影片
更多
2018-06-22
1183 瀏覽
呢幾日放假去我男人屋企hea, 激死我, 夜晚又睇波狂叫嘈住哂, 個廳亂到一個點! 佢訓得唔好又要晨早起身, 整野兵兵澎澎嘈醒埋我, 我既慣時生理, 一起身就肚餓. 獨居男人既屋企真係好嘔血, 個雪櫃除左可樂同D垃圾過期食物就乜都無. 望望個鐘, 8點幾, 佢返10點半, 當佢仲想坐低上網睇有咩波睇既時間, 我火都黎就一腳伸佢落街買早餐我食, 嚴重警告佢唔可以再買M記.佢買左袋白色野上黎擺係台比我, 可能贏左波, 佢又心情特別好無黑返我面. 我拎出黎食, 算佢知機啦, 識買粥同點心我食, 點心係個羅白糕. 個粥真係要比返個靚credit間鋪, 我最鐘意既粥係兩種, 一種係潮州粥, 水米分明, 夠哂清腸胃. 另一種就係呢種, 夠哂綿同稠度高, 屋企先會煮到咁既質地, 絕對係同D乜記物記果D粥鋪既粥係好唔同, 果D食食下會出哂水, 唔知咩原因, 呢個粥我點了佢都係綿綿唔出水. 個味唔使講, 好好食, 煮到個咁既粥唔會失敗. 另外個羅白糕, 我個人就麻麻地, 點鼓油都OK既. 我男人就鐘意食D入口淋淋既野, 我食左幾口就比佢清左, 呢樣我就鐘意食煎既多D, 所以呢樣無咩comment. 男人
獨居男人既屋企真係好嘔血, 個雪櫃除左可樂同D垃圾過期食物就乜都無. 望望個鐘, 8點幾, 佢返10點半, 當佢仲想坐低上網睇有咩波睇既時間, 我火都黎就一腳伸佢落街買早餐我食, 嚴重警告佢唔可以再買M記.
佢買左袋白色野上黎擺係台比我, 可能贏左波, 佢又心情特別好無黑返我面. 我拎出黎食, 算佢知機啦, 識買粥同點心我食, 點心係個羅白糕.
粥
$20
45 瀏覽
2 讚好
0 留言
個粥真係要比返個靚credit間鋪, 我最鐘意既粥係兩種, 一種係潮州粥, 水米分明, 夠哂清腸胃. 另一種就係呢種, 夠哂綿同稠度高, 屋企先會煮到咁既質地, 絕對係同D乜記物記果D粥鋪既粥係好唔同, 果D食食下會出哂水, 唔知咩原因, 呢個粥我點了佢都係綿綿唔出水. 個味唔使講, 好好食, 煮到個咁既粥唔會失敗.
另外個羅白糕, 我個人就麻麻地, 點鼓油都OK既. 我男人就鐘意食D入口淋淋既野, 我食左幾口就比佢清左, 呢樣我就鐘意食煎既多D, 所以呢樣無咩comment.
男人叫我學點煮, 咁大工程, 我睇睇張單, 買先$20碗, 我話我寧願下次我落街買囉. 然後佢望住我好陰險咁奸笑左一下, 我知我禍從口出啦, 已經做佢工人咁濟, 而家連外賣仔呢個唯一既優惠待遇都無埋....
張貼
