燒味滷師 (德慈樓) (已結業)

《CP值極高靚燒味 🇭🇰》———————————————#燒味滷師 👩🏻‍🏫-老師級燒味檔開咗慈雲山新分店，今次咁啱經開，見到咁靚仔又新鮮，就買咗個燒味全餐，斬料加餸返屋企🏡-一嚟就比佢個街坊親民價玫瑰豉油雞吸引咗，大大碟超級抵食，肉質嫩滑不嚡口，爽彈入味，食落好有雞味🐣-至尊燒鵝聽講係招牌菜，燒到皮脆肉香，骨細肉嫩，鵝皮好juicy😍配搭埋醬汁，襯托出鵝油香超正～-仲斬咗半斤燒味佬叉燒，肥瘦均稱，十分腍滑，用咗秘製醬料醃好再燒，調味啱啱好，色澤亮麗，甜香惹味😆-另外追加咗個海蜇燻蹄，冷盤非常開胃，口感清爽，又有嚼勁彈牙，絕不油膩😌-或者價錢未必是最平，但性價比極高，質素好唔錯👍🏻而且呢間鋪比一般舊式燒味店乾淨企理又光猛，感覺衛生整齊，係而家疫症期間尤其重要！-⭐ 參考價錢︰至尊燒鵝上莊：$110燒味佬叉燒半斤：$50玫瑰豉油雞半隻：$30海蜇燻蹄：$36🍌 抵deal 指數：8/10-📍 燒味滷師︰慈雲山慈華里4-14號德慈樓地下C號舖☎️ 2525 3022⏰ 星期一至日08:00 - 20:00

慈雲山毓華街附近街市、食肆林立，日常都非常熱鬧。這天來這邊吃過午餐，行行逛逛便在慈華里見到這間「燒味滷師」。站在店舖門外查看了一會，發覺都有好多街坊光顧。店舖裝了一塊大玻璃，可以清楚看到師傅斬燒味的過程。師傅用黑棕鵝塗上調味再燒香，上庄雖然不是髀位，但仍然皮香肉嫩。鵝肉燒得入味，配上酸梅醬更是一流。（後來上網查看有關燒味店的介紹，舖頭用風機取代風扇去風乾，感覺更加衛生。）一向喜歡吃叉燒的筆者，甫打開發泡膠盒，已被叉燒的賣相深深吸引着。叉燒燒到令身，肉質偏瘦，食落juicy重麥芽糖的香甜味。叉燒邊燒到燶燶地，有脆身口感。雞肉非常嫩滑，店員會再給予一小袋豉油，令豉油的香味再次提升。而且比較欣賞師傅把雞件切到大小平均，一啖飯一件雞剛剛好。最後買多一個海蜇燻蹄冷盤，海蜇脆身又重麻油香。無論佐飯又或是小食都不錯。

玫瑰豉油雞🐔呢間真係性價比高街坊抵食價😃哇呢個雞真係好滑😛😛個雞都好重豉油味😊同埋佢無咩血水🤣🤣🤣但係又唔係overcook wo☺️肥瘦都合適😃最開心有雞翼同埋雞腿🤣🤣整體都唔錯燒味佬叉燒🐷呢個好食個點🤣係真係半肥瘦😆肥膏比例啱啱好😉同埋佢切到細細件所以食得好爽🤪同埋佢d 蜜汁都好多😁撈飯一流至尊燒鵝🦆呢個人鵝真係喜出望外😄皮脆肉滑🤣個口感都ok 同埋唔算非常鹹😊佢連d 骨🦴都入曬味😆加埋d 酸梅醬真係perfect海蜇燻蹄🐷呢個最鍾意就係好多芝麻😆所以有2個口感🤣🤣🤣同埋海蜇都爽口☺️不過偏重口味🤣🤣🤣不過有dd 酸甜醬就中和返-

今日去慈雲山搵fd食飯 之前長沙灣食過燒味滷師 覺得好好味 咁決定去附近嘅慈雲山分店加送斬料 😍 呢間分店唔係開咗好耐已經勁多人排隊 一定係區內有相當高嘅名氣 1️⃣至尊燒鵝1/4隻1/4 隻燒鵝份量都好多 燒鵝鵝味濃多汁 肉質唔鞋 幾嫩2️⃣燒味佬叉燒(約半斤)叉燒肥瘦啱啱好 有少許焦香味 好juicy 蜜汁味道唔錯 3️⃣玫瑰豉油雞(1/2隻)份家份量又係勁多 雞好入味同好滑 4️⃣海蜇分蹄海蜇口感爽同彈牙 分蹄都好彈牙 配上酸甜汁好味

今日上親戚屋企食飯 最方便得體就一定係斬料加餸招呼大家 行經呢間燒味店見唔少人排隊 原來係新店開張有優惠 於是我都湊熱鬧🤤🤤至尊燒鵝(上莊)燒鵝真係大大隻 啖啖肉 而且鵝肉味濃 我尤其鍾意食邪惡嘅燒鵝皮 充滿油香 送飯一流 不過美中不足係下莊賣曬 上莊唔係髀位 肉質就冇咁嫩滑燒味佬叉燒屋企老人家比較多唔想食咁肥 我同燒味佬講要半肥瘦偏瘦 所以呢舊望落會比較瘦 但肉質仍然係好軟腍 不過就較為乾身老師傅燒腩仔 燒味入面我最鍾意就係乳豬 其次就係燒腩仔 呢度嘅燒腩仔外皮燒到脆卜卜 一層肥一層瘦 食到我lamlam脷 客家鹽焗雞半隻呢款做緊新店開張優惠 $30半隻雞真係抵到震 鹽焗雞肉質尚算嫩滑 就算係雞胸位都唔會韌 而且份量都幾多 大家趁新開要去食雞喇🤭今次係斬料加餸 但見到燒味飯都幾經濟實惠 掛得知咁多街坊排隊買 住慈雲山嘅街坊又多個斬料好地方🤤

長老們突然殺到，加多雙筷講就簡單🙈唯有斬料加餸！燒味就係最好嘅選擇🤔之前經過見到呢間新開嘅燒味滷師，成日都有人喺門口排隊，一於試吓啦！買咗燒鵝上庄、半隻鹽焗雞、燒腩仔同埋我最愛嘅叉燒最正嘅就係個燒鵝（$110）皮脆肉嫩，啖啖肉，唔會太肥，仲俾咗三包梅子醬，正另外，燒腩仔都好食喎 （半斤$54）個皮介乎脆與唔脆之間，但係味道啱啱好，唔會太咸，四層分明，好味😋至於鹽焗雞$30 唔係都算嫩滑，唔會太肥，連雞腳都好入味，仲俾咗沙薑汁，算係唔錯啦叉燒 （半斤$50）不嬲係我最愛，俾咗半肥瘦我✌🏻不過略嫌蜜汁唔夠香甜，下面嗰排仲係橙橙地色整體來講都係好食嘅，價錢公道啦！邊日唔想煮飯，都可以過嚟加料！見到Banner 寫住雙併飯$22一盒，抵呀，搵日試吓先切靚佢，見得人啦

#慈雲山 #燒味滷師 🇭🇰🍚《逆市價親民燒味 單雙併飯一律22蚊😳》前排已經見到唔少foodie介紹...呢間喺長沙灣嘅燒味店✨✨大sell有資深燒味師傅主理同親民價錢🥳咁啱去開慈雲山做完嘢 見到佢哋開咗新分店！下晝5點幾 已經好多街坊排隊🤯一於買返幾盒返屋企加餸try try (⁎⁍̴̛ᴗ⁍̴̛⁎)-🔸燒味佬叉燒🐖 ($𝟻𝟶)用咗梅頭肉位置~ 之後有再焗返熱 肉質仍然好軟腍🤩 而且調配嘅麥芽糖醬汁唔會過甜同黏口😋 即刻扒多幾啖飯🍚 大推✨🙌🏻🙌🏻🔸老師傅燒腩仔🐖 ($𝟼𝟺)皮都幾脆 肉質軟熟唔會乾嚡😳 同埋發覺唔會好鹹👍🏻！平時街市買嘅都又鹹又乾 食淨嘅燒肉拎去炒餸鹽都唔洗落🥲 呢個感覺健康咗仲可以點返芥末食😆🔸至尊燒鵝(上庄) 🦆 ($𝟷𝟷𝟶)啖啖肉而且皮下脂肪唔多✨ 唔怕食到成口油🥰 不過有食過更加驚艷嘅脆皮燒鵝🙈 下次都係加10蚊買下庄同要襯熱食先得！😈🔸客家鹽焗雞半隻🐓 ($𝟹𝟶)味道鹹香 肉都幾滑☺️ 有葱油同沙薑汁跟比你配搭 一雞三味多種層次😁 30蚊半隻都有一大盒🤯 抵食🆙🐷📝整體來講呢幾款肉質都軟熟唔會乾嚡😋鋪頭光猛企理 會有姐姐負責返收錢 夠哂衛生👍🏻價錢親民 住得近嘅真係可

不少人同事物都不停在轉變，而燒味滷師都在慈雲山插旗開新店，引來不少慈雲山居民細看一番，排隊買埋一份，而我又點可以錯過，排埋一份，孝敬一下家人。燒味滷師以全玻璃的形式展示，比傳統燒味店更乾淨、衛生。試食價益街坊...新張優惠瑤柱貴妃雞、玫瑰鼓油雞、客家鹽焗雞都只係$59/隻...咁抵！難怪人龍不絕啦！咁抵食，緊係要一次過買多幾款番去慢慢歎！燒味佬叉燒 / 老師傅燒腩仔 /客家鹽焗雞半隻 / 至尊燒鵝1/4隻燒味佬叉燒叉燒肥瘦比例適中，配上香甜蜜汁，食起來肉質鬆軟，食到停唔到口。老師傅燒腩仔燒腩仔外皮香脆，肉質鬆化、肥中帶瘦、瘦中更又有點油香，入口軟腍無渣，怪不得叫老師傅燒腩仔，正！至尊燒鵝燒鵝外皮陣陣光澤，順手夾起都看到肉質肥嫩中有點鬆軟，入口味濃更帶點甘味。客家鹽焗雞鹽焗雞焗制時間恰到好處，雞肉肉質嫩滑，更有一種令人回味的鹹香感，越食越滋味。

突然之間朋友叫我上去佢屋企食飯兼攻打四方城，突然加多兩個人食飯唔夠餸，斬料係最基本。人生路不熟，見到邊間多人買邊間應該無錯㗎喇。話曬街坊生意吖嘛。 睇一睇門口嘅牌，半隻雞只係30蚊，哇…好平喎。斬半隻客家鹽焗雞。仲跟埋醬料添！客家雞通常啲人叫咸雞，咸味充足唔會過份咸，送飯正。雞肉都算滑㗎！ 唔好以為平係食雞骨，都多肉㗎！燒腩仔姐姐話岩岩出爐好正，事但啦，斬半斤吖唔該，仲脆脆地皮， 味道都係唔會太過咸，原來半斤斬埋唔係太多，少食滋味多。我連介辣都唔洗用都夠味道。燒鵝斬上壯，以為呢樣係最小份量，一打開都迫滿一個盒。 仲有燒鵝汁，麻煩伯友翻熱淋上面，伯友仲用秘密方法翻熱埋隻鵝添，個人覺得4樣嘢最正隻鵝，因為皮脆，好怕食鵝啲肉「鞋十十」 伯友翻熱完咬落有現場即食口感，味道香。 最後係我本身唔睇好嘅叉燒，我衰以貌取叉燒。 原來佢好有內涵，雖然無蜜糖掛住，啲汁得小小，將舊叉燒點下啲汁，樣子柴柴地竟然滑口，雖然切得唔算厚，都有質感的！ 我仲將叉燒汁撈飯添。總括254蚊買到咁多燒味，真係算好唔錯喇。如果我屋企樓下有呢間，我實幫趁燒味飯22蚊盒咋。

區內熱門小店，排隊都好多人～因為佢哋既燒味份量幾大所以真係好抵食。店舖雖然細但環境衛生，陳列出嚟嘅食物好吸引，店員禮貌亦都好好。我見佢哋新店開張，我外賣左幾份燒味返屋企試～推介佢哋既至尊燒鵝，一d都唔肥膩，肉質軟淋，皮同肉之間嘅脂肪可以話係岩岩好！佢地亦都好貼心咁包左另一袋汁俾你配送。而燒味佬叉燒係我其次鍾意食既因為佢肥瘦適中，肉質柔軟，味道夠蜜糖甜味！至於老師傅燒腩仔，肥瘦適中、味道唔會過咸，唯一可惜既係皮唔算好脆～客家鹽焗雞係我個人覺得係最抵食嘅，半隻只係$30，好夠味而肉質都好夠滑～係一間可以回購嘅店舖！

有好多人屋企加餸都會係燒味，今日試咗慈雲山分店嘅燒味滷師外賣。去到有好多人，令人覺得幾吸引🤩！今次試咗4️⃣款。-🍴至尊燒鵝(下莊)($120) - 燒鵝隻脾好大隻🤩，鵝油好香🤤！店家會有酸梅醬提供，食落酸酸甜甜。而且店家好貼心💕，怕外賣會令到醬流出，所以幫我分開裝。-🍴燒味佬叉燒(半斤)($50) - 一打開個盒，叉燒真心好靚😆，一睇就知唔會好乾，有一層蜜汁係面，令到人胃口大開！叉燒唔會太瘦，係半肥瘦嘅感覺，所以唔硬，仲好香👍🏻！叉燒係咁多款最好食😋！-🍴老師傅燒腩仔(半斤)($64) - 個燒腩仔啲肉好靚，有成5️⃣層。首先個皮唔會話淋曬，雖然因為外賣，焗咗一陣間🤭，不過都食到脆面，而且幾香！中間嘅肉唔會好鹹，仲有啲獨特嘅香料味，好特別！不過最底層，有少少乾，少少硬。-🍴客家鹽焗雞半隻($30) - 啲雞好滑，一咬入口，啲肉汁流出來🤩。當然雞髀一定係最滑，但係雞胸都唔差，唔會好柴！食到有鹽焗雞嘅風味，鹹鹹香香，餸飯一流👍🏻！

經過慈雲山哩間新開燒味舖，門口好多人排隊 八掛嘅我就行去望吓🤓原來佢哋做緊新張優惠~所以就買少少返屋企加餸～雖然人好多 好忙，但係應該都幾好禮貌，特別係廚房唔知係咪老闆嘅男人haha👍🏻👍🏻。今次就買咗燒鵝 燒肉 叉燒 鹽焗雞🤓至尊燒鵝 上庄 $110哩樣真係冇得彈，肉嫩之餘斬得好好，有滿足到港女嘅啖啖肉，又有滿足到爸爸嘅骨。不過不得不提嘅係係燒鵝皮 真係好入味好jengggg😛😛脆皮燒肉 $50其實本身想買燒腩仔的，但咁岩賣晒就要左燒肉。唔知係咪食唔慣，覺得有少少豬酥味~不過爸爸話新鮮豬先會有哩啲味 好野黎🤔，而平時食開嘅燒腩仔係雪藏野，所以冇豬味🤓長知識了~下次再去試吓佢嘅燒腩仔睇吓點先。燒味佬叉燒 $50雖然叉燒有少少乾🤔但係勝在唔係好肥，個人好怕成舊肥膏擺入口😶😶😶另外喺屋企返翻熱後，佢個汁攞嚟撈飯真係好出色🍚客家鹽焗雞(半隻）$30呢個價錢竟然可以有咁大盒雞😮，大盒之餘仲要幾好味，仲幾入味，真係絕對物超所值。P.S見到佢有個新張優惠 $22/盒燒味飯 好抵😛唔怪之得有咁多人排隊~

有時收工攰攰地，最啱就去斬番幾味，返去煮埋飯就食得😋慈雲山新開左間燒味舖，一於試下味道如何~☑️家鄉鹽焗雞 ($59/隻)新張優惠59蚊有成隻，真係超級抵😍味道方面整得幾入味，唔會話淡茂茂唔夠味。肉質亦好滑唔會鞋👍🏻點埋餐廳比既沙薑汁，好似食沙薑雞飯咁😂一隻雞兩種風味☺️☑️燒味佬叉燒 ($50/半斤)食得出係梅頭位，多謝晒師傅😂肉質淋身，整體偏瘦，岩哂女朋友😳不過瘦得黎又唔會乾爭爭👍🏻☑️老師傅燒腩仔 ($64/半斤)燒腩仔最緊要一定係塊皮‼️食到唔脆既燒腩仔真係好似晒錢咁。但係燒味滷師既燒腩仔由買完直到我食嗰刻都有接近一粒鐘，食落仲係非常脆口😋肉質半肥瘦，男朋友表示滿意👍🏻☑️至尊燒鵝 (上庄)($110)上庄無下庄咁油，但都好邪惡‼️塊皮既油脂足夠又夠脆😳不過可能因為我地收工斬料擺得耐左，肉質就唔算好嫩，但未至於好鞋口😆試過食到有啲燒鵝肉柴到要吐返出黎，嗰啲真係不了😣總括而言，慈雲山既朋友想食燒味/煮飯諗唔到煮咩餸/放工斬料既話要黎呢間新開張既燒味滷師試下🤩質素唔錯又抵食，依家新開張仲做緊優惠，我見有唔少街坊排隊~😋

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗一班朋友gathering，大家忽忽哋想食燒味，睇下附近邊度有啦，見到呢間店新開幾靚，勁多街坊排隊，睇下價錢先... 又幾抵wor... 就樣樣都買D試下啦～🍴老師傅燒腩仔半斤（$64）個皮勁脆卜卜呀，肥瘦啱啱好，鹹度適中，有時D燒腩仔會太鹹，要送飯先掂，呢個淨食都好味，個個都爭住想食多舊，好快就冇晒😂🍴至尊燒鵝 1/4 隻 - 上庄 （$110）雖然知道下庄係好味D，但又會肥D，諗到已經叫咗好邪惡嘅半肥瘦叉燒，都係叫上庄，鵝胸啖啖肉，係會瘦少少，但依然有好多皮，個皮仲有D脆，我的確好鍾意食燒鵝皮㗎！雖然部位比較瘦，但肉質唔會嚡口，仲要姐姐好好咁俾多D酸梅醬我，因為我最鍾意食包滿酸梅醬嘅燒鵝㗎啦～ 😆🍴燒味佬叉燒半斤（$50）我一向都係好味行先，食叉燒一定要食半肥瘦（食完先減肥），表面夠蜜汁甜甜哋，肥嘅部分有油香，太瘦嘅叉燒會嚡口，呢個又滑又香啖啖肉😋🍴客家鹽焗雞1隻（$59）隻雞好大隻，肉質好嫩滑，唔算太厚肥膏，鹽焗咗之後個皮都唔會太鹹，食落個皮都爽爽咁，正！

今日有朋友上嚟屋企，於是買咗啲燒味加餸，之前都有聽過呢間燒味店(對面海)，相信佢嘅出品應該唔錯🙈既然要試新餐廳，就當然要試到底，今次食咗叉燒、燒鵝、燒腩仔同埋鹽焗雞🤪完全無失望，仲要比我預期好，所以忍唔住寫返個食評😆叉燒唔會話太肥，肉質彈牙，配白飯真係一流，作為叉燒控嘅我非常滿意🥰燒腩仔最重要就係皮夠脆，可能因為我外賣攞返屋企，所以焗淋咗少少，但煎香返之後就100分，肥同肉嘅比例唔錯👍🏻我最欣賞嘅係鹽焗雞，非常之入味，而且肉質嫩滑，即使係雞胸都唔會「鞋」，一隻話咁快就食曬，而且仲要$59就買到，性價比好高😙最後當然唔少得佢哋其中一個主打 —— 燒鵝，一樣係好入味又唔會「鞋」口，點埋汁味道就更濃郁，但又唔會好似味精咁令你口渴😚另外值得一提係佢哋收錢同處理食物係唔同人，唔洗驚因為員工接觸過銀紙而將病毒帶到去食物🥳總括而言係一間好正嘅燒味店，真心無咩要改善或者批評嘅地方，所以先寫呢個食評同多啲人分享😝排隊嘅時候見到有唔少街坊落嚟買，睇嚟唔只我一個欣賞佢嘅燒味🤣佢仲有好多款嘢食例如燒鴨、貴妃雞，下次有機會再試吓先😛