烏蠅館 (九龍中心大廈)

營業中

休息中

今晚好想食烤魚呀天氣凍咗咁多打邊爐就最啱不過😌朋友介紹我附近有一間價錢幾便宜嘅烤魚店 就係尖沙咀地點都幾方便👌首先要一個海鱸魚配蒜蓉味🥰最近喉嚨痛唔食得麻辣嘢好彩佢哋有唔辣嘅選擇條魚真係冇揀錯魚肉好厚，肉質鮮嫩👍🏻唔會太多骨，大大條三個人食都夠食晒成條魚先可以加湯打邊爐我哋叫咗娃娃菜估唔到咁大份食咗好耐都食唔完 抵食！飲品方面叫咗黑糖珍珠鮮奶加埋奶蓋就最正😋😋佢個奶蓋做得好好好Creamy奶味香濃另外檸檬雪梨紅茶飲落去好解渴唔會太甜茶味香濃

三峽烤魚我哋揀咗蒜香海鱸魚，比較大條，多肉少細骨，肉質結實爽滑，都幾鮮味～ 魚皮煎香左，加咗大量香蒜同孜然粉好惹味，落咗好多蒜油好香蒜味～ 配菜有木耳，蘿蔔等等好入味紅糖糍粑糍粑炸到恰到好處，外脆內軟，煙煙韌韌，中間爆出紅糖漿香甜而不膩～四川蕃薯粉薯粉煮完之後晶瑩剔透，滑lulu好有咬口~魚腐大大粒，魚肉鮮味，吸收咗湯底醬汁更濃郁～雪梨玫瑰檸蜜非常滋潤嘅熱飲，有淡淡的玫瑰香同雪梨嘅鮮甜，配上酸酸地嘅檸檬同蜜糖，清甜解膩～

Set A 冒菜A 🍜 $55呢款任選六款配料嘅套餐，揀咗煙鴨胸、鴨血🩸、油麥菜、豬紅、雞肉🍗、黑豚肉，面底方面就試幾特別嘅火鍋寬粉，食落去口感彈牙，有少少似粉皮😍，而滋補菌湯湯底好清好健康Set A 冒菜A $55呢碗套餐就揀咗魚腐🐟、爽口嘅萵筍、蟲草花、海帶結、娃娃菜🥬、雞髀菇🍄，菜嘅份量好多👍🏻，而土豆粉口感有啲似稻庭烏冬，配埋新鮮濃郁蕃茄湯都唔錯🍅Blue mountain coffee 藍山黑咖啡☕️ (L) $18Osmanthus oolong tea 桂花烏龍茶 🌼🍵 (R) $18左邊嘅藍山黑咖啡味道偏濃，飲落去帶有甘香，而右邊嘅桂花烏龍茶有少少清新嘅桂花香味，用嚟配冒菜都幾夾！

⭕淨係聽個餐廳名都覺得搞笑，話說早幾日打war game之前，同個friend是但搵咗間嘢食😏 估唔到幾有驚喜，食咗人生第一次嘅冒菜，原來佢呢啲係四川嘢嚟嘅🤗😏🔻冒菜套餐set A 👍好似我呢啲食唔到辣嘅嘢，有清湯或者有蕃茄湯底選擇🍅仲可以自己揀配料，我叫咗：✨肥牛 ✨豬紅 ✨豬大腸 ✨墨魚丸✨海膽丸✨貢丸佢個蕃茄湯底好濃，仲好傑身🤤👍食得出係自己煲既，非現成買嘅，唯獨我唔係好鍾意佢入面嘅八角味🥹我覺得佢嘅八角味道有d搶咗蕃茄味道😅😂但如果自己本身鍾意八角味道嘅人，應該覺得唔大問題🤤🤤🤤🔻黑糖珍珠鮮奶👍叫左少甜，淨係靠佢黑糖珍珠嘅味道其實個甜度已經夠，珍珠好Q好彈, 食咁多濃味嘅嘢，飲返啲清清哋嘅中和返🔻雪蓮子成日聽嗰啲咩天山雪蓮，真係食都真係第一次😏個口感好得意，滑捋捋，糖水嘅味道可以自行選擇，我揀咗桂花蜂蜜🍯的確好滋潤，但個人覺得略甜

在寒冷天氣，吃什麼晚餐好？ 我們不想吃家常便飯，還有一個選擇。。。去吃烤魚去😎👍🏻位於尖沙嘴的「烏蠅館」，店名有意想不到的得意，又有趣。為什麼店主會起了此店名……但是印象深刻😎😋🤣😅今晚我們選擇了「蒜香烤魚」～ 也可以打爐👍🏻外面落雨絲濕天寒地凍，一入店內，已經坐滿人客，沒有預約都會沒有位坐，室內暖笠笠。#三峽烤魚～珍珠斑 ：魚肉嫩滑，魚骨不多，很適合兩口子吃。今次淺嚐烤魚，下次可以嚐食「冒菜」……好辣的朋友們，不要錯過。#三峽烤魚～珍珠斑 ：先選烤魚類型後，有5種口味選擇。蒜香（不辣、蒜味香濃）✅今次選擇傳統麻辣🌶️特色泡椒🌶️招牌香辛辣🌶️傳奇香辣🌶️🌶️#三峽烤魚～珍珠斑 ：除了珍珠斑，還有配菜如金菇、木耳及雞脾菇。時令蔬菜配料，日日不同#鹵腩肉 ：腩肉與白玉層次分明，放入烤魚鍋一起滾熱，腩肉軟腍，滋味無窮。#鹵腩肉 ：腩肉與白玉層次分明，放入烤魚鍋一起滾熱，腩肉軟腍，滋味無窮。#甜品時間：對老酸奶及冰粉很有興趣，就點來嚐一嚐，最喜歡嚐新食物或事情，讓生活添色彩#成都老酸奶 ：酸奶便是乳酪，吃完辣的冒菜，烤魚，打邊爐。吃酸奶是最好不過，中和了辣度，讓胃仔感覺到舒服點。#冰粉（配玫瑰蜂蜜味）

烤魚我就一向都鍾意食特別宜家天氣咁凍食就更正之前都見到烏蠅館嘅烤魚有唔少好評所以就同朋友去咗尖沙咀分店食烤魚有3款魚可以揀分別係珍珠斑/海鱸魚/清江魚而口味方面都有成5種可以揀我地就揀咗清江魚配招牌香辣味($348)魚肉食落十分鮮甜,仲好肥美嫩滑烤魚本身已經配咗3款是日精選配菜我地當晚就有雞髀菇,金針菇,雲耳另外仲點咗超索湯嘅四川寛粉同風琴豆腐串食完辣嘢一定唔少得甜品呢道個紅糖糍粑好高質,必點烏蠅館 (九龍中心大廈)尖沙咀亞士厘道29-39號九龍中心大廈地下G29號舖

“招牌香辣烤青江魚”($348)天氣凍咗咁多🥶除咗打邊爐🍲食烤魚都係一個唔錯嘅選擇🔥🐟今次嚟到呢間喺尖沙咀嘅烏蠅館除咗烤魚同火鍋,見到唔少人係叫粉麵食不過我地當然係叫返烤魚啦🤣烤魚有3款魚可以選擇店員就推介我地叫青江魚因為肉質比較鮮甜細嫩又冇咁多骨☺️而口味就揀咗招牌香辣味🌶烤魚本身已經跟咗3款配料當晚就有雲耳,金菇,雞髀菇🍄條魚上枱後焗多5分鐘左右就食得😋魚肉果然夠哂嫩滑又完全唔腥🤤香辣之餘仲帶有蒜香,好惹味😚另外可以掃qrcode點配料,小食等我地點咗寬粉,風琴豆腐2款都十分索湯好正😆紅糖糍粑都係必點項目外脆內煙韌,一咬落去啲紅糖咇哂出嚟😍飲品方面選擇都唔少叫咗檸檬雪梨茶,茉莉蜂蜜2杯都幾清甜,用嚟解解膩就岩哂☺️

依排係咁落雨，又濕又凍咁，搞到好想食下辣野打下邊爐，今次就揀左位置尖沙咀亞士厘道嘅烏蠅館食魚煲啦😋😋依到除左魚煲外，仲有冒菜食。依到魚煲有5種口味，有蒜香、麻辣、泡椒、招牌香辣同傳奇香辣，而魚就有三種珍珠班、爐魚同青江魚，今次就叫左麻辣海爐（小辣）另外，仲會跟上3種是日素菜，今日係跟蘿蔔、金菇同木耳平常食麻辣魚煲都會係江團或者清江魚，所以今次就叫左爐魚食。爐魚先用烤嘅方式處理，烤至7至8成熟，然後上煲，最後大火煲到大滾後就食得啦！魚經過烤嘅方式，令魚肉冇咁易會煲爛，同埋唔會吸左過多嘅麻辣味，所以魚嘅味唔會比麻辣味搶左，而且麻辣味好有層次，絕對唔係死咸死辣😍😍因為係海魚，所以肉質夠晒結實，夾起上黎可以大大舊唔易爛，食落更有口感，配埋啤酒，正到爆😋😋另外，仲叫左蒿荀同鮮淮山，兩者同麻辣非常之夾，食到停唔到口😋整體黎講，食物質素高，價錢合理，暫時係食多咁多間魚煲黎講佢係高水準嘅，岩晒入冬黎食

有冇人都好鐘意食烤魚呢🤪🤪烏蠅館啱哂同朋友齊齊嘆有烤魚同打邊爐🍲依個天氣fit!๑ 蒜香烤魚🐟 有三款魚可以揀 我哋就揀咗海鱸魚 細骨較少 啖啖肉日感結實爽滑😼另有珍珠斑 同 清江魚有五個口味 因為有朋友唔食辣所以就試咗蒜香味🧄蒜味極香濃!!每款烤魚均內含每日不同的素菜今日嘅係雲耳 金菇同芋絲 吸哂個湯汁 好濃味食到咁上下就可以加湯煮料😛😛雙併滑平時都好like食滑一於試哂墨魚滑同鮮蝦滑好彈牙😛餃類雙併🥟粒粒粟米餃、 韭菜餃餐廳好貼心 依個餃係for烤魚用 上枱嘅時候已經係七成熟✌🏻萵筍片 土豆片🥔雙拼菇類🍄雞脾菇、 金菇唔少得嘅梗係蔬菜🥬除咗各款烤魚食材更有多款小食！四川酥魷拼薯格🦑好脆口 仲有得拼埋薯格 好邪惡😈紅糖糍粑 煙韌 黑糖味香濃香芋地瓜丸🍠熱辣辣食最正🥰食濃味野 飲下茶清清地都係好選擇😼✌🏻桂花烏龍茶黑美人紅茶百香果寒天綠茶

有一日放lunch經過見到好似好抵食，於是決定試一試。有個冒菜既選擇既套餐好適合lunch食，價錢又合理，有6餸$50或者8餸$58，可以選擇自己鍾意既餸+粉/飯+湯底。湯底選擇都好多，而我就選左麻辣。餸菜方面我選左六餸，有萵荀、貢菜、娃娃菜、腩肉、黑豚肉、魚皮餃，再另加土豆粉。特別重點係土豆粉，超好味，又吸湯汁。腩肉都好有嚼勁，一定要點！貢菜同娃娃菜同嗰湯都好夾，建議點，尤其貢菜，脆口又爽。辣度方面其實唔太辣，有BB辣小辣中辣大辣，我點咗個中辣，超級易入口覺得唔似中辣，所以我覺得唔食辣嘅朋友其實都可以試吓佢嘅BB辣。總結，冒菜黎講呢間餐廳係出色既，不過其實呢間餐廳出名既係烤魚，但係lunch有啲時間緊迫，下次我會專登黎試下個烤魚。

近排去海港城行街，見天氣凍凍地，就去左附近食烤魚，入到餐廳揀咗烤魚種類先，之後再選湯底口味，食完就可以加配料打邊爐招牌香辣烤魚$298黎到就揀咗招牌香辣味嘅海鱸魚，肉質嫩滑，味道鮮甜，魚肉會慢慢索湯汁，食落香口惹味，另外每日都會送唔同配料，今次有金菇、雲耳、芋絲，感覺十分貼心又唔會太單一海膽丸$48入口彈牙，口感豐富，食落會爆汁滷豬大腸$58質感軟淋，味道香甜，唔會有腥臭味豆腐$28豆味香濃，而且十分香滑娃娃菜$32大大一份娃娃菜，食落清爽，可以解油膩感四川寬粉$28煮後會更晶瑩剔透，食落有嚼口，飽腹感十足桂花烏龍茶$18桂花味道清甜，茶味香濃玫瑰蜂蜜$18飲落有玫瑰清香，味道甜甜地，解辣效果最好

今日同屋企人行完街見到附近有間叫做母嬰館嘅餐廳俾佢個名吸引咗入去原來入面係食烤魚 或者火鍋今次我哋就揀咗中等價位嘅海鱸魚選擇左蒜蓉味道因為家人唔食麻辣嘢，好彩可以有唔辣嘅選擇👍🏻👍🏻魚的鮮味加上肉質的致遠勝過淡水鱈魚，柔軟質感和鮮甜溫和的味道！令人食指大開😍蒜蓉味都好重唔會話覺得淡口食晒成條魚之後呢就可以加湯打邊爐我哋叫咗炸餐肉新鮮即炸，好香口送飯一流最驚喜嘅係估唔到飲品係咁多選擇我哋揀咗朱古力奶昔，香濃可口，奶昔唔可以叫少甜減肥人士要注意啦

想同朋友吃香喝辣 就揀咗呢間有得食烤魚/冒菜嘅烤魚會配3樣配菜 每日不同 我地果晚就係雞脾菇+木耳+蘿蔔 (都係我麻麻既...)叫咗傳奇香辣 中辣 海爐 烤魚一上枱見到咁多香料以為會好惹味+香辣點知其實唔係好入味 加上條魚烤得比較乾 唔夠嫩滑  所以覺得一般食完可再叫其他配菜打邊爐 但我地都覺得好貴 所以就無叫見到隔離枱叫完烤魚好似想叫埋冒菜 不過聽到侍應哥哥話2樣野個味道會相撞 另外我地仲叫左青椒皮蛋 (不錯)﹑芫茜蠔仔抄手(特別嘅味道 紅油唔辣)﹑紅糖糍粑(紅糖夾心)加配薯格(好厚實 小小彈牙)﹑凍玫瑰蜂蜜 (not my type 好似飲緊melvita玫瑰花水)﹑凍百香果XXX (偏甜 酸返小小會好飲D 好多料 有珍珠有桃膠...)(掛住一邊食一邊吹水 全部無影lol)埋單~$500/2pax

冬天就係想食恰下恰下嘅野！於是去咗烏蠅館食烤魚，佢地有三款魚可以揀，我地揀咗少細骨嘅海鱸魚($298)，由於友人唔食辣，所以味道揀咗蒜香😆上枱等六分鐘就食得嚕！魚肉的確實淨唔易散，係比較爽滑嘅口感，烤魚會跟三款配料，每日唔同，是日配料係金菇、芋絲同雲耳，三款我都鍾意yeah😝 食完魚就加湯加料打邊爐，萵筍($28)爽口好味，我地仲加咗啲滑同餃添！雙拼滑($98)份量十足好彈牙，餃類有粒粒粟米餃幾特別🥟小食方面，佢地嘅炸物好抵食啊，四川酥魷都只係$38，仲可以加$12拼薯格🤪 同埋一定要嗌紅糖糍粑($26)做飯後甜品，佢外層軟綿綿又煙韌，一咬個黑糖係流心嘅，超滿足☺️飲品有好多茶類選擇，岩晒我地！我地各自嗌咗桂花烏龍茶同黑美人紅茶($18)，都好唔錯，仲可以refill熱水添🤪

以前成日會返大陸食烤魚，今日經過尖東發現原來呢度都有間食烤魚嘅，反正都好耐冇食一於入去試吓先。一入到門口已經聞到好香嘅烤魚味道，已經急不及待想試佢哋嘅烤魚，於是我哋即刻落單！首先叫左條海鱸魚先，烤魚上嚟之後，我哋發現原來個份量都真係幾大，叫太多配菜嘅話兩個人一定食唔晒！魚肉質好嫩滑而且又多肉，所以基本上每一口都係啖啖肉，仲食得出條魚真係好鮮甜！配料叫左幾款同烤魚係完美配合嘅蔬菜，因為呢幾款菜都係好掛汁嘅，所有烤魚既精華完全可以俾啲菜吸收晒！肥牛片睇落條紋都唔錯，食落味道濃，唔會鞋口！雙拼滑（鮮蝦滑+墨魚滑）真材實料，份量仲唔少！而且食落真係好彈牙，超正！食辣嘢點可以少得飲品，我叫左白桃寒天綠茶，好清新可以解膩！入面有白桃粒，仲有好彈牙既寒