熱點點心專門店

營業中

休息中

飲茶食點心唔再有時間嘅局限，夜晚都可以嘆到一盅兩件。喱度嘅點心好味又抵食，全日免收加一，宜家晚市仲做緊優惠，5點後堂食88折，咁抵當然唔可以錯過！點心紙上有點心、包點、煎炸焗、腸粉、粥、粉、灼、籠仔蒸飯、盅頭飯、燉湯、甜品等超過50款食物任你點。由於所有點心都係即叫即蒸，所以需時等候，真係要畀多少耐性。 叫咗九樣嘢，真係一次過大飽口福！蟹籽燒賣皇燒賣大大粒，餡料有豬肉、蝦、蟹籽同埋冬菇。冬菇味香濃加上蝦肉彈牙，非常好味。雪山叉燒包包皮酥脆鬆化，內餡係熱辣辣嘅叉燒餡料，叉燒味道非常濃郁，外甜內鹹，值得一試。薑葱牛柏葉牛柏葉夠哂爽口彈牙，湯汁濃厚，唔錯。瑤柱菜苗餃菜苗餃上面鋪滿瑤柱絲。餃皮薄，饀料靚；有荳苗同蝦肉，味道鮮甜，有水準。鮮竹牛肉球份量十足，肉質滑，肉味濃，配埋喼汁，好正。鮮蝦韭黃腸腸粉又薄又滑，蝦非常大隻，隻隻都爽口彈牙，配埋甜豉油一齊食，特別好味！藥膳鳳爪藥膳味濃，真材實料，真係飲啖湯就知。魚翅灌湯餃材料豐富，湯底清甜，仲有2大塊魚翅喺湯入面，推介！薑汁千層糕薑味濃郁，唔會太甜，口感煙韌彈牙，唔錯！今晚勁滿足，品嚐到即叫即蒸新鮮熱辣嘅點心，吃得出食店用料新鮮，用心製作！

同同事放工行經太子，見到哩度有間食點心夜晚都燈火通明，加上價錢感覺唔貴，於是心血來潮，一於同朋友入去嘆杯茶食一盅兩件當晚飯，入到去人比較多，我地被安排坐二人小枱，睇下點心紙，有些點心名及外形都幾少見，我地一於點黎食下兼打卡，哩度仲有燉湯飲，聽到食客講隔一段時間就會轉款，所以我同朋友都叫左盅嘆，驚食點心唔飽，我地仲叫左個籠仔飯，點心即叫即蒸。先黎個家鄉炒米粉：放低就聞到鑊氣味道，米粉幼滑帶點焦底，明符其實炒米粉。春風得意腸：腸粉皮內包住脆皮層，中間有點蝦膠，面層放些蟹籽，顏色吸引。五指毛桃燉瘦肉湯：飲落帶點中藥味，清清地可以益氣、健脾、袪濕。 黑椒豬肚燒賣：一粒都好大舊，食到胡椒微辣，都幾特別。 豬麥紫薯流沙包：兩隻得意既豬仔樣，咬落紫薯味重，好軟熟同有創意。 八寶籠仔蒸飯：一上枱朋友嘩然，話好大籠，籠內墊住荷葉做底，飯面鋪滿雞肉、排骨、蠟腸、粟米、蝦米、北姑、肉餅、鳳爪，飯都唔少，有4個小碗仔之多，食到我地捧住個肚仔走。

好耐無一盅兩件，前排心思思想食點心就搵下邊間好食，見呢間評價唔錯，蝦餃燒賣可以兩粒兩粒咁叫幾得我心😛，一於黎飲個茶，講下幾樣我覺得唔錯嘅點心啦～🔸春風得意腸 膠粉皮包住一層脆脆，入面有蝦、粟米、芫荽，仲加左蟹籽裝飾。食到淋、脆、爽三個唔同口感，口感層次豐富再蘸上豉油，今餐最好食必叫🤩🔸燒汁百花釀茄子 有三件每件都幾有份量，蝦滑口感幾好我幾鍾意，上面仲有木魚碎，調味鹹淡適中，上枱個陣熱辣辣建議攤凍d先食無咁熱氣😆，雖然油左d，但鍾意香口野嘅朋友呢個就啱哂啦🔸雪山叉燒包 幾鍾意個皮酥脆，相比傳統叉燒包入口會痴牙，我更喜歡呢個嘅口感😙，入面有熱辣辣嘅叉燒粒粒，如果引餡料更多會更滿足🔸楊枝甘露糕 又係有三件都唔細件，食到有芒果粒、柚子肉、西米露幾足料，唔會好甜清新解膩👍🏻店員友善熱情服務態度幾好，點心現場製作，即叫即蒸。餐廳全日免加一，而家下午5時後堂食仲88折😍，兩個人加埋叫左7樣野，每人茶位$4，人均$80都唔駛就食飽飽lu，真係幾抵食性價比高‼心思思想再去試其他點心☺️

今日嚟到一間我返工成日經過嘅點心餐廳 平時成日買外賣 食唔到好多嘢 今次坐入去同阿媽慢慢點慢慢食 然後發現佢真係有高質又抵食首先要讚既係芋角 而家已經唔多酒樓會做 估唔到呢度有得食 佢嘅外皮係好靚真係好似蜂巢 而且又脆又鬆化 入面嘅芋泥非常軟骨 味道亦都好好唔會太鹹另外叫左個靚湯 五指毛桃燉瘦肉 真係好足料 有屋企味道 唔會係味精湯🤪🤪呢度仲有已經好少地方有嘅豬肚燒賣 首先佢豬肚好太塊 亦新鮮 而下面果舊應該係豬肉同蝦打埋一齊嘅膠 好彈牙 仍然食到大大舊嘅蝦肉！最後一味好正嘅係藥膳燉鳳爪 仲有特價 抵食！ 藥膳湯一啲都唔hea 有足藥材味但又唔係濃到會臭🤣 好補身feel 雞腳數量多 又稔身 易食又好食最後一定要提嘅係佢茶錢只係每位4蚊 而家冇加一服務費 抵到爛😍

本身經過太子肚餓，我就求其入咗間點心舖頭食行，原來而家仲有好多人夜晚都食點心做晚餐，我就真係好笑，叫做有啲大驚小怪，因為舖頭入面都坐滿人，我都幾surprise原本以為裝修過普通唔會有咩咁特別，點知嘢食真係OK嘅。首先就叫咗我最鍾意食嘅魚翅灌湯餃，腸粉都叫咗兩種，一款係比較特別嘅，入面有炸兩，再加埋蝦肉同埋蟹子，所以外觀都幾吸引，仲叫咗珍珠雞同埋八寶飯，其實都已經好夠飽了。最咪仲有八八折票，食完即刻覺得好抵點心都做得算精緻，相比起出面大集團，我就覺得佢多咗一份小製作嘅味道，唔會話一式一樣，粗製濫造，價錢方面其實都唔算特別平嘅，不過以一個地段來講同埋點心足料，我都覺得唔錯，最值得讚賞係個八寶飯，因為一上枱嘅時候我都有啲驚訝佢有咁多料，仲要係$48咋

好耐冇飲茶喇！ 今晚同屋企人興起嚟咗太子呢間點心專門點飲個茶食個包, 而家堂食唔洗加一, 仲有88折添呀😝🥮 蟹籽燒賣皇（$13/2粒；$26/4粒）呢個燒賣成粒雞蛋咁大粒🤩🤩 入面有幾舊切細左嘅蝦同埋冬菇, 餡料仲多過粉漿 非常之足料架! 值得一讚係佢啲冬菇好香🥰 蝦肉都夠彈牙😋身位香港燒賣關注組會員嘅我都推介呀😎🥟 熱點蝦餃皇（$15/2粒；$29/4粒）蝦餃係呢度嘅招牌點心 緊係要叫返籠黎試下啦😋 果然無介紹錯呀 啲蝦餃皮簿餡靚🥰 粉皮一啲都唔厚又唔會漿住晒 入面成雙大蝦好鮮甜😍 真係值得一試架😉🥯 雪山叉燒包（$18/2個）大大隻脹卜卜嘅雪山叉燒包呢個價錢好抵! 因為即叫即蒸, 熱騰騰好正, 個包面夠脆裏面又香濃😚🐷 豬麥流沙包（$26/2個）可愛嘅紫色豬麥造型紫薯流沙包, 調味適中唔會太甜, 啱晒一家大細嚟試啊!🍲 魚翅灌湯餃（$38）可以選擇加唔加醋食, 我就加咗, 呢隻餃超級大隻, 仲配有大大塊魚翅喺湯入面😜 餃子入面有豬肉、冬菇等, 又香又潤~🍟 千島香脆蘿蔔糕（$28）第一次食呢種做法嘅蘿蔔糕! 蘿蔔糕切成一個個四方體, 炸到外脆內嫩, 然後加上芝士醬、千島醬同木魚,

同老朋友無意中提起小時候跟父母上茶樓飲茶，最喜歡食蝦餃燒賣，老朋友話而家飲茶全日都可以，太子就有間熱點，點心好味抵食，唔洗加一，晚市重做緊優惠，5點至10點堂食八八折，咁抵當然唔好錯過啦！鮮蝦韭黃腸，所有點心即叫即蒸，腸粉滑嘟嘟，蝦仁大隻好爽口，加些甜豉油特別好味！熱點蝦餃皇，透明外皮包著滿滿的蝦肉，鮮甜爽口。蟹籽燒賣皇，用新鮮蝦和豬肉做，重加埋蟹籽，有口感又有鮮味，入口有肉汁。薑汁雞包仔，而家呢款點心唔係間間點心店有得食，呢款正宗係懷舊點心，包都好鬆軟,食落有少少薑汁,饀料足有雞肉及芫茜，份量配合恰到好處，又香又好食！蜂巢炸芋角，芋角是用芋泥作皮，炸成後呈金黃色，外皮酥脆，內層軟滑，餡料有少許肉汁，吃起來外酥脆鬆軟，鹹鹹甜甜的好好味！蒜蓉蝦春卷，春卷炸至金黃，一入口味道甘香可口，蝦的鮮配蒜的香、再加上外皮的脆，配合得天衣無縫。八寶籠仔飯，材料非常豐富，有鳳爪、排骨、肉餅、雞肉、冬菇、臘腸、粟米和蝦米。餸重多過飯，加些特別調製的醬油，越食越好味！

我從未試過幫襯點心專門店。今次是第一次，估唔到價錢低水準高。1）楊枝甘露糕（必試）～味道調較適中，不太軟，也不太硬。如果可以提供淡奶，就更perfect啦！2）蜂巢炸芋角（必試）～由於工序繁複，現在很少食店會做這個點心，所以，今次好開心可以食到。外面脆脆，內裡有肉餡。嘩，真係無得輸，ichiban.3）紫菜海鮮餃～ 我覺得好味，有紫菜味道，又可以食到蝦肉同粟米。全部都係我喜愛食材。但朋友覺得紫菜味道太濃，搶走蝦肉鮮味，兩者不配合。所以，人人要求唔同。視乎個人口味了。4）蝦餃王（2件）～蝦肉彈牙爽口，正5）雪山义燒包～外面做得鬆軟，好味。但略嫌裡面义燒餡料太少。更多更好。6）魚翅灌湯餃～確有一片魚翅，食落覺得自己都好富貴。我加了些醋，所以紅色。7）香茜牛肉腸~皮太厚，這個就真係一般般啦。總括都俾⭐⭐⭐⭐

其實而家想食點心，都唔一定要日光日白去茶樓食🤣🤣今次介紹大家一間超抵食，質素又唔會比茶樓差既點心店😋茶位$4，仲要全日免加一有88折(本身都冇留意，埋單自動折左😍）兩個人叫咗9樣野食，食到超飽，人均都係$100。真係唔使去食點心放題啦，呢度選擇又多，即叫即蒸所有野包括炸野都係熱辣辣👍🏻👍🏻✨✨✨📍春風得意腸 $34呢款腸粉算係腸粉入邊比較多工序，入面有一層脆脆包住大蝦，粟米，仲有少少芫荽香😍跟住再用蟹籽點綴，不論顏色味道都值滿分💯📍香芒炸蝦卷 $28開頭以為係入邊只有一堆沙律醬，點知咬落去芒果同蝦嘅比例各半，非常足料。最衰個肚已經冇位，如果唔係都想encore🤪📍蝦餃 $15/2粒 📍燒賣 $13/2粒👍🏻一見到點心紙可以叫兩粒燒賣或者蝦餃就已經覺得一定要俾個like呢間餐廳。可以叫兩粒，岩晒我呢d咩都想試，人少少一人一粒岩岩好👍🏻蝦餃用料十足，淡淡彈牙蝦肉。燒賣亦都咬到肉粒，唔係用攪肉冇晒口感👍🏻📍燒汁百花釀茄子 $28呢個高級版既煎釀茄子，超級大件🤭仲要個蝦膠同茄子比例1:1⋯⋯配燒汁同木魚碎，好味過豉油之餘，賣相又新潮d👍🏻📍豬麥紫薯流沙包 $26豬仔漲卜卜，做型得意 😍😍個包都

今日放工前臨住放左工做運動，點知啲😈魔鬼朋友一約，又比人引左去食野👻👻今次去依間係點心店🫖，其實我自己住緊嘅地方樓下都有幾間，不過今次依間真係好令我有驚喜唔知你哋覺唔覺，其實依家啲茶樓茶位好似都有啲貴🥲但依間仲做緊$4一位🥳，跟住夜晚堂食仲有八八折🥳，全日唔收加一🥳。再睇返佢Menu，其實冇咩過$30，就算過咗$30嗰啲八八折左之後都可能講緊係二十尾，真心平到傻左😧雖然係舖頭仔，但係佢Menu裏面涵蓋嘅種類都幾多又有燉湯，又有主食，又有點心，又有甜品。款式都新奇嘅（對我來講）起初見到佢咁平嘅時候都有啲擔心佢味道如何。一陣間再逐個逐個講佢啲嘢食～～🍲朋友叫咗一個燉湯，佢覺得好足料，再睇埋個價錢先至$29 ，就覺得更加抵到爛🤣🤣🤣希望大家唔好覺得啲相核突啦😂🙈🙈唔係專登想咁樣，但咬開一半先影到啲餡有幾多，係唔係真材實料🤣畢竟外表真係唔可以說明一切㗎嘛🤣🤣🤣呢個係🦐鮮蝦芒果卷，🥭芒果酸酸甜甜，可以中和番炸物油膩嘅感覺，食落都覺得唔錯，夠清新上碟個陣仲熱的，同埋冇水氣（依個好重要，食炸野就係想佢夠脆嘛）一碟有兩條，感覺好似叫少咗，可以再叫多碟。（我真係靠💪🏻實力而肥🙈😂🦐🦐蝦餃足料，食落彈牙冇

熱點位於太子站A出口轉右直行一條街就到，好近地鐵站🚉幾方便當日我平日2點度到，估唔到呢個時間都坐滿哂人，要等幾張枱，去到我地食完都仲有人等緊位咁旺啊~~唔知係咪因為佢有個下午茶優惠，某d點心均價平幾蚊咁吸引咁多人流啦茶錢就$4一位，沒加一茶方面有秀眉，普洱，鐵觀音揀🫖以下係特別推薦嘅點心🥧:🔸燉湯都幾大盅，又幾好飲，想飲啲益健嘅湯不妨試下，又唔貴就飲到蟲草🤣🔸雪山叉燒包永遠見到有茶樓有得食雪山叉燒包就一定嗌嘅我當然唔會錯過~~我係唔鍾意食普通叉燒包但鍾意食雪山叉燒包🤣🤣呢個好正常，鬆軟🔸楊枝甘露糕唔會好甜，幾清新幾大舊🔸香芒炸蝦卷特別之餘又幾好食，隻蝦都好大舊平均啲點心都幾大舊，均價又唔貴，以呢個價錢來講可以飲到茶都好唔錯

今日同朋友嚟呢間點心專門店飲茶。熱點蝦餃皇&蟹籽燒賣王可以兩件咁叫，蝦餃入面既蝦肉好多。燒賣同豬肉嘅比例均勻。薑蔥牛柏葉不過不失🐷豬嘜紫薯流沙包造型可愛，俘虜少女心🥰！外皮蒸到好軟熟，紫薯流沙不會太甜。虎皮煎釀尖椒有4大條，鯪魚肉份量好夠，唔辣，朋友話好好味！蜂巢炸芋角推薦！即炸，熱辣辣，外皮鬆脆，芋頭味重。鮮蝦韭王腸皮夠薄👍楊枝甘露糕平時飲就飲得多，糕狀第一次食，幾特別，好滑。地方雖然細，但食物質素絕不比連鎖店差，好鍾意呢啲點心小店，呢度仲要免加一👍，價錢親民，值得再去！

其實平時好鍾意食點心，但係無奈要返工就好少收工去食點心，聽朋友講呢間好抵食，今晚就一於試試佢😍佢食物款式唔算多嘅！不過勝在佢會有時有唔同，有更改，好似都會有新鮮感🤣入面都幾光猛㗎，而且有啲香港地道嘅壁畫，充滿香港情壞，我覺得同外國朋友黎都幾好！最正佢茶介每人4蚊咋好抵!!今晚最正係燒汁百花釀茄子 $28上面仲有木魚碎好特色，燒汁唔會太咸，茄子吸哂啲味，好好食！！一個人食哂3舊都得！🤣蜂巢炸芋角 $23好少酒樓有得食lu....佢入面有驚喜，入面係鹹水角嘅餡料，所以可以話一次過滿足左兩願望🤣外層嘅蜂巢炸到香脆！！八寶籠仔蒸飯 $48性價比最高！！入面有鳳爪排骨雞肉肉餅臘腸粟米，好似公司蒸飯一樣🤣2個人食都有啲多，我地每人食咗3碗飯！！！叉燒腸 $23如果你唔鍾意食芫荽，就唔好叫叉燒腸🤣佢入面有芫荽同叉燒都幾多，皮薄㗎！正野！仲有一定要叫紫薯豬仔包個紫薯冇我想像中咁Heavy，佢個味唔會太漏，一個人食晒一個包都可以！而且影相啱晒🤣🤣🤣真係好得意！！我哋仲叫咗楊枝甘露糕同雪山叉燒包就同外面質素差唔多！！都好食㗎！！雪山叉燒包上嘅時候仲係熱辣辣！！！

有時都想飲夜茶，所以都會去太子，附近都有唔少選擇，今次就去咗間未食過叫熱點的點心店有驚喜，而且竟然仲有88折添，不用加一，折咗每人$100好抵食。 叫6個點心加1個飯和1個燉湯，鐘意這裡點心夠熱同唔會感覺蒸咗好耐，幾新鮮。魚翅灌湯餃，湯底不錯幾清甜，餃幾大隻薄身皮好味。蝦餃2個小籠放，蝦大隻幾爽口，雞扎的豬皮朋友都讚好食，有口感唔會太淋身。我覺整體不錯，不會太多汁，材料幾入味。虎皮煎釀尖椒，幾惹味，辣辣地份量又多。雪山义燒包，個底有煎過所以帶點脆，义燒不少醬剛剛好，面帶薄薄脆面，如果厚身少少更好味。蝦腸的蝦都大隻，腸粉幾滑身。北菇滑雞飯份量好足料，食了咁多點心這份量2人剛好。燉湯五指毛桃燉瘦肉，幾濃味飲完唔覺口乾好飲

🍴熱點蝦餃皇 2 隻15 蚊🔥蝦餃皮厚度適中 入面冬筍夠爽口 蝦肉夠飽滿 點 d豉油或辣椒油都好味🍴蟹籽燒賣皇 2 隻13 蚊🔥蟹籽 冬菇🍄 夠足料 豬肉既口感唔錯 而且大大粒 😁🍴豬麥紫薯流沙包 26 蚊🍞🍠,整到豬仔甘樣既流沙包 包皮幾軟林 流沙 嗰 d紫薯係用新鮮紫薯整成 夠哂香甜 而且流沙有沙沙口感 好味 🍴蜂巢炸芋角23 蚊😁炸得好靚既芋角 出面好香脆 入面既芋頭蓉好熱辣辣好味 仲有 d香咸 juicy既豬肉碎🐷 好味 🍴薑葱牛柏葉 26 蚊薑葱 蘿蔔綠 加埋好足料牛柏葉 夠哂爽口 彈牙 熟程度剛好 仲有 d吸汁豆卜 好味 🍴鳳爪排骨飯 27 蚊🐷蒸飯喺飲酒既地方一定要點 佢 d飯粒分明 加上排骨同入味既鳳爪 點 d豉油都好好味 🍴海底椰燉雞湯29 蚊🐥好多海底椰 仲有 瘦肉 雞肉 龍眼紀子 令到湯好香甜 唔錯 🍴春風得意腸 34 蚊🙂腸粉皮包住春卷 出面黏稠 入面香脆 入面既蝦肉彈牙 仲有 d芹菜點 d gip汁都唔錯Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境