焱丸水產

營業中

休息中

你地知唔知有間焱丸水產喺尖沙咀，係個日式居酒屋呀？食咩？當然係燒和牛壽司啦！真係食到嚟咁舒服，口感新鮮又滑口感，油脂比例剛剛好，真係味道一流嘅一道菜！食完真係好滿足，肥而唔膩，真係令人愛到爆炸💥！話到咁，仲有其他菜式都好好味㗎！例如蠔鍋飯，一粒粒鮮嫩嘅蠔同飯煮得剛好，食落即食即整，絕對係一道海鮮愛好者唔可以錯過嘅經典菜式！仲有三文魚富士山，鮮嫩嘅三文魚切成山形放喺壽司飯上，好睇好食，一口咬落去，啖啖鮮味爆發，真係食到成個富士山！😍如果你係大食家，一定要試下本鮪盛合！新鮮嘅本鮪同埋其他魚生，一次過食晒各款鮮味，真係好滿足！唔好忘記試下佢哋嘅帶子同甲羅燒，帶子鮮甜又多汁，甲羅燒焦香味道特別，一口食落去，好似喺天堂食緊咁啊！😋最後要講下佢哋嘅菠蘿mocktail，真係一杯令人驚艷嘅飲品！冰凍嘅菠蘿汁加上濃郁嘅奶油，清新又香甜，喝落去真係好解渴！同埋如果你鍾意燒牛肉，絕對唔可以錯過佢哋嘅燒和牛壽司！💥🍣

和朋友專程到尖沙咀搵居酒屋晚餐，來到棉登徑街尾；朋友介紹的日本精裝居酒屋，門面很吸引，內裏裝修也好有特色，真係有去到日本嘅感覺。看到每張枱都有一個小小的爐頭，就知道大部分都是即煮海鮮食品，咁我哋當然就點咗唔同嘅海鮮：有元貝，鮑魚，大蝦，白蜆甲羅燒，再加上特別嘅三文魚掛麵和魷魚天婦羅！而且居酒屋最大特色嘅當然就係可以飲唔同嘅酒啦，而家居酒屋更加有特別嘅類似雞尾酒嘅酒類，可以畀我們選擇！我就選咗威士忌梳打加梅，朋友就飲推介嘅菠蘿雞尾酒。每樣食材都新鮮甜美，只要加少少鹽或者五味粉就已經極之美味，再加上特別嘅雞尾酒，實在喺令你愛不釋手！食到唔想走！

🦀蟹味噌甲羅燒 & 鮑魚殼燒呢兩款店員都會即時喺我哋面前燒，煮嘅時候啲鮑魚仲郁緊好新鮮🤣甲羅燒就係用蟹膏、蟹肉、蟹籽、鵪鶉蛋等等嘅材料混合埋一齊燒製而成，味道嚟講就好濃蟹膏味🤤兩個人share就啱啱好🍣焱丸號壽司一上枱就見到啲吞拿魚蓉、蟹柳同埋海膽好似瀑布咁鋪滿晒啲壽司，底部其實就係一般嘅小卷🤣打卡黎講確實唔錯，不過食嘅時候就要自己將壽司同埋上面嘅配料組合返一齊食🙈🥩香蔥和牛炒飯另外呢個都係比較有驚喜嘅菜式，炒飯粒粒分明，每粒飯粒都比和牛嘅油脂同埋香氣包裹住🥹係少有喺居酒屋會整得好好食嘅炒飯，雖然食到尾已經好飽但係都係忍唔住食晒🤤整體嚟講呢間餐廳嘅刺身壽司同埋熟食都做得唔錯，定價略為偏高🤔不過勝在食材新鮮～cp值都算高！😗

食日本野癮起既話，其實香港都好多好好既選擇，焱丸絕對係一間我覺得比日本既居酒屋更加好既餐廳，因為食物質素真係好高，真係每次食都好有驚喜。首先喺焱丸食飯個氛圍真係好舒服，好有喺日本既感覺，所以d野食零舍好味。不過其實d食物都好高質，好新鮮，首先叫左個焱丸活貝大盛，見到兩隻手掌咁大隻既鮑魚好新鮮咁郁就已經流哂口水，其實仲有帶子，蠔同蜆都好正，全部都勁鮮甜，另外最好既就係有專人幫手燒，可以坐定定等食又唔洗諗幾時夠熟幾時食得，燒得啱啱好，無野可以挑剔。之後叫左紫菜魷魚鬚天婦羅感覺好香口，皮脆魷魚勁彈牙，食到食唔到。最後就有蟹籽蟹肉薯仔沙律，蟹肉份量勁多，清清地勁開胃。

今日放工同事即興話好掛住焱丸，就放工6點衝過黎食🤣好彩都仲有位食到 咁啱我地2個都喺🦀🦀控，前菜都唔可以放過🦀！叫左個蟹籽蟹肉薯仔沙律。份量真喺幾多，沙律上面鋪滿蟹籽，薯仔唔會過林，沙律醬比例我覺得剛剛好 ，配搭埋蕃茄同沙律菜，加番啲清新感~ 前菜都有啲飽肚感所以主食叫左我嘅至愛焱丸號壽司～每次上枱都覺得好驚豔，滿滿嘅刺身。。海膽，蟹肉，吞拿魚腩蓉等。。加埋蛋絲，似喺沙律又似壽司咁 口感非常豐富呀～海膽夠鮮甜，吞拿魚腩又夠肥美！當然仲有蟹肉啦🥰 今次試左新菜式 鮭魚冷麵，唔好以為喺三文魚刺身配冷麵咁簡單呀🤣佢喺實實在在嘅冷麵形三文魚刺身，配搭加左wasabi同生蛋嘅冷麵汁，蔥花，喺一度大滿足嘅‘’冷麵‘’菜式👍大愛蟹膏嘅我就一定要叫個蟹味噌甲羅燒，仲有專人精心幫你磯燒，加埋青瓜絲，可以就咁食或者配埋焱太號壽司一齊食又得!~

最近返工好辛苦，同同事決定要好好發洩一下，獎勵下自己🤣而「食」就係最好嘅發洩途徑‼️哈哈！1.三文魚腩刺身+油甘魚刺身超厚同超肥美，食完個人幸福感瞬間飆升🥰2.焱丸號壽司佢嚟到有震撼到我，上面的材料鋪到瀉哂🤩有蟹肉、海膽、帶子沙律、三文魚籽、吞拿魚蓉、蟹柳蟹籽沙律同蛋絲 ，下面係紫菜同壽司飯，睇落好豐富，食落都好豐富，好滿意👍🏻3.焱丸活貝大盛呢個大盛有帆立貝×2、鮑魚x2、蠔x2、蜆x4，食材新鮮，鮑魚嚟到仲係郁緊🤣店員好好，會幫手燒，完全寵壞晒我呢啲懶人😝佢哋啲火喉控制得好好，全部海鮮食落口都好鮮甜，剛剛好😍4.黑松露蟹肉甲羅燒蟹蓋入面有黑松露、蟹膏、蟹籽、蟹肉、鵪鶉蛋、葱，我見店員將全部放喺蟹蓋上燒，混合咗之後，蟹膏味超濃郁，正❤️5.溫泉蛋天婦羅後尾再睇Menu，忍唔住叫咗流心嘅溫泉蛋，真係超超超好味❤️無後悔👍🏻7.飲品：冰菠蘿燒酎+青蘋果颱風乳酸佢哋嘅飲品都好有特色，個人好鍾意冰菠蘿燒酎，又好飲又適合打卡！入邊有條超級無敵大嘅冰菠蘿，好正❤️總括今次成餐嘅用餐體驗，啲食物真係好好食👍🏻我下次一定會再嚟‼️‼️‼️

我自己真係超超鍾意食甲羅燒好食嘅甲羅燒感覺真係唔多, 這一間真係值得推薦,百吃不厭是日推介餐牌又有好多新菜式， 都好值得揀啲嚟食鮭魚冷麵, 一條條三文魚切開食落真係好似冷麵, 比叫三文魚刺身更有心思旁邊仲有一隻鵪鶉蛋，可以加落豉油嗰度再點三文魚食好特別， 真係好似冷麵特大和牛壽司勁大塊牛肉,燒一燒剛剛好,入口即溶紫菜魷魚鬚天婦羅魷魚鬚煙煙靭靭，唔會硬唔黐牙配埋紫菜香口惹味， 覺得用嚟送酒一流活鮑魚殼燒,鮑魚燒之前放上枱真係仲係旭緊因為炭燒過，海鮮配炭香好好食侍應燒得有剛剛好唔會太生又唔會過熟我自己完全冇落任何調味料，食返鮑魚原味已經好好食龍神壽司係一個又有刺身又有壽司嘅組合款式都算多甲羅燒好難形容有幾好食,因為真係超好食 唔使配餅乾唔使配任何嘢,直接放入口濃鬱惹味配埋嗰啲炭香嘅味道，係連個殼都想食埋食完甲羅燒真係可以開心一段日子最後再叫多兩件帆立貝燒醬油木魚帆立貝殼燒三文魚子帆立貝殼燒一人一件啱啱好, 除咗帆立貝仲有啲配菜殼燒就係咁正，炭香味係完全不能代替的配返個甲羅燒當然就要叫返個梨燒酎朋友揸車唔飲酒，就揀咗餐牌上嘅冰菠蘿梳打， 真係中間有一大支冰菠蘿 ，咬落去係菠蘿冰好特別好驚喜今

難得約到朋友飲酒，飲之前當然要去食飯啦！今次我們選擇了一間地點非常隱蔽的日本餐廳。餐廳主打日式磯燒和特色菜式。不過都要等位，等了20分鐘呀！我們點了蟹子甲羅燒、帶子、帆立貝和鮑魚。當中蟹子甲羅燒非常惹味，啖啖香甜蟹肉，令人吃個不停口。最令人印象深刻，就是燒活鮑魚，店員全程幫手燒海鮮，將鮑魚燒得剛剛成熟，非常嫩滑好味！據店員介紹，三文魚冷麵是他們餐廳自創的一道菜色。將新鮮三文魚刺身設成冷麵般的條狀，在配搭冷麵湯汁和鵪鶉蛋漿，非常鮮甜可口。此外，令我們讚過不絕口的就是香蔥和牛炒飯。餐廳將和牛粒炒香，在配搭大量的香蔥配料，夾雜着一些蟹子粒，每口都充滿牛肉香味，而且炒飯粒粒分明！成餐計落1300蚊左右，非常飽肚，而且味道非常新鮮，價錢尚算合理。

約朋友happy Friday，去狗毛酒吧飲酒之前，去一去酒吧隔離嘅日本餐廳，醫個肚先！見每一台都食日式磯燒，就叫了蟹味噌甲羅燒、鮑魚燒、帶子磯燒呀！蟹味噌甲羅燒經烤後，散發淡淡的焦香，口感醇厚濃郁。蟹殼作為天然的容器，不僅美觀，還保持了蟹味噌的原汁原味，加入蟹子搞拌，非常惹味！帶子磯燒以新鮮的帶子為主角，店員即場燒烤，帶子的鮮甜多汁，保留海鮮味道！鮑魚燒選用新鮮鮮嫩的鮑魚，外表呈現金黃色澤，內裡鮮嫩爽口，每人食一隻都唔過份呀！最後，我們更叫了三文魚冷麵，將新鮮三文魚肉切成條狀，猶如冷麵的形狀，配搭純正冷麵汁，入口冰冷又帶些三文魚香味，值得一試的菜色，出面都未見過呀！不過餐廳人氣非常勁，等位都需要10至20分鐘，好在門口可以吸煙，一邊跟朋友聊天一邊等位！

店內的裝飾讓人彷彿置身日本居酒屋一樣，有很親切的感覺。店員非常有禮貌，當天下雨只有我們這一台一早預約，所以基本上是包場一對一服務。朋友和我分別點了刺身飯，名稱不太記得，但影了相，很豐盛的。還有點了甲羅燒，這個是最讚的：份量多，而且很入味，送青瓜吃令人感覺不會膩。還有點了螺，店員也是全程服侍幫我們燒，食落也很新鮮。我會推介朋友到這裏吃飯。只是不太容易找到這個地方：因為路口有個地盤阻礙了出入，我也是一開始右轉找不到，回頭左轉行到盡頭才找到。不過也沒有影響用餐體驗。

今日放工約咗朋友去焱丸水產食即燒海鮮，想講佢嘅地理位置真係好方便，位於尖東站行2分鐘就到，呢間高級日本居酒屋一向主新鮮海鮮，我哋揀咗漁師2人前盛，大大盤刺身拼盤十分吸引，刺身鮮甜到好似返咗日本食咁，幾種魚都唔怕會有魚腥味。接住有蟹味噌甲羅燒，中間有新鮮鵪鶉蛋，擺盤精美，然後侍應好好等我哋影完相先再攪勻甲羅燒，再放上網燒，燒咗一陣就聞到燶烈蟹香，味道濃又唔會太咸，推薦🌟🌟🌟呢間餐廳雖然都受歡迎，而且當晚客人都多，但上菜好快，未食完第一碟就已經好快上齊晒。三文魚壽司拼盤中規中矩，五款唔同配料都唔會悶。醬油木魚帆立殼燒好好食，咬落去肉質好結實，燒得好香，覺得一件唔夠，下次一定要再encore 帆立殼燒。至於蟹肉玉子燒就蛋香夠晒濃郁。温泉蛋天婦羅份量都好多，外面炸得好香脆熱辣辣，但係入邊溫泉蛋依然keep到蛋黃流心，幾特別。飲品方面我地㨂咗兩杯冰菠蘿燒酎，朋友大讚超好飲，菠蘿雪凍咗做冰，成杯飲到最尾仲係凍，又唔會俾冰溝淡咗 好飲賞呢個做法，下次再帶朋友黎食，試埋其他嘢食同酒。😚🤩

第二餐母親節飯，揀咗去居酒屋食海鮮🦞海鮮由店員負責燒，會將唔食得嘅部位去除晒，唔洗擔心火候，非常貼心❣️1️⃣母親飯禮物（$0！） 本身訂咗位，一入座就有三文魚生6片（應該一人兩片）+一粒蛋黃😹，唔錯👍🏻2️⃣焱丸活貝特盛（$528）雖說係二人餐，但三個人分都無問題。有鮑魚x2、帆立貝x2、蠔x2、蜆x4，仲有甲羅燒x2（蟹膏、蟹籽、蟹肉、鵪鶉蛋、葱，加晒喺蟹蓋上烤）！食材新鮮，當時覺得燒極 / 食極都仲有，而且依然食得落！😹係視覺同味覺盛宴❣️3️⃣龍蝦🦞$99優惠超．級．抵！全晚最好食！龍蝦好鮮甜，蝦身彈牙，配埋大量融化咗嘅芝士碎🤤正到呢～～4️⃣牛油黑松露炒野菌（$52）用牛油+黑松露炒，又香又好味🤤全晚第二佳！5️⃣Suntory（$120/2）金色啤酒🍻好啱配燒海鮮食。6️⃣冰菠蘿燒酎（$68）燒酎浸住一大舊菠蘿🍍飲完仲可以食埋😆7️⃣連加一$954以三個人食+食物質素+服務等計，覺得超值👏🏻👏🏻👏🏻

鮮嫩多汁的海鮮，讓我在焱丸水產度過了一個美好的晚上。這裡絕對是品味正宗日本海鮮磯燒的絕佳選擇。一走進焱丸水產，我立刻被它的裝修風格迷倒了。低調卻充滿著日本風情的設計，讓我彷彿置身於遠方的海鮮居酒屋。我們點了幾道招牌菜，其中最令我驚艷的是蟹肉甲羅燒。這道菜不僅外觀為眾人所稱道，入口時更是美味無比。蟹膏、蟹籽、鵪鶉蛋、芝士和蟹肉的結合，經過即場燒烤，散發出濃郁的海鮮香氣，真是讓人欲罷不能。還有鮑魚殼燒，這道菜讓我彷彿找到了舌尖上的快樂。鮑魚的肉質鮮嫩多汁，在經過火烤的過程中，外皮微微焦香，內裡卻保持著鮮甜的口感，每一口都讓我心生愉悅。帶子磯燒也是一道令人驚艷的美食。帶子肉質鮮甜，經過燒烤後口感更加細膩，咬下去彷彿在舌尖上跳舞，真是美味無比。而壽司盛中的海膽壽司更是令我回味無窮。海膽的鮮味和綿密的口感，每一口都帶來無比的滿足感。當然，除了美食，焱丸水產的服務也是一流的。坐在這裡，舒適的環境讓我放鬆心情，享受用餐的樂趣。還有黑啤和冰菠蘿梳打等多款飲品可供選擇，完美地搭配著每一道菜品。總的來說，焱丸水產給我留下了深刻的印象。這裡的菜品質素出眾，服務周到，絕對是放工後放鬆心情的絕佳去處。

大家好今晚去左尖沙咀既焱丸水產食飯這間餐廳位置都幾隱蔽 在棉登徑行入去食物又幾有特色喎今次主要食海鮮這間店裝修都好有懷舊日式居酒屋Feel首先上飲料先我點了冰菠蘿梳打 有成塊冰菠蘿味道都幾清甜另一杯就揀了洋梨燒酎飲番杯真係有些梨蓉 同埋燒酎味我唔係太識飲酒都接受到沒有飲醉跟住再來兩個壽司打打底先第一個是香葱吞拿魚蓉三文魚籽卷有六件甘多吞拿魚份量幾多放滿壽司卷上面吞拿魚軟腍腍配壽司卷幾好味下一個壽司就係焱丸號壽司這個壽司以自己招牌命面就更加足料都係有吞拿魚蓉 仲有一大舊海膽 蟹肉 三文魚籽 蟹柳等等都係鋪滿在壽司飯上面全部材料都好新鮮跟住就食幾款磯燒既食物這度既磯食係有待應負責燒唔駛自己動手第一個蟹味增甲羅燒其實係蟹膏仲撈左少少蟹籽這個可以配青瓜絲一齊食可以食到好濃郁既蟹膏同蟹子味道跟住鮑魚殼燒 隻鮑魚都幾大隻有兩隻甘多燒得岩岩好 有少少煙韌既口感另一個帶子磯燒都係燒得唔錯帶子比較軟滑調味唔會好咸帶子汁都飲晒仲有一個三文魚籽帆立殼燒帆立貝都幾大粒這個比帶子 濃味少少又唔同風味有少少蔬菜吸左帆立貝既汁一齊食食完磯燒食物 跟住下一款赤魚都係燒不過係廚房燒既魚肉己經起左大骨 皮都好脆肉都好軟滑

呢一間日式料理之前食過好高質，所有今日就專程再帶朋友嚟試下啦🥳焱丸活貝大盛呢度嘅招牌海鮮拼盤一定要點啦🌟，有鮑魚、帆立貝、蠔、花甲。呢度嘅海鮮全部都係最新鮮嘅狀態🤪，鮑魚你仲會見到郁緊，我自己好鍾意佢地嘅鮑魚同埋帆立貝❤️，鮑魚夠新鮮又爽口，帆立貝好大隻，點少少醬油更加正😛三文魚壽司拼盤呢盤三文魚都好有特色😋，有炙燒、黑松露、三文魚籽、海膽幾款口味😎，特別欣賞炙燒嘅炭香味同埋海膽嘅鮮味🤤焱丸海鮮沙律呢度嘅沙律都好出色👍，配上好多種海鮮，唔會淨係食菜咁齋😂，有三文魚、吞拿魚、北寄貝、鮮蝦、油甘魚，超級豐富🔥極上烏龍茶燒酎烏龍茶味道同酒嘅味道比例啱啱好😝