熊小館

營業中

休息中

放學同同學仔媽咪即興嚟megabox玩，醫肚要緊～ 湊住3個小朋友，要搵啲親子餐廳，就去咗食熊小館喇～午市套餐有我呢個鮮茄焗豬柳飯～比想像中大碟，可以同阿仔share~ 都幾多汁，係配菜小啲，得幾粒菠蘿，不過豬柳就好大塊～ 個飯仲要炒底 再加芝士個汁係鮮㗎～ 唔係吱吱茄汁，係鮮茄～ 所以都放心比阿仔食～仲有playarea玩～ 扭計都唔怕～男仔有車車同停車場女仔有勁多bear bear, 仲有書睇，又有煮飯仔，大又啱玩細又啱玩～

很喜歡這裡。 呢度成個餐廳環境令人好有童年回憶，喺呢度食得好開心。 🥳餐廳經理好好人，好細心，服務非常之好。今次叫左 鉄板芝士 🧀 雞扒、凱撒沙律 🥗同埋海鮮湯🥣。芝士雞扒有勁多cheese 🧀, 雞扒皮脆肉嫩，夠入味，配菜的炸薯條🍟亦熱辣辣，脆脆的。好好食。 😋 Ceaser salad 🥗, 有兩塊特別長的羅馬生菜放喺碗邊好似兔仔耳，好可愛 💕 . 羅馬生菜新鮮爽脆，醬汁香濃。海鮮湯味道濃郁，海鮮亦非常之多，材料豐富。🥰

是日雨天，唯有在室內活動即去Mega Box 睇戲晚餐試下這間，與熊仔共晉晚餐藍青口不錯，白汁不咸，份量不細，抵食洋蔥蔥相片和實物一樣，抵讚估唔到墨魚麵加了薄荷葉，有清涼感覺。美中不足是麵過硬一邊睇樓下的人溜冰，一邊嘆晚餐，感覺良好!

竟然忘記了推介這一餐是在Megabox的熊小館整間餐廳都有熊公仔包圍着我們MY BOSS 叫咗蘑菇紅酒汁牛柳伴帶子 ($158)原本係法式田螺薯蓉批 但賣哂就換黎帶子帶子夠大粒 而牛柳配上蘑菇紅酒汁味道層次升級 推薦🐮🐮而我則點了特濃芝士鐵板雞扒 ($98)濃濃嘅芝士配上雞扒 肉汁滿瀉😋當然唔少得叫個小食啦我哋要咗酥炸魷魚圈配檸檬沙律汁 ($48)酥脆外皮 軟Q魷魚👍🏻👍🏻_________________________裝修環境：✨✨✨✨✨服務態度：✨✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

難得放假，當然約了朋友shopping、睇戲直落！不過玩歸玩，還是要祭祭五臟廟～飢腸轆轆的我們決定去megabox覓食，不過今次不是去ikea，而是11樓、近溜冰場的熊仔cafe！——————————🔸烤美國牛肉漢堡包伴班尼迪蛋·炸薯條 $65+$6 配歐陸式濃湯及牛油法包羅宋湯香濃足料，酸酸甜甜之餘，還帶點微辣，勁惹味！湯底有大量雜菜及牛尾，與烘脆的法包一起食，真的perfect match～香脆的麵包半蓋著班尼迪蛋、牛肉扒及新鮮生菜，最後淋上荷蘭醬及香草，漢堡賣相不錯～但味道同樣出色！塗上牛油烘烤的麵包鬆軟，牛肉扒厚身且肉味濃郁，切開班尼迪蛋後，蛋汁及荷蘭醬令整體好juicy，清爽不膩！薯條剛炸熱辣辣，加上粗幼適中，外脆內軟，值得一讚！如果覺得炸物太熱氣，可以搭配旁邊的醃菜及鮮榨橙汁，酸酸甜甜好清新！🔹 巴薩酒醋煙鴨胸意粉 $58 + $9 配 是日甜品一上桌，即聞到濃濃的醋味，不小心吸了一大口更令我嗆到🙊原以為味道普通，想不到卻是整餐最驚喜、最好食的一道菜！意粉煮得剛好，加入醋拌炒後，入口甜甜酸酸，開胃又惹味！配合煎得焦脆的鴨胸，香氣極濃，整體恰到好處，極夾！好奇之下，打聽了這種

身邊有一個好朋友，平常好少見面，好少wtsapp，但總會將對方放係心裡面的第一位，踏入佢的生日月份，我悄悄地係網上揾到呢間好近佢公司既「熊小館」。✨環境餐廳係megabox既11樓，可以望到樓下溜冰場添啊。門口有2隻人咁高既熊迎接我地，仲有d細size熊仔，可以比我地買走。餐廳面積都幾大，有小朋友玩樂區，又有卡位，仲有長枱咁，幾適合一家大細一齊黎。呢個小朋友玩樂區，除左有煮飯仔既架餐，仲有大量既圖書，b仔b女都岩玩。✨Menu夜晚有個$298既Set for 2，仲可以散叫既，一個意粉大概$80，扒類都係百令蚊就ok，另外仲有兒童餐添。 每張枱都有隻熊仔陪住我地食飯，好cute cute啊！好想餵埋佢食添啊。✨我地叫左呢d：🎃南瓜忌廉湯+ 蒜蓉包呢個湯十分creamy，入口有好濃既南瓜味道，餐廳將南瓜完全煮溶左，都落重忌廉去煮。每一啖都好香南瓜味，濃淡適中，配埋烤得香脆既蒜蓉包一齊食，幾好幾好。🥚法式蛋黃醬焗鮮蘆筍係新鮮蘆荀上面，舖滿左蛋黃醬，蛋黃醬主要係由植物油、蛋、檸檬汁或者醋，同其他調味料所製成既半固體調味醬。蛋黃醬個面烤到脆脆地，好香啊！🐮燒美國殼飼厚切小牛扒伴醋漬野菌我地叫左

呢個餐廳真係非常Kids-friendly! 一入到去就好似入咗個小熊國，比無數嘅熊仔包圍！每張枱上面都會有一隻熊仔作為裝飾，小朋友見到都好開心！主要都係食西式野，個二人餐好抵！每人一碗餐湯加蒜蓉包，個湯味道辣辣地，好開胃！同埋都幾足料，都有唔少菜蘿蔔同埋蕃茄🍅🥕🥬頭盤就揀咗炸洋蔥圈！呢個真係超級推薦！佢係用啤酒漿落去咋，唔似出面嗰啲洋蔥圈炸粉同洋蔥完全分開。呢個炸漿同埋洋蔥係連住，食落外脆內軟，一啲都唔厚粉。主菜就有牛柳配醃菇！牛柳要咗七成熟，食落都算腍，配埋啲紅酒汁，味道都幾好！配菜都好正，啲蘑菇好鮮甜，薯仔焗得外脆內軟，幾出色！另一個主菜揀咗卡邦尼意粉，好濃芝士味，意粉又好掛汁，又唔會煮得太腍，食到好上癮！最後當然唔少得係食甜品啦，有驚喜嘅就係竟然有椰子味雪糕，佢仲要擺得咁靚！仲可以加錢食心太軟，呢個二人餐都只不過係三百零蚊埋單，好抵！

晏就覓食行經餐廳外嘅宣傳，見到大大隻熊啤啤超得意，就比佢吸引咗入去。餐廳每張枱都有熊啤啤，即時少女心起嚟烤美國牛肉漢堡包伴賓尼迪蛋·炸薯條$65-全日供應，個漢堡賣相超吸引，Benedict口感濃稠滑順，切開啲蛋黃流出，同香濃嘅荷蘭醬一齊食正！連埋包同牛肉等食感覺就冇咁膩啦～豬扒配牛油酥皮吐司$42-吐司烤得剛剛好，口感酥軟，豬扒亦煎得好腍唔錯！金磚西多士$42-嚿嚿都大大粒，酥脆西多士連埋甜奶食一流紅豆冰-同平時飲嘅紅豆冰唔同，飲嘅時候有陣爆谷味，好香甜，估唔到味道咁夾甜品+$9-木糠布甸，甜絲絲，為今餐劃上完美句號

又係星期日，工人姐姐休息日。我們一家又要出街揾飯食。上次係屋企附近食湖南菜伏伏地，今次試下間主題餐廳。小朋友應好開心！九龍灣有哩間熊小館，以熊啤啤為主題。店內好多熊啤啤擺設。最特別係可以揀隻熊啤啤陪你食飯。餐廳裡仲有個玩具角，圖書角。至於食物，有D惊喜。首先係有兒童餐。格仔盤上有肉酱意粉，粟米粒，腸仔及啫喱。全部都係小朋友至愛！青口火候剛剛好，剛熟離殼，不勒。用鲜忌廉汁，好食。蜜汁雞扒好嫩滑。鐵板上，熱乎乎，好味道。蜜桃雞肉火焗飯，甜甜地，好醒胃。牛肩肉，五成熟，裏面肉汁鎖住，好有肉味。軟殼蟹意粉，隻蟹好酥脆！炸鱿魚圈，炸粉剛好。唔太乾！芝士露筍，健康之選。仲有心大軟，小朋友好快手K.O.了。未有照相。

熊小館係以熊啤啤為主題既餐廳，餐廳內放置很多大大小小既熊啤啤，另外有一個遊戲區，有廚房玩具同圖書。第一時間當然要同主角🐻影相啦！😄跟著又揀隻🐻陪我地食野🐻 兒童餐肉醬意粉，阿女食到舐舐脷。仲有粟米腸仔同小熊啫喱，全部都係小朋友既至愛。🐻 二人餐🐾羅宋湯+ 蒜蓉包個湯好足料🐾芝士焗蘆筍 蘆筍好幼嫩好 fresh🐾牛肩柳配薯菜 濃厚的牛味，薯菜有甜椒，茄子，蘆筍同粗薯條，用砧板上菜，買相吸引🐾蜜桃無骨雞腿飯蜜桃同蕃茄煮成酸酸甜甜汁，好開胃。🐾熱情果玫瑰花茶🐾橙色派對🐾心太軟一切開個蛋糕，朱古力流晒出黎，阿女食到連碟都舐埋。🐻 白酒忌廉煮藍青口份量好多🐻 軟殼蟹牛肝菌意粉🐻 炸魷魚圈炸得好香脆，但個粉漿厚左啲🐻特濃芝士鐵板雞扒我地一行六人，八百幾蚊晒單，食到飽飽，食物質量不錯，職員好友善，氣氛又好好，值得推介俾朋友！👍

熊小館係小姐時常掛係嘴邊話要再去食嘅餐廳。 餐廳有一個小小嘅位置俾小朋友玩，大概可以容納到五至六個小朋友，小姐同細佬玩得好開心，吾肯走。😆 兒童餐喺呢度必點嘅食物之一，姐姐為咗可以快啲去玩所以成個餐一陣就清晒，媽媽表示好安慰。我哋另外叫左2 人餐： 有 菠菜菠菜魚柳飯，蛋黃醬焗蘆筍，牛扒，湯，飲品。菠菜魚柳飯非常多芝士，菠菜加埋🐟柳又有營養又好味，又易食，真係非常啱小朋友食。細路食得津津有味. 👏🏻 二人餐$298 ，再加個兒童餐$68 就夠哂 2 大 2 小。 好低食啊！

星期日約了家姐一家食飯， 既然有小朋友就找間公仔主題餐廳食晚飯，等大人細路都開心吓。網上找到這間熊仔主題餐廳價錢唔貴，環境又ok， 於是就決定來這間餐廳一試。一到達發現門口有兩隻巨型嘅熊仔， 大人細路都忍唔住沖埋去一齊影相， 而餐廳內更有一個兒童遊樂區， 小朋友可以在裏面睇書玩熊啤啤， 而我們坐下發現枱上有隻細嘅熊啤啤陪我們食飯， 小朋友們十分開心。我們叫了一個兒童餐、一個二人餐、一款小食。兒童餐:好有心思，啫喱係熊仔頭造型，意粉及腸仔好好食。二人餐:我覺得好抵食$298有湯及飽、小食、main course、飯或意粉、飲品、甜品。main course:安格斯牛肩扒，好有牛味。小食: 蛋黃醬焗鮮露筍， 好嫩、 冇揸。飯或意粉:芝士蜜桃鷄腿飯甜品:心太軟小食:酥炸魷魚圈，非常鬆脆可口。

本身比較少去主題餐廳，亦都未必會特別去搵黎試，估唔到因為呢間熊小館開係Megabox，竟然有機會係lunch time黎到試一試😆午餐高峰期非常多人等位，門口有售賣小熊公仔同精品既貨架，邊睇邊等時間好快過。每張檯都有隻熊仔陪住你食飯，坐到側邊的話仲可以望到溜冰場，景觀唔錯！而午餐選擇都幾豐富，有扒餐、沙律、意粉等等，食多食少都無問題今日就試下個煙鴨胸意粉，驚喜既地方係佢用左黑醋汁酸酸甜甜既醬汁夠晒濃郁，食落有清新既感覺，加埋淡淡香草味道，勁加分！鴨胸煎得啱啱好，而且一d都唔油膩，肉質結實，配埋醬汁非常不錯如果想有熊仔靚景陪你食飯，呢度係唔錯既選擇🐻

香港有心機而性價比又ok的主題餐廳真係買少見少，要麼環境好靚野食好普通，要麼就兩樣都無，而且價錢都偏貴。Cafe Med反而比想像中的價錢平，而且環境食物都值得encore.今次食的是2人餐dinner, 西餐菜式，湯是羅宋湯配蒜蓉法包，湯都已經係有誠意，有用到牛尾，底有點辣，很多很多雜菜，幾足料。蒜蓉法包好脆，牛油蒜味好香。跟餐飲品可加錢upgrade轉特飲，喉嚨不好的朋友叫了薄荷檸檬蜜糖，飲完果然喉嚨無咁乾，潤潤的感覺。另一杯叫了蘋果玫瑰，玫瑰很香，很解渴，還有清新的蘋果味。小食揀了蛋黃醬蘆筍，蘆筍是偏幼的品種，所以特別嫩，蛋黃很滑很香，同蘆筍係新奇的配搭，特別的小吃很值得一試。主食之一的西冷配帶子薯菜叫了5成熟，生熟程度剛好，肉質偏軟滑，無筋，切落一點也不吃力，淋上蘑菇汁味道更好。帶子有2粒大大的，煎得甘香爽彈。煙肉包蘆筍串也好香，這樣的搭配也很襯。芝士菠菜汁龍脷魚柳焗飯份量可謂巨大，醬汁撈飯好creamy, 龍脷柳的邊邊焗得帶點脆，入口又香又滑，魚肉一絲絲的。只是份量真的大，吃完有點吃力。最後把甜品升級到心太軟，軟到朱古力都流出來了！外脆內流心，是很成功的心太軟。配上鮮忌廉同蜜

繁重工作過後，心情不是太好，因此一個人走到megabox逛一逛，為什麼選擇megabox 呢，就是因為人流不算太多，能夠好好放鬆一下心情。看見這間新開張的熊小館，店內有很多熊仔的公仔，能夠給人放鬆心情嘅感覺，跟住頭也不回的進入。晚上餐廳提供不同的套餐，以西式食品作為主打。點了火腿雞胸扒意大利飯，雞胸扒非常鮮嫩，意大利飯的醬汁非常濃郁，整體上這個飯非常滿意。套餐還包括餐湯及蒜蓉多士麵包，羅宋湯的材料亦十分充足，味道不錯。只係餐飲是香茅檸檬梳打，這個配搭非常有趣值得一試。此外亦點了魷魚圈作為小吃，吃得出是即點即炸的，非常好吃。整體上餐廳環境及美食非常滿意，加上服務員的殷勤接待，下次必定一試。