燒味滷師 (協邦大廈) (已結業)

「燒味滷師」在屯門開咗新店，屯門嘅朋友，有福了！ 「燒味滷師」位於屯門井財街21號協邦大廈地下13-14號舖，從遠處已經見到好多街坊買外賣！外賣燒味🎉🎉🎉， 櫥窗掛滿各種各樣燒味，樣都想食呀！ 必叫嘅《燒味佬叉燒》， 叉燒最好食就梗係食👉《半肥瘦》啦！ 叉燒總是係斬料加餸嘅首選， 叉燒肥瘦適中，肉質軟腍，外皮燒得香脆， 仲好juicy同香噴噴添， 配上蜜汁就超好食！ 超鬆化嘅《老師傅燒腩仔》係我至愛， 外皮脆之餘，仲好鬆化，食落去脆卜卜， 而肉質香滑鬆軟，帶有香濃嘅肉味， 真係食過不停！ 至尊燒鵝（上庄），外皮燒得有光澤， 香脆，真係做到皮脆肉嫩，肉質仲好飽滿添， 味道豐富，帶有濃郁鵝味， 超滿足！ 超抵食客家鹽焗雞， （一隻$59，半隻$30)叫咗半隻雞，非常抵食，鹽焗雞帶有鹹香鹽味， 好惹味呀！ 雞肉嫩滑多汁， 雞味香濃，肥美味而不油膩， 正呀！ 下次試下外賣先，真係好抵食，$22 一口價！ 抵，抵，抵！