燒烤後，仲有一陣煙燻味，好香口。到主角之一嘅烤肉拼盤有澳洲和牛任食，性價比都幾高，和牛油脂分佈都好平均，雪花紋好靚，見到都要先「手機食先」，烤肉中最令人陶醉嘅時候就係燒同食牛肉燒到五至七成熟就岩岩好，澳洲和牛無論肉眼、西冷定胸腹都好好味，除左有牛味香濃之外，而且入口即溶，非常嫩滑。食到飽飽地，燒菠蘿消消滯先，新鮮菠蘿燒到金黃色就可以食喇，味道酸酸甜甜幾開胃。最後食埋杯Dreyers 抹茶雪

*** 係依個尖沙咀地段，依種高質食材，依種優質服務，咁親民既價錢，真係好抵！！！ *** 驚訝地，一枝枝紅酒白酒任飲，重要唔係平價酒黎！！！又有日本清酒，啤酒，喜歡飲酒的朋友飲多兩杯都值回票價了！！！ ***一開始會先上首輪的肉跟海鮮船還有刺身拼盤，一開始三樣野就放曬係枱，每一碟都有擺設過而且又有乾冰霧煙效果，成件事變得好有氣勢，真係要相機食先！！！***店員很有禮且笑容滿臉，還會貼心的代勞燒肉燒海鮮等，說實話他們燒出來的肉，生熟程度拿捏得很好，肉特別嫩，蠻專業的，又會教我們灑那些岩鹽其實正確做法是灑落燒網上然後再放食物燒，岩鹽會更平均咁依附係食物上！！！*** 是日最喜歡的莫過於豬腩肉同豬冷，真係好好食，簡單d又直接d黎講“豬真係好有豬味！！！哈哈*** 甜品除櫃子裏的雪糕雪條，還有細細個的cake，選擇蠻多！！！

秋風起，除了打邊爐之外，燒肉都是一個不錯的選擇~ 如果想食靚肉，散叫的餐廳一定會好貴，鑒於今次想又食好啲，所以去了這間標榜有澳洲和牛任食的燒肉店。位置方便，就在isquare，門口都好有feel~店內座位其實不多，每張枱都好闊，枱與枱之間的距離夠大，而且不少座位都有屏風相隔，私隱度不錯。也因座位哂係好多，在成個場最多人的時候，每次出自取區仍然很少人，係舒服嘅。呢到的特色就是有很多款不同的酒任飲，啤酒、白酒、清酒、梅酒都有，我只試了在最邊邊的一隻梅酒，佢total有兩隻的，不過我都唔識分，我試左呢隻的酒精味唔算好重，淡淡的梅香和微酸的味道，適合女孩子喝，個名就在下面照片尋覓啦😝一入到去，經理就同我地講可以去自助區拎飲品，而我除了拎左枝解茶同試梅酒之外，見到一個甜品雪櫃同冰箱當然都唔可以放過要去望望啦，甜品細細件，款式都幾多，包括有幾款大福、泡芙、朱古力撻、榴連糯米糍，我試左幾款，比較推薦泡芙和朱古力撻，特別是朱古力撻不會過甜又夠滑。一開始坐底係唔洗寫單的，因為有幾盤拼盤會陸續送上來，包括魚生、海鮮和最期待的肉肉拼盤！😍魚生同海鮮拼盤上來時都有乾冰加持😂先講盤魚生，only第一輪有海膽，不

一直都好鐘意食和牛 今次呢間高質任食和牛燒肉店就可以清足我既願望啦雖然四百幾蚊唔平 但可以任食和牛 movenpick雪糕 任飲sake 梅酒等等 性價比都唔錯既五點半到餐廳食早場已經好多人係度等緊入座 真係好受歡迎呢度movenpick 雪糕種類都好多 有足五款 連平時放題少見既panna cotta& maple walnut 味都有餐廳裝潢都好和風 空間幾闊落 坐得幾舒服店員會先每款送上少少試下味先 包括牛肉 豬肉 刺身 海鮮遲啲就可以專注點鐘意既款式而肉類整體都唔錯喎 唔係每款都一樣味或一樣口感我就鐘意牛肉多啲 尤其是 美國穀飼牛 澳洲和牛肉眼 和牛胸腹 牛味相對都最出 而咬落質感都出色啲 建議大家唔好燒好耐 咁先會保留到肉汁可以任食呢幾款好味和牛真係好幸福海鮮有好多種類 包括蠔 蟹腳 青口 蝦 等 全部都好新鮮 都幾鍾意 尤其是燒魚好好味 味道鹹鹹地 但肉質都幾厚實 有口感 推薦 不過要小心燒 魚肉個邊好容易痴住個網刺身都好新鮮架 雖然唔係放題店 但刺身種類都唔少 而且仲會根據人頭上適量海膽 可以包紫菜食三文魚好肥美 帶子又大粒 油甘魚都好味 特意encore 左兩轉店員服務

ISQUARE樓上美食雲集我諗大家都知，今次想介紹一間優質燒肉店。重點係佢有多款清酒，梅酒，紅白酒及啤酒等任飲，喜歡摸下酒杯底既朋友岩哂放題分兩個時段 17:30 / 19:30我同朋友訂左17:30, 去到即刻可以入座。座位都幾寬敞，空間感多，唔逼夾。清酒可以選擇暖飲清酒及梅酒，可以加冰享用。仲有紅白酒我每款都試左少少，最中意都係較甘口既清酒。我個人覺得燒肉同清酒係最佳配搭因為清酒可以將燒肉既油膩中和，邊食燒肉邊飲清酒就無咁滯。呢個豚肉真係超讚呀本身我唔係食太多肉類既人，不過佢呢個豚肉脂肪比例極好，燒出黎肉質好軟，一d都唔韌，唔會太肥膩，但又食到油香味，好正重點和牛有澳洲和牛西冷，美國穀飼牛，牛胸腹，牛舌等等。我個人比較中意和牛西冷，入口好軟熟，牛味重，油脂味濃，真係好好好好食呢個海鮮拼盆都好有睇頭原條魚，大蜆，海蝦，帶子，青口，長蟹腳等等整體都好新鮮。不過條魚就普通d,魚肉好散，味道一般。雜菜鍋熱辣辣，豆腐滑嘟嘟，啖湯都好甜刺身拼盆亦唔錯值得讚既係八爪魚，好靚好爽口彈牙，鮮甜無比一邊燒，間中店員會主動幫我地燒下，剪下d肉，都幾貼心食左咁多肉，當然要燒下蔬果類清清腸胃總體黎講，呢個價

雖然信用咭有8折 ，但折後每位都要$412，入座時段只得5:30pm或7:45pm可選擇，否則每位要俾多$45(折後) 享用2.5小時放題。個人認為，入座時間不理想，第一輪太早，下一輪又太晏，我嗰日因為家庭聚會，要俾多幾百食多半小時又唔抵。食物雖然話是澳洲牛和，但又無什麼特別，甜品太少選擇，而因時間太趕，食得太多肉，最後只覺得「制」和「漏」。

當你食過靚的和牛燒肉之後，打開了高質燒肉的大門後，一切都回不去了。燒肉牛蔵用上會員優惠之後，一人要$447以佢的牛肉質素，是比較靚，未至於好靚。只算是對得住這個價格。牛肉沒有驚艷之感，只是在量與質之間取個平衡。反而有sake和梅酒任飲，甚質素是比較出色。首先上來的一盤海鮮。蜆非常多沙，蟹腳亦極少肉，好冇誠意。配上所謂「一夜干」燒魚，燒完淡而無味。（有食評竟道這是喜之次，我想請他先search一下喜之次是咩魚咩價錢如果是喜之次，一定大大隻字寫在額頭上。正如佢和牛都用紙大大隻字寫明係和牛一樣。）牛肉方面，澳洲和牛西冷是我的推介。品質上未算好出色，與日本和牛冇得比，至少吃上去沒有看上去那般出色。另外有一點好重要，黎食和牛放題，就不要把quota浪費在又老又韌的豚西冷上豚西冷(左)（切勿讓神智不清的朋友亂剔，以免冇人食，浪費食物。）常規配備 : 菠蘿和菇除了有Asahi啤酒任飲之後，有3款清酒和梅酒任飲。有酒標寫明來歷牌子，適逢是次的飯腳都是酒鬼，喝得盡興。每款都嚐了一下，個人偏好甘口。覺得香醇梅梅酒不錯。不得不說，刺身品質是好的。新鮮肥美，個人推介是油甘魚。頭一轉送的海膽就比較平庸。Ｍove

平常很小食燒肉 今次同友人去食燒肉放題 用澳洲和牛主打肉眼 建議先學會火爐操作 慢火燒烤 我們一開始火力太大比較麻煩😡 第一轉肉一般般 第二三轉學會控制火爐燒肉肉質變好食 食物不錯 只是服務員欠缺講解火爐控制 但問題不大 滿意的一次燒肉體驗

這間放題所有牛肉，豚肉，刺身都非常新鮮美味，還有很多酒類及各款飲品提供，加上 Movenpick雪糕任食大胃王&嗜肉系人士絕對要來最好是平日一班男人放豪食放題至為最抵，既無限時任食，食得多又可以盡情舉杯暢飲小貼士： 星期六或日只得兩小時，趕頭趕命並不建議；拖小朋友或細食女士亦不建議。建議全叫貴價和牛和刺身，再飲酒和雪糕，豬扒或麵類太易飽便可免則免。

一黎就一大盆和牛，不同種類，澳洲和牛西冷＆肉眼，美國稻飼牛，牛舌及和牛胸腹。牛味都重，好味😋食食下又攞盆海鮮拼盆，有條魚（同事話是喜之次）都幾好味，帆立貝（一般新鮮），蝦，蟹腳（本人覺得不太新鮮，腥腥地） 。又食食下，又攞盆刺身來，有三文魚，油甘魚甜蝦，八爪魚，同埋有海膽，刺身都算新鮮，海膽都幾甜。出邊有個飲料自助吧，有清酒，梅酒，啤酒，仲有汽水其他飲品。都不錯。甜品都有雪糕，有幾隻M字嘅雪糕俾你揀。佢比你的拼盤食完之後，你仲可以自己order其他食物，好似刺身，會有吞拿魚，有天婦，或者叫返頭先之前食過嗰啲食物。總結今次嘅食物，款式亦都算多，牛嘅種類都多，天婦羅脆，好吃，刺身新鮮，海鮮一般。服務有待改善，原因是：入座沒有講明是食到七點半。到了七點半時，話給5分鐘我們完成食物，就叫我們離去。可以做得更好！同事有會員卡，有八折，抵好多。

偶然的機會，可以一嘗和牛放題。早一星期，朋友已經book左枱。558蚊的和牛放題，豪食一次。坐低一陣，就已經黎左一個牛拼盤。有唔同種類既和牛。個人覺得西冷幾好食，但相對脂肪多少少。和舌爽口，但建議大家唔好燒太耐。仲有一盤燒海鮮，我就冇食蜆，因為燒完係有沙係面，食唔到。青口鮮味。仲有魚燒，以上係錯誤試範。我同另外朋友都認為燒肉先，隔一陣，侍應提我地原來要燒左魚皮個面先。燒起來都幾香口。肉質偏實肉。仲有魚生拼盤，有幾種魚生，都新鮮。以上大部分既野食都可以encore，係任食。餐廳有個area，係自助飲品部，有紅白酒，生啤，梅酒，清酒等。。。其他普通飲品另外，都有甜品區，有雪糕，雪條。。。但我係食唔到m字頭雪糕，因為到9點幾已經冇晒，連梅酒都冇晒。總結，牛，魚生好食。但建議大家想飲梅酒類或者其他酒類，早少少拎定。因為到9點已經冇咩。而雪糕，都盡早拎。餐廳都應該正視問題，有不少朋友都係見有任飲酒而去，所以希望有改善。最後，因同行朋友有銀聯卡，所以有8折優惠。

今日係兒童節，童心未泯的我約埋三五知己到尖沙咀食燒酒放題晚餐，因為book左位，去到都即刻可以安排入座。朋友負責點食物，我先去取飲品，走進飲品區，發現好大好多選擇，除左一般的汽水、果汁，仲有各式各樣的酒，而站崗的店員都話「酒都係任飲嫁」，覺得好興奮，所以都飲左少少清酒同梅酒。我一返埋位，就有一隻麵包蟹，立即放入爐烤，都需要一段長時間先烤熟~同時，又有一大盤刺身送到。所有剌身都好厚身，三文魚、帶子都好鮮甜，最重要係有人間美食海膽，包著紫菜一起吃，入口即化的，好甜好滑唔腥。仲有海鮮拼盤，有蠔, 蜆，見到都覺得正，隻隻大大隻。食肉獸點左好多肉，有得任食和牛，D 牛種類多到記唔哂D肉係咩味，淨係記得全部都好新鮮，好有色澤，肉質厚，牛味濃。雖然貴就貴D, 偶然一次半次當賞下自己~

星期日夜晚嚟到呢間燒放題，飲品包羅萬有非常豐富酒精類飲品尚多！紅白..生啤..Sake ..除咗汽水之外仲有多種不同嘅冇酒精飲品！雪糕仲要係最正嘅M字頭🤩一定可以不醉無歸！到刺身方面，非常鮮！而牛肉方面真的多選擇，甚至乎普通的炸物，也做得好好！當然啦比得呢個價錢都應該要有返一定水準！