熱點 (已結業)

前日同朋友去the one睇完戲後，發現對面新開咗一間台式火鍋店 正好秋意漸濃，晚餐就決定去呢間新開火鍋店我叫咗一個酸辣鍋。都幾足料！有幾款丸，娃娃菜同豚肉！每個鍋仲附一碗白飯，女仔去食一定夠飽！一開頭食覺得個酸辣湯底好似譚仔但太鹹!! 食到最尾直情口到乾哂下次如果再嚟應該唔會再叫呢個鍋。朋友叫左泡菜鍋同麻辣鍋（小辣）。 泡菜鍋湯底個辣度易入口，唔食得辣既都應該食到！麻辣鍋都幾惹味！每個鍋大約$89，晚市黎講都算抵食既。但值得一提侍應服務不太理想！叫極都無咩人應 有待改善！

今日同男友去尖沙咀睇戲，睇戲前要醫左肚仔先，出親尖沙咀度度都要等位，諗住求其食之際，近近地見到依間食一人一鍋既台灣火鍋，之前無食過所以試下餐廳位於地庫，剛好入座有位唔洗等，店內格局乾淨俐落，坐得都幾舒服依度有多款一人一鍋味道湯底選擇，每個鍋都有跟一個白飯，枱上另有醬料架有三款醬汁<<冬蔭公海鮮窩>>入面有十七種配菜，離遠已聞到好香冬薩公湯味，湯底飲落好濃郁，帶少許辣味，真係似足泰式既味道，飲啖湯再撈飯食一流，其中配菜有蝦、墨魚仔、娃娃菜同蜆等，食落都幾新鮮，入面仲有公仔麵，好好食<<忌廉龍蝦湯窩>>面頭鋪左豚肉同雞蛋，入面有十三種配菜，湯底飲落好重龍蝦味，香濃又超好飲，入面都有蝦、丸、菜同粉絲，貢丸係台灣貢丸，有驚喜既係龍蝦丸係有芝心<<蜂蜜奶綠、招牌奶茶>>食落唔會好甜同有台灣所飲到既味，唔錯整體而言，確實好抵食，份量多又足料，湯底真係正，比起連鎖式經營某快餐真係超班好多，價錢比較都係差不多，食哂成但飯之餘，連配菜都食唔停口，旺區又多個平價火鍋選擇啦

天氣開始轉涼，又開始心思思想打下邊爐喇😆行完the one唔知食乜好 一出黎就見到有新野-熱點！就試下先要左個牛乳豆腐鍋，仲有碗飯配埋 一上檯巳經聞到香味 即刻飲啖湯先清清地又幾好wo鍋入面配料好豐富，有豚肉片，丸，腸仔，豆腐，雞蛋，仲有烏冬，$88係超值！

尖沙咀既新火鍋地標 晚市非常旺 要預少少時間排隊 火鍋湯底相當有特色 包括有中西韓泰 材料充足 而且包括一碗白飯 韓式炮菜窩 $88 今次揀咗泡菜鍋 湯底夠濃 辣得惹味！ 一鍋已經可以食得好飽 當然亦都可以追加其他配料啦 我就最加左一碟牛肉同埋一碟豚肉 仲有好好食既芝士新龍蝦丸 地址:尖沙咀加連威老道18號地下B舖

吃完High tea後，再和幾個朋友逛多一會，就和朋友到The One附近吃自私火鍋。 所謂的自私火鍋，就是一人一鍋，是台灣很有名的「臭臭鍋」。記得第一次和朋友到台灣，肚子餓極了，隨意走入一間吃臭臭鍋的店點了個鍋，再點了好幾碟配料，然後醬料任調、白飯任裝、飲品任飲、還有雪糕吃，埋單一人才三十元有找。今次見到吃門外的餐牌，讓我們又勾起在台灣時的風味，所以決定吃這個作晚餐。 餐牌上大約有十個不同口味的鍋選擇，每鍋配料也大同小異，只是選擇自己喜愛的湯底而已。雖是一人一鍋，但我們絕不自私，點了鍋後放在中間大家一同分享。 招牌竹笙椰子海南雞鍋（$128） 腐皮、蜆、竹笙、鮮淮山、娃娃菜、嫩滑雞件、馬蹄肉、金菇、貢丸、飛魚籽魚蛋腸、蜂巢豆腐、粟米、粉絲、椰子肉 椰子湯底清甜美味，雞件嫩滑好味，粉絲吸收湯底味道，還有椰子肉呢！ 冬陰公海鮮鍋（$108） 娃娃菜、公仔麵、金菇、粟米、斑片、蜂巢豆腐、蜆、蝦、雞蛋、蟹柳、墨魚仔、鳴門卷、腐皮、花枝丸、芋頭天婦羅、麻吉燒、鮮茄 冬陰公屬重口味之選、濃厚惹味，但不會很辣，配合公仔麵也是不錯的配搭。 海鮮豆腐鍋（$108） 腐皮、黑豚肉、娃娃菜、金菇、粟米、粉

今日來的到尖沙咀The One附近，見到間要落一層〇係地庫下的台式火鍋就心郁郁試下這間， 但個style其實幾似日式火鍋..用木材為主既裝潢，有日式氣氛。餐廳似乎是剛剛開幕不久，有個優惠▶凡惠顧鍋物，即可獲贈泡沫紅茶/綠茶一杯，即用$100到就有埋野飲。。幾抵食首先奉上的是兩個小湯鍋分別是：（忌廉龍蝦湯鍋 +忌廉豆腐鍋$88/鍋），龍蝦湯一d͟都冇忌廉既creamy反而有種辛辣鍋味既感覺，都令人想一直再吃、鮮甜結實，意粉配上龍蝦汁，外貌不俗。上面放滿一些生的黑豚肉，還有一隻生蛋，底下配料豐富，如：龍蝦丸、金菇、粉絲,等等...餐牌上亦有詳細列明。反而牛乳豆腐鍋比較清而不寡，整個乳白色的賣相幾吸引。而且配料也盡貼合口味，例：蟹柳，烏冬，麻吉燒外層似魚蛋內有一層糯米，口感獨特，還有食落卜卜脆幾得意口感既飛魚子魚肉腸，最有驚喜就係個蜂巢豆腐，盡吸美味的豆腐湯精華，買有加了芋頭天婦羅，有兩薄薄地脆脆的，如果喜歡芋頭的人必叫。店員也很年輕，會推介好吃的食物建議，如果到尖沙咀想打邊爐，舒舒服服，衛生又可以一人一鍋唔駛爭就可以黎咁方便既·熱點·啦👍🏻飲品方面叫了綠茶多多$22/杯，不會太甜，好好的解渴

下雨天吃小火鍋正好！尖沙咀的熱點位於地庫，要不是有朋友帶路，門面不大容易錯過呢！小清新的原木加蘋果綠有別於一般傳統火鍋店裝潢，坐位寬闊很舒適。店裡提供一人一鍋的台式小火鍋，獨佔一鍋就算是流感高峰期也不怕 XD 小火鍋約有十款，有麻辣肥牛、海南雞、冬蔭公、牛乳豆腐等不同風格，口味有濃有淡，總有一款合心意。吃罷火鍋不夠還可以追加火鍋配料！一眼便被忌廉龍蝦湯鍋吸引了，所有鍋物都配白飯一碗，上桌的火鍋堆著滿滿的配料，黑豚肉、蝦、蜆、芝士龍蝦丸、花枝丸、貢丸、粉絲、娃娃菜、金菇、粟米、鮮茄、蛋、秀珍菇…看得見的豐富。忌廉龍蝦湯底質感較一般火鍋湯底濃稠，忌廉味道較濃，也嚐得到龍蝦湯味下飯。蜆肉微甜沒有沙，大蝦肉質爽口但要是先去掉部分蝦殼會更方便食用；花枝丸、貢丸啖啖肉大滿足，芝士龍蝦丸咬開是滿滿的芝士流心，與忌廉龍蝦湯底味道非常搭配；吸滿湯汁的粉絲滑溜溜又香濃，下飯一流！一人獨食一鍋再把白飯吃光已經快把肚皮撐破，來一杯台灣著名飲料青蛙撞奶，黑糖奶茶甜香解渴，珍珠Q軟彈牙，邊喝邊聊邊消食很暢快！冬天是吃火鍋的季節，下次要再試其他鍋物！

尖沙咀最近開左間一人一鍋既火鍋專門店（咁就唔使爭湯底啦），餐廳要落地庫一層，隔離係源記餐廳，兩間應該係同一集團。六點多去到人流不多，整個木系的簡約裝潢環境，每檯上都放有三款醬料，包括豆辨醬、豉油同蒜蓉辣椒醬，蒜蓉辣椒醬好惹味，值得一試! 餐牌款式偏向走台灣風，連所配飲品都係台式珍珠奶茶、泡沫紅/綠茶等等！火鍋款式都幾多，有十款湯底，包括大推的招牌竹笙椰子海南雞鍋、麻辣肥牛窩、冬蔭公海鮮窩、忌廉龍蝦湯等等，每款鍋內已配有不同的火鍋配料及一碗白飯。可追加的火鍋配料及飲品新張期內點任何鍋物可獲贈泡沫綠茶/紅茶，或加錢升級做其他飲品。叫左水蜜桃紅茶及蜜糖奶茶，味道都幾好飲架，唔會太甜。不過小妹最後都叫左個麻辣肥牛窩（小辣，可轉羊肉）$88，他的冬蔭公海鮮窩 $108。鍋內材料已有蜂巢豆腐、腐皮、蟹柳、貢丸、豬紅、花枝丸、肥牛、蜆、飛魚籽、公仔麵（半個）、金菇、唐菜，另包一配白飯。（不同鍋材料都會有點不同，可另散加錢叫其他火鍋料）麻辣肥牛窩的樣子望落頗豐富的；食落真係有麻辣味又唔會好辣 (叫左少辣)，不過鍋底好淺，湯底好快乾晒但加湯只係加返清湯，感覺麻麻。冬蔭公海鮮窩 $108，湯底頗重椰汁味，

又到瘋狂打邊邊天氣🍂如果約唔到朋友仔陪打邊，可去這間一人慢嘆😈當然也可以用朋友仔一人一鍋啦<冬蔭功海鮮鍋> 🍲$108整個鍋都幾足料👏每樣餸都幾有一啲(娃娃菜、公仔麵、金菇、粟米、斑片、蜂巢豆腐、蜆、蝦、蟹柳、墨魚仔、名門卷、腐皮、花枝丸、芋頭天婦羅、麻吉燒、鮮茄)鍋面仲打上生雞蛋🍳而個湯底冬蔭功味可以再濃多少少，配料係大路嘅現成材料😆海鮮無霉無怪味，其實最正係個公仔麵😋吸哂所有精華去食，另外會配一白飯🍚叫做頂到下邊爐癮<青蛙撞奶> 🍹$28如果跟餐可以只加$10就可以，青蛙撞奶其實係珍珠撞奶，不過再加入黑糖，今到更香甜

一人一窩打邊爐又點只得果幾間連鎖快餐店小妹同一個大食妹朋友食飯一人一窩就岩岩好材料好豐富之餘，仲有配個飯小妹點左「牛乳豆腐鍋」$88材料包括：粟米🌽、黑豚肉、娃娃菜、金菇、蟹柳、花枝丸、百福豆腐、斑片、秀珍菇、飛魚子魚蛋腸、南瓜片、雞蛋、烏冬、麻吉燒、貢丸牛乳湯底好香唔算濃，唔會食完覺得膩，配料多選擇，連所店之外其中一個不錯選擇至於大食妹朋友就點左「忌廉龍蝦湯窩」$98材料包括：黑豚肉、娃娃菜、金菇、粟米、鮮茄、雞蛋、蝦、芝士龍蝦丸、秀珍菇、花枝丸、蜆、貢丸、粉絲香濃龍蝦湯底，材料唔駛蘸豉油都好好味用粉絲黎做配搭，吸晒香濃湯再食，正基本上小妹係食唔晒個飯，因為實在太滿足而大食妹朋友可以全部食晒真心覺得佢好叻🐷蜂蜜綠茶水蜜桃紅茶

前幾日行過尖沙咀 原來依家源記隔離開左間新既餐廳 主打台式火鍋我同朋友上個星期六 大約6-7點去都差唔多有8成FULL了打開個MENU 比我想像中多選擇最主打既就係椰子海南雞窩!128蚊一個鍋裡面仲要有好多料驟眼睇已經有竹笙、鮮淮山、飛魚籽魚蛋腸等等個窩仲會配白飯 份量真係唔細架另外 我就被冬蔭功海鮮窩深深吸引住上菜既時候 已經聞到好濃既冬蔭功味!裡面仲有D海鮮材料 蜆、墨魚仔等相比起椰子雞 我更加推介呢個冬蔭功海鮮窩最後我地仲叫左兩杯飲品

八月中旬·晴這裡本來是間設在地庫的茶餐廳，最近將一半的位置轉營至現在的台式火煱店，每晚都大收旺場之效。一人一爐的火煱夠企理之餘，份量足而同上不錯的材料。工作關係，要來試試。火鍋本身都幾多料，貢丸、牛肉、蟹柳、魚蛋等等等等一大鍋，還有一只雞蛋。點燃化學燃料，滾起就可以吃。味道不算什麼，再加一碗飯，至少夠吃飽。價錢一百有找，眼見左右隔離都是另叫火鍋料再加湯滾完又滾，似乎這才是大路的吃法。

我們Boo又出動啦! 今次去一間台式小火鍋店係尖沙咀，係地庫。同港式打邊爐真係好有分別喎，我自己就覺得好特別! 個人不嬲食開打邊爐都係好鍾意食丸呀、多款，估唔到佢地呢間小火鍋就有呢啲特別嘅丸呀，例如麻吉燒啦咖喱丸! 個湯底仲要好好食喎，啲餸吸晒啲湯底味，唔需要沾任何醬料都已經好入味啦。如果你係鍾意沾醬嘅人，佢哋嘅豆瓣醬同豉油又幾好食喎！店員話椰子雞鍋係招牌，無放任何味精。確實食完亦唔覺得口乾，值得推介其實平均價錢都唔使＄100，仲要食得好飽。比起吉野家大家樂，如果有得揀絕對一定會再幫襯！

the one附近逛完街，想平食晚餐，見到對面原來新開了一間食台灣一人一鍋的，一於試試。點咗一個咖哩雜錦鍋($88) ，連埋白飯，一百元都唔使找一個飽肚晚餐係尖沙咀區都算係咁。個鍋有15款餸，好豐富！我最鍾意都係粉絲，可以吸晒啲味，但我芋頭天婦羅就浸到好淋，口感比較差。呢個咖哩鍋湯底，主要係重椰味，唔太夠辣，我覺得唔夠過癮。而且白飯煮得太過淋，d飯本身唔係咁靚，所以唔係咁想食。overall，質素一般，純粹係抵食。

晚上與朋友往尖沙咀熱點打邊爐, 我點了龍蝦鍋, 入面有蜆, 蝦、花枝丸、肥牛和菜, 好足料,湯底好香濃鮮甜, 有陣陣蝦鮮味, 好爽口, 肥牛好爽滑新鮮, 而花枝丸則好彈牙美味,；我另點了珍珠奶茶飲品, 茶味好香滑,好高水準