燒味滷師 (德慈樓) (已結業)

Happy Friday❗️見慈雲山新開一間燒味店，今日又難得係屋企食飯，梗係買幾味加餸啦🤣至尊燒鵝燒鵝真係啖啖肉🤣燒鵝偏瘦，完全唔會覺得好多肥膏🤩岩晒本人同屋企人口味，最重要係減少本人嘅罪惡感🤣點埋酸梅醬食，正❗️❗️🧑🏻‍🍳老師傅燒腩仔本人最怕食到D肥膏多過肉嘅燒腩仔😭但呢間嘅燒腩仔完全冇呢個問題，肉多肥膏少，外皮又香又脆，食落去口感岩岩好😋 美中不足嘅係冇黃芥末醬🥺🐤原味手撕雞有麻辣同原味選擇，但因為屋企人唔食辣，所以就簡左原味🤔原本都擔心原味會好淡🙈無諗過有好香嘅麻油味，肉質又滑又嫩，屋企人都好滿意🥰🌟值得一讚，呢間嘅店員服務態度真係好好👍🏻

難得可以同屋企人聚首一堂食餐飯，我老豆又好鍾意食燒腩，一於係燒味舖斬料加餸孝敬吓雙親👨‍👩‍👧‍👦• 至尊燒鵝上庄(1/4隻) $110每件燒鵝都係啖啖肉，肉質偏瘦相對肉味較濃亦比較健康一啲，層皮燒得幾香口☺️• 老師傅燒腩仔(半斤) $50拎到返屋企之後層脆皮似乎淋咗些少，但整體味道都係好好，調味唔會太鹹，豬肉半肥瘦有油香，入口鬆化😚• 麻辣手撕雞(半隻) $60份量真心好多好抵食，辣度唔勁但係麻辣味係有嘅，而且都幾惹味，雞肉好嫩口完全唔嚡，最鐘意係佢哋嘅手撕雞有連皮㗎，成件事即刻昇華好多✨

平時見成日好多人排隊，今日見晏晝冇咩人，就去試試食佢個叉燒燒鵝飯叉燒燒鵝飯 $22我叫個時叉燒冇特別要求，所以佢俾咗全瘦嘅叉燒，雖然唔係半肥瘦，但都好好味，都幾冧，同埋啲叉燒比想像中多，而且幾甜幾好味，叉燒係值得推薦的但燒鵝方面就好失望，真係好乾身，成舊都好dry，同埋汁方面都好少而飯方面，下次叫要叫多啲豉油，因為真係好少豉油係啲飯度總括嚟講，都算幾大盒，叉燒又多，$22嚟講都叫幾抵食，應該會再encore

天時暑熱🥵，見到媽媽係廚房對住火爐，晚晚煮完飯都熱到無哂胃口😓，真係好辛苦。今日經過慈雲山這間燒味店，望下佢啲燒味好吸引，價錢仲好經濟🤩，一於斬料返屋企加餸，唔洗媽媽煮得身水身汗。🥢至尊燒鵝半隻$180 👍🏻👍🏻👍🏻👍🏻/5🥢燒味佬叉燒半斤$60 👍🏻👍🏻👍🏻👍🏻/5🥢麻辣手撕雞半隻$60 👍🏻👍🏻👍🏻👍🏻/5燒鵝皮脆油香，肉嫩多汁，肥瘦均勻。叉燒肉質軟腍，一啲都唔會乾，唔肥唔瘦，食唔停口。麻辣手撕雞香辣中帶麻，夠哂惹味。整體來說，食物質素唔錯，最緊要價錢夠街坊，性價比高👍🏻。

🔥🐷燒味佬叉燒 $50 （半斤）賣相已經流晒口水🤤🤤因為我係燶邊愛好者！！叉燒燶邊又軟霖霖🤩唔會係好肥，仲要係好多蜜汁可以點住黎食😋食完真係唔可以同街市果啲比🤤🤤🐥🖐麻辣手撕雞 $60 （半隻）有原味同麻辣揀，貪新鮮試左麻辣味，叫左小小辣，個賣相睇黎好辣甘，點知食左又唔係好辣，食唔到好辣人士真係可以試下！！如果佢個麻味再勁啲就好拉～我之後自己再加左啲潮州辣椒油，過癮😋！甘大份啲雞肉唔係好鞋真係好抵食😋😋至尊燒鵝 $180 （半隻）好多地方都靜係賣鴨唔賣鵝，我都好耐無食，師傅刀工切得好好🤩砌到好好睇！大大啖肉加埋啲酸梅醬係無得頂😋啲皮真係燒得好食🤣比我食左勁多皮🤣

今日難得全家人放假，決定去屋企附近買燒味加餸，簡單方便又啱口味😋這間位於慈雲山的燒味店，是近日新開張的，網上有不少人推介燒鵝和手撕雞，所以今次我們都有叫呢兩款，還有叉燒😊食過一次真係想再encore！——————————🔸至尊燒鵝 (半隻) $180落單後店員很親切地表示，燒鵝剛剛燒好，熱辣辣，要等十多分鐘才可切到。回家後，真是保持住熱度，鵝皮燒到脆脆地，充滿油香😊鵝肉厚實鬆化，比起平時食的燒鴨會香很多，但食多也不覺得膩😋😋🔹燒味佬叉燒 (約半斤) $50叉燒一打開就聞到蜜糖香氣，是我喜歡的半肥瘦叉燒😍入口不會乾柴，帶點淡淡蜜糖焦香，好好食！🔸麻辣手撕雞(半隻) $60最後的麻辣手撕雞，真的很有驚喜！家人們都讚不絕口，因為份量很多，雞肉肉質嫩滑，每一條沾上麻辣汁，很夠味！但如果再多點麻和辣，會食得更加過癮😝

是日假期，媽媽話要做無飯主婦🤣唔想煮飯，所以我就出動去斬料，呢間燒味舖喺正街市個幾條街，但鋪面非常乾淨企理👍🏻燒鵝（半隻）$180燒鵝一隻隻新鮮熱辣掛哂喺度好吸引，半隻都只係$180👍🏻👍🏻好重油香，肥膏唔算多，包埋滷水鵝汁同酸梅醬😋叉燒（半斤）$50心思思想食叉燒，但已經買左半隻鵝，唯有斬半斤試下，叉燒係柳梅肉🤤淋身得黎唔柴皮，半肥瘦超正😋麻辣手撕雞（半隻）$60本身諗住兩樣夠哂，但見到人地買手撕雞又好似幾吸引，平時燒味鋪比較少見到，又忍唔到買左半隻黎試下🤭有原味/麻辣揀，我就揀左麻辣黎撈飯🤤🤤叫齊燒鵝、叉燒同雞都只係$290，真係好抵食，傍晚去到好熱鬧好多街坊幫襯！下次可以再encore😋

燒味是香港特色之一，這次嘗試了慈雲山燒味滷師，買了一些燒味回家加菜！🍽至尊燒鵝 (半隻) $180燒鵝的皮挺脆，肉質嫩滑，而且很Juicy，平常吃燒鵝大多都很乾身，但這裡的燒鵝一點也不讓我感到失望，每一口都很有鵝油的香，建議沾些酸梅醬後才放進口中，以中和膩感！評分：4.5/5🍽燒味佬叉燒 (半斤) HKD 50半肥瘦的叉燒，超級無敵好吃！肉質也是十分嫩滑，每一塊叉燒都帶有焦香及有光澤，切得厚度適中，一口叉燒一口飯簡直就是享受！評分：5/5🍽原味手撕雞 (半隻) HKD 60味道不錯，但跟其他店鋪的手撕雞比，就不算嫩滑，而且有點乾身，本來已經有拌上芝麻，但如果再另外加多一點芝麻醬會比較好！評分：3.5/5味道 ★ ★ ★ ★ ★抵食 ★ ★ ★ ★ ☆服務 ★ ★ ★ ★ ★

酒店級燒味來到九龍中的慈雲山啦👏由第一間深水埗開業的燒味滷師，到屯門再來到屋企附近的慈雲山分店，要講一間食完都記得佢份鵝皮香，滷水有其咸香味的獨特誘人味道，事實唔係間間街市鋪甚至高級中菜店都做得到。選擇多樣化之餘，又長期做益街坊價錢，所以要訂燒味餐加餸斬料都會記得佢。= 至尊燒鵝(半隻)̶ =̶ $推介:⭐️⭐️⭐️⭐️⭐️至尊燒鵝必買，蓋好開了兩個透氣孔的盒，攞上手那暖暖飄出來的燒鵝香，引人快步返到家中偷食一舊，店員附上燒鵝頭，證明貨真價實燒鵝無疑，肉質入口軟綿，外皮平衡香脆可口。= 燒味佬叉燒 =̶ $推介:⭐️⭐️⭐️⭐️⭐️叉燒是基本的信心保證，肥瘦之間的片片薄片送飯一流，最緊要係蜜糖味唔單單停留在外皮，而且還滲入了肉層內部，好味。= 原味手撕雞(半隻) =̶ $推介:⭐️⭐️⭐️⭐️半隻已撕好的雞肉條分佈平衡，底下有原雞骨，新鮮加上方便進食，大大盒手撕雞留了雪櫃備用，就算凍食也令人回味👍新分店當日已有不少街坊熟客一再幫襯，是就算要坐一程小巴都願意到訪外賣的加餸恩物。👅美味: 8/10 😮驚喜: 8/10💡性價: 8/10 🐽飽肚: 9/10💫回頭: 8/10 👍推薦: 8/10

今日上朋友度食飯，但又唔想兩手空空上去，咁岩行過呢間燒味滷師，就決定斬返幾味拎上去食😜。。🔘燒味佬叉燒 | $50評分: 🌕🌕🌕🌗🌑評語: 食燒味就梗係唔少得叉燒啦！佢哋嘅燒味佬叉燒燒得好冧好鬆軟，外層包住一層非常香甜嘅蜜汁🤤唯一挑剔嘅係叉燒比較瘦(但又唔會韌🤔)，如果多返少少肥肉應該更加好食！。。🔘至尊燒鵝(半隻) | $180評分: 🌕🌕🌕🌕🌑評語: 燒鵝皮燒得好脆，而且肉質鮮嫩，肥瘦適中，好有口感。加上鵝味夠重，每一啖都充滿油香味，點埋酸梅醬食就更加好食喇！。。🔘原味手撕雞 | $60評分: 🌕🌕🌕🌕🌑評語: 本身想要佢哋嘅麻辣手撕雞，但由於呢個係佢哋嘅Hot item，所以5點未夠就得返原味，不過都無阻我哋嘅食慾，決定一試！手撕雞有好香嘅麻油味，而且肉質都好幼嫩，雞肉同雞皮混合令口感好豐富！。。🔻屯門、長沙灣、慈雲山都有分店🔻款式夠多！推介指數: ⭐⭐⭐️⭐️

至尊燒鵝 半隻 $180買到番屋企凍晒 本身無咩期待 但有好大既驚喜😙 諗唔到凍晒入口第一啖個皮都仲係勁脆好香口😋 油香味好重😛 我第一隻就食鵝脾🍗 肉又嫩 呢個價錢呢個質素 真係唔洗入深井食😚麻辣手撕雞 $60 不得不賺既係 份量好多 雞脾雞胸肉份量平均 夏天食凍而麻辣既手撕雞 再撈飯真係好過癮😍 唔太食得辣既人建議都可以試下 因為真係唔太辣😚燒味佬叉燒 半斤 $50 美中不足既係叉燒 叫師傅比半肥瘦我 但都係略為偏瘦(本人勁愛吃肥叉）買之前做過research 聽講燒之前會用秘製醬汁燒 我見斬完之後再落多兩匙蜜糖兩匙豉油 所以會覺得味道略為偏甜😳 所以建議下次叫肥叉 同埋叫師傅落一匙蜜糖就可以了(個人口味不同 可試左頭一次之後再調較)總括黎講: 7.82/10 👊🏻會翻轉頭 買咁多都係$290 對比出面燒味鋪真係好抵食 衛生程度一流👏🏻出味好多燒味鋪求其擺盤就上盒 漏晒汁都照比😿 呢間服務周到 非常衛生同乾淨 滴左汁又會抹走先擺入袋👍🏻 擺盤又擺得令(有相為證 拎到番屋企我絕對無擺過) 🤣 黃大仙慈雲山街坊絕對可一試😍

肥Glor今日去左慈雲山探friend 無意中發掘到一間啱啱開咗冇耐嘅燒味舖🙌🏻即刻就叫左幾盒攞翻朋友屋企試試佢👍🏻·至尊燒鵝（上庄）$110隻鵝脾真係好巨型👍🏻鵝肉偏瘦 適合健康人士 肉色都有少少粉嫩 肉質實淨得黎又唔會好韌 點埋酸梅醬加燒鵝醬就更解膩啦！·燒味佬叉燒（一斤）$50一打開已經比佢嘅鮮明色澤吸引到！厚薄適中 而且係半肥瘦叉燒 食落脂肪分佈平均 仲勁腍身多汁 送飯一流👍🏻·玫瑰豉油雞（半隻）$30見到大大隻雞脾就好興奮 望落好深色原來食落都唔係咁鹹 肉質仲都好嫩滑！減肥？下個禮拜先啦～·海蜇燻蹄（盒）$36最近天氣咁熱 叫翻份海蜇燻蹄當冷盤食都唔錯！海蜇味道唔會好濃 好爽脆～加上燻蹄皮好有咬口 唔錯唔錯👍🏻#𝙛𝙚𝙞𝙜𝙡𝙤𝙧_𝙚𝙖𝙩📍 燒味滷師 (德慈樓) (慈雲山)慈雲山慈華里4-14號德慈樓地下C號舖

有時唔想煮餸又唔知食咩好 見到新開左間燒味店 就去試下啦🤣✅燒味滷師係慈雲山新開張~ 今日去到好多人排隊佢做緊新張優惠 50幾蚊就買到一隻雞所以好多街坊都去幫襯見咁平 都買左幾款返去試試😋🔆至尊燒鵝 (上庄) $110個燒鵝皮好香好脆 好有油香味！食落個肉質都厚實 唔會好乾👍🏻🔆燒味佬叉燒 (斤) $50個蜜汁甜甜地咸咸地幾好食啲叉燒有肥有瘦 正宗半肥瘦叉燒啊👍🏻厚薄適中👍🏻 唔會話太大舊食唔到食落啲肉質都唔會好乾 送飯一流😋🔆玫瑰豉油雞 (半隻) $30個顏色好靚 好深色 食落都好夠味😀肉質好滑 即使雞胸都唔會好乾！真係好少可每個部位都好食！😆30蚊有半隻真係好抵！🔆海蜇燻蹄 $36好耐冇食海蜇了 每條都好爽又好夠味👍🏻個燻蹄都好軟腍 一盒份量都幾多！要黎做下小食涼菜 送啤酒一流😆味道: 3.8/5賣相: 3.5/5地址:慈雲山慈華里4-14號德慈樓地下C號舖

上星期慶祝母親節 就去咗長老度一齊食飯🥰難得上去食飯就當然要斬料加餸啦😋上去之前望吓有咩燒臘舖見到呢間燒味滷師好似都幾多人排隊幫襯 就決定試下佢😆.🌟至尊燒鵝 上庄 （$110 ）不愧係至尊燒鵝 真係好好好食咬落去鵝皮仲係脆脆地 而且夠晒油香🤤燒鵝仲煮得啱啱好 肉質鮮嫩配埋酸梅醬非常開胃.🌟燒味佬叉燒 一斤 （$50）呢個叉燒好有驚喜好多時要叫半肥瘦先至會有腍嘅叉燒但係呢度嘅叉燒一啲都唔肥依然好腍又好香蜜糖味🍯.🌟玫瑰豉油雞 半隻 （$30）豉油雞半隻都只係$30好抵所以就買埋🐓玫瑰露非常入味所以食落有少少酒味 感覺好滋補.🌟海蜇燻蹄 一盒 （$36）依家熱辣辣最好就係食啲凍嘅前菜海蜇爽口彈牙 而燻蹄亦都係好經典嘅味道屋企人都好滿意👍🏻.買完舖頭會有個票尾號碼俾你跟住等叫號碼就可以拎 咁有系統就可以行埋一邊慢慢等 唔使逼喺門口而且喺度等燒味嘅時候仲見到門口嘅餐牌寫住20幾蚊就有一盒燒味飯 真係好抵食🤩如果喺屋企附近都開分店就好啦😙.📍燒味滷師 (德慈樓) (慈雲山)慈雲山慈華里4-14號德慈樓地下C號舖

而家疫情咁反覆，食外賣一定係懶人們最好嘅選擇！今日試咗呢間燒味滷師，又平又大份，相比起其他燒味舖頭，真係超級抵呀！✨至尊燒鵝(上庄)✨$110呢一款至尊燒鵝價錢好平，而且好大碟，味道不錯，唔會太肥，啱晒鍾意健康嘅朋友！✨燒味佬叉燒(一斤)✨$50呢一款叉燒半肥瘦，啱啱好！不過我覺得味道偏鹹，真係好似白飯小偷，送飯超正！不過如果唔太鍾意太多豉油嘅朋友，我諗可以同師傅講聲，叫佢哋少啲豉油！✨玫瑰豉油雞(半隻)✨$30我覺得啲款豉油雞唔會太鹹，味道還好！不過我自己覺得呢一款雞有啲鞋，我自己就覺得ok，睇吓大家會唔會好介意呢一點！✨海蜇燻蹄（盒)$36呢一款海蜇燻蹄真係又平又好食！海蜇做得好出色，之前有食過好多唔同嘅海蜇，通常都比較鹹，但係我覺得呢一間嘅海蜇做得啱啱好，超級彈牙！經過慈雲山嘅朋友可以一試！📍慈雲山慈華里4-14號德慈樓C號鋪