燉 (已結業)

經 app 於晚上7時24分落 order 並有 email 確認，於7時52分收到另一個 email 通知order 已被 cancelled。如果做唔切或者賣晒，可唔可以早少少通知，唔好要啲客白等。

係荔枝角呢頭返工，今日lunch想食飯暖下個胃，又唔想太濃味，之前都經過過，今日就決定揀呢間試啦！今次淨係單叫左個栗子炆鴨飯 (因為早一兩日飲完湯)，$38，味道ok，唔會太濃，不過感覺有啲啲油，份量唔算好多，但一般女仔應該夠食，一路食一路覺得淨係栗子同鴨有啲dry咁，突然覺得呢個汁同冬菇好match，如果可以加多兩舊冬菇落去就更好！哈哈Overall都唔錯既，下次可以再試其他客飯，(佢另外都有幾款蒸飯，但個人而言麻麻地蒸飯) ，順便試埋佢啲燉湯先！

在香港做食肆，面對兩大成本問題，一係租金，二係人工。有時都有聽啲飲食行家訴苦，說越來越難做。 有食肆就會諗方法在此兩方面下功夫，節省掉成本，將食物質素回饋人客。例如這間主打吃燉品的店，位處荔枝角工廠大廈地下，相信租會平啲；另外採用自助形式，自己食物自己攞，減少侍應開支，食客便可用相宜的價錢，食到優質貨。 我當日 walk-in 來到門口，有幾位女士在看餐牌，說：「好抵！」吃後，我都覺得真心抵。 餐廳用木系顏色做主調，幾醒神。除了有一般枱，右手邊有一排像自修室的靠牆位。點好食物及付錢後，就在隔壁自取，不收加一。 牆壁上有 USB 差電位，細心： 主打的一系列燉湯： 我挑了「花膠螺片燉雞」$68 相當足料，花膠、螺片、雞肉、冬菇齊齊報到。滾燙的湯是零味精，也沒有落鹽。 枱面有獨立包裝的鹽，由食客自己調味： 我幾欣賞這個做法，由零調味開始，自己調到啱就最好，也證明湯的真材實料。味道相當鮮，花膠也大塊。花膠湯可養顏滋陰，男女飲用都有益。 主食有不同蒸飯，例如「蟲草花蒸雞飯」$22，都相當平。這天我食豪少少，叫了個「原隻炆冬菇花膠」$99 / (約八頭)，用上南非花膠： 八頭，

有一日去完D2 Place見客， 經過見到有燉湯立即去試下。入到去要先買飛， 店員會先問下自己有無咩唔受得， 非常體貼， 最後先會推介湯水俾客人。最後選了花膠螺片燉雞。店員話普通人都飲得， 最重要係有埋美容功效。買完飛， 大約2 分鐘左右已經有得拿。 好似茶餐廳咁自己搵個位坐。 打開個燉盅， 發現有1/4 隻雞， 兩塊花膠， 4 塊螺片。 用料還算充足。 味道香濃， 飲完差不多一個鐘仲齒頰留香。

今天在自修室同疊書困獸到左大半日。📚一位"懶"係養生既朋友半個月前就send過呢間新開的小店話要去食，於是今日比佢拉左去吃啦。🤷🏻‍♀️.到埗，餐廳裝潢乾淨利落，牆壁是我喜歡的油畫灰。沒有點到佢招牌既燉湯，只係吃左飯，喝了茶。.紅酒🍷繪牛肉飯 - 是沒有味精的，不算咸，不太油膩，份量剛好(就👧🏻而言)。.杞子菊花茶 - 微甜，很好喝。🙂走的時間外賣了甜品回家品嚐。鮮奶燉花膠 - 甜度剛好，我把整碗都喝光光了。只是略嫌價格有點高，我想應該是花膠成本的錯吧。HAHAHA.. 今餐報告完畢。只能說是簡單健康的一餐，滿意。(PS. 該名"懶"養生朋友讚不絕口，煩。🙄)

天氣浩熱，時常出入冷氣地方，口嚨不適，出現咳嗽。正想飲些滋潤湯水，調節吓。行完荔枝角D2,剛剛路經這間不起眼的餐廳，被個"燉"字吸引了視線，便入去看看有咩好嘢食。餐廳主打各式燉湯，蒸飯和點心。因本人巳食了晚飯，所以就叫了一客~海底椰麥冬川貝燉瘦肉~$58,試吓先。燉湯size也適中，而材料也很多，多片海底椰，麥冬和兩舊瘦肉，味道也很清甜，藥材味濃，貸真價實。而且價錢合理，快餐散點自助形式，快靚正，方便繁忙打工一族。

中午吃飯在荔枝角一定要12:30之前出來，才會有位子坐下來。尤其是自助點餐到餐館。這裡也是。我們12:40到，來一兩個人點餐，也有空位。 但是等到1點時，隊排到門口了。湯很好喝，飯量適合飯量少的女生吃。一餐下來雖不便宜（ 我點了一碗蟲草花雞飯和一個瘦肉猴頭菇湯、一共 港幣69元） ，但是感覺吃的健康一些。這裡百分之80 是女生來吃。我飯量比較大，所以覺得沒有吃飽的感覺。餐館很新很乾淨。不過中間的座位台子偏高，吃飯有點不舒服。冷氣是滿足的，炎熱的天氣，冷氣非常重要。

呢幾日放假去我男人屋企hea, 激死我, 夜晚又睇波狂叫嘈住哂, 個廳亂到一個點! 佢訓得唔好又要晨早起身, 整野兵兵澎澎嘈醒埋我, 我既慣時生理, 一起身就肚餓. 獨居男人既屋企真係好嘔血, 個雪櫃除左可樂同D垃圾過期食物就乜都無. 望望個鐘, 8點幾, 佢返10點半, 當佢仲想坐低上網睇有咩波睇既時間, 我火都黎就一腳伸佢落街買早餐我食, 嚴重警告佢唔可以再買M記.佢買左袋白色野上黎擺係台比我, 可能贏左波, 佢又心情特別好無黑返我面. 我拎出黎食, 算佢知機啦, 識買粥同點心我食, 點心係個羅白糕. 個粥真係要比返個靚credit間鋪, 我最鐘意既粥係兩種, 一種係潮州粥, 水米分明, 夠哂清腸胃. 另一種就係呢種, 夠哂綿同稠度高, 屋企先會煮到咁既質地, 絕對係同D乜記物記果D粥鋪既粥係好唔同, 果D食食下會出哂水, 唔知咩原因, 呢個粥我點了佢都係綿綿唔出水. 個味唔使講, 好好食, 煮到個咁既粥唔會失敗. 另外個羅白糕, 我個人就麻麻地, 點鼓油都OK既. 我男人就鐘意食D入口淋淋既野, 我食左幾口就比佢清左, 呢樣我就鐘意食煎既多D, 所以呢樣無咩comment. 男人

女友一向都好鍾意飲湯，而近期考試放早，當然要陪女友。我地揾左一陣就到，第一睇覺得環境簡單舒服，唔錯！仲有位置可以叉電，放便毒男的我。我地今次點左一個花膠螺片燉雞，一個蒸魚肚滑雞飯，再加一隻茶葉蛋。湯一開始時比較淡口，原來佢係等我地可以自己落鹽調味，安排幾好，個湯落左少少鹽後，鮮味更出。至於魚肚滑雞飯都幾足料，配上少少豉油，好味道，而且我成點先食，特別肚餓，所以更好味。最後茶葉蛋則比較弱，味唔夠濃，明顯煮的時間唔夠長，連上色都唔係好夠。不過整體都幾好，值得再試😬

一個人食飯，無咩胃口又唔知有咩好食，係個朋友飲飲食食group度有人介紹有間新野ＯＫ可以去試下，就去左呢間店度試下。入到去同我印象中與傳統湯有關既食野環境好唔同，係北歐風，有屋企既感覺，幾舒服。行去叫野食，Ｄ湯款幾特別，可能專做燉湯，所以可以整Ｄ獨特既款式，唔係度度都有呢Ｄ湯款，一般餐廳要整呢Ｄ應該好大工程吧。有蜜瓜款，花膠款，蟲草花款，蘋果雪梨款等等。我就揀左一款我好耐無飲過，但好有印象既湯 — 花旗參無花果燉瘦肉，係以前媽咪時不時整比我飲既野，不過媽咪整既就冇無花果.以前讀書考試，成日都唔夠訓，攪到成日感冒，記唔到野入腦攪到成日發皮氣。果陣媽咪話花旗參會降火同訓得好Ｄ，無視我既皮氣整比我飲，真係有媽的孩子像個寶。自從家人移民之後，我無再飲過花旗參既野，自己一個住又無可能攪呢Ｄ。講返個湯先，叫果陣念住懷念下，因為以前媽咪整會苦苦地，所以念住都係咁上下。但呢個湯有龍眼，減左Ｄ苦味，仲甜甜地，其實我無食過成舊既無花果，唔知係咩味，佢呢種味道我唔識形容，好似ＢＢ仔食新野咁。佢成件事起埋一齊係好特別，裹面既料係完整既（因為燉唔係煲既原因？），唔係撈埋一Pet野咁，清清地，但所有料既味道都好出

若你不須要太大的份量，晚餐是一個不錯的選擇，湯的種類很多，但飯的選擇相對少。不過，堂吃也全部用上塑膠，太不環保了，而且用塑膠放入這麼熱的東西，有點不好。味道雖好，但失去了進食和器具接觸的感覺。這亦是會否再次光顧的考慮。

今日出去荔枝角搵Friend，佢又未到，條街熱得好緊要，於是入左間鋪頭食小小野順便涼下冷氣。因為夜d我地會去食Dinner所以叫個清清地既湯飲下消下暑，叫左個雲腿東瓜燉瘦肉。其實本身無咩期望，因為出街飲湯，果d例湯阿，話燉/蒸湯，9成都味精野，飲到個口鞋十十，相信伏過既人都唔小。但作為soup lover 既我，無論中幾多次伏，都充滿拼搏精神去試新野！今次呢個湯，我個人好滿意，岩哂我口味，真心無味精，清甜得黎但好足料，所以味道好好，真係令人一試難忘，真心推介比大家。希望你地可以係新界區都開返間，等我地呢d新界居民都有靚湯飲下Ps: 飲哂先記得影相，下次試其他既食前再影返。

假如平時湯水不夠，來幫襯一下這些以燉湯為青睞的小店就再好不過。燉除了出售燉湯外，也有蒸飯及包點以供選擇，店內佈置簡潔，空間感十足，座位相對比較少。我點選了飯及燉湯，份量著實不少。梅菜扣肉飯：梅菜完全不帶鹹，反而帶點甜味，可見廚師下了一點功夫。而扣肉則炆得口感剛好，面層那片皮絕不油膩，也不會淋到像棉花般。而瘦肉位置則很香口，肉質好新鮮。白飯則帶點硬，非常合我口味。猴頭菇螺片燉瘦肉湯：猴頭菇味比較濃，味清淡，可自行加鹽，但原始味道更適合我。湯料也多，但螺片則只有一小片，有點失望。猴頭菇可口，咬一口內裡的湯滲出來更覺可口。兩樣合共$78算是合理，離開時都捧著肚子走😆

星期日去D2行，行完想食埋飯返屋企，就見到呢間「燉」入去睇睇齋見啲湯名就覺好健康，就決定坐低試。啲燉湯真係超香，真材實料，無落味精，出街難得有咁嘅店仲係有枱凳。講返餐飯，叫咗2個湯，海底椰花旗參川貝嗰個好好味（$58），蘋果雪梨就清啲（$48），都係香濃，唔會稀new new，有火喉、多材料，好健康。另外我叫咗個飯，係釀涼瓜飯（$38），同相片有分別，涼瓜都出晒水淋晒，味道一般啦，都係燉湯強啲。好希望多啲分店，最好我樓下開返間，可以隨時幫襯。

一間完全唔起眼的小店如果唔細心留意行過左都未必知吸引到我留言呢間店鋪既原因係佢簡單既裝修同埋以燉湯做招牌今晚突然諗起之前有見過呢間餐廳於是今晚就黎左呢到餐廳內環境設計非常簡單但一啲都唔馬虎係收銀機前就有各種各類既食物有燉湯 飯 甜品 等等食物仲放左唔少燉湯透明度非常高呢到既然以燉湯做招募點可以唔試下佢呢到既湯呢呢到啲湯聲稱係加味精若果飲完唔夠味可以再加其他調味料今次飲既湯叫猴頭菇瘦肉湯第一啖飲落已經好有屋企既味道湯料都非常出味而且湯既熱度剛剛好飲落唔會覺得太熱就算我打開蓋啲湯都唔會好快就凍哂分量都唔少架淨係飲湯又點夠飽呢當然要叫返一個飯食喇瑞士雞脾飯啲汁攞黎送飯一流雞脾都唔算細隻雞肉都尚算幼嫩值得一試不過可能已經算夜到所以點心都賣哂下次想食要早啲到