無肉食 (如心廣場二期) (已結業)

身為荃灣友，成日行開如心廣場都見呢間無肉食裝修緊。見佢近排開左，忍唔住要同一樣鍾意食素既家母出黎試新野。荃灣的無肉食分店係一個半自助形式既餐廳，入座之後首先點左主食，然後就可以去自助區夾野食，自助區既野食包括炸物（春卷、炸蕃薯等等），炒時蔬，沙律吧，足料靚湯（當日係節瓜湯）同糖水最令我驚喜既係沙律吧有鷹嘴豆家母同我分別叫左魚香茄子紅米飯同埋營養沙律餐。單講主食既份量都好足夠，茄子煮得好淋，個汁有味又唔太咸，撈飯一流。沙律比想像中大碗好多，生果好生鮮，最鍾意係個黑醋同沙律係分開上，可以憑自己喜好落醬汁。呢間餐廳服務好好，店員不時會清理枱面，又有禮貌，居然仲唔洗加一添。絕對會翻兜！！

等左幾個月,荃灣無肉食終於開張,之前次次專登黎都圍左板,今日見到社交平台出post開張又撞岩放假,即刻入荃灣食!新店開左係如心廣場二期二樓,真係唔多顯眼,我諗黎ge人都應該係無肉食fans黎好彩呢到近巴士總站,就算出面落緊雨都唔洗淋濕期待已久ge荃灣店,店面真係好靚裝修好優雅,望落好舒服入座前店員就幫手量體溫,唧酒精搓手液,令人好放心仲有抗疫限定餐揀,嗌左餐可以去自助區拎飲品同小食雲耳真係超好食最後同朋友揀左未來漢堡同埋黑松露意粉食過好多類型ge素肉,今次第一次食未來肉,原來咁好食,因為淨係個樣似肉,味道唔似,如果係唔鐘意食肉ge朋友應該會幾鐘意,我就超鐘意!不過鐘意食肉ge朋友都可以試下,因為真係好好食!漢堡超多芝麻又脆脆地套餐配埋沙律菜,藜麥,沙律菜同埋薯仔沙律,最驚喜係隻車厘茄青瓜兔仔,睇得出廚師好用心製作黑松露意粉份量都幾多下,平時比較大食ge朋友食完都夠飽,麵身夠乾身,唔油膩彩椒口感唔會太軟太硬又夠鮮甜,同意粉超夾!高質素食!希望可以全港十八區都有分店啦!