熊本牛鍋 (永勝商業中心)

營業中

休息中

見到FB有廣告話可以二人同行一人半價兼且可以食5個鐘既牛肉火鍋，於是即刻訂位試佢一試！昨晚訂左8點鐘，一入到場就坐無虛席，二人或以上送海鮮拼盤同海膽，海膽就超出預期都算新鮮，另外海鮮整體都好新鮮既，但唯一可惜既係所有貝殼類既海鮮都太多沙，真係扣晒分，不過鮑魚就真係好好食值得推介，我地加左$20要多個湯底，湯底質素就屬正常，至於牛小排同牛肩胛，個人就推介牛小排，食左幾碟既質素都幾好，又夠爽口又有口感，牛肩胛就麻麻地太肥同口感太林，豚肉質素就普普通通。反而個雞肉係相當之驚喜，好好食又爽又彈牙，絕對不能錯過，至於其他丸類同餃類既質素就真係麻麻地，可以唔使浪費，所以呢間黎講我覺得食牛小排同雞肉係質素最唔錯。至於環境方面，感覺有少少迫硤，服務員既態度係好好既，但就因成個場得兩個服務員，人手好明顯唔足夠，所以呢間我唔太推介，但可以一試！兩位落樓$507

食物一般，選擇少，地方淺窄，好處大嘅係可以食5小時，適合一大班人吹水唔洗搵下場，我一行二個人，二個鐘左右已離場星期六、日，一個人$308，第二個人半價，但不論牛肉定豬肉都非常普通，之後仲有碟係有半碟碎上...出面自助區Refill得快，但選擇少，丸類不好吃，當日墨魚滑等等全部無，自助區好窄海鮮會送一盤，附左蜆同螺，其他都多沙，感覺無洗乾淨咁，鮑魚元貝無咩味送一板海膽，可能唔用「一板」會好啲，但海膽味道不錯湯底一般，可能雪糕係最好食總結係，坊間有唔少任食火鍋質素同選擇都多過佢

呢間別具一格嘅火鍋店 係山林道比較入嘅一個住宅樓嘅一樓，唔熟路嘅朋友可能要認真睇街number。餐廳嘅裝潢中等偏新，火鍋店黎講算細，冇reception，侍應好忙，最好係門口主動搵佢confirm booking。入座後有幾款湯底揀，望落去都係日式feel居多，冇麻辣鍋、皮蛋鍋、花膠雞等中式湯底，無辣不歡嘅我，都有小小失望嘅。最後揀左鴛鴦鍋底：🍅🥔湯➕沙爹湯，味道不過不失咁喇，唯一嘅短板，係加湯嘅時候係加清湯，個味道越煮越淡，我地又係蔬菜區自己攞d番茄煮落去，味先濃返小小。肥牛放題咁係要大大啖食牛肉喇，不得不讚👍，呢間嘅牛小排質素好好（甚至優勝於某些非放題嘅火鍋肥牛），肥瘦相間，油花分佈得剛剛好，相信舊牛就算係攞黎燒or牛扒都係一流🥩🥩🥰 以$268一位仲要兩位同行、一位半價呢個offer，肥牛嘅質素絕對高於預期！！👌自取區嘅蔬菜同丸類都幾齊全，同埋望落去都幾乾淨衛生，疫情持續嘅時刻，忍唔住出街打邊爐，都想搵間衛生狀況有保證嘅，食得放心小小嘅店，上次嘅經驗話我知呢間係👌可以信任嘅。關於5小時嘅用餐時間...相信我，冇人可以食到咁耐，唔信嘅話，自己黎挑戰下

5小時火鍋放題🍲 首先地點雖然位於尖沙咀山林道，但餐廳入口都幾難搵🤔香港既疫情係由打邊爐群組開始，爆發左之後火鍋行業一度冷清，做飲食應該要注重衛生細節令顧客有信心幫襯，但熊本牛鍋內有職員無戴口罩，亦無特別要求顧客要戴口罩出去自助bar拎食物，枱與枱之間都比較擠迫。•🥢美國安格斯極級牛小排放題 $248若早一日whatsapp book位時講明食$268套餐，可享每人一份海鮮拼盤加牛小排放題，但朋友book位時唔記得講要$268餐所以無海鮮拼盤🤣😛而家$248係任飲，飲品種類好多～竟然有提供自家五花茶同夏枯草👍🏻涼茶甜度適中，岩哂唔想飲汽水既客人！牛小排油脂均勻，食落口唔肥膩，但略嫌欠缺牛肉味。豚肉質感彈牙唔鞋，比牛肉好食，豬肉味尚可。丸類既質素正正常常，普通。全場最好味係芝士獅子狗，芝士味好濃但又唔會死咸😋　•🥢 鴛鴦湯底(蕃茄薯仔豚骨湯 & 沙爹湯)+$15蕃茄薯仔湯都夠濃味, 甜甜酸酸, d薯仔好入味！自己可以出食物bar拎多d蕃茄等個湯再keep住濃d☺️沙爹湯底比較淡，無特別。•

本人第一次寫食評，完全無諗過食餐飯會咁樣俾人屈錢，實在太嬲先寫呢段野本身book左7位，最後得5個人去到，入座時已經話左個俾侍應知，侍應話問左老闆係收5個人錢，咁好啦，食食下個老闆行出黎話要收反7個人價錢因為食材一早準備好，請問邊一間餐廳會喺你食緊飯既途中先坐地起價架，而且一入座時已經問過侍應，佢話ok我地先開始叫野食既，話唔俾7個人錢就報警，好呀，我都想報警呀，，最後警察黎左，張單亦係收7個人錢，，好彩隔離枱既客聽到哂成個故事出黎做證，話侍應開頭真係講左收5個人錢，最後老闆先肯出反張5個人既單我埋，，，呢個老闆真係不知所謂，係咁叫啲侍應拖住我地張單，唔肯再出黎同我地對質，最後連句對唔住都無，連你啲伙計都睇唔過眼同我地講你最開頭真係應承左收5個人錢啦，而家就擺啲伙計上枱話溝通有問題，你真係好野呀，咁做生意都得

唔知叫熊本牛涮鍋定熊本牛鍋先啱，見到店內的餐紙同隔板都刪左個"涮"字，可能改左名。網上見到介紹，5月做抗疫價，$268加一/人，5 小時任食，仲要有二人同行，一人半價，平均每人230，都幾抵，咁就試下啦。不過有個條件，就係要至少提前一天預約。網上睇片，仲要送一盤時令海鮮，同一板海膽，超扺!間店喺山林道，一去到有d失望，因為個門面好殘舊，又無招牌，以為去錯。預約左6點半開始，準時到但未開門，到6點35分先有人黎安排入座，可以食5個鐘，無左5分鐘就無咩所謂。好彩有其他人喺到，如果唔係，真係以為黎錯。間店唔大，只有大概20張枱，行出行入都比較迫。我地一行四人，揀左鴛鴦鍋，一邊係龍蝦濃湯 (要加20蚊，但本身要鴛鴦鍋都要加入15，所以都係加多5蚊)，一邊係蕃茄薯仔湯。好快上左海鮮盤，份量尚算多款，而且有比較貴價的象拔蚌、鮑魚，係每種類一人一隻，一枱一盤。跟住每兩個人送一板海膽，FB有留言會送多一板。之後上任食的主菜，有加拿大豬肉、安格斯牛、同牛肩胛。肉的脂肪分佈平均，望落係靚野，質素唔差。個人覺得安格斯牛最好食。因為任食5小時，所以唔使趕。家人就覺得後來差唔多9點，D肉開始無咁靚，就無再叫。出

有伏味見到post 見到好吸引 坐低已經聽到間離枱媽媽聲 二人就會送一板沖海膽 送到黎 大到呢 真係要影相分享一下 仲係唔新鮮 😡😡😡牛任食都算滿意 飲任飲 冷氣唔好夠 食住出汗 我見間離枱拎把風扇仔出黎吹

今天去佐敦熊本牛涮鍋食放题，正所謂民以食為天。這裹環境需細，但五臟俱全，整潔，侍應有禮。不同级數的牛作選擇，也可以加錢加一份海鮮。選擇有牛肩胛、牛小扒、A4和牛等等，我叫了牛小扒放題，包括有加拿大豚肉、日本雞肉、美國牛肩胛，自助bar 也有很多選擇，例如有多款丸、菜、茹菌、響鈴、豆腐、秋葵、麵、烏冬牛肉嫩，雪花份佈平均， refill 又快，豚肉也不錯，'牛肩胛就有咬口。菜新鮮，丸正常，蝦滑夠彈牙、豆腐滑，其它乜不錯。還有不辣的咖哩飯，要留肚，所以只試了少少，還有炸物，飲品任飲還有啤酒添，差点忘記 Haagen Dazs。加埋一都係三百有找，值得去👍原來他們做緊推廣，$268 加一，不單止是牛小扒放題，還包埋一份海鮮，嘩！還有一个驚喜，俾你食足5小時，冇聽錯5小時放題，但有一个條件，是需要預早訂枱。超值。

今晚朋友 Book 左呢間位於山林道嘅上樓火鍋店, 地點有 D 難搵, 但朋友極力推介晚市嘅火鍋放題由 $188 至 $408, 我地揀左中位價錢嘅美國安格斯極級牛小排放題 火鍋湯底有 8 款選擇, 最後揀左蕃茄薯仔豚骨濃湯, 湯底呈深橙色, 蕃茄味超級濃郁, 入面有好多蕃茄、薯仔 & 蒜頭, 係蕃迷嘅一定會鐘意職員好快就送上牛肉 & 豚肉, 全部都係即叫即刨牛肩胛口感較結實有彈性, 肉質細嫩香滑, 雪花紋唔多, 肉味濃 牛小排雪花紋平均, 油花豐富, 入口既滑又香, 非常高質豚肉唔會好肥, 肉味夠濃, 唔會一淥就散自助區除左牛肉同豚肉, 其他火鍋食材可以去自助區拎, 而且仲有熟食魚皮餃、韮菜餃、鮮雞肉、鳳城水餃、芝士魚豆腐、沙拉龍蝦丸、墨魚丸、牛筋丸、炸腐皮角、芝士獅子丸、芝士腸、蟹柳、包心貢丸、蟹粉丸、鮮蝦滑、芋絲南瓜、豆腐卜、蒟蒻、芋頭、皇帝菜、冬菇、娃娃菜、秋葵、萵荀、粟米、菜芯苗、羽衣甘藍、唐生菜、金菇菜、蕃茄、雞脾菇生根、響鈴、素麵、生雞蛋、日本拉麵、烏冬、即食麵甜品有 3 款味道嘅雪糕 + 1 款泡芙飲品除左有一般汽水、啤酒、韓式飲品外, 仲有自家製嘅夏枯草添

秋風起，依家早晚都會有陣陣涼意，又係時候打邊爐暖暖身。放工同朋友去咗試試日本火鍋熊本牛涮鍋，佢呢個係兩小時自助火鍋放題，可以慢慢食到飽。首先醬料係自助既打邊爐識食緊係食牛啦，所以我哋就揀咗美國安格斯極級牛小排套餐。湯底亦都有好多款選擇，我哋就揀咗蕃茄薯仔豚骨濃湯。個湯好香蕃茄味但又唔會話太濃味搶過啲火鍋配料嘅味，飲完都唔會口渴。主角牛小排，見到d牛係即刻用機切，夠哂新鮮，見到牛脂分佈好平均，唔會過多肥肉脂肪，肉質幼嫩好食，牛味還可！而另一款牛肩胛就肥啲，脂肪比例較多，食落較多筋但都唔會好靭。我哋都另外點咗個加拿大豚肉，豚肉係薄切，所以都係淥好快都食得，肉質嫩滑唔老，反而好似比牛impressive haha! 肉類以外都有好多火鍋配料選擇，而且係全自助形式，有貢丸，蟹子丸，餃子，蟹柳，同埋竟然有芝士獅子狗！！😍😍😍蔬菜選擇都有好多。打邊爐點少得既飲品，依到好貼心咁有自家製夏枯草！最後仲有幾款雪糕同忌廉泡芙作為甜品，食完勁滿足呀！

平時打邊爐通常都係連鎖店，今次朋友帶我去呢間之前食過話坐得幾舒服，食物又高質嘅牛涮鍋店，位於尖沙咀山林道，要上樓先去到。位置唔多，但係都有唔少客人。首先我哋會揀個湯底先，揀咗呢個番茄湯底，店員話係招牌👍🏻 個湯又真係幾甜😻之後出去自助bar嗰度夾鍾意野食物，款式都算幾多，蔬菜類特別多👍🏻 之後枱面牛肉豬肉都幾已經上齊，睇個樣都覺得新鮮，食落去一樣，好嫩既肉，加埋呢個蕃茄湯底，肉味更鮮甜，好滿足😻飲埋個飲品就成餐打邊爐都好完美～

秋天為大家帶黎火鍋，天氣開始轉涼，當然第一時間帶埋兩個閨密去我最愛既熊本牛涮鍋大快朵頤！今次已經係我第三次黎幫襯熊本，之前兩次都非常滿意，隔一排再黎食，整體水準keep住，更有意外驚喜！首先講下整體環境，熊本所在位置靜中帶旺，交通方便之餘，入口附近人流唔算太多，唔使怕要逼一大輪先上到去。上到餐廳，店面唔算太大，不過座位都算舒適，我地好好彩被安排坐係房仔入面，一邊食野一邊吱吱喳喳，都唔怕嘈親隔離！身為一隻食肉獸，當然先講重頭戲牛肉，今次我地揀左呢個package既精華係美國安格斯極級牛小排，肉質鮮嫩、色澤紅潤、雪花均勻、入口即溶，食晒仲可以再添加，100分！另外兩種肉分別係牛肩肉同加拿大豚肉，牛肩肉夠咬口，肉味都濃，都有80分。湯底我地揀左蘿蔔豚骨湯底，貪佢夠清甜，可以試真Ｄ牛肉味。意外驚喜就係呢度既炸單骨雞翼，新鮮出爐熱辣辣，炸得金黃香脆，味道激似上校叔叔既炸雞翼，後尾見到個兜無晒，老細見我地咁捧場仲特登叫廚房即刻再炸，拎埋俾我地食，我諗我地前前後後加埋食左不下二十隻，無得傾，又係100分！熊本既蔬菜，丸類選擇都唔錯，一眾大路選擇都應有盡有，蔬菜都夠新鮮。我最欣賞呢度既墨魚滑，好滑好彈

今日又約咗三五知己，嚟到尖沙咀食日式涮涮鍋，我哋最鍾意揀任飲任食，可以放肆地大吃一頓, 呢度位處於商業大廈之內，方便得來又有啲隱蔽，環境都可以美國安格斯極級牛小排放題🥩🥩呢度嘅放題我最鍾意食嘅就係佢哋嘅牛小排啦，所以二話不說就揀咗呢一款，佢哋嘅牛肉食完可以再order，個湯底我就揀咗蘿蔔豚骨濃湯，覺得呢個湯可以提升肉類嘅鮮味, 特別配合蔬菜同丸類都係自己出去攞嘅, 特別值得一讚嘅就係除咗選擇夠多之外, 佢每一款丸嘅味道都好好，唔會話有啲食咗一粒已經唔想再食啦，蟹粉包, 包心貢丸，牛筋丸都係我私人推介，除咗丸之外, 仲有個鮮蝦滑都好唔錯，鮮味又彈牙, 而且仲有烏冬, 即食面等等, 唔使擔心食唔飽👍🏼👍🏼至於飲品方面, 都好特別, 除咗一般見到嘅汽水之外, 仲會有夏枯草, 五花茶提供，不會太甜，可以清熱氣，味道唔錯，甜品當然唔少得雪糕啦, 可以為呢一餐畫上一個完美嘅句號🥳🥳

天氣一涼涼地，香港人就出動打邊爐。香港打邊爐嘅選擇真係唔少，麻辣火鍋，一人一鍋，雞煲等各具特色，亦都各具滋味。一大班人去咗尖沙咀呢間熊本牛鍋，鍾意佢地方唔大，有少少似私房菜，但係係火鍋模式，蔬菜，丸，水餃雲吞，全部自助形式飲食，仲有雪糕甜品。至於肉類，可以選擇加拿大豚肉，日本雞肉或者美國牛肩胛，牛小排，A4和牛，全部產地直送，見到佢廚房入面有部切肉機，即叫即切，上枱嘅時候肉質仲鮮嫩紅色，非常新鮮，而且厚度適中，肉脂均勻，第一次食到咁新鮮嘅肉類😋🥩. 多款湯底之中，我哋揀咗蕃茄薯仔湯。湯底唔算特別濃，但係好在出面有蕃茄拎，所以湯底嘅濃度可以算係自己調配，湯底當中真係加入咗薯仔，而且滾咗兩個鐘，薯仔都唔爛。將肉類蔬菜放入番茄薯仔湯入面滾，到最後，湯底濃縮精華老實說，比起其他花膠煲乜湯底，呢個係更加天然美味。飲品自助形式，款式選擇唔算少。鍾意無糖嘅有茶，鍾意韓式特色飲料嘅有忌廉牛奶，亦都有啤酒，值得一提佢哋有自家煲仔嘅五花茶同夏灰草， 感覺好窩心。

黎呢到幫襯既原因系因為食過隔離同一個老闆開既私房菜。老闆用心價錢又親民，所以知道佢開火鍋一定要黎捧場。我地係即日book位，星期一夜晚去食，地方吾大，不過坐位舒適，係光缐有點暗，個人認為火鍋店還是光猛才好。我地坐系呢張大枱隔離，坐低15分鐘之後就開始full了。我地今次先試二小時美國牛肩胛放題，隔離系5小時任食，其實幾吸引。牛質素都ok, 豬佢都任你叫。食物bar款式吾算好多不過質素都吾錯架。最喜歡佢有秋葵同羽衣甘藍。另外要提介我地叫既龍蝦湯底，香味濃郁。要讚賞佢提供生雞蛋俾你。而基本醬汁都提供到。飲品方面以小店來講已經很儘力。選擇算系甘，仲有自加煲既夏枯草。今次冇緣跟老闆傾計，只見佢好忙碌。下次一定會再黎