熱點 (已結業)

我們和契女攞咗吸塵機之後，就會到尖沙咀，找她的父母，和我的姨甥女，一起吃飯。契女的媽媽提議去熱點打邊爐，由於我們不是好肚餓，所以我們六個人叫了四個火鍋。麻辣肥牛鍋－少辣，唔算麻，辣得黎有藥材香味有豬紅、墨魚丸、肥牛、貢丸、粟米、金菇、蜆及豆腐，火鍋料吸了麻辣湯之後，有少少辣而且帶出鮮味👍酸辣菜班片鍋－湯頭清甜，有少少酸味和辣味，令到配料的味道更香，配料有魚腐、生蛋、牛肉、粟米、腐竹、金菇、貢丸、班片。班片是雪藏的，所以沒有味道，其他配料都幾好。牛乳豆腐鍋－麻吉燒、肥牛－美國肥牛，味道都可以黑豚肉－不算太肥，都有豬肉的味道蜂巢豆腐－吸了湯頭，味道好好👍粟米好甜每個火鍋都跟一個白飯、一杯飲品

我同朋友叫見lee排興食台式火鍋， 見openrice lee度d評語ok, 就過左來試下， 點知仲曬伏！問題1 : 個湯底唔特別！ 我同朋友叫左一個自稱牛乳煲， 我就叫左個都唔記得叫mud 野ger煲， 我只係食到水味 i.e. 淡而無味！問題2: 配料無特別！ 我地所食ger丸同肉， 有香濃ger雪味， 原全同係d超級市場gor隻無分別！ 我唔可以話好難食， 但係是有問題3! 問題3: 唔平！ 兩個人攞煲水sap熟d超市配料， 連飲品要 4 舊水？ 我覺得唔值law都未講間野跟本唔夠人做， 叫人來慘過唉X弟！都唔明點解有gum多好評！

尖沙咀火鍋店林立， 有貴價的逐碟逐碟針， 也有一個價任食的 。唔計吉野家， 一人一鍋的店真的較為少見。其實個人都幾中意一人一鍋, 可以揀自己想食既湯底, 唔洗就依個唔中意蕃茄, 果個唔食得辣. 咁岩有日係THE ONE睇完戲. 就建議試下依間熱點. 店舖原來係地底, 同隔離間茶記係打通既. 唔知兩間野有冇關係架呢?講返食物. 我地一行三人, 兩個朋友都是雞湯, 而我則是龍蝦湯底. 價錢全都是100左右. 火鍋配料好足. 有肉有蛋有蟹柳蔬菜等等....丸類款式特別, 不夠飽可以另外單點. 女性朋友說剛剛好, 不過身為男士的我則略嫌唔夠飽. 餐飲我點了青蛙撞奶. 其實就是黑糖珍珠奶茶. 有點過甜.  火鍋還是覺得要喝酸梅湯竹庶茅根才爽. 

I have went to hotspot with my friends during the weekend,it is come from taiwan as the weather is quite cold, it is good to have something warmit can choose the pot by ourselves,there are lots of choices, inside the pot, there are lots of ingredients such as tomatoes, crab meat, fishballs, beef and egg The portion is enough to eat, and it can add more food if you wantbut there are not much vegetables to ordersThey also provide some drinks that come from  taiwan which i love so muchthe price is

個熱鍋一啲都唔深，水好快就蒸乾，根本冇乜多餘嘅湯去灼熟啲牛肉…。所有餸味道一般，叫咗招牌椰子雞煲，但係味道好普通…雞肉一啲都唔好滑，環境又一般，食物質素一般（同新鮮扯唔上關係），服務又係一般，價錢性價比又低，我憑啲乜嘢再幫襯你呢？？？？？？

無錯！我第一遍食評！但估唔到竟然係貢獻比佢作為一個香港人，食飯上openrice睇下係一件再平常不過的事，有日無意中發現評價不錯，就收藏定遲下去食，因為男友中意打邊爐啦。咁咁啱今日出開尖沙嘴就決定一試，叫左兩個煲同男友一人一個試下，「牛乳豆腐窩」同「鮮茄茸雜菜窩」一上到黎同張相爭好遠，咁無野ge 實物與圖片不符是常識啦。首先講「牛乳豆腐窩」，無奶味，似清湯加d腐皮就係？成個湯都油淋淋？啱啱開始打左wor😅 之後到「鮮茄茸雜菜窩」，湯底係罐頭羅宋湯味，加d番茄，同樣油淋淋。總括，兩個煲唔係d咩貴料同特別材料，一個都$78同$88 未計加一。 如果你中意打邊爐又想填飽個肚就算ge，歡迎你黎試食，因為仲有碗白飯。但如果係想試d好似台灣火鍋咁，材料好食，湯底特別可以唔使黎試，因為完全兩回事。

冬天打邊爐是常識吧 人小小又各人有各人既喜好?, 一人一鍋係最好既選擇 行TST 咁岩經過呢間野, 發現原來係打邊邊, 價錢又一d都唔貴 ! 其實真係唔洗加野, 食一鍋, 岩岩好 同其實連鎖既餐廳唔同, 呢到起碼有人serve !!! 唔洗自己去拎, 又要搵位, 又迫 ! 呢到choice 又多, 又有人拎到個鍋埋黎, 仲有埋野飲送(好似係呢排新開張Promotion) around $100/位, 仲有一大碗飯, 包你食得飽 ! 我同老公2人, 我叫左椰雞鍋, 好鮮甜 !!! 黎到已經忍唔住就咁飲d湯, 真係好甜好好味 椰雞仲要係sell 海南雞, 份量一d都唔小, 雞仲要大多數既骨都起左, 好有心! 海南雞肉質都算好滑, 一d都唔鞋口 ! 雞有雞味另外老公叫左個酸菜魚鍋, 我地2個人, 一個想食spicy, 一個唔想食, 一人一鍋呢野真係岩唒我地 ! 食辣會好多時忍唔住不段撈埋d飯食, 我老公平日都唔多食飯既...竟然食唒成碗飯...傻架酸菜魚鍋有跟豚肉同魚塊, 感覺上椰雞份量比較多, 可能因為豚肉同魚此終冇咁飽肚掛, 另外再加左一碟牛肉.....唯一係覺得追加價錢比較貴, 下次食

見咁多正評，天又開始凍就嚟試下，點知食到火滾。呢度個邊爐係一人一鍋，分別嗌左牛奶海鮮鍋、茄蓉野菜鍋、韓式海鮮鍋。原本以為有電磁爐或者gas爐，可以滾住食，點知佢係靠一舊透明嘅聲稱環保臘去起火，而個鍋亦稱唔上鍋，其實只係個金屬盤，湯水份量大概只得兩碗。我覺得自己似煲臘多過似打邊爐！結果，就係盤嘢永遠唔夠熱，點著個透明臘後，個火唔夠熱，成個鐘都滾唔起個湯，得微微嘅煙，打邊爐變成慢煮，靠浸熟啲嘢，啲丸同菜係煮唔透，咬到入邊仲好實。我個鍋燒到中途，個火愈嚟愈弱，叫侍應加火，侍應掉舊透明膠入去點火，第一次，燒左兩個字，個湯都未滾就無火，再叫侍應加膠，又係咁，到第三次先燒到火出嚟！！真係食到個人火都嚟。另一方面，因為個盤太淺，滾左陣已經得返一半湯，結果一餐飯就係不停加透明膠同加湯中渡過。我第一次寫食評，因為真係好炆啲生意人為賺錢，少少成本都唔願出比人，你有心搞一人一鍋，就正正經經比個可以滾住嘅煲人食啦！食到啲客一肚氣！人地吉乜家個火大過你，又做得平過你，點解啲客要入嚟受氣！唯一好嘅係，啲侍應真係好耐心幫我地加膠同加湯

約了朋友8點半晚餐，不用等位就能入座，整晚也沒有滿座。跟朋友點了忌廉龍蝦湯和冬蔭公鍋，開吃前先嚐了湯底，兩款都較清淡，不過後來越煮越濃郁，撈飯算滿好吃的。份量非常足夠，但鍋中物比較像一品鍋，食材質素也一般，蝦雖然不霉但也不算新鮮。朋友的冬蔭公鍋裡有公仔麵，其實另上比較好，因為來了一陣就有點糊掉。之前吃過同區另一家臭臭鍋，比較之下，高下立見。對家的食材又好，湯底味道又濃，更貼近台灣風味。另一要比較的是服務，這邊服務不太專業，態度也不太好，所有服務生都面黑黑，可能因為火很快就燒完，一直要換還他們還疲於奔命。相反對家的態度有禮多了，火也可以燒很久。這家吃過一次，應該沒有下次了，寧願排隊吃好的也不願屈就。

鮮茄茸雜菜窩 $78 (峰巢豆腐, 麻吉燒) 忌廉龍蝦湯窩 $98 (黑豚肉, 芝士龍蝦丸) 海鮮豆腐窩 $108 (黑豚肉,班片, 嗚門卷, 峰巢豆腐) 醬爆魚丸$18 My favourite was the Tomato soup base and cream with crab! Good choice for Winter with the fair price and portion too! 

尖沙咀都有平價火鍋~就係係加連威老道the one對面地底，餐廳都好多鍋類選擇，十隻手指都數唔哂！！我就簡左冬陰公海鮮窩，每款都會送一碗白飯同埋飲品！價錢真係幾實惠👍👍👍個窩每款少少咁，但勁多料！栗米夠哂甜，花枝丸都幾爽口彈牙，芋頭天婦羅好粉好好味~個湯底都幾香幾濃夠哂惹味！個鍋仲有份公仔麵添~又飯麵夠哂皮！！我仲加左份美國肥牛，幾香滑軟淋！好味~杯芒果綠茶甜左dd之外都好夠味~唔會雪多過茶咁！下次食火鍋多個選擇了😜😜

一人一鍋，啱哂大家鍾意唔同湯底嘅人，天氣凍又行完尖咀，見到啱哂，所以試下呢度～有多種湯底選擇，可以我地九點幾太夜，無哂椰子鷄窩，最後叫咗冬蔭功海鮮窩$108，唔太辣，啱啱好，好開胃，入面仲有麵；忌廉龍蝦窩$98，好濃郁～ 兩個材料豐富～另外追加美國肥牛$22，飛魚子蛋丸$20好味～ 個餐跟一個白飯～餐加＄4可以跟台式飲品，叫咗芒果紅茶同多多綠茶，兩個都解渴好飲～P.S. 好奇餐廳只播周杰倫d歌，令我想叫佢周杰倫餐廳～

由於本人為左餬口有時都要深圳香港兩邊走。深圳美食都好多,而椰子雞喺繁榮嘅市區裡面都算喺其中一樣好受大家喜愛嘅食物!而我今晚就喺呢間~熱點~作為我喺香港嘅第一次嘅椰子雞下水禮!招牌竹笙椰子海南雞鍋一鍋有14款嘢係入面,非常足料。椰子湯底好清甜,海南雞好滑有雞味食到一半,將啲湯撈落個白飯到,正!總結:味道都唔錯,價錢都算合理

天氣凍就最岩去滾!The one對面開左間一人一鍋既打邊爐 - 熱點, 地點方便, 價錢唔係貴, 每個鍋既基本配料多, 放工經開個頭梗係要去食下。地方都幾大, 座位都幾多, 坐得舒服又唔迫。湯底有10款選擇, 好似招牌椰子海南雞鍋, 麻辣肥牛鍋, 冬蔭功海鮮鍋等。賣相同台灣臭臭鍋好似, 不過好在就冇加到臭豆腐入去, 唔係人人都鐘意食臭豆腐呢!我地就叫左忌廉龍蝦湯鍋 $98同鮮茄茸雜菜鍋 $78。忌廉龍蝦湯鍋好香濃龍蝦味, 而且好creamy, 越滾越濃郁, 叫人食指大動。 配料有好多: 黑豚肉, 娃娃菜, 金菇, 粟米, 鮮茄, 雞蛋, 蝦, 芝士龍蝦丸, 秀珍菇, 花枝丸, 貢丸, 粉絲同蜆。 其中蝦都有2,3隻, 肉質都幾彈牙。 芝士龍蝦丸d流心芝士最正。 粉絲索晒湯既精華, 特別好味道。鮮茄茸雜菜鍋, 湯底好香濃蕃茄味, 酸酸甜甜咁好開胃。 配料多到不得之了, 豐富到塞滿成個鍋, 有腐皮, 娃娃菜, 金菇, 秀珍菇, 蜂巢豆腐, 鮮茄, 粉絲, 南瓜片, 雞蛋, 蟹柳, 粟米, 飛魚籽魚蛋腸, 花枝丸, 黑豚肉, 麻吉燒, 貢丸。蜂巢豆腐同麻吉燒索左d湯又係好好食。飛魚籽魚蛋腸第

兩個人嘅晚餐，一人一火鍋真係好嘅選擇！我哋叫咗兩個火鍋同埋兩杯台式飲品，火鍋仲配埋白飯，份量啱啱好，夠曬飽肚。竹笙椰子海南雞湯窩$128呢個係餐廳主打嘅火鍋，餐廳聲稱椰子雞湯冇加入味精，純天然。我飲完個湯，真心覺得堅好飲，果然名不虛傳。至於火鍋料，有竹笙、蜆、貢丸、粉絲、馬蹄、粟米、娃娃菜，仲有主角海南雞，雞肉嫰滑，配埋特製嘅指天椒豉油，吊出雞肉鮮味，送白飯一流。忌廉龍蝦湯窩$98呢個湯底充滿濃郁嘅忌廉味，亦不失龍蝦鮮味，唔會好似出面啲龍蝦湯咁濃咁杰身，飲多兩啖都唔覺得太膩口。火鍋材料有蜆、豚肉、蝦、貢丸、龍蝦丸、芝心丸、秀珍菇、粉絲同娃娃菜。水蜜桃紅茶跟餐加＄4由於新店開幕，跟餐可以加錢叫野飲，可以抵d！但呢杯飲品同出面嘅紅茶冇咩分別，味道唔會太甜，都算OK！青蛙撞奶加＄10睇餐牌見到呢個名覺得好特別，問店員先知，原來呢杯飲品係黑糖珍珠奶茶。雖然唔知點解要改呢個名，但奶茶確實有台式風味，珍珠亦有咬口，煙煙韌韌，個人好鍾意飲。以尖沙咀呢個地段黎講， 100多元就可以食到火鍋同飲台式飲品，都算抵（因為有9折），下次會再黎。