無肉食 (如心廣場二期) (已結業)

平日自己煮飯好容易來來去去都幾款，當你覺得自己食唔夠蔬菜的時候，去無肉食素食自助餐食一轉就對了，有人幫你洗菜炒菜，可以一次過食齊五色，一餐廿幾三十款食物，實在係營養均衡的典範，價錢仲好抵添！無肉食荃灣分店位於如心廣場二期，搭地鐵去荃灣西站，有天橋直接行過去，交通超級方便！因為限聚令的關係，現在各分店的營業時間改為11:30 - 16:00，荃灣店午市HK$70位，入場的時候先付款。第一次來荃灣店，座位唔算非常之多，午飯時間都好多街坊來捧場啊！窗邊的位置可以看到綠樹都幾舒服。自助餐點一整列推開，都幾多野食，由甜品、水果、沙律、小菜到最盡頭有炸物，數一數都有成四十款架！有湯有飯有羹有糖水，平常屋企無湯水飲，來這邊一定要隊多幾碗。熱氣野款式好豐富喎，另外有蘿蔔糕、芋頭糕和馬蹄糕都好正！記得要多吃綠葉蔬菜啊~一邊吃的時候一邊見到店員補食物，不用擔心會有吃不到的菜，服務幾好架。蔬菜味道唔算太鹹，口味都屬清淡可口既家常小炒，不過可能會有少少油，我又覺得正常煮菜要有油先好食，同埋人係需要食油脂架，低油其實唔健康。素食自助餐又抵食，又係確保食得營養均衡的好地方，無肉食現在有五間分店偏佈港九，記得多多去

第一次係無肉食買外賣但經歷不愉快。我提前上網叫左外賣自取，我去到門口等外賣，見到門口冇人，餐廳裡面都唔多客人，我等左一陣，終於有夥計出現，我show俾佢付款記錄話取外賣，佢話等等，我繼續等，過左一陣有人拎左幾盒嘢出嚟，佢擺左門口但冇俾我，我繼續等，跟住有人走嚟門口位埋單，埋左一陣，我繼續等，終於等到夥計買完單，我走去問佢門口果幾盒食物其實係咪我嘅，佢話係，跟住先拎俾我，睇嚟呢間餐廳人手真係缺得好緊要。我嬲嬲地拎左外賣返屋企，發現食物味道麻麻都算了，白飯夾生未煮熟都唔知點食

Food is average. Soup and salad would be the beat choice. The taste/flavour can be improved. The curry has no curry flavour and the stewed food doesn’t have any flavour of its own. All the dishes taste pretty much the same. Dessert and drinks were not very good. The fried noodles were very hard that I couldn’t chew or swallow it. Definitely room for more improvement on the flavouring of the food. Food is not very expensive but only worth trying once until they can improve the flavour. Ov

一行八人去無肉食度食佢個全自助餐， 坐得好舒適 。食物方面， 款式不是太多 ，但味道好味 ，尤其是咕嚕肉和水煮牛肉最出色， 雜果沙律亦都好好味， 炸物方面比較硬咋得 ，生菜包亦都非常好食， 生果方便今晚只得一款西瓜 ，另外， 甜品方面， 芝士蛋糕最好食， 而燕麥糕同紅豆糕亦都好出色 。熟食餸菜， 不時會轉變款式， 所以其實款式都亦都唔算太少， 炒粉麵亦都好好味 ，當日嘅糖水蓮子糖水係太甜 ，菜乾湯好濃好好味，我一個人都飲咗三碗， 食自助餐係最好自己鍾意食乜就攞乜，有甜品有鹹點有湯悉隨專便，價錢亦都係百二蚊一位不用加一， 可以!

今次專程去荃灣與友人食無肉食大家都對素食自助餐好期待店內光線充足，座位之間有一定距離，環境舒適。自助餐沒有限時，適合與朋友聚餐，慢慢食，慢慢傾，很寫意。日式素翅天津飯天津飯是類似蛋包飯的菜式，但有一個比較濃厚的芡汁。素翅爽口彈牙，配合滑嫩的蛋及熱騰騰的飯，不錯～芡汁令飯變得濕潤，味道鹹香。飯的份量很多，一個人吃不完，很滿足。泰式冬蔭錢米制通粉相對天津飯，通粉的份量比較少，但正好有自助餐補足。湯汁的香料味並沒有到非常濃郁，愈食到後面會覺得愈辣。但湯底依然是酸辣惹味～通粉比較軟身，本身不會太吸收湯汁，所以用湯匙食會比較好。碗內的香茅有點硬身，建議先預先挑走。素食自助餐區自助餐區有紅米飯，羅漢果茶，湯及糖水供應。個人十分推薦湯，每次湯的種類都不同，但都是非常足料。炸物區有PIZZA，煎堆，春卷，薯仔等每樣食品都有暖燈保持溫暖，也保持了脆度。涼拌小菜區，特別推薦木耳及蓮藕。帶點類似椒麻辣的香味，十分開胃。無肉食的菜都很清甜，溫熱的菜式大約有3-4款，不錯～以芝士蛋糕作結，蛋糕鬆軟微甜的滋味及芝士微酸的味道搭配得很好。最後大家都很滿足離開。

平常吃得太腻，想吃点素食中和一下。12点多到了如心广场的无肉食，全场满座。店外有条小人龙在等候。以75分钟用膳时间来算，应该吃头轮的差不多埋单。等了大概20分钟左右就入座了。餐厅的装修简单，格局跟其他店一样，但第一个感觉是有点局促，取餐区有点小。沙律的选择还可以，但水果只有桔子。其他的食品是可以的，大概超过10种不同的蔬菜。以75分钟的用餐时间来说，应该是足够的。如果能像其它分店一样，设有供客人自助回收餐具的地方会更好。周末收费才80元，说实话是很便宜，是高性价比的素食自助餐。

話說琴晚食太濃味，今日想健康一點，所以去左荃灣如心廣場嘅無肉食來點素菜。餐廳環境簡潔，自助形式取餐，餸菜款式非常之多 有涼拌、炸物、熱盤、pizza、甜品。唔好以為素食就會好簡調，其實都有好多係好惹味，我最喜歡麻辣蓮藕、木耳、韓式炸雞、蕃茄薯仔湯、炸物。pizza係最快比人拎哂的😂。蕃茄薯仔湯加了豆類去煲，好甜好濃（我飲了5碗😝😝）。韓式炸雞是裹了一層調味醬的椰菜花，酸酸甜甜超好食！炸春卷好脆好香口。還有熱盤的茄子炆麵根 聽到好多人話好食，我當然都夾啲試吓，好入味，媲美真的魚香茄子！飲品方面有清甜菊花茶、檸水，食飽後來點養生糕點或芝士蛋糕，滿足！💕

潮流興食得健康，站係潮流尖端既人都要去食下素打下卡😎(但其實好似興左好耐...)去到門口發現都入座率都幾高下，我入埋之後都係得返一兩張枱，睇黎都幾受歡迎！叫左個魚香茄子同咕嚕肉，價錢係包括左出面自取既野食，款式都多，有煎炸野有沙律有菜有糖水有湯仲有洛神花茶，味道都好好！(今日糖水係椰汁紫米露，好味到好似出面糖水舖咁，食左三碗)兩個主菜真心好出色，魚香茄子或者你話本身無咩肉要做得似唔難。但咕嚕肉都食到我懷疑人生！到底我食緊肉定素啊？！媽啊好亂啊～根據我同我朋友食過既經驗，都知道餐廳野食係有改良同唔係煮極都係個幾味。以呢個價錢黎計都唔hea真係好難得～呢間素菜應該會成為我既飯堂之一，極力推薦大家都去試下！

今次同朋友試素食自助餐，我哋之前都有去食齋，食素食的。荃灣的座位比其他地方闊d，拎嘢食範圍雖然唔係好大，但素食來講款式算OK。晚餐係揀一份main dishes，價錢已經包左buffet。我哋揀咗脆炸豚肉，冬陰功通粉同水煮牛肉。脆炸豚肉比想像中失色，炸得好乾。反而冬陰功同水煮牛肉d味就調得幾好，不過就鹹咗dBuffet區有檸檬水同夏枯草，前菜有沙律同涼拌小食。熱食就係炒菜為主，菜心、通菜、白菜仔，通菜無晒之後就轉左油麥菜，個人覺得炒菜都係偏鹹。甜品就有芝士蛋糕、燕麥糕，楊枝甘露同紫米露，都唔錯整體來講百零蚊係ok的，但菜式偏鹹就有啲扣分

疫情過後 ，又去無肉食食半自助餐 ，不過今次發現轉了新餐牌 ，主菜全部轉曬又加了價， 價錢平均每款貴20至30蚊 ，加幅都幾大 ，食用時間90分鐘太少了， 素食餐價錢亦較貴， 我們一行三人叫了三個主菜 ，# 惹味水煮牛肉 水煮味道煮得很好， 不會太麻辣同太油 ，牛肉好似真的肥牛一樣， 好有口感 ，賣相又似真的肥牛， 但又唔會有牛肉嘅騷味#日式素翅天津飯素翅下面有蛋包住炒飯， 味道可以 # 冬陰功珍珠米製通粉冬陰功味湯底濃郁， 唔會太油同太辣 ，味道好好， 但通分量少另外，出面自助餐食物味道可以， 但款式不多， 炸物食落有點油， 其他食物還可以。因價錢較貴， 而時間又太少， 之後我都會少點去。

我好欣賞呢間素食店唔會因為食材限制而固步自封，佢地不吝於嘗試新的菜式同煮法，又好注意食客的反應。同埋我好欣賞荃灣呢間店，店面相比起旺角寬敞啲，又光猛啲，同埋店員好可愛好有人情味

「無肉食」不嬲都做開自助餐，但因為疫情關係，變左做半自助餐，即係揀完一個主菜再加自助餐。話明半自助餐，喺自助餐枱上面既菜式比正常少左一大半，以炸物同涼拌菜為主。主菜方面都有幾多選擇，不過vegan既就唔多，所以vegan們都係去返中環既全素分店會好啲。四川辣子素雞既雞係猴頭菇，略嫌有啲太乾，如果入面可以嫰滑啲就好。調味辣辣地又有啲孜然味咁，都幾有四川風味。咕嚕肉都似係猴頭菇，依個跟埋汁就比素雞好味啲。個味都係平時啲咕嚕汁味，唔係好知點解會係老北京口味。半自助餐既涼拌菜都幾多，最估佢唔到係有珊瑚藻，平時好少地方有得食。珊瑚藻係海中既燕窩，可以補充下植物膠原，好正架。炸物都係平時果啲春卷、天婦羅同煎堆果啲，個煎堆伏味甚濃。咬開左個煎堆，發現入面係實心既咁係咪即係拎左粒湯圓去炸？做返空心既會好啲。最後黎多碗養顏糖水，有桃膠又可以再補充膠原。荃灣既素食餐廳越開越多，有素年啦、Green Common同悠蔬食，更加有黃到金既素悅軒，無肉食要比心機做好啲先得喇。

上一次食午餐嘅美好經驗😂促使今晚我同老公嚟食下個晚餐老公對個魚香茄子念念不忘可惜今晚個餐牌係冇嘅我哋叫咗泰式冬陰功珍珠米製通粉同埋荔芋椰香骨個椰香骨賣相都OK嘅但係個冬陰功一嚟到我哋就覺得麻麻地🥴因為望落好稀顏色又好淡個椰香骨好重椰汁味食落都香嘅排骨佢係用素雞去扮素雞似乎同呢味餸唔係太夾有啲格格不入重點係啲芋頭外層都尚算軟同粉但係食咗唔止一嚿個心都係介乎熟同未熟之間😐所以真係算唔上好食至於個冬陰功飲落都有冬陰功味嘅但係成個湯餸菜唔算太多如果呢個冬陰功湯係自助區嘅其中一款湯品我就覺得幾好但係如果係主菜單上嘅其中一款主菜我就覺得無論係質同量都令人失望😥值得一題係個飯同午餐唔同夜晚係用紅米飯我自己就比較鍾意紅米飯因為比較有口感可惜係兩個主菜嘅餸都未好食都要我添飯☹️自助區嘅選擇比起午餐係多嘅因為始終價錢都貴成幾十蚊😂基本上就係有一款糖水一款湯三款炒菜唔同嘅涼拌小食同埋炸物仲有幾款甜品炒菜就冇乜特別基本嘅白菜仔菜心同椰菜嗰日嘅午餐炒番薯葉對我來講係比較特別嘅選擇涼拌小食就同午餐一模一樣所以都係好食嘅不過就冇因為價錢而多咗選擇至於炸物呢比起午餐都係多咗兩至三款味道都OK溫度都keep到不過個炸饅頭

尋晚又同老公去咗食冇肉食不過係食晚餐坐低先醒起好耐之前嚟過呢度食午餐影咗一堆相都未寫食評於是乎而家就寫返個午餐先唔好嘥咗啲相😆呢間冇肉食其實都坐得幾舒服裝修又好光猛新淨我哋果次叫咗魚香茄子同埋港式咖喱素豬扒首先講吓個魚香茄子真係好似有浸鹹魚味咁樣！超好食啲茄子炆到超淋超入味(尋晚之所以再嚟食個晚餐係因為對呢個魚香茄子念念不忘可惜晚餐個Menu冇)至於個炸豬扒其實就係豆腐嚟嘅完全做到外脆內軟而且個咖喱汁亦都好惹味真係有少少辣不過好好食好撈飯午市自助區就比較少選擇但味道不錯嗰日午餐嘅炒菜係炒番薯葉番薯葉好嫩好好食啲涼拌就全部味道都較得好好好入味尤其是係個海葡萄口感超爽脆一定要試炸物嘅溫度都keep到一路照住燈唔會話凍哂甜品嗰日就有馬豆糕都幾香椰汁味而且味道好好唔會太甜或者無味總括嗰日午餐嘅經驗我哋食完都覺得好滿足好開心🥰因為價錢又唔貴仲唔使加一而且全部野我哋都覺得好好食！不過個晚餐就...(下篇分解😂)

其實在無肉食剛開張時已經食過，但當時忘記影相，所以無寫食評，今次就有影相，當日去食時是假期晚上，我們一行3人去無肉食經過如心廣場，間間食肆都爆，真係好旺，無肉食都要排隊，等左20分鐘左右，入得，先睇餐牌我就叫左個黑松露抄滑旦，我朋友們就叫左個魚香茄子及台式三杯豆腐素雞，佢地既玩法是半自助餐，主茶有一份，其他小食，飲品，湯就任飲任食，主茶好快就來份量都幾多，味道正，尤其是魚香茄子同埋黑松露炒蛋，飯就自己出去裝，睇睇出面任食區，因為太多人，所以影唔到好多，簡單講下，有4款炸物，當日有春卷，脆麻花，生煎包，蘿蔔糕，我見到佢有好多唔同嘅牌仔應該每日都唔同，有兩碟熱盤，都係菜來，有沙律吧，仲有湯，糖水，甜品就係椰汁糕，飲品方面就有水，同埋又係每日唔同嘅飲品，我當日就係菊花茶，麻麻哋因為唔係好甜，仲有間唔中鮮榨果汁汁，但係通常都好快俾人攞晒，整體唔錯味道幾好，價錢都唔算貴，所以我會再嚟，值得推介。