熨烤達人 (已結業)

今日喺西菁街突然之間想食韓式烤肉，醒起喺鑽石山食過嘅呢一間熨烤達人，印像中都幾唔錯，一行人就走咗入嚟食。今次配菜之中少咗我最喜愛嘅薯仔，不過都唔緊要，蓮藕都幾好味，另外個酸蘿蔔都唔錯，我哋仲添食咗兩次添！嚟熨烤達人食飯，前菜都係相當精彩嘅一環。開始既時候侍應哥哥會幫你喺個爐嘅邊度倒啲蛋汁， 跟住你就可以隨自己嘅喜好加入一定分量嘅芝士，由於啲蛋好易熟，要保持蛋蛋嘅嫩滑，絕對要小心睇火架。呢兩個韓式醬油同埋辣汁都好好味，但係今晚大部分嘅食材都相當之新鮮，淨係食食材本身嘅鮮味都經已相當滿足。大圓手攪飯，幾乎每一次嚟熨烤達人都會嗌呢一個手攪飯，手攪飯材料有蟹籽，吞拿魚，蛋絲，青瓜絲同埋一啲脆卜卜嘅粒粒，豐富嘅材料同啲沙律醬撈勻之後，就成為一道美味既佳餚，就咁食又得，放入脆筒入面食亦得，得咗。達人沙律，沙律菜用料新鮮，份量一啲都唔細，呢個沙律特別之處係佢個沙律汁，有別於平時出面食開嗰啲，感覺上有少少乳酪嘅味道，有創意，我鍾意。炭燒半熟韓牛，呢個半熟韓牛個汁酸酸地，非常開胃，最鍾意佢底下有大量嘅洋蔥，仲要係紫色嗰隻，紫洋蔥特別香口，攞啲牛肉嚟捲住啲洋蔥嚟食，就係呢一碟餸嘅最高境界。牛肋骨，廚師先將

難得朋友入新界區，梗係要約食飯啦。平日成日都係元朗食嘢，咩餐廳都食過曬。朋友係食肉獸，所以就揀左去熨烤達人食燒肉啦！我地一行三個人，無book到檯，大約7點30到達。吾知係咪落雨關係，今日客人吾算多，得一兩台客。餐廳嘅食物吾算貴，肉類都算選擇多。除左肉類外，前菜、小食、飯麵都一應俱全，吾駛擔心淨係食肉甘寡。最後我地思前想後終於叫左個480蚊set 加炒雜菜。480set 有3種牛，豬皮同埋磚頭五花腩。牛肉質素吾差 , 好有牛味同好juicy。最令我意想吾到係2樣豬，五花腩超大份，好抵食。包埋生菜食一流。另一樣係我較少食既豬皮。朋友話原來烤豬皮要點黃豆粉食，長知識了。mmm... 諗起都好想再食。其實3個女仔只叫480set都夠食。因為餐廳無限refill 前菜、爐邊蛋同菜，所以我地3個都食吾曬。餐廳職員態度好好，你refill時都吾會黑你面，可以開懷暢食。埋單一人都吾駛200蚊，CP值高。

平時甚少入元朗，今日工作關係黎到元朗食飯，朋友話介紹一間好有水準的韓式燒肉我食，就黎咗呢間熨烤達人我地好早就黎到食晚飯，唔洗晏啲同人迫～呢度環境好好，好有韓式燒烤格局，每兩枱share一個電視睇住k pop食燒肉野食未黎之前就有好多泡菜，仲可以不停refill👍呢隻辣白菜淹得好好味，encore咗3、4次店員仲幫我地加蛋醬，加埋芝士、粟米，燒一陣肉就可以食啦我地嗌咗一個熨斗燒肉套餐：有磚頭五花腩、牛肩胛、一口雪花牛、調味豬皮同埋M9霜降西冷。但由於西冷無貨，佢就比多份牛肩胛我地代替。包肉的菜好新鮮牛肩胛好香嫩，脂肪比例一流第一次食豬皮口感好特別，點住黃豆粉食無咁痴牙重頭戲係呢舊磚頭五花腩，真係要用熨斗壓住先燒得熟，燒出黎好有肉感，啖啖肉真係唔錯😙元朗果然係多好野食

心血來潮想食韓燒, 而身在元朗的選擇確實不多, 最後來了熨烤達人。原來熨烤達人的主題是MARVEL, 餐牌跟坐椅都很可愛呢~前菜份量都不少, 味道就普普通通, 而醬料感覺有點可笑, 為什麼兩格放同一款醬料呢?寒冰水冷麵 ($68)為了那個可愛的冰條而點的! 入面更有生果呢!一放進口, 麵真的又爽又滑,不錯! 但味道跟的想像中有反差, 在韓國食到的水冷麵是酸酸甜甜的, 但這個只是鹽水麵啦達人沙律 ($58)因為不知道會提供生菜, 所以點了一個沙律!上菜是發現: 太大碟了吧!!! 上面的沙律醬雖然不太討好, 但味道沒大問題~值得一讚是, 水果跟雞蛋的數量不少! 但芝士不知為什麼很苦呢磚頭五花肉 ($138)點了他們的招牌磚頭五花肉, 很特別地用熨斗壓著五花肉令其更受熱!份量其實不少, 所以足夠3-4人食! 而且免費提供一籃生菜呢~但當日的五花肉油脂不夠, 所以燒熟很變得很乾身, 有點失望~最後, 以兩罐飲品作結尾~i

我第一次同姊妹入元朗食韓燒，大家都想食下呢間，見佢裝修好鬼潮，入面D圓櫈有印有漫畫人物，好得意，不過我覺得座位稍迫，但抽風系統好好，無油煙呀。燒五花肉係肥左D，都好多油下，但我鐘意吃肥腩肉，貪佢D肉唔會鞋，D豬油香到震! 燒豬皮，我覺得少少似食中式燒肉啲皮，但味道濃D，燒透D皮會脆D，口感煙韌。D雪花牛，D牛有醃過，烤到焦焦地香口D，肉味好濃，最好夾埋D生菜，加埋D辣醬，重有飲下茘枝cider ，好滿足呀。帆立貝幾新鮮，好鮮甜，加D辣醬好惹味。豬頸肉燒都OK，豬味唔錯，記住要烤耐D先好食。我全力製作邊爐蛋，加了勁多芝士，粟米，原來加D辣醬重好味，我燒燶少少重好味，邊爐蛋，我好鐘意食。

入元朗搵大肚朋友食飯 佢竟然話BB想食烤肉。哈哈～ 元朗都幾多烤選擇 準媽媽已經揀好佢既心水 熨烤達人。兩個女生～ 食曬一個大園手攪飯。大肚媽媽的戰鬥力真是不容忽視。哈哈～ 好大碗。蛋絲 青瓜絲 吞拿魚 蟹籽 脆脆米粒 加上蛋黃沙律醬 撈呀撈呀。再放上雪糕筒上面食 好有創意。我覺得呢個大攪飯 係老少咸宜 口感幾特別 脆脆地 又夠濃味 夏天食係幾好～前菜 簡單得黎 幾好味。醃蘿蔔配燒肉一流 可以解膩。荳芽蓮藕都好入味。達人沙律～ 有d似鮮果什菜沙律。藍莓 士多啤梨 烚蛋 生菜。好健康既選擇。醬汁係藍莓乳珞 refreshing 係時候 燒肉啦！調味五花肉～ 厚切 啖啖肉 醃得唔錯 肉質亦幾軟熟。牛舌 燒好後 爽爽脆脆 沾上秘制醬汁 正！特級雪花牛 肉質幾嫩 油脂豐富 入口幾濃郁的牛味。食飽飽 捧住個肚～

呢間店上次在MK食過一次，熨斗熨D烤肉都幾正，今次約朋友到元朗逛街，又來幫襯。其實呢間店要讚下佢D服務唔錯，店員好人又有禮，上野又快! 當日食左醃過五花腩，都好肥，但烤過會必晒D油，無咁肥! 食落D醬汁好入味，D肉唔乾，都好有肉汁。豬頸肉整到成朵玫瑰花，好靚，烤熟食落有D脆口，又爽又入味，都幾好味。其實最好吃是雪花牛，油份夠多，烤油香十足，牛需不是頂級也好好食。店內提供韓國生菜包肉，如食到太膩口，包生菜食清新好多。帆立貝烤真鮮味，D汁好鮮甜。Cider 荔枝味好正，但友人草莓味，我試過有D藥水味，唔like。豬皮烤好正又脆又軟，口感得意! 爐邊蛋唔食走寶，D蛋加粟米加芝士，烘到燶燶地加埋D泡菜辣醬，好味道。其實韓燒呢間食材好新鮮。

好想食韓燒, 聽人講呢間幾好, 即管試下, 餐廳不太大，　但以韓燒店來說，都算有D空間, 裝修格局跟足韓國傳統燒肉店, 坐鐵桶椅子, 鐵桶內可以放袋, 呢度比較細心, 在鐵桶內加了一個大膠袋, 較為衛生。至於食物方面呢......原來散叫都吾平, 所以最後叫了一個$480的2人餐: 有五花腩、牛肩胛、雪花牛粒, 調味豬皮、霜降牛肉等等, 飲品則要再另叫。至於前菜都有好多種, D芝士同栗米可以加入D蛋槳內一齊整熟來食, 而其他配菜都不錯, 特別是醃蘿蔔。2人餐成盤上, 起初睇落有D擔心不夠食, 但原來是可以很飽的(我地仲要無叫飯添), 因為只是一塊五花腩, 已經好大舊, 好似塊磚咁, 剪開來燒, 真係有一大盤, 2人其實食吾晒, 因為食得多都好漏; 塊肉本身無醃的, 燒完已經好香口, (可能因為我地燒得耐啦), 靠D韓式醬料再吊起D味, 包住生菜食, 好有韓風FEEL。燒牛肉要轉網燒, 幾種不同的牛肉, 各具特色, 不過我最愛霜降牛肉, 肉味重, 肉質嫩, 肥瘦均勻, 超好味! 其餘兩種也不錯吧, 只是朋友燒得OVER了, 有點可惜。仲有韓國人最鐘意的燒豬皮，呢個係有醃的，只要不要燒得太

每次經過西菁街， 都會被燒烤香氣所吸引。這間《熨燒達人》主打韓式燒烤， 裝修極具創意， 令人有如置身太空感覺。感覺非常年輕，座椅還選用了各款超級英雄， 內有乾坤可以將代放進去， 避免成個袋都是油煙味，難怪得到年青人的青睞。上星期乖女生日，就和她去食韓燒慶祝。未開始之前，侍應會送上幾碟韓式前菜，有涼拌芽菜、酸蘿蔔、和蓮藕。涼拌芽菜辣辣地，惹味。酸蘿蔔夠酸夠開胃， 而蓮藕爽口。前菜食完還可以再添加。另外有芝士同粟米粒，原來是用來泡製煎蛋。侍應將蛋漿放在爐邊，可在蛋漿中放入粟米粒和芝士。未開始燒烤前就點了這個大圓手攪飯，這個韓色手攪飯賣相非常特別。材料有蟹子、蛋絲、吞拿魚、脆米粒和青瓜絲。 食之前要將所有材料攪勻，再用紫菜或雪糕筒盛載著。由於手搞飯裏面有bb沙律醬，食落酸酸甜甜，非常開胃。這個玩味十足的主食，是必點之選。終於來到戲肉燒牛肋骨，牛肋骨雪花均勻。雖然某些位置脂肪較多，但燒起來特別充滿油脂的香氣。牛肋骨位置肉味香濃， 記得不要浪費連骨頭的部分，皆因牛肋骨位置連接著不少肉和脂肪，連骨位置燒起來特別香口呢。另外我就最喜歡這碟調味五花肉。五花肉即是豬腩肉， 豬腩肉燒起來那份騷香簡直非筆墨

平日成日經過都無入到去😅終於入去試試啦😋入到餐廳好似置身係韓國嘅餐廳🤗一坐低😎見到有套餐二話不說💁🏻‍♀️叫左「超級熨斗烤壓」套餐套餐包含5款食材🖐🏻-M5牛肉眼扒🐮-牛肋骨🐮-特級雪花牛🐮-厚切五花腩片🐷-調味豬皮🐷店員建議先燒厚切五花腩🐽五花腩肥瘦均勻😆每件都好厚身放上烤爐燒🔥用上招牌熨斗壓住⚡️會更快熟厚切五花腩嘅肉質彈牙😌點小小辣醬再包生菜會減少油膩感最期待燒肉眼扒啦🤩放上烤爐唔夠10秒已經扯起火了😂肉眼扒嘅肉質軟腍😚而且肉汁勁多👍🏻唔錯不過欠缺左小小牛味😅如果牛味再濃D會更好燒豬皮嘅時候好多油彈黎彈去🤨小心彈到自己呀😘食完離開聞一聞👃🏻唔覺得身上有油煙味👏🏻相信抽風機力強

韓式燒烤都興過一陣子，一向都不是太喜歡，但係去完呢一間熨烤達人，就對韓式燒烤改觀。因為款式多，肉類新鮮，選擇好多，而且環境都好有特色。一入到餐廳，簡約嘅裝修，令到餐廳好特別，充滿韓式風格。大園手攪飯呢個手攪飯材料充足，有蟹籽、青瓜絲、蛋絲，同埋口感一流既脆脆波，攪埋一齊，味道同口感都一流! 特級雪花牛一睇雪花牛就知到正，雪花分布平均，入口非常香滑，好友牛肉味，一定要點呢個雪花肥牛單骨雞翼餐廳好細心咁將雞翼剪開一半，令到雞翼容易熟啲，而且亦都燒得靚啲，均勻啲，味道啱啱好，非常好食。牛肩胛肉如果鍾意食有口感嘅牛肉，一定要點呢一個牛肩胛肉，牛肉味好濃，而且肉質好鮮嫩，非常好食調味五花肉五花肉係男人最愛，但呢一個五花肉唔算太肥，女士們都可以一試。坊間有好多韓國燒烤，每一間都各有特色，你呢一間算係非常好食，值得一試。

熨烤達人，一入到去果然見到有個熨斗型既鐵係枱，用黎做咩？就係烤肉既時候放係肉上面，去壓住佢不過我地由頭到尾都冇用過既-menu樣樣菜式都有圖，超級清晰，不過有d野明顯「圖片只供參考」，肉類得豬牛雞三樣，款式唔算好多，我地只係揀左牛同豬試，因為價錢都幾貴🙈-調味豬頸肉總共有7塊，就咁睇好似平平無奇，但燒一燒之後，一咬入口，超級好味呢經過調味，唔會好咸，但味道出哂黎，肉質超級彈牙，兩個人筷子冇停過，兩下就食哂-雪花牛少少地得六塊，不過見到佢既雪花紋好靚，都叫做有少少厚度。有輕微既調味，不過略嫌有d淡，如果再加少少鹽去食就一流燒到7成熟左右，肉汁仲好充足，牛味濃郁-金仔炸雞飯炸雞係鬆脆果種，唔會好硬，味道唔會好似鹽酥雞果d咁咸。個醬汁唔錯，不過偏淡，成個飯都比較淡味，但係食到尾會覺得有d乾。-脆卜卜大園手攪飯大大碗飯，有吞拿魚、沙律醬、米通、蟹籽、青瓜絲、蛋絲、雪糕筒同紫菜份量就好夠啦，不過鐘唔鐘意真係好睇人，佢係凍食，類似壽司咁，可以用紫菜包住食，紫菜味好香亦可以塞落雪糕筒食，又係另一番滋味不過可能沙律醬太多，好快就覺得好漏，食唔落-爐邊蛋一定唔少得，半熟咁，加左芝士係裡面，仲有蛋汁，好正

元朗一向都比較多野食, 今日咁岩晚飯時間係元朗又想食韓燒, 上網一睇就見到喱間一入到去環境同普通韓燒餐廳都冇咩分別, 但係D凳好可愛, 每一張上面都有D公司,好似IRON MAN,MINION咁。場內人數唔算太多, 岩岩好唔會好逼~MENU都好特別, 設計左做美國隊長個盾牌!!未食見到心情已經好好坐低左之後未叫野食,侍應已經好快手上哂D配菜J 但係因為我地太肚餓, 兩個人好快就叫左好多野食, 有調味牛排, 五花肉,豬頸肉同埋冷面, haha 加埋配菜同D蛋真係超級多,但係好滿足上菜既擺盤非常靚, 好似豬頸肉咁擺成朵花,同MENU上一模一樣。燒緊既時候已經聞到陣陣香味,好吸引arr D肉一D都唔似外面任食個種, 每一塊既肉同脂肪都分佈得岩岩好, 燒耐左少少都唔會韌。不過我最驚喜既係個冷面, 如果再黎一定一定要再叫喱個冷面。 一開始廚師漏左雪條冇放入去,哈哈, 但即刻拎返入去廚秀加返。賣相好靚, 加上炎炎夏日, 喱支酸酸甜甜既雪條同冷面既味超級配合 冷面因為係凍既,口感一流, 少少煙韌, 咬落變得爽口。食完燒肉食喱個可以消除油膩既感覺,好正~~~超級滿足的一餐, 每一個菜都夠份量,唔係其他

達人朋友才是韓式料理的愛好者，連他也推介的燒肉店，相信會有一定水準。我則抱著一試無妨的心態試試，這裡離元朗鬧巿不算太遠，大棠路站步行10分鐘左右吧，但附近食肆林立，相信競爭也很激烈！！水冷面韓式水冷面重點的夠凍，因為吃罷燒肉的油膩感，只有冰冷而帶點酸的水冷面才有煥然一新的感覺。我不是韓式食品的愛好者，因此經驗也不多，但這店的出品卻為我帶來驚喜，留下個好印象。面底採用類似蕎麥麵，幼身也帶點黏稠，麵身沾取了醋汁的酸味，特別開胃。配菜的青瓜絲也是爽口清新，加上以新鮮生果，如奇異果及藍苺等製成的透明雪條，為平凡的外觀增添了誘人的色彩。達人沙律 $68出奇地份量很大，實在是超越二人的份量。草苺汁相信是以新鮮的士多啤梨加奶攪拌而成，吃起來有點像草莓乳酪，用以配搭沙律菜確是特別，但卻不是絕配，沒有驚為天人的衝擊。沙律的材料多姿多彩，除了一般的沙律菜以外，亦有烚蛋，像羊奶芝士般的芝士粒，及藍苺、草苺等，喜歡素食的朋友的必然選擇。燒豬腩肉是日最愛的豬腩肉，脂肪和豬肉一層一層的隔開，店員提醒要先煎豬皮的部份，厚厚的脂肪層會被熱力燒至融化及帶點焦香，其後再燒其他三面，直至全熟。吃肥肉的最罪惡感極大，但那種滋

為左一位住新界西的朋友，我走左入元朗食飯。店如其名，呢間韓式燒肉店以招牌熨斗作招徠。食物全為韓式，熟食冷盤炸雞麵飯樣樣皆備。為荷包著想，食套餐係最抵，如果單叫肉類隨便都要三百幾蚊一位。套餐有$480及$580兩款，menu以外仲有$628四人餐包4枝啤酒。燒肉必備淡燒肉汁和面鼓醬，更有多種醃菜係唔錯既開胃小食。一開始爐邊注入蛋漿，按個人喜好加芝士粟米。蛋放係邊緣位受熱慢，我地傾向用細火燒食物，大概45分鐘蛋先變成全熟。無諗到個蛋雖然有bubble都好滑，加少少鹽一齊食唔覺意就清一半啦。原來豬同牛燒烤方法有別。首先用不銹鋼板燒豬，到打算燒牛的時候再叫侍應換格網。呢款最平的套餐有4款肉加一份豬皮。首先燒最肥美的磗頭五花腩。脂肪個邊向下煎香，用熨斗壓住迫到出油，記得拉低煙囪啦～ 反轉略燒下剪開，跟住就係等!豬腩肉用生菜包裹加上啡色的面鼓醬，唔會太肥膩。五花腩的脂肪爽口甘香，全無羶味。燒豬皮比較講求時間的控制。燒得太短豬皮會黏牙，太大火又會過乾太硬。憑住朋友的高超技巧，可以食到塊微脆的豬皮。豬皮唔會有怪味，反而有點似豬肉紙的味道。霜降牛肥到變左粉紅色，唔留意仲以為係豬肉。脂肪均勻細密佈滿整片肉