影片
開飯介紹
焱丸水產是香港首間海鮮磯燒元祖店，有活海膽、鮑魚、活龍蝦、松葉蟹、帆立貝等十多款海鮮，可選擇磯燒或刺身。 復刻傳統魚市場場景，食客在木箱、漁旗的環繞下品嘗豐洲直送當日水產，享受活魚刺身、活貝磯燒的原始風味，彷彿置身於日本海邊。
繼續閱讀
營業時間
今日營業
12:15 - 15:00
18:00 - 00:00
星期一至日
12:15 - 15:00
18:00 - 00:00
以上資料只供參考, 請與餐廳確認詳情
有關獎賞計劃
相關文章
如果你係一個同我一樣日日都可以食海鮮、尤其係日本海產嘅人，咁你真係要Bookmark定尖沙咀呢間店——焱丸水產！最近佢哋做緊推廣，只要單張單滿$800，就送你一大鍋貝類海鮮鍋「風之盛」，而且其他菜式都好有驚喜，裝修又靚，絕對係約會／打卡／聚餐嘅高分之選！---🪵 環境：日式小居酒屋feel爆棚入到去，第一眼就俾木系裝修＋滿牆日式手寫menu吸引住，仲有啲搞鬼貼紙同懷舊畫像，燈光偏暖，氣氛舒服得嚟唔太嘈，完全係放工後chill番餐飯嘅好選擇。你會忍唔住打卡，因為連啲酒樽、餐具都好有日本情懷。---🍣 食物：樣樣都好食冇伏！🦪 炙燒蠔（二隻）呢個真係驚艷！啲蠔超大隻，炙燒後仲保持到滑潤質感，汁多到成隻殼都浸滿精華，味道濃郁之餘一啲都唔腥，入口爆汁，鮮味狂飆，好想追加！🥗 三文魚牛油果油醋沙律擺盤超靚，將三文魚他他做中心，配上車厘茄、蘿蔔片、野菜圈住，好似一幅畫咁。油醋汁酸酸地啱啱好，整體好清新，食完唔會膩，係個好靚好健康嘅start。🐚 F01 淡丸活貝大盛一出場就震撼！各款大蜆、帆立貝、花甲超肥美，咬落去真係有種活跳跳嘅感覺，冇沙超乾淨。食到尾聲都冇縮水，完全無伏位，係我心目中焱丸必食之選之一。🦀 G01 鮮味味噌甲羅燒成個蟹蓋入面裝住滿滿蟹膏＋蟹肉＋鵪鶉蛋＋飛魚籽，係色香味同時爆發。攪拌後撈飯一流，蟹膏濃香，蛋黃滑嫩，好有層次感。---🍲 【重點】🔥送你一鍋！「風之盛」貝類海鮮鍋（滿$800即送）成晚最開心就係收到呢鍋風之盛！ 單單賣相已經夠殺相機memory，一打開蓋就見到蜆、青口、花甲、八爪魚、金菇、白菜、豆腐、蘿蔔花⋯⋯超級澎湃！湯底係用昆布＋海鮮精華熬製，鮮味高得好誇張，越滾越甜，完全無味精感。食完啲貝類再飲返啖湯，溫暖又滿足。送比你都絕無求其，係真材實料。📌 Tips：我建議你帶埋白飯或叫碗烏冬，因為滾完啲湯可以用嚟煮粥或撈飯，會令人感動。---💰 價錢與體驗值我哋兩個人叫咗貝類、前菜、炙燒海產、飲品，加埋「風之盛」，埋單剛剛好過$800，真心超值。以尖沙咀地段同呢個質素嚟講，絕對值得回訪。---✨ 總結：焱丸水產 = 靚裝修＋好服務＋超鮮海產＋送鍋！無論你係貝控、打卡控、定係日式料理癡，焱丸水產都一定唔會令你失望。今次嘅食物係由頭到尾都無踩地雷，每一道都想俾滿分。再加上送「風之盛」海鮮鍋真係太佛心，誠意滿滿。📍尖沙咀搵唔到一間更抵食嘅日式海產店了，下次我會再約朋友嚟試埋佢刺身拼盤＋爐端燒，期待再開鍋！
繼續閱讀
最近同朋友去咗呢間大熱嘅焱丸水產食dinner，主打磯燒水產，真係好有日本feel！ 裝修好精緻，坐低嗰刻以為自己去咗日本🇯🇵 晚市勁旺場，記得訂位啊！ 🦀芝士蟹肉甲羅燒 $78 濃郁嘅蟹膏混埋蛋漿同芝士，燒到啱啱好，入口超creamy！ 🍶清酒煮白蛤鍋 $108 白蛤鮮甜到爆，清酒湯底好暖胃，飲完成個人暖笠笠～ 🦐香草牛油蝦 $58 牛油香超濃，蝦肉彈牙，食完想encore！ 🍣海膽軍艦 $108 海膽新鮮到冇朋友，入口即化，鮮味大爆發！ 🦐大蝦鬼殼磯燒 $65 蝦膏多到漏，燒到香噴噴，蝦肉爽甜！ 🦑鳥賊磯燒 $95 原隻魷魚燒到啱啱好，蘸少少醬油已經好正！ 🦀松葉蟹膏帆立殼燒 $80 蟹膏濃郁到癲，配埋帆立貝一齊燒，鮮味double up！ 🍥海膽帆立殼燒 $85 海膽+帆立貝呢個組合真係無得輸，鮮甜到震！ 🐚帆立貝刺身 $80 刺身級帆立貝，爽甜冇腥味，食原味最正！ 🍧椰子雪葩 $58 食完濃味嘢食返個雪葩，清新又解膩！ 🍵極上烏龍茶 $58 茶味香濃，食完海產飲返杯，perfect match！
繼續閱讀
全場座無虛席，係而家既香港黎講算難得一見鋪頭都無算大，所以咁多人既時候感覺好熱鬧咁先叫香港夜繽紛架嘛！首先，我要讚下個蟹味噌甲羅燒 🦀蟹蓋裡面填滿蟹肉、蟹膏同飛魚籽，咸香味美，真係正 👍每一啖都濃郁鮮味，蟹香四溢 ❤️然後係個肉盛壽司盒，上面既係和牛 🐮入口軟滑，有牛油香，第一次食 ☝️ 幾特別三文魚冷麵好清爽，裡面其實完全無麵既成分 😂完全係三文魚切條而成，十分肥美 🐟鱈場蟹腳鍋可以一戰～ 蟹腳厚實鮮甜，凍凍地有個鍋係比較暖胃係湯底略顯太清淡，如果濃味啲就更好 👌帶子磯燒既帶子都大隻，店員全程協助，完全無需要自己黎燒得恰到好處 🔥醬油木魚帆立貝殼燒係調左味既，醬油甜甜地咁先襯托到海鮮既鮮味 🧂最後必須提埋個飲品我地一杯係冰菠蘿燒酌，一杯係白桃玉露茶菠蘿既甜味同燒酌既微微酒味融合得好好，最緊要係佢仲有原條菠蘿等我一路飲一路食而白桃茶就比較清淡，但都可以平衡返呢餐咁豐富既美食 😄
繼續閱讀
尖沙咀焱丸水產海膽帆立貝燒絕對是必點菜式，新鮮的海膽搭配肥美的帆立貝，經過炙燒後香氣四溢，入口即化的口感讓人難忘。芝士蟹肉甲羅燒則是另一道招牌，濃郁的芝士與鮮甜的蟹肉完美融合，吃起來既香濃又不會過膩。烏賊磯燒保留了原汁原味，簡單的調味更能突顯烏賊的鮮甜，口感彈牙有嚼勁。蟹肉玉子燒則是驚喜之作，鬆軟的玉子燒內藏滿滿的蟹肉，每一口都能吃到鮮味。牛油黑松露炒野菌香氣撲鼻，黑松露的獨特風味與野菌的鮮美相得益彰香草牛油蝦的蝦肉飽滿彈牙，香草與牛油的組合讓蝦的鮮味更上一層樓。日式甜醬牛肉鍋湯頭濃郁，牛肉嫩滑，甜鹹適中的醬汁非常下飯。汁燒魚翅則是豪華之選，魚翅入味卻不膩口。食材新鮮且烹調手法細緻，每道菜都能感受到廚師的用心。@enmaru.siusan焱丸水產尖沙咀棉登徑23號華楓大廈地下5&6號舖
繼續閱讀
主打蟹味噌甲羅燒，用充滿蟹膏既蟹殼整成，鮮甜香濃，仲混有蟹子係入面，口感好好而且一份只需要$78，值得一試除左甲羅燒，另一款大力推薦既主打菜式就一定係焱丸活貝大盛即叫即燒新鮮活貝，有生蠔，鮑魚，帆立貝，蜆真係非常新鮮，鮑魚上枱時仲見到佢生生猛猛好活躍每份味道都好鮮甜，新鮮食材真係無敵覺得唔夠食仲可以揀另一款特盛，份量再多d！除此之外，佢仲有其他炸物，壽司，刺身，飯麵類等等質素都非常唔錯，以呢個質素同價錢黎講，CP值都算高！
繼續閱讀