熨烤達人 (已結業)

之前食過旺角果間，推介俾朋友試，所以去元朗食，揀左$175任食豬同牛，件件五花肉都好厚，就算任食都整得唔求其，爐邊蛋倒埋無限任叫芝士同粟米超正，呢個食燒肉仲有埋生菜自己包，食完唔洗自己叫，員工直接同你refill,主菜就會問洗唔洗加，真係服務一流！

好失望......初初都係俾佢個"熨斗"綽頭吸引去左呢度試試點知.....真係比個熨斗呃左又貴又少二百幾蚊得幾件肉，仲以為比得咁少應該好好味點知........完全中伏，完全無味，之後食既其他肉都係無味，所有肉都係無味.......點解可以差到咁係我食過最差既燒肉店......其他"炑X"、"X來X肉"仲平過呢間，又好食過呢間好多真係太失望，好多打手，D好評應該買番黎！(Openrice真係要scan下D評語，真係好大既伏=.='')仲要食完第二朝痾到七彩........4個friend去食4個都有痾.....真係貼錢買難受........一定無下次!!!!!!!!!!!!!!!!!!!!!!

尋日放工我想去食韓式燒烤，諗住品嚐一下血肉既味道😏，跟手就決定左去元朗熨烤達人到一戰。間野係以Mr. Iron Man做主題既😍😍😍，裝潢唔少都配左呢個主題，有特色。其中一個韓食既最大特色就係配菜特別多，芽菜呀，粟米呀，芝士呀等，仲有梗係唔少得個泡菜啦！邪惡美食就咁出現啦!!!!!我地開始烤肉啦 我地分別點左豬肉+牛肉😆五花肉既好處就係可以將脂肪變做油，油既表面可以令整個豬肉更惹味更加香脆🤤。呢個五花肉既調味料都相當唔錯，勁入味，而放係塊鐵版上，受熱都好均勻，令整個肉身都變得勁香口，抵讚!😆😆😆跟手我地就燒埋個肩胛肉牛既肩胛肉一向都係烤肉界既寵兒😎，肉質脂肪分明係佢既賣點之一。而鮮嫩既肉身係燒果陣，好快就會熟，呢間餐廳會為牛換個網面黎燒，令佢燒到個網面既效果😎。咬落去果陣有肉汁，60%熟就係最好既效果😏。呢到既熱食我都好想推介呢個車站見面 😆芝士味道真係十足，食果陣，勁濃既芝士味道😋。熱辣辣咁上檯，超吸引，必點!!!😍餐廳有唔少地方做得好仔細，而且食物水平極高真係難得!!!😍

訂了枱慶祝朋友生日，夜晚黎食，服務態度很好，人不多，個場有少少細，雖然食物選擇不多，但是價錢合理，份量足，特色既豬肉都有點不過唔識整，有圖片步驟會好d,仲有個可愛的服務員服務，笑點不停,細心滿足我地的要求。

成日都聽講元朗有好多好野食，但一次都未去過。今日dayoff就入嚟睇下有咩正野食啦！掃完街，夜晚就揀咗呢間熨烤達人，因為比佢個磚頭五花腩吸引咗😂😂平時食韓燒我都最鍾意食豬肉！五花肉同豬頸肉都超級正，所以都叫咗呢兩款。今日掃街食太飽，唔夠再叫其他😜落完單，店員係個爐嘅兩邊倒咗啲蛋漿，可以自由落芝士、粟米、泡菜😍嚿磚頭五花肉真係無改錯名，好大嚿磚😂😂話明叫熨烤達人，就梗係要熨烤啦～用個熨斗壓住嚟烤唔驚唔熟，仲可以快啲😂每面每邊燒完之後就可以剪開再燒中間，店員都會不時上前幫手👍🏻👍🏻😊剪開晒之後個份量真係超級多，鋪滿晒係個爐上面，正！個皮燒到脆卜卜，啱啱好～啲肉質又夠嫩同爽，仲中和返脂肪嘅油膩感添😍包埋生菜，再加辣醬，好好味呀，最緊要份量夠多！豬頸肉叫咗原味，睇落幾靚，切得有啲厚。同埋都燒得好香脆，好有咬口同埋好爽👍🏻味道燒完都覺得夠味，原汁原味仲好～啲生菜同汁仲要無限量供應，啲菜好靚值得一讚👏🏻👏🏻👏🏻另外，我同朋友share咗杯荔枝cider，個味甜甜地，唔係藥水味，仲幾fresh，食完可以消濟解膩😁

約左一段時間聚舊食飯，但可惜仍然未齊人不過等唔到照食左哩餐再約吧⋯⋯今次同朋友研究過食放題定韓燒好，最終見間餐廳野食同環境都幾吸引就試哩間吧由於各人都餓餓地，所以先食左前菜先，有泡菜、茄子、青瓜、大豆芽都幾好味，同埋都係無限refill ，但爐邊就冇得refill 之後點左芝士海苔竹輪圈，一咬芝士流出黎好鬼正，鍾意食芝士既應該喜歡💕泡沫咖啡炸雞聽個名好盞鬼，食落唔覺有咖啡味，店員提意我地加白飯攪拌一齊食我地都有試，炸雞味都唔算太突出，芝士係好多但芝士味唔出，同我想像中唔同江南UFO入面又有芝士同加埋豬肉，好彩大家都吃芝士店員話哩個要襯熱食，餅皮很鬆化，但都係覺得芝士味很淡，豬肉味都OK,有6塊由於我地一行5人想叫3-4人餐，但店員話只有2人餐，不過話都算有3人份量，咁我地都試下叫超級熨斗烤壓黎到真係覺得真係份量幾足，最好食係牛肉眼同豬皮，牛肉好juicy，好嫩，豬皮輕輕燒一陣唔un,唔會好似擦子膠咁不過套餐既五花肉片就有啲難咬最後叫了一碟肩胛肉，灑了少少鹽燒，肉質都算幾嫩但唔夠肉眼扒好食店員話這個用你燒五花肉

朋友見我係一個bb沙律醬控見親bb醬都會瘋狂咁食今日佢就話帶我去食一樣令我完全著迷的食物原來就係mr iron不過mr iron 通常都係食燒肉為主起初都好懷疑朋友有冇老點我但係見到佢點左呢款脆卜卜大園手攪飯就知道點解了呢款手攪飯唔單止有得玩而且仲滿足晒我嘅願望個飯上面唔單止有魚子 蛋 吞拿魚 青瓜仲有粟米當然有我點佢嘅主要原因就係超級多嘅Bb 沙律醬而且呢款飯仲好特別再係附上了紫菜同埋甜筒下面個脆皮筒原來就係將搞好左嘅飯弄成好似甜筒咁樣揸住食呢款食法相當之新穎另外我建議嘅食法就係用生菜包豬剛剛燒好嘅燒肉再加入大蒜及手搞飯包住成一個生菜包咁樣食咁樣唔單止有沙律醬嘅味道重更加有有燒肉嘅香味而成晚入面我最深刻的就是呢款牛舌牛舌雖然界定為內臟但係嗰種軟滑爽口嘅口感係牛肉身上係完全搵唔到而且一燒完油脂便會滲出

都去過幾次，今次生日飯都再揀依間。鐘意依度環境，地方闊落，大家唔會坐得逼，可以坐得舒舒服服。服務員又好好，有禮貌之餘又會教你點烤，亦會提議食法（例如食五花腩配白飯）。前菜食完可以再添，有我最鐘意既笳子，青瓜又爽又脆。人唔多，今次都係例牌叫左厚切五花腩，仲有M5牛，炸醬面，虎蝦，蠔，有個熟食既大腸（唔記得叫咩名）。五花腩依然都咁有分量，M5好有驚喜，睇落唔係好肥，但有入唔即化既感覺，真係好野尼喎！虎蝦好大隻，三隻已經霸晒成個爐。燒蠔前女侍應有教燒幾耐，仲放個Timer比你計時。熟食方面，炸醬面夠晒味，唔會水汪汪，而且上面有個脆卜卜既「UFO 」，又有蛋皮同芝士，撈埋一齊食真係好正。大腸食左幾舊，因為我唔食得辣，但真係好好味，所以都食左幾舊。價錢由於做主角，唔洗比不過大家話價錢唔係特別貴，都ok。（唔知係客氣定事實）

上次跟朋友去元朗食野，經過見到呢間熨烤達人好似幾得意今日又入元朗，覺得呢間韓燒應該會唔錯，所以入去食下，點知真係有驚喜！呢到好似韓國當地啲韓燒咁，係有抽油煙嘅，食完個身都唔會咁大陣味櫈入面仲可以放袋，入面鋪咁膠袋，唔怕污糟，員工都好好會主動幫忙我同朋友較鍾意食牛，今次就只叫咗牛，同埋一個湯首先係個前菜有粟米、青瓜、茄子、蘿蔔等等全部都係好開胃好好食，仲會無限refill添！爐側邊仲會落蛋漿，可以自行加粟米、泡菜、芝士等差唔多食完就可以食呢個當甜品～我地叫咗兩款牛呢個係牛頸脊，望落都幾靚佢既脂肪唔會太多，啱啱好，好平均所以食落去唔會有肥膩既感覺，亦都唔會太瘦好韌咁！店員建議大概每面大火燒10秒左右就食得，唔會老，好嫩，絕對推薦另外牛舌都好好味，好爽口切得唔會太薄，食落幾有咬口，味道醃得啱啱好，包住生菜食一流啊～鍾意食牛舌既人一定要叫呢個！另外我地叫咗個細嘅大醬湯，其實細嘅都好大份量大之餘好足料，大醬味好香濃，好好飲，如果配埋飯就一流我地仲嗌咗一杯士多啤梨cider入面有少少士多啤梨粒粒，飲落去好fresh，可以化解下d食完肉之後既油膩感其實見到隔離枱好多都叫咗大大磚五花腩，如果個胃大啲一

坐低嗌完嘢食無幾耐，侍應哥哥就為我地 set up 個爐，睇住佢倒啲蛋漿落去個爐邊嗰條坑嗰度，啲蛋話咁快就熟，用個木叉輕輕不起，啲蛋嘅味道唔錯，如果火喉掌握得好啲嘅話相信可以再嫩滑一啲。大園手攪飯，材料有蛋絲，吞拿魚，青瓜，蟹子同埋大量嘅沙律醬，拎起個脆筒同埋紫菜之後就可以將個飯攪勻，跟住可以放落個脆筒上面又或者用紫菜包住嚟食，手攪飯材料豐富，沒有不好吃的理由。一公升的眼淚，其實即係煙三文魚沙律，嗰個眼淚位就在於插喺三文魚上面嗰兩支唧唧筒，我從來食壽司都點好多wasabi，不過個唧唧筒入面嗰啲透明液體都仍然能夠帶俾我衝擊嘅感覺，嗰啲透明嘅液體嘅攻鼻程度大概勁過 wasabi 1.5倍到啦，唔食辣嘅朋友都可以點佢銀色小碟入面嗰啲酸醋汁，都相當好味㗎。由於極上牛舌條賣哂，我地就唯有退而求其次嗌牛舌啦，點知都無令到我地失望，牛舌充滿住油脂嘅香味，真係好期待下次嚟試下佢個極上牛舌條。家姐幫媽咪買咗支酒，初時我以為喺韓國餐廳嗌酒，應該都係嗰啲通常得六度酒精嘅韓國米酒啦，但見媽咪愈飲愈有態，我攞支酒起身望望，嘩，乜原來係清酒嚟嘅，有成十四度故喎，酒精嘅濃度仲勁過紅白酒，唔怪之得媽咪咁興奮啦。濟州黑

呢間叫做【熨烤達人】嘅韓式燒肉店個名夠曬特別叫咗熨烤嘅原因 係因為呢度嘅特色係用一個熨斗黎壓住五花腩肉黎燒呢度嘅裝修亦夠曬搶眼特別一步入餐廳就有如踏進太空船一樣座椅亦都用上各種卡通人物打開個蓋仲可以將個人物件放入去 唔怕因為燒烤成陣味未烤肉之前 先食下韓國嘅餐前小點個人最鍾意醃矮瓜同埋醃芽菜矮瓜帶點甜味 非常入味芽菜爽口 酸酸辣辣零舍開胃今晚叫咗個正宗韓國濟州黑毛豬套餐$628呢個套餐有來自濟洲嘅黑毛豬五花腩、豬柳、同埋豬頸肉仲有條好味嘅雪花牛分量足已夠曬幾個人share五花腩有六大塊先用熨斗壓住 將四面燒香然後再剪成一片片將底面燒得金黃香脆食嘅時候用生菜包住加入生蒜同埋韓式嘅醬料爆脂嘅效果令人回味 豬柳瘦肉較多燒烤後能保持juicy 肉嫩多汁醃好嘅豬頸肉 非常入味 肉質爽彈 除此之外亦叫咗牛肋骨（二條）$200牛肋骨牛味濃郁雪花均勻 每一條都有成8吋隨自己嘅心意剪成一塊塊再配以可以無限添加嘅新鮮生菜令人欲罷不能最後叫咗一個脆卜卜大園手攪飯$78手攪飯入面有蛋 青瓜 吞拿魚 蟹仔 仲有脆米混合埋沙律醬一齊撈酸酸咪咪 勁開胃除咗可以用雪糕筒盛住黎食之外仲可以用紫菜包住嚟食添小朋友就最鍾意

每次食韓燒通常都係主打食韓牛不過其實喺韓國入面牛嘅數目其實比較少同罕有所以韓國人食得最多嘅通常都係豬肉不過我哋喺香港就真係接觸得比較少看國產嘅豬今日行過熨烤達人門口見到張poster原來佢哋出咗一款濟州黑毛豬套餐先問自己韓國牛肉就食得多韓國濟州黑毛豬就真係未試過所以就入咗去試一試呢個韓國濟州黑毛豬最特別在就係會用上一整件五花腩肉而且五花腩係包埋豬皮的成塊豬肉大大件起初真係有啲唔知點入手去燒好彩店員見到之後就非常細心地主動上前教路店員話呢款五花腩首先就係要燒左佢D皮先咁樣豬肉嘅油就可以燒晒出嚟而且豬油會包住成份豬肉再喺每面煎香咁樣就可以鎖住肉汁不過大大話話這個五花肉都燒左成20分鐘不過少呢種肉就可以用上佢哋嘅icon鐵板去壓着份豬肉呢個情況底下就梗係相機食先啦五花腩食落肉味香濃而且唔會肥膩而且配合奉上的汁再加入蒜頭識落有少少辣非常惹味食得韓燒就梗係要點買凍飲啦叫咗呢款韓國汽水將韓國嘅雪碧插入去荔枝汁入面所以飲落嘅荔枝汁變成左有汽汽水更加好飲配合埋燒肉更加係完美

女友係元朗人,所以有時都會入去元朗,雖然無野好行,不過都會食下野最近元朗好多燒肉店,今次去左其中一間,叫熨烤達人 佢最出名就係個熨斗,好攪笑不過今次無用武之地,因為無叫豬腩肉食前菜味道唔錯,最鍾意以泡菜,唔算太辣整體分素唔錯,好有心思豬頸肉都幾夠味,不過燒得太耐好易硬,所以要好小心不過個芝士炸雞真係好正,芝士好夠味,仲好多TIM佢另外有咸味芝士,倒埋落去食味道會更好炸雞好脆,肉既口感都幾好好香口燒完之後個盤好靚2個人食都係300蚊左右,唔算貴呀

放假黎元朗探親戚，順便周圍行下，買下野，元朗哩個地方細細地，但又真係好多野買好多野行，仲要好多野食，有Ｄ聽我親戚講都幾出名架，而夜晚個餐飯，我親戚話帶我去間食韓國野，好可愛既餐廳，原來係食韓燒架，但佢既裝修同佈置物件真係好得意！真係好似去左韓國咁架！仲播住韓國既歌。牛舌好好味，好爽口，唔太厚唔太薄，岩岩好，加埋佢地既醬汁簡直一流！生菜洗得好乾淨，係可以夾埋肉一齊食，仲有韓國既小食，真係超正！叫左調味雞翼，會剪開左兩邊，真係好細心，咁先可以快Ｄ熟，醃製得好入味，雞肉亦好嫩！哩個係製成品脆卜卜大園手攪飯，入邊有青瓜/蛋絲/吞拿魚/再有個雪糕筒,原來咁樣MATCH埋一齊,係會有種驚喜架,又真係幾好味喎,材料都好新鮮架!親戚話食得韓國野點少得食炸雞丫,仲要係加埋濃郁既芝士丫,雞又夠大件,真係好香脆,我最愛~蛋醬都好好味架，烤熟左就可以食啦！

每次去到元朗呢條街遠遠都見到韓板彩色濱粉的招牌而且又光猛今晚正正俾佢吸引到去試一試入面發覺同其他韓燒店不同冇乜令人透不過氣的油煙坐下先發覺原來每個鍋也有自己一個私家抽油煙機十分細心當我們想點食物前店員已經將蛋汁加上鍋旁的蛋糟未食已經十分吸引俾蛋汁深深吸引住開始食燒肉前點了一公升眼淚是一份煙三文魚沙律不過特別在於佢會連住wasabi汁上唔好睇少少少wasabi汁真係超級攻鼻一下子已經涙流滿面我們點了濟洲黑豚肉一上枱見到成件豚肉腩位成條上用中火將豬腩肉烤得香脆油香滿溢的一刻立即用生菜加上面醬 醃羅白同芽菜包成菜包大大口咬下一入口油香充口加上面醬將肉味昇華到神級果一刻完全忘記左自己重係香港韓國燒烤味真正帶到去香港了