熱點 (已結業)

出開尖咀行街，突然好想打邊爐，但係兩條友叫一圍枱個種打邊爐野食就太多，又唔太想食吉吉家，搵到呢間可以一人鍋，價位唔高就諗住試下。位置都就腳，係正The One 對面。餐廳格局頗大，走台式路線，大家入門口，經理大聲用國語「歡迎光臨」打招呼，頗有台味。有9款鍋你選擇，再配碗白飯，我地每人點一個餐，分別叫左「竹笙椰子海南雞窩」($128)，「冬蔭公海鮮窩」（$108）雞窩配料有，蜆仔，貢丸，豆腐，飛魚子魚蛋腸，栗米，竹笙，金菇，但係雞件份量不多，有5-6件，肉質滑，湯底有淡淡椰子味，食到有兩舊椰子肉，呢個窩走清淡路線，不似街外濃味火鍋，適合女仔食。海鮮窩湯底似泰國杯面個種湯，味道濃郁，配菜有蝦，番茄，紹菜，重有公仔麵同理一隻生蛋，湯底辣中帶甜，個麵吸個湯底好正，但係會提議餐廳，麵同蛋可以分開比食客後加入去，因為個窩煮到最後會「糊」左。泡沫綠茶同紅茶同預期差不多，建議大家可以要少甜。

呢間火鍋店~比較特色係 一鍋岩岩好夠食同關火= = (計到好足下)不過食落係好飽 仲可以加20$到 加多碟牛食下咁既.我地叫左一個咖哩鍋一個什錦鍋湯底例如咖哩鍋比起吉野家個d濃...牛肉為美國肥牛質素 一般水平@@豚肉都係正常水平~佢一個鍋先50-80元 算係咁啦野飲比較特色~ 係特飲類別~配料都係咩都有 有小小似吉野家咁~不過呢到d配料比較好食小小呢到d飯幾好食~ 唔係珍珠米黎  但鬆鬆軟軟服務水平正常~~

近日開始有點涼意，昨晚和媽咪去咗尖沙咀行街，我地諗緊晚餐食咩好呢？看到The One商場對面哩間火鍋店，就決定入去試吓！媽咪選了這款蕃茄湯底既火鍋，原來每個不同湯底的鍋，都有不同的餸菜。媽咪哩款和我果款最大唔同既就係，這碗有南瓜，蕃茄，粉絲，同埋雞蛋。而我哩款就係麻辣肥牛鍋，我哩款有兩粒豬紅，有公仔麵！（我覺得飛魚籽魚蛋腸好正啊！）我食過咁多次打邊爐，都未食過哩款丸。麻辣鍋有：細，中，大辣供選擇，我叫咗中辣，夠麻又夠辣！🌶🌶

天氣涼涼地，約咗朋友去呢間熱點試下一人鍋，講起一人鍋，有時就食開吉字頭嗰間，呢間價錢貴少少，唔係好多。同埋睇下食咩，平有平食，貴有貴食。叫咗第一個：忌廉龍蝦湯鍋，個湯陣陣龍蝦味溢出，令人食慾大增，裏面有黑豚肉，娃娃菜，金菇，粟米，鮮茄，雞蛋，蝦，芝士，龍蝦丸，秀珍菇，花枝丸，粉絲，貢丸。黑豚肉夠曬爽口，而且肉質嫩滑，特別覺得芝士龍蝦丸亦都好好食，丸嚟講算好彈牙。有幾隻原隻大蝦，非常之夠鮮味，仲有唔同種類嘅配菜。而我個人比較鍾意蕃茄湯底，所以第二個係：鮮茄蓉雜菜鍋，裏面有腐皮，娃娃菜，金菇，秀珍菇，蜂巢豆腐，鮮茄，雞蛋，粉絲，南瓜，鮮蟹柳，飛魚子，魚蛋腸，粟米，花枝丸，黑豚肉，麻吉燒和貢丸。比較特別嘅係飛魚子魚蛋腸，形狀好似一舊波咁，口感非常之特別，第一次食！花枝丸亦都好大粒，很好吃。每個套餐都會奉送一碗白飯，所以如果係男仔嘅話唔使驚唔夠食，仲可以加錢加配料。我哋加咗美國牛肉，美國黑毛豬和蟹柳等等，超好咪道的說！！推廣期內凡惠顧任何鍋物可送泡沫綠茶或紅茶一杯，(升級就要加錢)珍珠奶茶 蜂蜜綠茶(加珍珠) 飲品很令人有驚喜，珍珠夠彈牙，茶味亦夠香濃，最理想的是甜度適中！！呢度冇設至少一人

 秋風起,想暖笠笠,梗係三五成群去打邊爐啦不過打邊爐下下都要約幾個朋友仔又真係幾難成團有時約唔到朋友又想打邊爐,唯有自己自私食啦又比我發現左一間係尖沙咀當眼處The one對面一望就望到既自私食一人鍋邊爐去到係唔駛排隊既,即刻帶位直入見到個餐牌封面個鍋又幾吸引,新野未試過,咁就試下啦!椰子雞鍋我就食過!椰子海南雞窩就真係未試過!有選擇恐懼症既我今日一馬當先,唔諗喇就佢啦!招牌竹笙椰子海南雞鍋（$128）非常足料,有成14樣野係入面,唔到你唔信有圖有真相, 其實menu都寫哂有d乜椰子湯底幾清甜,岩哂唔鐘意食濃味既朋友仔雞件幾滑 佢仲比埋海南雞個醬比你佢仲每個鍋都跟個飯,真係有d似食緊海南雞飯加附送打邊爐,一雞兩味

Weather is dropping, time for some warm and cosy hotpots!4 of us made our way to this taiwanese style hotpot restaurant just a few minutes walk from Tsim Sha Tsui mtr. The menu held an array of hotpot choices, in Hai Nan Chicken style, creamy crab soup etc.Out of the four choices we made, we all agreed that Tomato soup base and cream with crab was the standouts! 鮮茄茸雜菜窩 $78 (峰巢豆腐, 麻吉燒) (Marks 9/10)忌廉龍蝦湯窩 $98 黑豚肉, 芝士龍蝦丸 (Marks (9/10)海鮮豆腐窩 $108 黑豚肉,班片, 嗚門卷, 峰巢豆腐 (Marks 7/10)醬爆魚丸+$18 (Marks 8/10)招牌竹

這是一間不論食品質素丶味道丶工作人員服務態度都不滿意的火鍋店。1] 食品質素無論是湯底丶用料和味道都不合格2] 將所有的材料放成一品鍋咁，單看下去也不開胃。3] D員工服務態度差，就連放下個鍋時也危危乎；什麼湯底也不知道，一邊做一邊玩而粗口滿天飛，一點也不專業。只此一次，下不為例！

出黎行完街，又係時候搵食，見有班年輕人話去前頭打邊爐，一人一鍋，抵食過大xx，吉xx咁話喎，八掛心態下又跟埋去，睇睇餐牌，88蚊又ok喎，試下先。友人點了牛乳鍋，牛奶湯底幾好味喎，好滑，意外地識合打邊爐。一鍋入面有豚肉，各種蔬菜，蛋同烏冬等，滿滿一鍋好吸引。自己點左泡菜鍋，基本上配料同上，都係有豚肉，蔬菜等，無烏冬則配上公仔麵，仲有蟹柳，蜆等，同樣豐富。雖然係泡菜湯底，但微辣而已，啲材料已滾到好入味，個人覺得不點醬料已好好味了。打邊爐梗係要有肥牛，追加了一碟share食，牛味不濃，睇埋價錢，合格了。跟鍋送白飯一碗，用的是長身白米，沒甚麼飯香，而且食個鍋已經夠飽，白飯只食了半碗，有點浪費。新張期內送冰紅茶或綠茶，大家都選了綠茶，夠凍，微甜，約解渴喎。加一後埋單218，合理吧。

終於個香港開始轉涼喇！緊係打邊爐啦！但唔知大家會唔會都試過遇到以下問題呢？ 「搵唔到腳陪打」、「一支公叫唔到多野野」、「陪打對手簡嘅湯底唔係自己心水」、「對手叫左d你怕嘅料落鍋」、「兩個湯底因水滾mix埋了」！如果你有以上煩惱！以後你想打邊爐就會多個選擇！最近尖沙咀The One對面開左間叫「熱點」，佢就係食單人火鍋嘅！ 每人可以按自己心水簡想要嘅湯底，每款鍋內都已經有基本嘅料～ 唔夠就可以自己再單點叫料！所有野都係單人份量～ 每個鍋獨立😏 甘就冇伴都可以一個人hot pot下， 又唔洗擔心對手嘅喜好同自己唔同而食唔到想要嘅！老實講～ 我自己就覺得似多口味板嘅部隊鍋喇～ 😂～ 湯底都有好多選擇！我自己同男朋友就點左「冬陰公」，「龍蝦南瓜」～ 鍋料就不過不失啦 ～ 但份景好足，湯底都夠入味～ 仲會每個鍋會跟敢碗香飯！但我想講每個鍋都有跟麵底或粉絲底😂真心會食到好飽～ 如果細食人士唔想浪費食物不妨下單時講走飯～～～～ 可能QT個人唔夠潮～ 聞說依d單人鍋於日韓台係好hit ~

趕住睇戲，要食個快飯，但邊爐癮起好想打邊爐！諗起早幾日見過人講呢間新開一人一鍋就試下啦！星期六晚飯時間仲驚要等好耐，但一去到就有位，開心呢度大約有十款唔同湯底既鍋，都算多選擇，不過配料就定左每個湯底都有啲分別。我揀左個麻辣鍋，麻辣鍋得牛或羊揀，雖然我麻麻地羊，但因為我唔食牛就唯有揀羊啦，如果肉類可以flexible啲就好啦湯底都幾濃麻辣味，而我揀左小辣所以就唔太辣既。配料之中大部分都正常，貢丸係好食既，但舊粟米啲粒真係細粒到爭啲咬唔到。朋友揀左個番茄湯，應該係用新鮮番茄煲，見佢個煲愈煲愈蓉同愈杰。每個鍋都會跟一碗白飯，我用啲番茄湯撈飯，不得了！好好味！食完碗飯見朋友煲番茄湯仲有剩爭啲想添多碗飯撈埋佢食哂個鍋加個飯夠哂飽，又滿足左想打邊爐的心。而且會想試試其他湯底。有趣既係熱點既餐巾係用隔離源記餐廳既餐巾，唔通係同一個老闆？

台式火鍋真的是第一次試, 這兒是一人一個鍋, 自己選擇自己喜愛的湯底。我選擇了鮮茄茸雜菜鍋, 它的蕃茄味很濃郁, 鍋入面有黑毛豬、貢丸、蟹柳、飛魚子魚蛋腸、粟米、醬爆魚丸等等。不過, 餐牌上供應的食品種類偏少, 沒有菜類供應。它所提供的台式飲品種類繁多, 我個人最喜愛它的蜂蜜奶綠, 奶味不會過重, 但甜度略高了一點。

又到星期五Happy Friday, 返工等放工，放工之後鬼打都無咁精神，因為約左朋友去行街買衫。女人要shopping 真係咩都擋唔住架，不過行動前都要首先醫下個肚仔先。路經見到間火煱店，大家一定以為打邊爐要花好多時間，本身我都係咁諗， 但望下個menu，原來佢係一人一個鍋咁叫的，本身已經有餸喺入面，食完可以side order 一啲配料用黎打邊爐，女仔細食，其實食一鍋已經夠。問左服務員，佢地話最出名最多人order 的就係椰子海南雞窩同埋忌廉龍蝦湯窩。問得就梗係信佢地的推介啦，即刻叫每樣一個先。海南雞窩足料，雞肉嫩滑，跟埋大量的配菜，有蜆、竹笙、菜、金菇、貢丸、粟米同粉絲。每樣食物都吸收了湯底椰子的清香，感覺無咁熱氣，連湯底都可以飲埋。忌廉龍蝦湯就比較香濃惹味，湯底味道鮮甜加少少忌廉就更加香滑，呢窩一樣係配料多多，仲有肥牛添，最後我地用呢個湯底黎煮埋烏冬食。清晒所有野，最後我地都飽到捧住個肚走。

我地平日日7點左右晚上去食，入到去都吾算好多人，但一到8點就幾乎滿座！位置環境都算很乾淨！入到去坐底之後就睇下menu,都有好多款選擇！而且有好多台式飲品揀，例如青蛙下蛋！之後再去睇番主食，叫左一個忌廉龍蝦湯鍋，都有個飯送既！好快就上到菜，而且湯底十分惹味好濃郁，啲料又好多，一個人食一定好飽，細食既可以嘗試2人share，我最喜歡就係佢既湯底，拎黎配飯好好食！而且有啲丸都幾特別，值一推介

自我吃過了臭臭鍋後，每次去台灣旅行也要探訪臭臭鍋。加上以前在美國生活，有一家專以以臭臭鍋為招牌的食店，深受我們以及其他亞洲人的歡迎。回到香港後發覺香港什麼都有，唯獨較少可以吃台灣菜的地方，而臭臭鍋就更甚，總在想如果把這臭臭鍋帶來香港那就好了。這間熱點標明是台灣菜／火鍋的，自然就會聯想到臭臭鍋，位於The One對面的熱點，地理位置優越，臭臭鍋質素如何？要試試才知。 台灣臭臭鍋其實跟日式火鍋和廣東火鍋有點相似，不過臭臭鍋多了一鼓臭豆腐的味道，正如榴槤一樣，喜歡的人會很著迷，不喜歡的則很討厭那份味道。留意到他們正推銷椰子海南雞窩，除了點這個窩外，也點了最原始的麻辣肥牛窩試試。 吃過兩個煲，可是味道不及臭臭鍋的濃烈，實在跟真.臭臭鍋有點出入。先說椰子海南雞鍋，既然主打是椰子的話，臭臭鍋那份味道稍為減少，實屬合情理。這個椰子海南雞煲以椰子雞湯作湯底，較為清淡，在開始也吃得到椰子的清甜，可是去到後期椰子味道大減，只剩下清湯，比預期濃郁的椰子味有點出入。相信點這個湯底的人都應該不會對椰子有抗拒，倒不如放手把椰子的味道再調濃一點，突顯椰子湯底，總好過現在只覺得吃了自己容易做到的清湯雞煲。 不過熱點跟

之前成日去吉野家打邊爐，但食來食去都係濃湯🤔今次經過tst朋友話打邊爐就去試下佢係一人一鍋嫁，估唔到d料都幾多我叫左忌廉龍蝦湯湯好好味d丸都好好味 我仲加左杯珍珠奶茶，唔算太甜，有茶味 幾好！每人都係百頭左右，唔洗再成日去吉野家同埋呢到一定好過大家樂d火鍋！選擇又多