熨烤達人 (已結業)

入來被門口個隊長figure吸引了先燒豬頸肉，一片片豬頸肉，用鐵板壓一壓入口肉好林好爽口，口感好豐富，入脆內軟，燒得十分香更想食佢個八爪魚，用鐵板燒唔知係咩味道?成隻八爪魚上枱，嘩！好興奮！估不到咁大隻！用鐵板壓完八隻爪，之後再燒八爪魚身入口好爽口，咬落剛剛好，不會太老，冇失手，仲保持到鮮味和不會太乾，同時八爪魚肉都幾厚身，所以好有囗感最後來個芒果橙乳酪，冰一冰，降左溫，呢個沙冰好香芒果味和帶淡淡橙香，即刻冇咁熱氣

放假想食餐好既, 就同朋友揀左呢間係荷里活廣場新開既熨烤達人,"熨烤"原來真係"熨住"黎燒架, 好得意!!呢度新開張, 都算多位, 又坐得舒服, 同埋通風真係一流平時食完韓燒都好大陣味, 今次食完都唔覺好有味 我地點左好多野食, 因為MENU好多小食都好新鮮好創新~首先就叫左呢個扭紋五花肉 $158店員都好好人,會主動過黎教我地點燒, 用熨斗黎燒, 好新奇^^有個熨斗壓住黎燒, D肉都燒得平均D無咁易一邊燒燶一邊唔熟呢個五花肉好好食,好夠厚度, 啖啖肉好抵食!!之後試左呢個燒牛肋骨, 以為佢好普通, 點知令我喜出望外,佢既醬汁好好食, 有少少辣味配搭住黎食, 簡直一流同埋佢$88咋! 好抵!食韓國野點少得炸雞! 於是叫左個芝士炸雞 $168 黎試下,我個人好怕芝士太重味太"漏", 但呢度個芝士真係岩岩好, 夠哂芝士味之餘, 食左3,4舊都唔覺"漏"最後緊係唔少得牛啦! 特級雪花牛，$180 件件牛都有返咁上下厚, 一D都唔UN, 易入口, 仲好重牛味! 店員又好細心, 留意到我地燒完豬,要燒牛, 即刻走黎換左個用黎燒牛肉既網俾我地 =) 服務一流我自己就叫左杯香蕉朱古力飲, 點知呢杯野

最近經過荷李活廣場，見到之前大食代個位終於開返三間餐廳，其中一間是之前光顧過的熨烤達人😎 上次行經門口已經聞到好香燒肉味，只是無留意到原來是熨烤達人，韓風果然很厲害風靡香港各處🔎 這晚又食燒肉決定去試一試！一貫熨烤達人的風格，裝修設計很有特色，鑽石山這間新分店是以美國隊長做主題，但睇落又有點工廈的感覺🏭食韓燒最怕地下弄得油膩好污糟咁，見到都扣了一半分，這裏雖然以灰色做主題，但看得出好乾淨整齊，而且都很闊落，肥少少坐下來都不會好迫😂 通風設施做得不錯，全程燒著不會很熱，重點是燒完件衫都沒有成陣味~~(平時食韓燒要噴大量的熊寶貝🐻)同其他分店一樣，食韓燒之前送上很多頭盤，泡菜當然唔少得，仲有少少辣且爽脆的芽菜，茄子等小食🍆 而我最鐘意的就是芝士粟米🌽 同爐邊蛋一樣都是加在爐邊慢慢烘熱♨，蛋滑得黎又多芝士，仲拉到絲添😍看到其餐牌肉類的選擇很多，仲有豬皮等，之前食過熨烤的招牌厚切五花肉，想試下其他肉款🙌 黎之前做定功課上網睇定食評，所以就叫左最多人推薦的雪花牛同肩胛肉🐂雖然上枱時將兩樣肉拼埋一齊上，但見到一碟份量都不少，而且最令人滿足就係牛肉不會切到好薄，反而厚身，重要剛好係一口size，咬落

今日難得約左朋友係鑽石山行街 行到攰又肚餓 就決定搵個地方食晚飯醫肚🍽 荷里活廣場都幾多野食下🤤 我地行到三樓就見到哩間韓燒 我上次係元朗食完總店 今次又見到餐牌d野食好似幾吸引咁 就決定再試下哩間餐廳💁🏻我地入到去坐低個陣先差唔多6點 所以未算有好多人🕕 呢間韓燒枱同枱之間都幾闊落同朋友傾計都唔驚比隔離枱既人聽到🙉對於我哩個KPOP迷黎講 食韓燒個陣有咩歌聽係會好影響我既胃口😎 呢間舖頭係每個角落都有部電視keep住播MV📺 雖然音樂唔算好大聲 但係就係因為咁先唔洗扯大喉嚨同朋友傾計🗣 而且佢地係揀歌方面好用心❤ 係我地一個幾鐘既用餐時間入面 一共播左20首MV 全部都係呢個年度既hit歌 當中包括SHINee、TWICE、泰妍、BIGBANG、APINK 甚至韓劇OST都有🎶 值得一讚既係每個歌手只會播一首歌 所以聽左成餐飯，總會有一首歌係你至愛😍我地睇左一陣餐牌 決定試下豬頸肉同雪花牛🐮✌🏻 由落單到上菜都係花左十分鐘 同朋友傾下計 野食就到 都算快手 店員同我地講要先燒左豬頸肉 燒完就幫我地換個網燒雪花牛 真係唔講都唔知原來要咁跟次序黎燒😲 基於肚餓既原因 我地急不及待就燒d豬

今日去左一個住係鑽石山嘅朋友屋企，佢話荷理活新開左間韓燒，就叫我地一齊去試下。可能我地早去到（18:30），仲有枱可以直接入座，但過左一陣，已經full左，仲要排隊等位，間餐廳門口有個好大好似美國隊長嘅公仔，成間餐廳裝飾得唔錯，好有漫畫feel，餐具都好別緻！我地主打都係燒肉！首先，我地叫左厚切五花肉，肉質都幾爽口，真係好厚切，最得意係要用熨斗烤壓！係牛方面，我地就叫左肩胛肉和特級雪花牛，牛肉質感好滑好鮮，比起之前食燒肉放題完全唔同，果然係一分錢一分貨！另外，仲叫左厚切牛舌，真係好厚，質感好爽！另外，我地仲叫左一d熟食！芝士炸雞，一邊燒肉，一邊溶左d芝士，將d芝士卷住d炸雞，芝士味好濃，炸雞亦炸得好脆！燒牛肋骨都唔錯，一上枱店員好細心幫我地剪開牛肋骨，牛肋骨嘅醬汁好香好入味，肉質好爽好軟，我下次一定會再叫！我地仲叫左幾杯特飲，杯杯都好靚，好大杯，味道都唔錯，相機食先一流👍🏻總括黎講，呢間燒肉唔錯，食物好新鮮，味道同質感都ok，店鋪環境裝飾優美，店員服務都好細心，我下次都會再黎！

無飯煮婦既我 在荷里活廣場食飯 其實食到好悶。大裝修完多左呢間韓燒 成日要排隊 今日睇完戲 6點鐘終於唔洗排 咪同老公試下囉。韓燒得來又唔會太大油煙 裝修幾cyber 樓底夠高 空間感都不錯。前菜～最鐘意泡菜 爽口香脆微微辣 配上肉類一齊食 perfect! 醬油茄子都正 入曬味 又有點蔬菜類食下 無限refill 最爽。肚餓餓 叫個紫菜卷和燒牛肋骨頂住肚先。牛肋骨好yummy! 懶人必選 唔洗自己燒 肉質幾嫩 醃得好夠味 甜甜地 好像BBQ醬加上微辣。紫菜卷 就像日本既太卷 不過加左韓式午餐肉 幾得意。燒肉～唔洗諗都是食牛肉架啦 我們兩個牛肉怪。雪花牛+牛肩肉。牛肉色澤幾好 雪花牛的雪花分佈得均勻 有咬口 肉質幾彈牙。牛肩肉相對比較軟熟 兩種牛都好香牛味 調味料都不用加 已經好好食。厚燒牛舌。牛舌厚燒先夠有口感 正！燒到外面脆脆地 牛舌好滑 包住生菜食 加埋泡菜 層次好豐富。達人沙律。 藍莓汁沙律我第一次試 感覺似食緊甜品～士多啤酒 藍莓 烚蛋 配埋沙律菜 幾清新。Iron Man~ 芒果+草莓。甜甜酸酸 又夠凍 賣相好靚 配燒肉一齊食唔錯。

天氣轉涼，又係食韓燒嘅時候喇！年尾同朋友團年去左呢間開左無耐嘅韓燒。六點已經到左，但係已經有過半嘅枱有客喇，食左一陣，門口已經開始要登記等位喇。韓燒又點少得餐前韓式小碟，免費加無限 refill。我地一行五人先叫左幾杯不同嘅飲品，我呢個酒鬼當然唔會錯過韓國米酒啦！我揀左一渣柚子shake shake Makgeolli 有酸酸甜甜嘅柚子味，加上米酒嘅香味，凍冰冰，同韓燒絶對係絶配。我地先點左個好特別嘅沙律，達人沙律，醬汁係自家制嘅藍莓醬，配上雞蛋片，藍莓，士多啤梨，沙律菜，加上軟芝士粒，開胃之選。餓鬼們嘅我地叫左芝士炸雞同燒牛肋骨醫醫肚先。枱有兩個爐頭，一邊韓燒一邊可以煮芝士炸雞，炸雞響溶左嘅芝士上面轉轉，濃濃嘅芝士醬包住嫩滑嘅炸雞，絶對十分值得推介。店員細心將一片片嘅燒牛肋骨剪開，方便我地食用，燒汁完全滲入左牛肋骨中，味道帶少少甜，牛肋骨好淋有肉味，好味。招牌燒肉點少得用特式燙斗煮嘅扭紋五花肉，燙斗同爐夾住厚厚嘅五花肉燒，店員教我地每兩分鐘反一反燒，燒至喜歡嘅燶度再剪開一舊舊，燒出黎外脆內軟，夾住生菜，唔洗點醬，已經好夠味道。牛魔王嘅當然唔少得order特級雪花牛，厚切牛舌同牛肩胛啦

我係第一次寫食評， 因為真心覺得難食，所以要劣評，上次見好多人排隊，諗住會好好食 所以見今日吾多人 諗住試下 結果好難食 叫左個芝士伴飯無味 五花腩燒肉 燒完完全無味 我一定吾會再去囉價錢又吾係平 真心覺得中伏

呢間熨烤達人對我一d都唔陌生，旺角,元朗分店的都試過，我鐘意集郵，唔好笑！我係指餐廳！有住鑽石山既朋友報料，荷里活廣場新開左熨烤達人，二話不說大家夾時間去試！嘩嘩嘩，當晚正晚飯時間，需要等位，等候時間大约十分鐘，店裏面人山人海好熱鬧，好有韓國地道感，幸好抽氣好唔覺得油煙霧瀰漫，依點好重要，我試過食一間抽氣好差既烤肉店，成面成頭油，d衫，癡癡淋淋，真係無下次！講番依間熨烤達人，餐牌跟兩間分店一樣，食物方便都有出入，每間都有d係分店限定！原條八爪魚，黎到都有頭痛點燒好，點知問店員點燒，佢勁細心同我地燒埋，最後重一條條燒開方便我地夾，如果無佢同我地燒，真係會浪費左依條八爪魚，多謝你！燒八爪魚又鮮又彈牙，重有就你個特調的醬汁味道豐富、香甜中又帶點惹味，同八爪魚真是絕配！！！燒得d肉好靚，等食其間影下相先！！！扇貝新鮮同幾大隻，上面既牛油一路燒一路溶，好香！！！好吸睛既雪花肥牛！！！豐富既油花脂肪，肉質柔軟帶咬勁，肉味鮮甜，是最好的炭烤食材！！！燒完既厚切肥牛肉夾生菜真係好好味！！！

“韓”風熱朝盛行，香港越開越多韓式餐廳。但韓燒絕對係我既第一選擇。而今次我就同朋友黎到鑽石山的一間韓燒店。有別於其他韓燒店，呢到有自家"熨斗"，用黎壓住d肉，等受熱面更加平均，絕對係見微知著。店員首先會上幾款既前菜，例如有青瓜、茄子、豆干、泡菜等。跟住就會將蛋漿淋係燒烤爐旁邊，之後我地將粟米，芝士粒，泡菜等加埋落蛋度。記得蛋一熟就要剷起佢，唔係老左就冇咁好食。前菜韓式半熟牛 撈埋d生洋蔥一齊食，咁就唔怕未熟個種血腥味，用黎做餐前小食一流。如果唔食生牛既朋友可以將佢放落爐度烤一烤，我覺得更惹味！左為豬頸肉，右為半熟牛 燒肉牛肩肉 呢度既燒肉種類唔算多，雪花牛較貴，所以揀左經濟啲既牛肩胛，因為有啲肥糕同厚身，所以燒耐左都唔會點韌，加埋佢既韓式辣醬點黎食好惹味。仲有一籃生菜，可以夾住烤肉食，另有一番風味！So fresh ! 豬頸肉燒既時間記得用佢既招牌熨斗壓實，等佢平均受熱，同埋店員見我地唔記左，都會第一時間提番我d，好細心。豬頸肉醃得好均勻，好入味。 飲品Calpis Soda 草莓食韓燒一定要配合一杯冰凍嘅汽水， 草莓味好清新，一啖燒肉一啖汽水， 除左可以消除油膩感，仲可以清下個口。

一間韓國嘢最基本嘅食材都無，成張枱冇水壷，冇水杯，無泡菜，冇蒜頭，冇辣醬，我地問左三次都唔答我地話冇蒜頭，轉個頭我再問個老啲既阿姐先同我地講冇！連最基本食豬皮會跟嘅黃豆粉，個侍應問返我咩唻，講真，呢間野可一不可再！仲有樽［味椒鹽］擺係枱面， 唔知我以為去咗食中式嘢！

鑽石山荷里活廣場變化真大，還忘記當時二樓正門電梯左手邊是一間大型超級市場，同樣位置三樓是某大集團的美食廣場，如今大型超市變了一間大型的韓國時裝店，美食廣場則分割成數間舖位，這間熨烤達人就是其中之一，忽然有種感覺，韓國風氣影響力真大，然而這潮流香港人大多受落呢，這間燒烤店的進駐可謂引人注目！店員下單後便倒上蛋液，可自行加上芝士跟栗米，而前菜小食可免費加潻，青瓜爽脆，泡菜辣得過癮，十分開胃可口，這兩款加潻了一次！豬頸肉：擺放成玫瑰，蠻別緻，份量多，調味料入味，肉質爽彈！田園拼盤：内含菠蘿,冬茹,秋葵,茄子,脆肉瓜！燒菠蘿可謂燒烤絕配，燒至兩面微燶，酸酸甜甜，正！燒秋葵需經常轉動，不然又乾又黑！原個蕃茄沙律：口感清新，令燒烤後的油膩感一掃而空！

門口有1:1 既captain Kim 好搞笑餐廳以captain kim為主題好特別猩星沙律依個沙律好飽肚，除左份量多之外，佢仲有肉餡餅同香蕉、士多啤梨等配料肉餡餅係酥皮，又脆又香，入面既肉咸咸地，幾好食。殺手雞翼份量超多，總共有七隻雞全翼雞翼少辣，味道好似韓式年糕醬個種，非常惹味而且雞肉好嫩滑，好容易就撕開，好正最特別係雞翼上面撒左腰果粒，堅果既香味同雞翼好夾，增添左一份香味蜂蜜蘋果茶蘋果切到細細粒，好易入口，而且蘋果粒非常爽脆蜂蜜味平衡，唔會過甜

鑽石山終於有返間似樣嘅韓燒店，當然要去試下。由於下午茶時間去，唔需要等位就入得。先試左少量前菜，都係基本唔錯店員好有心咁教我地啲蛋煮到半熟時可以加入栗米、泡菜同芝士配料，點埋佢地果度嘅芝麻醬汁真係好好味叫左個炸獅子狗，味道同口感都唔錯，可惜唔夠熱燒肉包括五花腩同雪花牛。五花腩煎出黎好入味牛啲脂肪分佈得好平均，口感彈牙，加埋生菜同配料食一流飲品點左柚子清酒，柚子味唔會太重。小插曲係我地唔小心倒瀉左2/3，店員主動幫我地重新調一樽新嘅，好細心！地方算寬敞，坐得舒服呢個休閒下午茶好難忘！

好耐冇食韓燒，而咁啱熨烤達人居然喺鑽石山開咗分店，於是就同朋友入嚟試喇工業風嘅裝潢加上周圍都見到Captain Kim，幾特別我哋揀咗兩款燒肉，第一樣係［扭紋五花肉，$158］，上枱後侍應馬上幫我哋將嚿肉擺上爐然後用個特製熨斗壓住嚿肉，等佢受熱均勻到咁上下就剪開再燒燒完之後，啲肥油都流走得七七八八，所以食落唔會油膩，再加埋泡菜用生菜包住食，非常美味第二樣係［特級雪花牛，$180］，油脂分佈得好靚呀！底面輕輕燒過，半生熟就得喇入口即化，牛味非常濃除咗燒肉外，呢度仲有好多飯呀，沙律呀，小食呀我哋就俾menu張相吸引咗，揀咗［怒炸大竹輪，$48］巨型獅子狗釀滿芝士，粉漿亦算薄，外脆內軟［Makgeolli Shake It柚子味，$168］最後，食韓燒點少得酒？韓國米酒同柚子味原來非常夾㗎！（不過倒嘅時候千祈要記住扶實個蓋，如果唔係佢會飛出嚟倒到成身都係...）