燒味滷師 (德慈樓) (已結業)

元朗站📍燒味滷師-燒味滷師係元朗都開左！晚飯快捷方便之選。雙拼飯（$20）今次要左雞鴨飯同叉雞飯，兩盒都係$40，抵玩到爛。份量唔少，飯量都好多！雞鴨飯加勁多薑蓉（唔會太油），送飯一洗！叉燒半斤（$40）叉燒今次就簡左比較瘦既，相對上冇咁油膩。蜜汁叉燒甜甜地好送飯，外皮少少焦香。燒鵝1/4隻（$120）燒鵝啖啖肉，鵝燒得香，今次仲有鵝髀食，正！鵝肉幾軟腍，幾入味。🕳️地址：元朗鳳琴街19號鴻運中心地下56號舖

剛剛在慈雲山店買兩隻燒雞脾，和收銀大聲說斬件，只有兩步路(三尺內)距離, 師傅都話聽唔到，師傅話斬件早D 講，之後叫師傅起雞皮，佢話回家自己起(斬開咗起皮就麻煩了，佢只需一下，就可以拔走d 皮) ，佢話下次要加$10,真係第一次聽，

而家出去買個飯，閑閑哋都$30-$40起跳嗰日行過見到門口幾光線，諗住試吓個雙拼飯見到餐牌，嚇咗一條， $22咋簡直返回十幾年前嘅物價，見咁平即刻唔使諗試咗個叉燒燒肉飯老實講份量就唔算話好多，畢竟都係$22不過燒肉係脆皮嘅，叉燒唔會好硬仲有條菜，飯嘅份量都唔少有時唔知食咩，呢個平平哋非常好嘅選擇見到佢仲有其他燒味，下次都想試一試極高評價

特別喜歡燒味食品，經過見到燒味滷師，決定入去試下，果然無失望老師傅燒腩仔 (半斤 $64)外皮炸到金黃鬆脆，咬落脆卜卜不太喜歡太肥的，但這個肥瘦適中，而且肉質嫩滑，味道都啱啱好😋至尊燒鵝 (上庄$110)最愛距個燒鵝皮，燒到好香,一啖咬落去，油脂香味充斥口腔鵝肉味濃，肉質軟硬適中~

燒味滷師🍖🍗🌟🌟今日終於得閒可以過黎一趟，試下佢傳說中既人氣燒味。今日去到好大雨，但依然有街坊系度排隊買燒味。見到新開張做緊優惠，街坊價$59一隻雞！超級抵，忍唔住又買左。🍖燒味佬叉燒 $50個人就最中意叉燒，每次食燒味都系食佢，貪佢啖啖肉，甜甜地。見到佢掛系出面既叉燒好肥美！真系好期待，搭巴士攞住翻去既時候，好大陣味真系好尷尬！望落色澤十分上色，仲有焦焦地甘，好香口，蜜汁真系太正啦，聽聞系用蜜汁既醬汁燒，怪唔之得甘好食。醃得好入味，不過如果甜味再多少少就perfect 啦。肉質好軟嫩，雖然佢比左瘦肉多，但口感都好好。😆😆🍗老師傅燒腩仔 $64太開心啦，竟然比我買到最後一條，估唔到甘受歡迎。外皮脆啵啵，攞到翻到屋企都仲系好脆，真系好滿足，鹹味剛剛好，肉質都好軟，好香！🥰🐥玫瑰豉油雞（半隻）$30上色得好好，外表立立令！入口但唔油膩，最中意就系佢外皮，好滑好肥美。肉質好正，一d都唔鞋口，不過想食熟少少就要再加熱下，因為骨仲有少少血。不過我就覺得剛剛好啦，肉質超滑！食雞肉最驚就系鞋口啦！半隻$30蚊真系好抵，仲要分量好多。趁優惠價要去買多幾次。😆😆🌟🍖至尊燒鵝（下庒）$120一啖個皮都仲係

今次行完山，係慈雲山嗰邊行翻落嚟，經過見到呢間新開又幾抵食嘅燒味店，就決定買翻屋企加料試下佢!😜1. 至尊燒鵝-上庄 ($110)望落個樣好靚，當然要買嚟試下😝 燒鵝烤得好靚好有光澤，滿滿鵝油香😌，一啲都唔肥，啖啖肉，啱哂我呢啲怕肥人士~😂😂 配埋酸梅醬食，解膩之餘，味道仲好夾!😎👍2. 老師傅燒腩仔 ($64/半斤)燒腩仔皮脆肉嫩，雖然回家車程一小時，拎到翻屋企豬皮大部分都好脆😍，肥瘦適中， 味道醃得剛剛好唔會好咸，重點係無咩肥肉同烤到唔會好老😎👍3. 原味手撕雞 ($60/半隻) 手撕雞雖然份量係半隻，但都幾大盒，會連埋雞殼俾你，大家中意可以拎埋去煲粥都得~😎 手撕雞幾嫩滑，用咗芝麻和少少麻油調味，食落幾香又唔會太濃味，凍食幾開胃!😙

近排這間新開的燒味滷師吸引了很多街坊來斬料加餸，我也不例外。門面乾淨企理，門口掛著排列整齊的燒味及滷水，賣相不錯，食客亦可以透過玻璃窗清楚見到師傅處理食物的衛生過程，在疫情間都可以食得安心。而且他們的燒味以平靚正招徠，雙拼飯都只是$22.今晚就買了一隻上庄燒鵝（$110), 半斤燒腩仔（$64)及半隻手撕雞（$60).燒鵝肥瘦適中，色澤均勻，大件而厚肉，燒得皮脆肉嫩多汁，鵝油很香，很好送飯，配上鵝汁及甜酸醬更好。燒腩仔肥瘦層層相間，外皮燒得香脆，回到家食落仍然咯咯聲，味道咸咸香香，肉味濃，配埋芥末醬就更正。手撕雞可選原味或麻辣味，份量頗大，雞肉嫩滑帶點油香。平時買手撕雞只得一絲絲的雞肉，但這裡會有雞殼及雞骨一齊。

好耐無去過慈雲山搵食，聽聞近日新開咗間平靚正燒味🤩一於買返屋企加料等老媽子唔使煮得咁辛苦啦😋離遠已經見到門口大大張poster寫住$22/盒燒味飯🍚今時今日仲做到呢個價，唔怪得咁墟冚😳【至尊燒鵝】燒鵝皮薄，唔算好多肥膏👍🏻肉質鬆軟有肉香🤤【老師傅燒腩仔】微溫狀態下嘅外皮都保持到脆卜卜👍🏻燒肉肥瘦適中夠香口😋【原味手撕雞】份量十足嘅手撕雞...半隻已經差唔多迫爆咗個外賣盒🤣啖啖肉好惹味，送飯一流呀😍值得一讚嘅係呢度收銀員同斬料師父係分開唔同人去做，夠晒衛生🥰👍🏻見過好多傳統燒味舖都係師父呢頭斬完燒味...立即又用油淋淋嘅手去收錢，掂完錢又幫下個客人繼續斬燒味😖諗起都好恐怖🤢

今日朋友上咗嚟食飯，仲帶咗啲燒味上嚟加餸，估唔到又幾OK喎，呢幾款味道都唔錯！至尊燒鵝我最鍾意食呢個燒鵝😍，你睇吓佢燒得幾靚，表皮好脆，油脂感十足，而且佢啖啖肉，肉質又嫩滑，呢個價錢嚟講好推薦大家食呢個！老師傅燒腩仔呢個燒腩仔燒得幾好，佢肥瘦比例適中，好有層次感。最中意佢個皮係脆卜卜，而且食落唔會覺得太油太膩，所以忍唔住食多幾舊。麻辣手撕雞呢個係朋友嘅最愛！你睇個份量已經好鬼多，望落去以為好辣其實唔係，佢相當之入味，食落去又香又麻，真係好鬼正，用嚟送飯一流！呢個係朋友影嘅環境

慈雲山中心一帶有好多街坊小店. 雖然喺山上面, 但其實喺鑽石山/黃大仙都有小巴上去, 又或者可以喺鳳德商場搭電梯上慈雲山. 今日行過慈康對面間快餐店前少少見到有間燒味舖之前無見過, 似係新嘢嚟, 我就斬咗幾樣嘢嚟試吓.🦢至尊燒鵝(上莊)好耐無試過燒鵝. 撞啱新鮮出爐, 梗係要買嚟試吓啦. 不過我只係買咗四分一隻, 因為印象中燒鵝/燒鴨啲肉唔會好腍. 不過今次咬落又ok咼, 脆皮, 唔會好油, 肉質唔會好鞋同埋都叫做腍同幾入味. 記住同埋個酸梅醬一齊食🐔半隻麻辣手撕雞原來半隻嘅份量都幾多, 有其他餸嘅話其實真係四人份量嚟☺️成份雞啲麻辣味都好均匀✨肉質可以再嫩少少. 如果係完全去骨嘅話就perfect喇🙃🐷半斤老師傅燒腩仔燒腩仔肥瘦適中同醃得幾好唔會好咸, 送飯一流(無錯, 我今日為咗啲燒味特登去煲🍚)一開頭望落去啲脆皮好似腍咗咁, 點知原來唔係. 過咗個幾兩個鐘都仲係脆, 點埋個芥辣一齊食好好味✨返食指數: 🥑🥑🥑🥑 (5🥑滿分)

今日同朋友去咗黃大仙廟求籤,阿媽打電話嚟叫我加餸斬料,跟住我去咗燒味滷師度買燒味回家😄1）至尊燒鵝上庄$110元*我去到嘅時候,見到燒鵝新鮮出爐,睇見都流曬口水,於是買咗四分一,燒鵝肥瘦適中,皮脆肉嫩多汁,即使鵝胸也不嚡口,連減緊肥嘅女兒都食咗幾嚿,加埋甜酸醬,味道更加夾！2）老師傅燒腩仔一斤$64*燒腩仔的肥瘦適中,而且層層相間,表皮燒得非常香脆,吃起來卜卜聲,味道不太鹹,而且多汁肉味香,養唔住口食咗幾嚿😄3) 原味手撕雞半隻$60*呢盒手撕雞真係好大盒,份量十足,阿媽仲以為我買咗一隻手撕雞,手撕雞有點鹹香的味道,雞皮爽,肉質不油膩而且滑口,食落有種新鮮雞的味道,麻油味不太重,更能保持雞的原汁原味,阿媽話好好味,有啲似大陸嗰啲清遠雞,下次經過叫我再買😂

平日懶得煮飯 最鐘意就係買燒味加料今日晏就約左個朋友仔係佢屋企見個面傾傾計 傾完都已經4點幾5點 趕5切返去煮飯經過呢間舖頭門口 有條人龍😯仲見到唔少街坊買 再加上門口乾淨企理 吊住果隻鵝好似向我揮緊手 又係我買燒味返去既好日子😎。至尊燒鵝（上庄） $110排緊隊已經見到前面好多人買鵝我當然都要買黎食下啦😆師傅斬得好靚 燒鵝皮脆有光澤 肉汁多充滿鵝油香氣 食出啖啖廣東燒味風味。老師傅燒腩仔半斤 $64燒腩仔皮脆肉嫩 唔會乾身 醃得岩岩好唔會咸 脂肪與肉比例均勻 口感柔順唔油膩😋佢個皮做得好靚 拎到返屋企都仲好脆。麻辣手撕雞 半隻 $60手撕雞一盒都好大盒 好似有成隻雞咁大盒 食落麻辣香味四溢 每條雞絲都沾到醬汁👍入口軟熟唔乾身 凍凍地大夏天時更開胃😋不過對我平時食到中辣黎講就略為失色但家人們表示好欣賞😏 食物：8/10價錢：7/10 環境：N/A

之前去長沙灣覓食既時候🧐，已經見過呢間燒味滷師好多人排🍖👯‍♂️，今次襯住上世伯伯母食企食飯🏡🧎🏻，試下呢間斬料去加餸先😂至尊燒鵝（上庄）🦢$110每一嚿都大大嚿肉🍖，鵝皮脆燒得色澤均勻，而且皮與肉之間夾住一層薄薄嘅油脂👅，咬落夠晒油香👍🏻老師傅燒腩仔(約半斤) 👨🏻‍🦱$64個皮由外賣拎到返屋企，歷時一個鐘仲好脆卜卜⏱，而且肥瘦適中🐖，伯母食完都話正！😳🙊麻辣手撕雞(半隻) 🐔$60雞肉頗嫩滑，雖然係麻辣味🌶，但唔會太辣，夠晒闔家歡👨‍👩‍👧‍👦，半隻份量都鋪滿晒成盒，抵食👍🏻如果可以叫唔同辣度就更正啦😂Overall 燒味舖其實度度都有🏠，但要搵到間好食夾大件既又邊有咁易🤣今次就幫大家搵到間，用嚟送禮自用都夠晒體面😎🎁，經過就不妨試試喇😋P.S. 慈雲山、長沙灣、葵涌、屯門都有分店

燒味滷師話說今日要去朋友屋企食飯❤️所以去左慈雲山呢邊🙈🙈但估唔到因為要買料加餸而發現左呢間抵食燒味店❤️佢哋嘅價錢唔貴🙈質素又幾好👍🏻👍🏻真心值得試至尊燒鵝($120)呢個燒鵝真心幾正❤️肥瘦適中👍🏻啲肉質非常嫩滑但皮又燒得好香🙈🙈食落連埋皮同脂肪一齊食，真心又香又滿足老師傅燒腩仔($64)呢個係屋企人大讚嘅一個👍🏻首先佢肥瘦真心幾均勻👍🏻食落一啲都唔會太油膩👍🏻但佢個皮真心好香脆❤️就算放左一陣都仲keep到👍🏻加埋佢鹹香鹹香嘅味道，真心勁正麻辣手撕雞($60)呢個就係我嘅最愛❤️佢唔算好辣🙈但食落好香👍🏻雞肉好嫩滑又有咬口🥰佢又鹹又辣嘅味道真心好惹味😘食完真心想再encore大家有機會真心可以試吓

慈雲山尼排新開左好多好西食🤪今次就去咗呢間新開嘅燒味舖度斬料加送晏晝去嘅時候人流已經好多而且喺個窗度睇佢嘅燒味全部都好吸引😚平 靚 正 ！ 有時候放工買唔切餸就可以去斬料😆——————————————————————〖至尊燒鵝🦢 上庄〗$110喺舖頭出面已經見到佢啲燒鵝好靚燒鵝皮好脆好多汁 一咬落去啲汁爆晒出嚟😍好重油香味食燒鵝一定要食個皮 唔食就走寶！而且皮薄食落唔會油膩啖啖肉好正 好肥美 建議大家點埋附送既酸甜醬甘就吾怕濟！自己一個人食半隻都得🤪〖老師傅燒腩仔〗$64返到屋企唔係即刻食過咗幾個鐘個皮仲 脆 架 ！✨✨燒腩仔肉質好嫩滑 吾乾 重點係佢脂肪比例平均所以食落半肥瘦好正😚加上咸度適中 送飯食一流😍😋〖麻辣手撕雞半隻〗$60一打開見到好大盒 份量好多🥰而且真係啖啖肉充滿麻香味 不過個人希望可以再辣啲🤪最重要係肉質嫩滑 吾會鞋口！提提大家返到屋企記住擺落雪櫃一陣先食夏天凍凍地食超級正！😆