烏龍燒 (已結業)

同男朋友好中意食串燒，旺角好多間都食過，今次試新野原本full booking，好彩早到，9點前交檯所以有得坐啲店員服務態度好好，間野好新，雖然係開放式店面但冷氣好夠，又唔會焗。最搞笑係張櫈可以打開放袋講下野食先，都食左幾多野，大多要自己燒，最正係蠔，加左蒜同醬汁好正！玉子用鐵板上，又俾埋菜脯同蛋漿，正~仲有台灣墨魚汁腸都正，熱辣辣，個煲仔金菇都唔錯，好多牛油，不過少蒜仲有鐵板三色雞翼，調味唔係好入味，但都ok，因為有好多粉/醬俾你自己燒的，一定夠味，有一種粉係送的，可以自己揀仲有個焦糖香蕉幾正，有埋nutella同朱古力醬俾你反而肉類就麻麻，口感偏「鞋」，雖然雞肉串有軟骨幾特別，但下次唔會叫整體真係幾好，店員會不斷幫你手，工具又多，又多「花神」，又鐵板又煲仔，好特別下次會再來，試下其他野

同兩個好友係旺角相聚, 整完指甲就去附近搵下野食. 旺角一帶實在太多野食, 花多眼亂, 最後兜咗一陣, 決定去呢間新開的烏龍燒試下! 呢間雖然係串燒餐廳, 放佢會咗埋個爐係枱面, 可以有得自己整野食, 包括串燒, 鐵板同埋煲仔. 都係迷你迷你款咁樣都幾得意門面 - 開放式設計, 坐得幾舒服, 唔會焗住d煙先來一杯冰凍沙冰 - 用腐竹糖水打成好搞鬼, 而且真係有好重的腐竹味, 飲落甜度調中, 好味!餐蛋串串 - 首先叫D小朋友食物熱下身, 就係玉子同餐肉粒, 非常容易燒, 燒到面頭燶燶地, 食得!跟住來一客燒三色雞翼 - 蒜蓉, 黑椒, 蜜汁. 雞翼醃得好入味, 而且跟鐵板上, 唔會燒到一陣煙, 又可以煎香去, 唔錯的配搭燒原隻魷魚 - 有係日本爐端燒的感覺, 魷魚夠大隻新鮮, 咬落彈牙. 加埋免費提供的燒汁, 更加鮮甜惹味!窩蛋菜甫玉子燒 - 呢個以為佢平平凡凡的菜色有驚喜 本身佢會有一份玉子放係鐵板上面, 跟住燒到咁上下就倒入佢配埋的窩蛋同埋菜甫, 食落帶有玉子的甜, 又會有脆卜卜的菜甫同蛋香, 好好味!薑蒽煲仔廣島蠔 - 迷你煲仔放上個爐度唔會阻掟, 煲仔個頂有透氣口, 裏面薑蒽廣