燒味滷師 (協邦大廈) (已結業)

前排見有朋友推薦依間燒味滷師，今日就黎到斬料加餸！-酬神乳豬乳豬皮薄，烤到焦紅發亮，咬落去脆卜卜，好正！而且肥瘦均勻，食落去完全唔會覺得油膩-燒味佬叉燒叉燒燒到帶有少少燶邊而且好有色水，食落好香甜，蜜糖味夠入味，甜甜地勁開胃，不過今次個部位偏瘦 如果肥番啲既話會仲正！-原味手撕雞手撕雞大大份 食落好夠味 有麻油香同雞味，而雞肉都嫩唔會柴！-至尊燒鵝(下庄）燒鵝髀啲肉結實得黎唔會鞋烚烚，肉質軟腍，皮下油脂分佈平均，而且唔會肥騰騰，真係食落口淡淡肉！

禾田滷水鴨( 半隻 ) @$60: 份量很大很大的半隻滷水鴨, 此滷水鴨沒有太多多餘的肥膏, 所以吃多數塊也不會覺得膩, 讚!!! 滷水的份量和時間也控制得不錯, 沒有過鹹, 也沒有淡而無味,,, 原味手撕雞( 半隻 ) @$60: 份量依然同上, 絕對不會少,  不吃雞皮的我也嚐了數塊, 覺得此雞皮是爽爽滑滑的, 但此手撕雞的味道實在過度清淡了,,, 禾味紅腸( 半條 ) @$20: 就是平時燒味店的紅腸的味道,,, 蜜汁燒排骨( 半斤 ) @$50: 每條排骨均被蜜汁沾得滿滿的, 排骨都平均燒得橙紅橙紅的, 很吸引, 啖啖肉, 甜蜜中帶點鹹, 拌飯一級棒, 讚!!!... 此份量與此價錢, 絕對屬CP值偏高!!! 記得當天晚餐我們一家四口, 都飽得不能把全部吃光光, 可見份量真的真的不會少!!!...

放工好累，已經唔想去街市餸煮飯。於是來到呢間朋友推介燒味滷師，外賣斬料返屋企食。門口見人絡繹不絕，價錢優惠。點了禾田滷水鴨(半隻):附有一盒醬汁點來食，滷水香味濃郁，燒味佬叉燒(半斤):叉燒燒得好靚，香甜入味。麻辣手撕雞(半隻):呢盒冷盤麻辣開胃，岩晒而家潮濕回南天食。手撕雞採用白羽雞種，肉質細緻彈牙，雞皮爽口。蜜汁燒雞亦(4隻):師傅斬得不錯，清楚分開三部份，蜜汁雞亦調味剛剛好~叫阿爸煮少少菜心同白飯，配埋出色外賣斬料，咁都就可以食到兩餐(連埋聽日帶飯個餐)，且質數不錯﹗。

聽過朋友介紹這家店舖，經過附近就過去看看，店舖以黃色裝修，離遠也看到招牌🙈。以新派裝修的燒味店，感覺舒適很光猛。看著燒味的賣相不錯，就決定買回去跟家人一起吃🤤。💥禾田滷水鴨 HKD$60，這個是半隻份量，但份量卻有很多😍。面頭鋪滿薄切鴨肉，證明師傅好刀工🤭，滷水鴨做到很入味，味道濃郁不咸，肉質嫰滑，加酸酸的汁吃味道更棒😋。💥蜜汁燒一字骨HKD$50，這個大約半斤份量，看著賣相就覺得不錯🙈，因為蜜汁令到一字骨生色不少。味道甜甜的，肉質煙韌🤤，這個很惹味挻喜歡吃😚。💥麻辣手撕雞 HKD$60，這個是半隻份量，共有兩款口味選擇，店員告知雞種採用白羽雞種🤩。微微辣味既開胃又惹味，味道香濃而不咸，肉質嫰滑口感煙韌，用來拌飯吃不錯🤤。💥蜜汁燒雞亦 HKD$20，這個一份有4隻，另外可以叫師傅幫忙切件，會更方便食用☺。燒雞翼賣相不錯的，味道很香帶點甜味，肉質嫰滑口感不錯。食物質素不錯有水準，價錢不貴。店鋪還不時有優惠產品，難怪會如此受歡迎🙈。

「燒味滷師」在屯門開咗新店，屯門嘅朋友，有福了！ 「燒味滷師」位於屯門井財街21號協邦大廈地下13-14號舖，從遠處已經見到好多街坊買外賣！外賣燒味🎉🎉🎉， 櫥窗掛滿各種各樣燒味，樣都想食呀！ 必叫嘅《燒味佬叉燒》， 叉燒最好食就梗係食👉《半肥瘦》啦！ 叉燒總是係斬料加餸嘅首選， 叉燒肥瘦適中，肉質軟腍，外皮燒得香脆， 仲好juicy同香噴噴添， 配上蜜汁就超好食！ 超鬆化嘅《老師傅燒腩仔》係我至愛， 外皮脆之餘，仲好鬆化，食落去脆卜卜， 而肉質香滑鬆軟，帶有香濃嘅肉味， 真係食過不停！ 至尊燒鵝（上庄），外皮燒得有光澤， 香脆，真係做到皮脆肉嫩，肉質仲好飽滿添， 味道豐富，帶有濃郁鵝味， 超滿足！ 超抵食客家鹽焗雞， （一隻$59，半隻$30)叫咗半隻雞，非常抵食，鹽焗雞帶有鹹香鹽味， 好惹味呀！ 雞肉嫩滑多汁， 雞味香濃，肥美味而不油膩， 正呀！ 下次試下外賣先，真係好抵食，$22 一口價！ 抵，抵，抵！

最近真係愛上左食燒味呢間野我食長沙灣食過真係可以話係一食難忘今日黎到屯門竟然都偶然間遇到佢，仲要係新開既梗係要斬返幾味返屋企睇住波慢慢嘆啦！雖然只係新開，但係都已經咁多客證明野食呢Ｄ野真係有麝自然香新開張仲有唔同既優惠簡直抵！至尊燒鵝食燒味，首先當然係燒味既至尊——燒鵝啦食燒鵝首先當然要欣賞佢燒鵝皮睇下幾有油光，令佢好香口食落仲好脆肉質亦有咬口唔會霉，仲有好香既鵝香燒味佬叉燒呢到既叉燒亦好有水準可以見到每一件都有少少脂肪，但係唔會多令你又可以感受到叉燒既油脂香，又唔會膩老師傅燒腩仔燒腩仔可以話係咁多燒味之中我最鍾意既一款但係要做到有水準就唔容易，呢到就完全做到啦首先燒腩仔既靈魂——皮，一定要夠脆呢到既燒腩仔直頭脆到好似薯片咁其次係一定要用肥瘦比例適中既五花腩要見到脂肪同肉一層一層既但係脂肪太多又會膩，太少又唔夠香呢到就做到比例完美仲要肉身要有足夠既咸香，但又唔可以得個死咸呢到就完全做到晒我所有要求！客家鹽焗雞隻雞可以見到有Ｄ黃油隻雞亦唔會老，所以你會見到雞皮好薄但佢同時亦有幾香既雞味，而且最重要係佢好嫩滑

朋友話呢間係紅橋附近新開的燒味店好平好抵食，新開張好多野特價之餘，味道仲唔差，是日懶煮餸就食燒味好了。又真係幾多人喎，排隊買完後取飛仔等叫號，都要等一陣先斬好。客家鹽焗雞雞大特價半隻都係30蚊，見最多人買呢樣梗係唔執輸要返半隻，雞幾入味鹹鹹地唔錯，半隻又幾大盒喎，仲唔出水添。至尊燒鵝屋企人鍾意食所以又要左半隻，皮脆肉鮮都幾好味，而且皮下唔多肥膏。燒味佬叉燒小朋友就愛食叉燒，甜甜地吖嘛，個人覺得啲叉燒偏瘦，但屋企人話唔好食肥叉所以要瘦啲，調味都幾好。老師傅燒腩仔最後就係自己鍾意嘅燒肉，皮好脆，肉鹹香，不過都係啦，個人覺得偏瘦，無左脂肪嘅甘香，哈哈，都話左唔準食肥。價錢係抵喎，味道又唔差，唔怪之得咁多人排隊啦。

屋企附近開咗間新嘅燒味店，門面好黃，好有型。行過都俾佢顏色吸引住！新張優惠，雙拼燒味飯都只係$22。吸引咗好多人黎買，我有幾晚諗唔到食咩都過咗嚟買燒味飯，因為真係超級抵食！而且質素一啲都唔馬虎。琴晚斬料返屋企加送，一於試晒佢哋幾樣招牌。叉燒，燒鵝，鹽焗雞，燒腩仔。燒鵝大部份都唔算好肥，好難得皮脆肉嫩🙌🏻叉燒全部肥瘦適中好好食鹽焗雞又有優惠，叫咗半隻試吓，抵食！燒腩仔皮好脆，正啊！店員都話唔知新張優惠做到幾時我行過應該會繼續食🥲

最近屯門新開左間燒味舖！附近的街坊都喜歡到不得了😍😍真係便宜又好吃啊😋燒味佬叉燒 叉燒以肥、瘦肉均衡的「半肥瘦」叉燒為最好的！！ 肉質軟淋😍叉燒即場燒製，每天新鮮出爐~ 十分正老師傅燒腩仔 燒腩仔皮脆肉嫩！脂肪和肉的比例剛剛好🤤獨特炭香融入肉中，鹹香入味及Q嫩Q嫩的肉質👍🏻👍🏻至尊燒鵝高溫燒烤出來的燒鵝，皮脆有光澤！配以甜酸醬汁食用🤤 好好味！客家鹽焗雞雞肉嫩滑多汁，連屋企人也讚好！！鹹鹹地的雞肉拌白飯真是好美味喔 滿足的一餐！ 吃得好開心喔🥳

見家長燒味滷師 屯門井財街21號協邦大廈地下13-14號舖女朋友入來屯門食晚飯，見一見家長，要識做的是加料加餸買上去。屋企人多兼且鍾意食架野都好唔同，所以一齊買燒味再齊齊返屋企。新開門口企滿了排隊買燒味架街坊，望到貼係門口架價錢又經濟實惠。父母年紀大盡量小食鹽，所以要至尊燒鵝同叉燒，叉燒豐厚蜜汁，由細食到大依然是對岩胃口，想要肥叉燒定健瘦架，落單時同店員講都迎合。老師傅燒腩仔 中老架浪漫，油脂香架腩仔皮醃得入味鹹香，皮然後脂肪同瘦肉相間的極致分佈,努力多運動還口債。無雞不歡同考慮白肉低卡健康，客家鹽焗雞係買比媽媽。order 完斬好，肉好滑架，有埋蔥油全家都讚好味抵食。為留好印象買多左，剩餘第二日翻焗煎香食。媽媽仲問地址係邊會去買燒味食。

經過開井財街，媽媽打電話嚟話想斬料加餸，又見到呢間燒味新開張，決定試試佢！30蚊半隻鹽焗雞、上莊燒鵝、叉燒燒肉唔少得🥰 一返到屋企打開個膠袋，啲醬醬汁汁勁齊整，絕對唔慳住就住。半肥瘦燒肉真係好新鮮，返屋企叮返熱食，個皮都仲係好脆口，而蜜汁叉燒都食唔停，老豆夾完一舊又一舊😂燒味滷師自設爐房前鋪後廚，本見佢啲豉油雞啱啱新鮮出，本身想轉豉油雞，但可惜師傅手起刀落已經斬咗鹽焗雞🥺唯有再下次再幫襯。可惜隻雞生咗少少，返到屋企媽媽都要整一整返熟佢，蒸完之後滑度啱啱好，食得出有雞味。題外話，隔左個幾禮拜之後老豆仲問我可唔可以再去斬多次料，睇嚟佢食慣左呢間之後，就有排都翻唔到轉頭lu

難得戲院開返，比$45去巴黎倫敦紐約戲院睇左場戲，然後，又係你?!!! 燒味老師滷師sorry🤣🤣🤣裝修依然係好光猛價錢又吸引上次淨係自己同自己屋企人食今次就買上男朋友屋企平平哋不過冇人知唔好失禮人呀嘛😋又買咗四盒，上次覺得好食嘅，不過冇買咁多啦費事食唔晒🤥 上次買得太多食咗兩三日😂四小龍出場！鹽焗雞好滑，又入味今次呢個燒鵝髀靚咗好多喎然後今次啲燒腩仔都靚咗好多🥺🥺點解屯門啲嘢好似好正咁嘅！雖然我要減肥但係唔鍾意瘦嘅叉燒叫佢比肥叉燒我就真係俾咗肥叉燒likeeee!!啲叉燒好好食呀真係總括而言，果然開到分店係有佢嘅原因😍平左，多咗分店，然後味都仲好食左希望佢哋快啲再開多啲新嘅分店啦咁喺其他區嘅朋友都可以食到🤍

一間抵食既燒味店!!係屯門開張啦🤪🤪今晚就買番去同朋友食飯加餸🤩🤩🐽 老師傅燒腩仔🔥 ($64)燒腩仔肥瘦均勻👍🏻個皮仲keep到脆🤤瘦肉位肉質都唔會太鞋而且有淡淡炭燒香味🤤🐽 至尊燒鵝🌟 ($110)上莊有燒鵝背肉同胸肉😗皮烤得好有光澤🤩肉質夠曬嫩!依個優惠價真係超抵👍🏻大件又啖啖肉🤪🐽 客家鹽焗雞🐓 ($30)$30半隻雞都非常抵食🐓鹽焗過好香 但唔會過鹹🤓雞肉嫩滑 雞皮油脂滿滿🤭非常滑溜溜😋😋🐽 燒味佬叉燒👅 ($50)叉燒都係斬料唔少得既🤤🤤肉質偏爽口😙表面少少燶 燒得夠香加埋蜜汁香😝

這間燒味滷師位於屯門井財街，係一間新開嘅燒味店舖，去嘅燒味十分之有水準，呢間店舖還有其它分店，去哋嘅燒味都係自己燒，有自己嘅工場，同時都有批發零售同埋預訂!.至尊燒鵝(上庄)燒鵝賣相都好吸引😮，去嘅外皮燒到外皮脆肉質嫰咬落啖啖肉，食到入口鵝味好香😙，仲有點吓去D梅子醬味道唔同哂😋😋😋!.燒味佬叉燒去嘅叉燒睇見都好想食🤔，叉燒真係睇得吓，半肥瘦嘅叉燒，唔係只得肥肉少，肥瘦均匀，好香好濃郁嘅蜜汁嘅味道😙，真係好有傳統嘅水準👍👍👍!.老師傅燒腩仔去嘅燒腩仔賣相好更要，第一眼望落去賣相好重要，望落去燒腩仔肥瘦均匀，食入口唔係只食到肥膏到瘦肉小，這間店舖做至三七比例🤔，真係好有水準👍，咬落D燒腩仔到肉質好嫩好鬆化，但係食到入口感覺都好有口感，食到D肉味道好香，尤其是去嘅外皮保持好鬆脆味道恰恰好，感覺真係好好味😋😋😋!.客家鹽焗雞(半隻)鹽焗雞賣相都唔錯，去嘅外皮色澤都好油潤，食入口聞到好香嘅雞肉嘅鮮味😙，雞肉肉質嫰滑多汁，味道都唔會好鹹，味道恰恰好，再點埋去哋嘅自家制薑茸，令到雞嘅味道更加好味😋😋😋!.*同時新張優惠試食價*瑤柱貴妃雞玫瑰豉油雞客家鹽焗雞三款唔同味道原價110元優惠價59隻  

聽說虹橋新開張左間燒味店，我當然要去試下啦，去到店外，見佢係咁介紹優惠飯盒，張單張個賣相又唔錯，咁就外賣左個叉燒油雞飯試下。回到家中，真係「嘩」左一聲，真係同下面張相一樣，d餸好似打哂風咁，完全無賣相。咁我睇下d餸既份量真係少左一點，薄到北寄貝而不同位置的4塊叉燒，瘦不突止仲要好鞋，加埋4塊明顯係頭頭尾尾既油雞，骨多個肉，簡直騙人騙錢，相信都係將所有賣唔出既倒哂落個飯盒度，真係好過份囉。另外飯量都係足夠既，不過$22咁既質素就真係差到陣，我去其他個燒味飯都係$30，希望你地之後也能注重食物質素。如果係因為優惠價而將價就貨既話，我諗$35雙併飯不但性價比高，相信大家都唔會為左十蚊八蚊而選擇一個「咁樣既飯」！