燒味滷師 (協邦大廈) (已結業)

當唔想煮飯或者唔知煮咩好嘅時候，斬料就可以解決一切問題🤣今次喺上朋友屋企之前喺附近斬料加餸～見到呢間燒臘舖好多人幫襯，就行埋去睇吓。見到掛喺櫥窗嘅燒味都幾靚，而且價錢仲好平，所以就買咗四款燒味去朋友度。燒味佬叉燒蜜汁味好重，香甜惹味。叉燒肉唔會好多肥膏，肥瘦適中，但肉質唔會乾，仲幾軟幾腍添👍🏼拎到返去仲喺暖暖地🔥仲比足夠嘅汁可以點嚟食同捞飯😂客家鹽焗雞 (半隻) 只係$30，真係幾抵食🤩鹽焗調味夠鹹香，雞肉同皮都幾滑，又唔會好肥。老師傅燒腩仔腩肉唔會過肥，鹹香味好夠。至尊燒鵝(上庄) 肉嫩甘香，又夠入味。皮薄唔肥膩之餘仲啖啖肉😚

今日係端午節，聽朋友講依度開左間燒味幾好食, 今日買啲燒味返去同屋企人食。買左都幾多下，夾埋200零蚊，唔算太貴。我去到果陣咁岩食飯時間，仲要排隊，好多人買盒飯食！總共買左4款 : 燒肉、燒鵝、鹽焗雞、叉燒都係啖啖肉既部位, 雞都係比雞脾位最鍾意食鹽焗雞, 味道單食都唔會過鹹, 又唔會好似普通切雞咁冇乜味而爸爸就最鍾意燒鵝, 話夠滑唔會榎歰歰, 叉燒半肥瘦, 斬得偏厚, 蜜汁味重燒肉皮脆肉厚, 肥肉偏多, 整體味道唔錯, 值得一試

好少食燒味都打食評，但呢間燒味店慶祝新分店開張有優惠，勁勁勁抵，6個大人食飯，斬咗4盒燒味，乜都有，居然$200唔洗 lol，CP值高到驚人！環境平時其實真係唔會嚟新墟呢邊，咁啱嚟搵朋友經過見到優惠，好多人排隊。明爐燒鴨(下庄) $38燒鴨仲要有脾嘅下庄$40唔洗有交易😍肉厚，皮下脂肪少，食落油香幾重，而肉厚而不韌，$38絕對扺食。脆皮燒腩骨 $60燒腩就一向都貴啲，呢到嘅燒腩相對上瘦啲，如果食慣肥美嘅同師傅講軟肥啲，但我自己不嬲唔食肥肉，瘦嘅反而啱我😂。 客家鹽焗雞(半隻) $30呢個必嗌！食完有驚喜，皆因整得好滑，雞肉一啲都唔老唔嚡，仲要半隻雞只係賣$30，美中不足係做得未夠似鹽焗味。 燒味佬叉燒 $50 咁大盒賣$50，又係抵到爛，蜜汁好足夠，半肥瘦不太膩。總括而言，住附近嘅朋友仔有福，難怪大排長龍，仲要有分店！

去朋友屯門屋企食飯，去了屯門井財街21號協邦大廈地下的燒味滷師切料加餸。由於新開不久加上裝修企理光猛，在門口已經有很多人排隊購買。看到準備燒鵝，燒鵝當場即燒，新鮮出爐。我們點了至尊燒鵝1/4隻，燒味佬叉燒半斤，老師傅燒腩仔半斤，客家鹽焗雞半隻，攞起時已經相當重手， 拎到返屋企打開蓋看，果然是相當足砰。至尊燒鵝上庄，由於新店開張是$110元，相當抵食，而且自家工場，然新鮮出爐，果然是皮脆肉嫩。客家鹽焗雞半隻30蚊，超級抵食，而且雞個頭很大隻，最啱屋企加餸。燒味鹵叉燒半斤，滿滿一盒，而且品質不錯，沒有太多渣，好味。老師傅燒腩仔，皮燒得好脆，配上黃芥辣，好送飯，正。總結：燒味滷師是一間超抵食，性價比極高的燒味店，做的是街坊生意，見他 多人排隊就知道，有很好的口碑👍👍

今日屋企大家都放假！！梗係唔煮飯啦休息吓嘛~經過一輪投票後決定近近臣落樓下買燒味翻屋企食 至尊燒鵝燒鵝皮脆有光澤，肉汁亦多 😋😋配上酸梅醬一齊食！ 加分加分啊！！燒味佬叉燒屋企每個人都極鍾意食叉燒~ 呢度嘅叉燒的肉質軟淋，多汁香甜客家鹽焗雞雞肉肉質很嫰仲帶有鹹香，超級好味道！！加上配上特製的沙薑汁，真係好送飯啊 😎😎麻辣手撕雞呢個真係夠晒惹味！！絕對是開胃既前菜啊~~~ 鍾意食辣嘅朋友千祈唔好錯過🥰 送酒都係一流㗎

💖落屯門買外賣返去比屋企人做午餐，梗係黎燒味滷師買燒味滷水🥰喺新墟輕鐵站行2分鐘左右就到。1⃣️至尊燒鵝 (半隻)🥩 $108💖去到發現燒鵝有減價，所以買咗半隻返屋企。燒鵝夠晒肥厚嫩滑，咬落勁juicy，。好大浸油香味，搞到我唔肚餓都食咗幾舊，有啲邪惡感🤣外皮香脆，配上酸梅醬就更開胃！2⃣️燒味老叉燒🥩 $50💖叉燒嘅蜜汁好有光澤，肉質嫩滑，香甜得黎唔膩。叉燒肥瘦得宜，分量多，每次黎燒味滷師必買！3⃣️原味手撕雞 (半隻)🐔 $60💖手撕雞份量多，肉質細膩，雞皮香滑，平時唔食雞皮嘅我都忍唔住😋雞肉鹹香，搭配芝麻同麻醬增添滋味！💖邊間分店都係大排長龍，員工態度好，做嘢又快手。見到佢哋有買便當，先$22 ，下次買來試吓🥰

燒味滷師 (協邦大廈) (屯門)屯門井財街21號協邦大廈地下13-14號舖至尊燒鵝$110燒鵝上庄，都好大碟下，我用多汁，超多外層香脆，皮下有一層薄薄的脂肪，點上酸梅醬很下飯。叉燒$50叉燒肉口多汁，甜甜的叉燒醬，叉燒肥瘦均勻少得外層香脆可口，內裡肉質還是很嫩口，入口爆汁。燒腩仔$64燒男仔最緊要就是外邊的豬皮燒得脆卜卜。這個拎回家時已經是幾個小時後，但吃的時候還是外皮脆脆的，我喺床下面夾着一層豬油紙，下面是瘦肉。很有火候的燒腩仔。鹽焗雞$30$30半隻鹽焗雞，非常抵！鹽焗雞鹹鹹香香，用來配飯非常好。還配上了姜蓉和沙彊醬！

假日唔想出去同人迫，又要等位，就喺屋企煮，再買啲燒味返嚟加餸先😬😬屋企附近呢間燒味滷師，見佢有幾間分店，仲係舖頭即燒即賣，價錢仲好平民添😍燒鵝好吸引呀！喺舖頭就見到個好大個燒鵝爐，我揀咗上庄110蚊，好細心獨立再包醬汁畀我，肉質紮實，好有鵝香，而且何由鵝髙都幾香😜另外客家鹽焗雞半隻都係賣30蚊，簡直超值呀！呢個係新張優惠，一定要買啦，一大盒，肉質嫩滑，鹹香！用嚟送飯真係幾正燒味佬叉燒肉質好淋呀，而且個醬汁甜甜地都ok🥰老師傅燒腩仔外皮脆卜卜，一層肉一層肥高．雖然就肥啲但係真係好香口，間唔中一次冇所謂啦😊屋企加條魚加碟菜咁又一歺，六個人都食唔曬，好抵呀😆

你哋老闆喺社交平台講服務態度要好！你講嘅嘢我非常認同！但係你知唔知道，屯門虹橋/分店，有有你講嘅服務態度？我昨日去咗呢間分店買燒鵝飯36蚊一盒！當時要求如果有燒鵝腩位可唔可以斬界我，又或者鵝背都冇所謂！最後兩位斬料師傳竊私語！斬完之後交界小姐小姐交界我！我把盒飯帶到家裏食用時！發現全部都係胸肉位！而且食落去根本唔似燒鵝，肉類味道根本就係燒鴨！🤬🤬🤬老實講！！我幫襯過你哋四至五次！次次都買燒鵝飯！！今次體驗最差最差！如果你哋做唔到！你出聲咪得囉！點解要咁做？？？？我以後都唔會襯你哋！🤬🤬🤬

又嚟分店斬料加餸食先😗真係好抵食，依舊份量好多，同埋排隊排長龍😝至尊燒鵝，打開外賣盒，一股香氣撲鼻而來，仲係熱架，而且份量勁多，趕快咬一口，肥美呀，油脂香味四溢，鵝皮香脆，鵝肉彈牙，鵝油齒頰留香，搞到流曬口水，加了酸梅醬係惹味少少，仲好想食😍白切貴妃雞又滑又嫩，好多汁呀，能做到皮滑肉嫩，就非常好吃呢🙂燒味佬叉燒，叉燒肥瘦部份適中，入口feel到肉質很爽，水準不錯，肉質鬆化唔在講，相當有咬口，加上帶點燶邊，而且叉燒沾滿了又甜又香的麥芽糖，好食的叉味😗脆皮燒肉，外皮鬆化乾身，肥瘦度亦恰好，食多幾件都唔膩👅👅

燒味滷師：同學仔有咩幫到你？我：唔該 我想要半隻至尊燒鵝，半斤燒味佬叉燒（半肥瘦），半隻原味手撕雞燒味滷師：好嘅，搞掂再叫你號碼。咁多餸你食唔食得哂架？我：梗係要同屋企人分享啦，今晚幫屋企加餸架🤣3 minutes later~燒味滷師：細佬，搞掂啦我：哇，咁快手。返到屋企我：阿媽，今晚唔洗煮餸呀，煲飯得啦❤️媽：哇，咁多餸嘅？我：係呀，開左間新嘅燒味舖，所以買黎試吓，反正咁平🤣媽：你買左幾錢？我：加埋先$220炸嘛媽：下？有半隻燒鵝同半斤叉燒再加半隻手撕雞喎，佢地收少左你？我：冇喎😂食後感：手撕雞又滑又香，加左麻油同白芝麻之後真係忍唔住係咁夾黎食。燒鵝啲肉又嫩口又香口，加埋酸梅醬真係好似食裕記咁。叉燒唔會太肥太瘦，岩岩好，唔似出面嗰啲成日要咬開一大舊肥膏出黎先食得。#屯門美食 #香港ig #hkig #hkfoodie #food4life #foodporn #foodlover #lovefood #igfoodie #foodmadness #craveforfood #hungry #eat #冬陰生活日記 #冬陰生活日記_屯門

今日去親戚家吃飯，總不能什麼都不買，所以就到樓下的燒味店斬料。.靚到反光的燒味在玻璃窗下就是最好的裝飾品、宣傳片，而且價錢很貼地$22雙拼燒味飯；$30半隻雞，抵食！.半隻燒鵝- 鵝的油香滿溢，香口多肉汁，肉質結實。很久沒有吃燒鵝了，久違的奢侈只是$110，有誠意夠體面的加餸。.$30有半隻雞真心抵，媽媽說平過自己煮？肉質嫩滑，肥瘦適中。.斬料當然少不了叉燒，啖啖肉，不烈不乾，恰到好處，一大盒$50購一個普通家庭食了。.想不到在燒味店也有手撕雞，清新感覺更健康。

屯門燒味舖唔算多 呢排井財街開咗一間新嘅 平時買開呢度嘅22蚊雙拼飯 超抵食🤩🤩 今次斬料加餸‼️燒味佬叉燒：叉燒醬蜜汁味重 食落甜味幾出 肉質唔鞋 重點係唔洗叫都比半肥瘦我 係開心嘅！如果多啲燶邊仲正老師傅燒腩仔：好重肉味 熱食真心好香🤤完全唔使落芥辣 size比平時食嘅迷你啲 肉質好鬆化 肥瘦均勻🍖至尊燒鵝（上庄）：皮夠薄 食落唔會太油膩👍🏻肉質好嫩 擺雪櫃分開幾日食都唔會柴晒 而且燒得岩岩好 好食😋 下次叫下庄 都係貴$10客家鹽焗雞：外賣鹽焗雞會分開比薑蔥油同鹽焗醬汁 食之前將啲雞倒入啲汁度就食得～ 雞件冇碎骨 燒味師傅有功架👴🏻 雞肉口感幾嫩 同鹽焗醬汁好夾 唔洗落薑蔥油都好夠味 可以用嚟撈飯😚

聽朋友講，屯門有一間燒味滷師，見近近地，一於過去睇下有咩好食先。至尊燒鵝，燒得啱啱好，師傅火候控制得好好，唔會過熟，咬落去鵝皮爽脆，肉汁豐富，配上酸梅醬，中和一下，唔錯！燒味佬叉燒，叉燒色澤油潤，沾上甜而不膩的蜜汁，再輕輕一燒，為叉燒添加一層黃金外衣。一啖咬落去，半肥瘦叉燒的脂肪便在口腔溶化，撈飯一流！老師傅燒腩仔，外皮香脆，咬落去喀喀聲，腩肉點上芥末，為舌頭帶來一絲刺激！客家鹽焗雞，雞肉醃得好入味，但唔會過咸，雞肉鮮嫩，唔會咬唔開，值得一提的是他的沙茶醬，配上鹽焗雞，唔會唔夾，反而有一種相輔相成的效果，更加有層次。

近排成日OT, 晚飯都唔得閒煮，所以就斬料返屋企食。平平地已經有雞、有鵝、有叉燒，返到屋企煮條菜就得，真係平、靚、正！燒鵝雖然只買了半隻，但望落去好大隻，而且皮脆肉厚。我留咗一半第二日煮湯米粉食，放左湯仍然好夠味，讚👍🏻我老公怕肥，所以買左半斤瘦叉燒。有時買瘦叉燒雖然無肥肉，但就會乾爭爭，唔好食。但呢間既瘦叉燒瘦得黎又唔乾，仲要幾鬆軟添。最後就係懶人最愛既手撕雞，唔使自己斬和去骨，就咁食就得，超方便。我怕辣，所以買左原味手撕雞，鹹鹹香香，再加埋芝麻，真係好惹味。