影片
更多
2017-01-25
191 瀏覽
今日難得約左朋友係鑽石山行街 行到攰又肚餓 就決定搵個地方食晚飯醫肚🍽 荷里活廣場都幾多野食下🤤 我地行到三樓就見到哩間韓燒 我上次係元朗食完總店 今次又見到餐牌d野食好似幾吸引咁 就決定再試下哩間餐廳💁🏻我地入到去坐低個陣先差唔多6點 所以未算有好多人🕕 呢間韓燒枱同枱之間都幾闊落同朋友傾計都唔驚比隔離枱既人聽到🙉對於我哩個KPOP迷黎講 食韓燒個陣有咩歌聽係會好影響我既胃口😎 呢間舖頭係每個角落都有部電視keep住播MV📺 雖然音樂唔算好大聲 但係就係因為咁先唔洗扯大喉嚨同朋友傾計🗣 而且佢地係揀歌方面好用心❤ 係我地一個幾鐘既用餐時間入面 一共播左20首MV 全部都係呢個年度既hit歌 當中包括SHINee、TWICE、泰妍、BIGBANG、APINK 甚至韓劇OST都有🎶 值得一讚既係每個歌手只會播一首歌 所以聽左成餐飯，總會有一首歌係你至愛😍我地睇左一陣餐牌 決定試下豬頸肉同雪花牛🐮✌🏻 由落單到上菜都係花左十分鐘 同朋友傾下計 野食就到 都算快手 店員同我地講要先燒左豬頸肉 燒完就幫我地換個網燒雪花牛 真係唔講都唔知原來要咁跟次序黎燒😲 基於肚餓既原因 我地急不及待就燒d豬
我地入到去坐低個陣先差唔多6點 所以未算有好多人🕕 呢間韓燒枱同枱之間都幾闊落同朋友傾計都唔驚比隔離枱既人聽到🙉
對於我哩個KPOP迷黎講 食韓燒個陣有咩歌聽係會好影響我既胃口😎 呢間舖頭係每個角落都有部電視keep住播MV📺 雖然音樂唔算好大聲 但係就係因為咁先唔洗扯大喉嚨同朋友傾計🗣 而且佢地係揀歌方面好用心❤ 係我地一個幾鐘既用餐時間入面 一共播左20首MV 全部都係呢個年度既hit歌 當中包括SHINee、TWICE、泰妍、BIGBANG、APINK 甚至韓劇OST都有🎶 值得一讚既係每個歌手只會播一首歌 所以聽左成餐飯，總會有一首歌係你至愛😍
我地睇左一陣餐牌 決定試下豬頸肉同雪花牛🐮✌🏻 由落單到上菜都係花左十分鐘 同朋友傾下計 野食就到 都算快手 店員同我地講要先燒左豬頸肉 燒完就幫我地換個網燒雪花牛 真係唔講都唔知原來要咁跟次序黎燒😲 基於肚餓既原因 我地急不及待就燒d豬頸肉🐷 雖然個度有兩款醬比我地點黎食 但係d豬頸肉本身都調左味 所以唔點醬食都好好味 肉質都易入口同易咬 唔會好乾身👍🏻 一碟只有8片 所以好快就食完😋
跟住店員見我地燒完就行過黎換左個網 準備燒雪花牛 牛快熟過豬 所以我地放左落網燒一陣就有得食👏🏻 雪花牛脂肪唔多 食落去好重牛味 所以個人認為就咁成片放入口食好過夾埋生菜食🥗 至於點唔點醬就睇個人喜好啦 左邊個燒汁就香d 右邊個汁就酸酸辣辣🌶🌶 幾有風味🤤
除此之外 我order左一杯藍莓cider🍹 黎到先發現原來好大杯 淨係支칠성已經340ml 好彩飲落酸酸地 一邊食燒肉一邊飲都幾開胃 令人覺得食完咁多肉都唔會好膩 雖然藍莓味唔係好重 但是最後都飲得哂😋
總括黎講 哩間韓燒既質素唔錯☺️不論係豬頸肉定係雪花牛都調得幾好味 環境乾淨舒服 店員既態度都nice 可以一試💁🏻
張貼
