熊拉麵 (蘇杭街)

營業中

休息中

上環一帶冇目的地揾食、間間食到有少少悶、見到有間都幾多人的拉麵鋪、於是入去試吓、一開門好香好香、點了兩個拉麵給一個鋪滿蔥嘅煎餃子（大約$40）、拉麵我們分別選擇了咖喱拉麵（大約$78）及黑蒜拉麵（大約$78）、上菜速度夠快、但質素亦沒有因此而變差、煎餃子皮薄、配上香蔥及沙律醬、好簡單的配搭但是很好味、拉麵的麵質不錯彈牙有咬口、湯底味道亦不錯、因為我一向食完拉麵都覺得好多味精、之後會好口渴、但我食完這個之後亦沒有這些感覺、總結這個拉麵我會再去食🤣

我真係好鍾意食熊拉麵平時食開尖沙咀鋪，果日路過上環先知原來上環都有分店，即刻入去試下。今期既期間限定拉麵係和風咖喱拉麵。就咁聽個名好似麻麻，不過都好奇新味係點所以試下。呢個拉麵個咖喱湯底好香好好飲😱完全喜出望外，上面配搭左醃漬番茄，酸酸甜甜咁，撈入湯底度食一流。至於叉燒我就揀左肥叉，d肉入口即融，好正。呢間分店同尖沙咀分店一樣咁好食我次次食呢間拉麵既期間限定都冇失望過，次次都好有特色好好食，我覺得好食過其他菜牌d拉麵問左店員先知原來期間限定係一個月換一次㗎，咁睇黎我個個月都要黎先得。

The food was delicious especially the amazing eggs - I could go back and eat those eggs again and again. The gyoza was pretty good too. The service needs to be improved though. I went pass peak hour and the waitress still wanted me to sit next to a stranger elbow to elbow at the counter. Er, no thanks, you have a half empty store I think I can sit further away from the dude I don't know. Then when I'm eating, she came to change the tissue box right in my face- really? Do you need to do that righ

想食拉麵嘅心真係控制不住🍜🍜🤤所以就嚟到幾出名嘅熊拉麵🍜🐼🐼🐻 拉麵價錢由80蚊到百幾蚊都有，我就嗌左個88蚊嘅魚介湯底拉麵🐟🐟 看似細碗但其實好足料！湯底濃郁帶魚鮮味，加上肥叉嘅融合，湯底更有味🐥 麵可以揀幼同粗嘅，都幾好💪🏻💪🏻 麵幾彈牙，又掛到d湯🐻 糖心蛋亦幾出色，咬落即刻蛋黃流出🌼撈麵一流👼🏻👼🏻 小食點左個沙律醬蔥餃子🥟好juicy ^^皮薄多汁，配上沙律醬好有層次😍😍

做完gym就同男朋友行到呢頭食晚餐，見熊拉麵幾多人食又似幾正宗就試下啦！(^^) 餐廳比較細，繁忙時段都要逼下😀 我就揀左個期間限定款，係咖哩口味拉麵🍜 一樣有流心蛋蛋食，蛋黃一咬就流出，十分滿意😃 湯底小小辣，幾若味🐥叉燒一定要揀肥嘅，比較淋身同好食👅👅另外配料有d番茄，中和番咖哩味，食落冇咁膩🍅 餃子試左沙律醬板加蔥($42)🥗💪🏻好好食！層次分明！d蔥好多好香，同d肉汁好夾，大推呀🐿🐿

突然好想食拉麵，於是上OpenRice睇下有咩好介紹。見到熊拉麵食評很好，於是便去試試啦！七點頭人不多，自己揀好位置便點菜。黑熊拉麵，湯的顏色是黑炆炆，湯面有層油，但喝下湯味濃郁但不太油。我點選是火炙叉燒軟幼麵，半肥瘦肉好軟滑，大大件好好味。雖然點選軟身幼麵，食落亦很彈口，不錯！可能加了雪菜，吃到最後感覺有點咸。另一碗是招牌拉麵，湯亦濃厚，相比起黑熊拉麵清甜。可能最後才吃蛋，所以糖心蛋近乎全熟狀況，但仍然好味！熊拉麵食物水準很好😋，但服務態度就不合格👎🏻。坐下來便順手將手袋在隔離坐位，沒有留意地下有籃，待應姐姐便喝令放落籃。當交了拉麵紙給待應姐姐後，我心大心細是否多點一客煎餃子，她便催促交回menu。待應們的趕客態度真的令人吃不消！👎🏻👎🏻👎🏻

今日去左中環大館參觀，晚飯就決定帶小朋友去蘇杭街揾食，嚟到呢一間拉麵店前，見倒裡幾乎坐滿人，感覺應該信得過。入到去我地都即刻點左拉麵，因為小朋友大人都好肚餓喇。拉麵嚴格來講有八款選擇，每款都都可以自選粗幼度，麵嘅軟硬度，叉燒都有三款選擇，【梅頭瘦叉燒】、【火焰肥叉燒】同【角切叉燒粒】，去到嘅時候【角切叉燒臘】已經賣晒，唯有下次機會再試。我叫左【赤熊拉麵】，湯底濃郁，辣味非常夠，肥美叉燒勁滋味。老公叫左【元祖魚介豬骨熊拉麵】，豬骨湯底十分香濃。女兒叫左【招牌拉麵】，湯底比較清，佢話叉燒d肉好淋，好好食，好想食多塊喎。

成日午飯時間經過呢間熊拉麵都係長長既人龍，今次見下晝無乜野做就排埋一份。兩個人排左大概廿分鐘，要齊人先入得，排隊個陣店員會派點餐紙，入去之前先畫好點餐紙，店員就會安排入座。我既習慣係第一次幫襯必定會揀最basic 個款，所以今次揀招牌熊拉麵，湯底好香濃，麵底我中意幼身硬d 既口感，都做得唔錯，但d 肉就似煲湯肉，個人麻麻地。價錢黎講我覺得偏貴，有心理準備係好迫同埋坐得唔耐，排隊既時間分分鐘耐過食麵既時間。

係一條寧靜的街道上，大部分店舖已經關門，唯獨有一間日式拉麵仍然營業。宜間拉麵店細細間，坐滿人。基本上有五款拉麵，你可以揀麵既粗幼同份量。我叫了招牌熊拉麵，個人口味方面揀了師傅推介，麵底則要了1.5mm 中幼麵。宜款拉麵豬骨湯底夠晒濃，好好味。另一款是黑熊拉麵（中幼麵），宜款比招牌熊拉麵咸，但個人較喜歡宜款拉麵。 由於太好食同肚餓既關係，加了13蚊要多個麵底，麵底選了幼麵。試左中幼麵同幼麵，個人覺得中幼麵口感比較好。

兩個同事都不約而同話呢間拉麵好食，所以星期六收工特登黎試下。星期六下午時間人不多都有好多位本身安排左坐吧枱，但因為吧枱好迫 兩個人根本坐唔到落去，所以選擇左大長枱。點知冷氣凍到震，又廢事麻煩就無再轉。我食黑熊拉麵，湯底正蒜味夠濃，麵夠彈牙又唔會煮得太軟，仲有夠多蔥，剛剛好友人既熊拉麵，有多一隻蛋，不過就唔夠味。但湯底一樣好味餃子普通本身我地食野慢，冷氣真係凍到震，好快就吹凍哂。侍應態度麻麻又會以命令口吻黎叫你寫枱號落張落單紙到，真係有d失望。

今日星期日，竟然要番工，番工前近近地喺附近食餐日式拉麵醫肚，一個人嘅話最好就係嚟蘇杭街揾嘢食。入門口一坐低，侍應已經好細心地將衣物籃拉近，示意可以將隨身物品放入去，抵讚！今日食左碗招牌熊拉麵，幼麵、肥肉、走青。湯底濃滑，麵質彈牙，温泉蛋夠流心，叉燒夠晒肥，啱晒我！加上地方都算靜靜地，地方算闊落，燈光夠光猛，而埋單價格85蚊，以中、上環地段，呢個質素的價格完全可以接受！清晒！一滴不剩！午餐埋單85蚊

係附近睇完醫生，一個人食咩好？上環好多好野食，行到去蘇杭街見到熊拉麵，岩晒啦，一個人食拉麵快靚正！午飯時間店內坐滿人，我一位就等左幾分鐘有位，坐bar檯。試下招牌熊拉麵，可以揀健康無油，叉燒都有得揀肥瘦，可以食得健康d！拉麵真係無油👍🏻👍🏻👍🏻 豬骨湯底夠濃，食完無口渴感覺，正！溏心蛋夠溏心，不過蛋味唔夠濃！麵嘅質地幾好，唔硬唔軟岩岩好！價錢$85，女士食就岩岩好，男士可能未必夠飽呢！或者加個小食啦😅😅😅

Tried the red one, tasty soup, good char siu, ordinary noodle, nice service. Thank you, I guess I will come again.

晚上輕食，找了這間方便就腳拉麵店，易揾，唔洗等位，order左招牌熊湯底，八十幾元，不算平，幼及軟麵。湯底味道無咪特別，偏咸，流心蛋都流但係凍，瘦豬肉都可以，但麵沒有比軟麵。朋友食魚介湯底，偏咸偏油，不太好食。

今晚我點了魚介拉麵，個人認為和豬骨湯底沒有太大分別。每款拉麵可選麵的粗幼、軟硬和一種肉類。我選了瘦叉燒，可是口感比我想像中硬，可能煮的時間過長，還有進步的空間。拉麵還配上青葱，木耳和糖心蛋，甜甜的蛋還在流心，為這碗麵加分不少！