焱丸水產

營業中

休息中

同朋友傾開計，講起之前食過呢間焱丸水產唔錯，咁就黎試一試佢啦。一行入餐廳就覺得呢到既佈置有好濃厚既日本氣氛，真係好似去左日本旅行咁，餐廳入面充滿住好香既浜燒海鮮味，搞到一坐低都未叫野食已經覺得好肚餓。《麻醬蕃茄豆腐沙律》沙津菜同埋蕃茄都好新鮮，加上滑身豆腐，再淋埋日式芝麻醬，作為前菜非常開胃。《炸一口芝士》新鮮炸起熱辣辣，一咬落去外脆內軟，入面全部都係芝士，芝士味超濃郁，食完一粒會停唔到口忍唔住繼續食下一粒。《炸蓮藕片》唔好睇佢外表冇咩特別咁，食落原來好有驚喜，好似薯片咁薄薄一片，非常脆身，上面加左少少鹽調味，真係好似食緊薯片咁，鍾意食薯片既話必叫呢個，一樣係會食到停唔到口。《刺身5盛》刺身有5款，包括三文魚 、油甘魚 、 吞拿魚 、帶子 、海膽 。三文魚，油甘魚，吞拿魚同帶子全部都係厚切，肉質彈牙又嫩滑。海膽份量都唔少，味道好鮮甜。《壽司盛合》呢個盛合有齊10款唔同壽司，可以一次過試晒咁多款壽司，好滿足。壽司同刺身一樣都好新鮮，仲有我最鐘意既海膽軍艦。《 蟹味噌甲羅燒 》 《 芝士蟹肉甲羅燒 》 《鮑魚殼燒》黎到呢到緊要試埋佢既浜燒，呢到既店員會幫手燒好所有海鮮。甲羅

這間日式餐廳其實去了不少次，說真的感覺上質量影視保持得很有水準。而且在濱燒上安排妥當，火候控制不錯，出來的食物質素性價比高。當日先叫了盤刺身，質量有一定水準。另外叫了沙律，沙律菜很新鮮，只有日式西洋風才會有豆腐配沙律，健康美味。另外第一次嘗試海膽壽司，海膽相當鮮甜，所以這個力推～來到這裏怎可少得濱燒呢，叫了鮑魚及甲羅燒，兩次火候都掌握得很好，因此燒出來的海鮮除了海鮮原有的鮮甜仍保有水份不會太乾身。甲羅燒由於配料很足，蟹膏很香口相當惹味。最後是叫了個炒飯，炒得相當鬆軟，很不錯呢。這邊的酒精飲料也很可以，用來濱燒少相當好。

當日時間尚早，所以在門外坐一陣，很快就可以入座。裝修好有日本感覺，而且食物質素也很好。尤其是鱈魚和蟹蓋。鱈魚外脆內軟，蟹蓋鮮甜。同朋友慶祝，訂甜品寫生日順，最驚喜既係想甜品時，突然關晒燈，播放生日歌，食客都一起唱生日歌，又講生日快樂，令朋友真的好開心好驚喜。👍🏻👍🏻☺️

今晚難得同一個好耐冇見嘅朋友食晚飯，梗係要食餐好嘅！我哋就揀咗尖沙咀嘅「焱丸水產」嚟開餐 😋餐廳裝修得好日式，好有日本居酒屋嘅感覺，最特別係每一枱都會有個爐，啲燒物都係侍應即刻係你面前燒嘅，好正！👍🏻我哋叫咗以下幾樣嘢嚟燒：蟹味噌甲羅燒（$68）& 黑松露蟹肉甲羅燒（$68）：蟹膏味香濃，即燒即食零舍好味 😋帶子磯燒（$68）、醬油木魚帆立殼燒（$75）& 鮑魚殼燒（$136）：帶子好鮮甜，燒完啲汁一定要飲埋！除咗燒嘢食，我哋仲叫咗其他嘢：蟹籽蟹肉薯仔沙律（$78）：焱丸號壽司（$158）：刺身3盛（$160）：轟炸雞（$58）：北海道海鮮炒飯（$78）：嘢飲我哋叫咗白桃梳打（$52）同卡西斯/伏特加（$58）：

朋友生日去咗食日本嘢，呢間真係好高質。見佢海鮮同埋刺身都好出名，環境好似去咗日本咁。我哋叫咗海鮮、同埋一個牛肉鍋，牛肉牛味好重好味，天氣凍凍地好正。鮑魚同蟹腳其實都好出色～其他仲有蕃茄豆腐沙律，加咗好多麻醬好正～雜菇牛油燒，唔好睇佢簡簡單單其實都好好食～鮑魚上到枱估唔到真係好新鮮，因為仲見到佢郁，仲有呢度嘅服務態度好好，好似日本嘅餐廳。如果幫朋友慶祝生日，餐廳仲會播生日歌幫你拎個蛋糕出嚟，炒熱晒全場嘅氣氛🤣🤣👍🏻👍🏻👍🏻👍🏻

看完食評見好評很多打算試一次，十分後悔。這好評數肯定是買的。寫食評那麼麻煩，我都忍唔住寫一次。二個男，承惠850。叫了二個lunch set,豪華壽司同刺身天婦羅烏冬，外加一個燒貝殼拼盤，朋友想食甲羅燒同魷魚。 二個lunch set 。烏冬餐有雜綿天婦（二蝦普通無鮮味）同刺身（油甘，三文，蝦）無咩特別份量可以。豪華壽司種類都算多但係都無咩鮮味，lunch set還可以接受。 點知個燒貝拼盤就經典，所謂的二粒特色貝就是街市買20一份的白蜆二粒，連佢本身有四粒白蜆。一食落口sorry 我講錯仲衰過街市0鮮味又韌我見佢要用剪開原來係因為唔新鮮！之後係蠔 都係無味。扇貝都係十分可怕上台已經見到係呈奶白色，一點透明都無，肯定都係唔新鮮，入口有如擦紙膠。活鮑同甲羅燒都係普普通通。垃圾至極街市買都好食過佢！另外衛生都好可怕，男廁所全部都係屎跡。好彩係細，開大就.....

尖沙咀呢間日本嘢值得再去～除咗有好多刺身款式，其實都真係仲有好多嘢食揀。因為我腸胃唔好所以今日試吓其他嘢，叫咗海鮮，例如鮑魚、蟹、海蝦等～其他仲有蟹肉甲羅燒、三文魚雜菇牛油燒～•海鮮真係好新鮮，鮑魚上到枱嘅時候仲識郁㗎🤣🤣🤣🤣所以食落去真係知道佢係咩質素🥹•甲羅燒幾過癮，真係有職員幫手燒，好香嘅黑松露味道，配搭埋青瓜絲，好味👍🏻👍🏻👍🏻👍🏻•希望下次有機會試吓佢啲刺身～～

太久沒有回我的鄉下日本🇯🇵了 🤣🤣放工約埋同事 飲番杯 食地道日本居酒屋當去咗旅行㗎喇😬😬地方裝潢擺設猶如置身日本一般 店員服務非常好 還會幫忙燒滨燒👍👍日本文化-坐低叫番杯suntory 😆😆朋友就叫冰菠蘿燒酎 偷飲一口 酒味淡 加上冰菠蘿 嘅清甜 易入口好啱女士飲😍😍我倆都是吞拿魚怪 🤪🤪就叫咗 本鲔(吞拿魚 )盛盒分別有中拖羅刺身、赤身刺身 同樣肥美 厚身，另外仲有炙燒吞拿魚壽司🍣赤身壽司🍣同吞拿魚蓉壽司 仲有漬吞拿魚添😋😋各種口味都試勻曬啦炙燒吞拿魚好香口，魚油好豐富，滲曬落啲飯度 非常香濃 有鮮味🤤🤤漬吞拿魚第一次食 可以粘上蛋汁 更加綿口，鮮味更加提升岩手縣生蠔 日本直送，非常新鮮，配上青檸汁和自家製醬汁 還有濃濃嘅海水味 肥美 ！蟹籽蟹肉薯仔沙律🥗分量好多夠曬飽肚 蟹子蟹肉 伴住三薯仔沙律 口感很好 太子脆口，蟹肉鮮甜當然要試埋滨燒，揀咗松葉蟹膏帆立殼燒 蟹膏配上帆立貝，鮮上加鮮，火侯剛剛好，連湯汁都飲埋呀另外叫埋三文魚子帆立貝殼燒 另一種風味 同樣鮮甜甲羅燒亦同樣叫咗兩款口味 蟹味噌甲羅燒和黑松露蟹 甲羅爐燒可以一次過試曬兩款口味我就喜歡蟹味噌甲羅燒多啲啦 配上青瓜絲

尖沙咀一帶好有好多高質既餐廳，今次同樣有驚喜#焱丸水產餐廳裝潢以傳統日本魚市場為靈感，以原木色餐桌為主，整體感覺舒適自在，彷如置身於日本。每張桌子都會有一個烤爐，睇住店員將水產慢慢烤熟，感覺好療癒。左口魚刺身 $158將左口魚切成薄薄一片，呈半透明。肉質柔軟細膩！口感豐富有嚼勁，咬落既爽又鮮甜。🥑三文魚牛油果油酢漬 $80三文魚切成粒狀，口感豐腴細嫰帶魚油香，牛油果十分幼滑。伴碟仲有火箭菜、🍅蕃茄仔等沙律，清新爽甜，酸酸甜甜，好開胃。🍣焱丸號壽司 $158賣相好吸引，刺身多到滿瀉。本身好怕海膽既腥味，但一食十分鮮甜，齒頰留香。吞那魚腩蓉幼細香滑，軟綿綿。仲有三文魚籽、長腳蟹柳、蛋絲等，將自己中意既刺身連埋壽司飯一齊食，好滿足。🦀蟹味噌甲羅燒 $68🦀黑松露蟹肉甲羅燒 $68呢款係必點❗️店員將松葉蟹蟹膏、蟹肉、蟹籽加原隻鵪鶉蛋係蟹蓋內一邊攪一邊燒。唔需要加調味料已經好鮮味，蟹味濃郁，咀嚼時亦食到蟹籽既口感。另外，亦可以加埋旁邊既青瓜絲一齊食，爽口清新。兩款口味都好吸引，蟹味比較原汁原味，但黑松露亦好難抗拒。鮑魚殼燒 $136鮑魚好新鮮，十分生猛。口感軟嫰又彈牙。🦑烏賊磯燒 $75店員一邊

放工同朋友去尖沙咀食飯，餐廳位置比較隱蔽，要行到街尾先見到，搵左一陣先搵到🙈餐廳座位都幾多，我地晚飯時間去都已經無乜位了，好彩訂左位，氣氛好熱鬧🥗蟹子蟹肉薯仔沙律薯仔除左綿密口感外，仲加左青瓜片，薯仔粒同埋蟹籽口感好豐富👍🏻🥢刺身3盛、赤貝、甜蝦刺身刺身整體都好新鮮，味道鮮甜，最鍾意係赤貝，鮮味爽嫩🍣焱丸號壽司壽司相當足料，簡直可以用滿瀉黎形容🙈帶子，海膽，蟹肉，三文魚籽，吞拿魚蓉，蟹柳想點食都可以自己選擇，當中海膽係最好味😋好鮮甜🍤野菜天婦羅味道唔錯，炸粉量適中，第一次食大蔥天婦羅，鍾意食蔥的朋友會鍾意🦀蟹味噌甲羅燒🦀黑松露蟹肉甲羅燒每一枱都有一個燒爐，侍應會幫你燒埋，唔洗自己落手👍🏻兩款甲羅燒都鮮味十足，食嘅時候加埋青瓜會中和返個味道🥢三文魚籽帆立貝燒🥢海膽帆立貝燒帆立貝新鮮爽甜，但海膽燒完唔見左🥲我都係鍾意生食多啲🙈🍇巨峰啤酒🥃梅酒梳打

聽過焱丸水產呢個名好耐喇，以水產為賣點，位於尖沙咀棉登徑，近尖東多過尖沙咀，事先同朋友訂咗位都要等一陣，人氣好高。呢度燒物最出名，甲羅燒同埋燒海鮮相信系吾少人嘅選擇。黑松露蟹肉甲羅燒，甲羅燒本身已經好味，仲要加埋黑松露同埋蟹肉😍🦀黑松露味幾濃🖤仲有蛋黃、青瓜絲、蟹籽、香蔥，攪勻後口感非常豐富，蟹膏十分鮮味。鮑魚殼燒夠高級，鮑魚黎戈陣仲識郁架🤩弄熟之後口感有嚼勁，同平時食有醬汁感覺吾同，不過都吾錯。芝士魚旦黎到戈陣朋友食咗一舊，過咗一陣職員就拎去燒😂就咁睇個樣真系吾知要燒定吾洗lol 比想像中好味😋芝士好有芝味🧀魚旦爽口、魚味重。左口魚刺身冇乜地方食到，口感其實似三文魚，較薄身，新鮮嫩滑。三文魚牛油果油酢漬，三文魚蓉好新鮮，牛油果整到細細粒，兩樣組合埋一齊好鮮味清新！有沙律菜點綴食到食得開心😁叫得焱丸號壽司仲吾系餐廳招牌菜？有海膽、魷魚粒、吞拿魚蓉、蟹柳絲、雞蛋絲，即系雜錦刺身，鮮味十足，吞拿魚蓉軟綿綿☺️蟹柳絲同雞蛋絲搭配令口感昇華。烏賊磯燒即魷魚燒🦑燒完之後燒味好明顯，魷魚好爽口彈牙，呢個都好高汁！諗住試吓新野就叫花魚，其實似似哋鯖魚，同樣系啖啖肉，不過味道稍為清淡。朋友叫咗洋梨燒酎，

閨蜜生日，當然搵間好嘅餐廳同佢興祝一下。本鮪（吞拿魚）盛合赤身肉質比較實、色澤較深有咬口，質感較腍，重魚味，拖羅脂肪比例較高，甘香可口，粒粒吞拿魚沙律，加左芝麻、檸檬汁、蔥絲，輕輕的檸檬香再上蔥絲醬油，啖啖肉非常開胃，配埋炙燒壽司、吞拿魚壽司、碎吞拿魚壽司，十分豐盛。蟹子蟹肉薯仔沙律蟹子蟹肉新鮮，粒粒薯仔加埋新鮮嘅蕃茄片，爽脆嘅生菜，飽肚之選岩手縣生蠔好似牛奶一樣，嫩滑、鮮甜、肥美加幾滴檸檬汁已經將自身嘅鮮味帶出，感覺好fresh，完全沒有海水味。鮑魚殼燒活生生嘅鮑魚放上烤盧燒，保留住新鮮原味道，鮑魚嘅邊不停的扭動，味道新鮮，口感非常爽口彈牙。蟹味噌/黑松露蟹肉 甲羅燒蟹膏非常豐厚，鮮味濃郁。松葉蟹膏/三文魚籽 帆立殼燒帆立貝都新鮮，兩款味道各有千秋， 本人比較鍾意三文魚籽，半生半熟嘅三文魚籽好好味，口感更具層次。冰菠蘿燒酎好香嘅菠蘿鮮水果味，加埋日本燒洒，好夾😍

尖沙咀棉登徑有好多間日本餐廳，仲要好多間個名都係水產2個字。今次試既餐廳係街尾位置，但8點幾去到依然坐無虛席好熱鬧。蟹籽蟹肉薯仔沙律 $78食呢個沙律真係會食到好飽😂薯仔加埋蛋黃醬食落綿滑，仲有粒粒蟹籽清脆既口感。刺身3盛 $160 / 甜蝦刺身 $68 / 赤貝刺身 $68三文魚厚切，帶子鮮嫩，油甘魚肥美，甜蝦鮮甜，赤貝爽口無腥味。焱丸號壽司 $158有3大舊勁多料既壽司！海膽，蟹肉，帶子，三文魚籽，吞拿魚蓉，蟹柳，雞蛋絲。其實可以自己mix & match黎食。最好味既當然係海膽，份量一啲都唔吝嗇，好creamy好鮮甜👍🏻野菜天婦羅 $70味道正常發揮，天婦羅炸得夠乾身。蟹味噌甲羅燒 $68 / 黑松露蟹肉甲羅燒 $68有專人幫你用爐火燒，將蟹膏蟹肉放係蟹蓋上燒 燒到"結"身就食得。滿滿既蟹鮮味。可以配青瓜一齊食中和個咸味。三文魚籽帆立殼燒 $80 / 海膽帆立貝燒 $85帆立貝燒完質地厚實，彈牙。但三文魚籽同海膽我都係鍾意生食多啲。巨峰啤酒 $60梅酒梳打 $48

Last week came here for my sister’s birthday dinner. This restaurant seems to be very busy but they serve pretty good food. We let the sushi chef decide the sashimi platter selection for us and all the sashimi came out very fresh and we really enjoyed the hand roll. The cooked food was good however i think the beef with asparagus was slightly overcook for my likings. The tempura and my favourite agedashi tofu are all very authentic and nice

位於尖沙咀/尖東， 地點好方便， 也很容易找到。 內在環境很闊落，張枱好大，可以放到好多嘢，雖然係燒烤地方，但係唔會好大陣BBQ味，應該係通風系統幾好，食完件衫都唔會好臭！ 讚！二二二二蟹味噌甲羅燒&黑松露蟹肉甲羅燒大大隻，好多膏好多肉，配合佢嘅香料，味道也剛剛好，兩隻甲羅燒差不多大隻，風味有些許不同， 幾得意🫶🏻 鮑魚殼燒十分新鮮， 想同一個時候仲係郁吓郁吓，燒嘅時候亦都仲喺度郁，工作人員幫我們燒，燒得剛剛好，食起上嚟好彈牙配合佢嘅香料，真係好好味！ 岩手縣生蠔呢度嘅生蠔可以講係我暫時食過最juicy 最肥美嘅， 有淡淡的海水味， 一點也沒有腥味， 食得出是十分十分新鮮。100分！ 一定要encore !炎丸特選壽司盛壽司就正正常常， 沒有失望， 唔錯唔錯海之幸丼呢個海鮮檔真係包羅萬有，入邊有好多款食材，各種食材都很新鮮，很滿意。松葉蟹膏帆立殼燒&三文魚籽帆立殼燒除咗用鮮味美味肥美形用之外，沒有更適合的形容詞。 工作人員幫我們睇火， 所以燒得很完美。冰菠蘿燒酎飲品清甜可口，最緊要係有一舊好大嘅菠蘿好香又好味！影相都開心， 正！荔枝玉露茶朋友都話ok好飲 挺清甜