烏蠅館 (新都城中心二期) (已結業)

一步出新都城二期的玻璃門，餐廳就在左邊方向位置，那個霓虹燈的招牌，很搶眼。不過地方不大，所以繁忙時分可能要等候一會。這裡供應四川的原條烤魚。掃一掃枱上的二維碼，可以點其他配菜、小食、炸物、飲品等。首先挑選哪款魚及湯底，侍應之後會端上烤魚鍋，魚已經7分熟，待湯滾後，協助拿起鍋蓋，並可起筷了。湯底濃稠，上面都是泡椒及醬料，越吃越辣越濃味。魚肉很多，而且肉質結實，不會有魚腥味。鍋裡除了有烤魚外，還配上三款蔬菜，分別是萵筍、杏鮑菇、白蘿蔔。幾樣都能吸收湯汁，很入味。另外，還可以點其他配料。嫩滑雞柳份量蠻大一份，雞肉連皮，切得細細條，很快便熟透了。川式韭菜豬肉紅油水餃這個已經烹調好，四隻水餃浸泡著紅油，豬肉餡料較多，韭菜反而不算多。凍新會小青柑普洱小青柑果皮，普洱茶葉底，茶香濃郁，清淡果香。

之前經經過過烏蠅館，香氣好吸引，今日得閒就同屋企人嚟食烤魚，齊齊嚟食辣嘢☺️招牌香辣海鱸烤魚超級好食，魚骨唔算話多，而且肉質都鮮美札實，食落啖啖肉，本身都有跟啲雲耳、芋絲、雞髀菇做配料，豐富到炸，而且天氣涼涼哋食住滾住嘅滋味烤魚，正啊☺️烤魚一定要叫紅薯寬粉，超級索湯，份外入味，一啖接一啖停唔到😋仲叫咗個蝦滑，軟身索味🤩食烤魚冇理由唔飲肥仔水，冰涼可樂配熱辣辣嘅烤魚，而且環境都唔錯，整體食得好滋味😙

之前食過一次烏蠅館，食完已經念念不忘，今日得閒又過嚟食，未入餐廳已經聞到陣陣香味，食癮已經走晒出嚟🤩今次叫咗海鱸魚，配搭返佢嘅招牌香辣湯底，海鱸魚相對上次食嘅清江魚嚟得結實，食落好有口感，而且骨唔算都OK☺️同埋湯底果然係招牌，香香辣辣，食得好過癮🥰另外仲叫咗雞髀菇，非常之索湯，爽身得來又好味😙另外仲叫咗個蔬菜拼盤，有唐生菜同埋娃娃菜，整體來講都好新鮮，煮埋索埋啲湯都好爽口😙同埋今轉又有encore到紅薯粉，同樣咁滋味，煙煙韌韌好好食😍嘢飲方面叫咗支可樂同埋芬達，冰涼爽口，令到成餐更加好味，而且餐廳上菜都OK，食物質素都保持到，食得開心又滋味😆

位於將軍澳寶琳的四川菜餐廳，主打成都冒菜及四川烤魚。晚市可以選擇冒菜麵食，火鍋或烤魚。三峽烤魚：海鱸魚 三款種類分別是珍珠斑、海鱸魚、清江魚。海鱸魚為中價位，魚相對細骨較少，多肉，有口感。上面鋪滿蔥花、酸菜等等調味。口味：特色泡椒湯底有4款口味，麻辣、香辣、泡椒，還有蒜香，不能吃辣的也可以試試。特色泡椒湯底的辣度是固定的，中辣程度，而且辣勁漸漸加強。湯底味道非常濃味，後期略為偏鹹。烤魚／火鍋配料：配料分門別類，有丸類、肉類、素菜、粉麵、餃子、海鮮、豆製品等。豆皮薄片，卻很堅韌，浸在湯裡面翻滾也不會破爛。稻庭烏冬麵條口感彈牙，掛湯。海帶苗浸一浸在滾湯裡就可撈起來，口感脆嫩，新鮮。甜品：桃膠冰粉冰粉添加了玫瑰及蜂蜜，很解辣且解渴，還可額外添加奶蓋，奶蓋鹹中帶甜。整碗都是滿滿的桃膠冰粉，裡面還有玫瑰花乾及葡萄乾，增添口感。

成日同屋企🏠人去寶琳覓食天氣凍就好想食熱嘢見到呢間烏蠅館 menu有烤魚🐟食上網睇下評價好似唔錯咁 就叫咗佢地嘅清江魚試下😋因為有小朋友同行 所以我地揀咗小辣但都十分惹味🥹🥹 烤魚有少少骨 但魚肉新鮮嫩滑 成份烤魚都幾大份 每一口都係肉烤魚本身都好多配料例如有芋絲 雞髀菇 等等仲點咗好多配菜一齊食有寬粉、餃子拼盤、菇類等等～寬粉同烤魚好夾～食落好爽滑小朋友都食好多😋餃子拼盤有蝦餃🥟同西洋菜餃🥟兩款餃子上嚟時已經煮熟 方便我地唔使煮太耐整體嚟講味道唔錯！不過下次可以試下食辣啲😂✌️•將軍澳貿業路8號新都城中心二期地下G10號舖

冒菜是四川特色美食，冒是滾動的意思，就是一人火鍋但又不用自己涮，選好湯底，配餸和主食，廚師在廚房煮完才取出來。我自己就稱之為四川車仔麵。配菜家家都差不多，反而湯底好重要。四川湯底多數是紅油和麻辣。今日和明天在烏蠅館食了一個不辣但非常好味和清香的湯底，不嗜辣的朋友也可以試試。藤椒湯：少麻而不辣，好喜歡藤椒的香味，還有那一大匙蒜蓉。滋補菌湯：菌味濃郁，香甜可口。我們選了冒菜A餐，有6款配菜（$ 50），特別推薦姬松茸。主食加$ 5，選了粉絲和薯粉。飲品加$ 10，要了兩杯蜂蜜熱飲，一杯是茉莉，一杯是桂花，兩杯都清甜夠味。

平時我唔會嬲到要寫劣評，自己做服務業覺得服務真係好重要，所以要share俾大家。事源天氣降到11度，諗住買番碗熱辣辣既麵番屋企食。夜晚9點10分去將軍澳烏繩館，落單買左一碗麵。本身諗住叫蕃茄湯，但賣哂都算，始終都夜賣哂都正常。落左單係出面等（因為室內無空間企等外賣）後面重有一對夫妻買材料打邊爐。等左好耐，室外好大風（已經企左係凹位但手都已經變冰）終於聽到佢叫後面果個男人拎外賣。我心諗「我一個麵要搞咁耐？」之後諗住跟上去崔佢。點知佢老闆！個麵一早整好左！佢俾我果陣我緊係即刻問佢做嘜唔叫號碼，我話我係出面等左好耐出面好凍！🥶個店員（中長頭髮既呀姐）話：sorry呀我太忙唔記得左叫你。SORRY！？你講句sorry我係出面食左風25分鐘呀大姐！🙄當然我都有話佢離哂大譜啦！（其實事後諗番起後面果張佢就記得叫 我果張就唔記得叫 都唔知係咪因為我叫得少野）我拎到番去個麵已經吸哂湯又淋又咸🥵總之～無下次！亦都希望大家食堂食算啦唔好好似我咁傻仔。

今日天氣涼涼哋，又落少少微微雨，啱晒戀戀地食過烤魚，於是同屋企人嚟咗寶琳嘅烏蠅館😍招牌三峽烤魚超級好食，我哋叫咗清江魚，魚骨都唔算話好多，而且肉質都鮮嫩，食落又啖啖肉，烤魚本身都仲有啲芋絲，同埋雞髀菇作配料，好豐富☺️食得烤魚冇理由唔叫紅薯寬粉，寬粉超級索味，而且食落滑脫脫，又夠入味，食到我哋舔舔脷😋仲叫咗個菇類雙拼有金針菇同蟲草花，兩種都食落好爽脆🥰另外都叫咗個餃類雙拼，有西洋菜餃同鮮蝦雲吞，個人幾鍾意西洋菜餃，食落清新得來又唔會太有負擔，食得好滋味🤩飲品方面都叫咗一系列嘅肥仔水，可樂雪碧飲落超爽，另外叫咗個桂花蜂蜜，香甜又唔會太Heavy，係相對健康少少嘅選擇😁

今日冬至同埋屋企人去將軍澳食烤魚，咁凍嘅天氣最適合食啲暖粒粒嘅食物💖餐廳位置喺新都城，環境不大，但好整齊，職員亦都很友善。今次點左香辣味珍珠斑，份量有2-3個人食，仲有好多其他配菜，例如菇、萵筍、魔芋絲等等。珍珠斑好入味，煮入味後，好容易脫骨。食到七七八八，就可以通知店員幫手加湯，用返烤魚醬料打邊爐🥰🥰打邊爐亦有其他配料，可以加點，必備嘅肥牛蝦滑蔬菜都有叫了桂花冰粉，裡面會有花生粒、提子乾、山楂餅，濃郁的桂花香味，開胃又涼爽，食完火辣辣嘅烤魚飲返一啖冰粉，超舒服！韭菜豬肉餃子都好好味，配上佢嘅香辣汁，有意外驚喜😜❤️仲叫咗一份薯格，好滿足！

📌鳥繩館​🔅招牌香辣烤魚-珍珠斑（$268）珍珠斑配香辣紅油醬料，在鐵盤里慢慢燉煮，分量十足，魚肉很嫩，刺也很少。香辣的魚肉拌上米飯！實在是太香！連裡面的配菜都浸滿湯汁變得美味，尤其是薯仔、魔芋絲、萵筍，越煮越香食完之後店員會幫忙加湯，變成邊爐，在額外點了一些配菜，例如土豆粉、肥牛、蝦滑。🔅紅糖糍粑吃起來香香軟軟糯糯，還很彈牙！裡面是滿滿的紅糖，一口下去爆漿的感覺！外面香脆裏面軟糯。好推薦呢一個甜品很適合週末跟朋友一起來！完全不用擔心吃不飽，性價比很高！

近排天氣凍凍地，最好就係食烤魚+打邊爐🍲，我哋叫咗個海鱸魚🐟（細骨較少，口感結實爽滑），味道揀咗招牌香辣烤魚（小辣），海鱸魚肉質鮮嫩爽滑又少骨，每款烤魚均配有每日唔同嘅素菜，今次配咗芋絲，萵筍同埋金菇菜有lee個小辣湯底嘅烤魚，梗係要叫埋火鍋配料打埋邊爐啦，另外叫咗配菜～芋絲、金菇菜、萵筍、蕃薯粉、唐生菜🥬、魚腐，每樣配菜都好大碟，啲配菜放係烤魚湯度，非常入味，越食越辣😋涷檸檬蝶豆花🍹雪碧🥤

依家天氣仲係咁鬼凍，就喺屋企附近試咗呢間《烏蠅館》，估唔到阿囝原來都鍾意食烤魚🤭仲話我成日去食都唔預埋佢，今次就預埋你啦🤣烤魚種類有三款選擇，珍珠斑/海鱸魚/清江魚，我哋揀咗海鱸魚🐟$298，口味揀咗招牌香辣烤魚小辣🌶️，海鱸魚厚肉爽滑，冇咩細骨，小朋友食都得👍🏻 烤魚每日仲有不同嘅素菜跟埋，今次有萵筍、金菇菜同芋絲，三款我哋都鍾意食😍食完可以再加魚湯打邊爐，我哋仲叫咗好多火煱配菜😌芋絲、豆腐、萵筍、金菇菜、唐生菜🥬蕃薯粉，索晒湯汁🌶️勁惹味🤤，價錢唔算貴，份量足，下次再嚟食過😋另外仲叫咗甜品-紅糖糍粑 ，比出面嘅店舖大粒啲，炸得外脆內糯，入面嘅紅糖漿唔會過甜，幾好味😋

天氣轉凍，就想食番啲熱辣辣嘅野暖暖身，經過呢間#烏蠅館 ，見有火煱烤魚食，就入內進餐囉。叫左招牌烤魚（珍珠斑）, 果然係唔錯，由於同行友人唔食得辣，我唯有將就叫蒜香烤湯底，另上辣椒油比我😛，上枱時己聞到香🧄味，珍珠魚原條上好新鮮大條，骨🦴沒有很多，厚肉又鮮甜☺️。點烤魚均會附送3款配料，這盤有有雞腿菇、芋絲以及萵苣，配料吸收了湯的精華，越滾越入味，食得好滋味😋。🎈烏蠅館將軍澳貿業路8號新都城中心二期地下G10號舖

📸烏蠅館出名食冒菜既小店由佢以前係尖沙咀樓上鋪位開始食開個人覺得套餐C 有埋黃喉係最正今次同行友人話想試吓烤魚有三款魚可選珍珠斑｜海鱸魚｜清江魚今次就揀咗海鱸魚😗🍴香辣烤海鱸魚 $298💛8/10食落微辣 我諗係5小辣左右感覺無冒菜湯底咁辣不過辣油就比較多 不過可能咁就可以keep到魚肉嫩滑海鱸魚肉肉質鮮嫩結實 而且細骨少烤魚仲跟配咗幾款配料👉🏻萵荀 薯仔片 蓮藕 雞髀菇 芋絲夠曬入味 辣得夠爽配搭日日唔同架～👉🏻另外加咗少少配料丸類菜類雙拼 份量都幾多吓架😌風琴豆腐串 脆脆午餐肉等🍴飲品主要以花茶為主蝶豆花 同玫瑰普洱味道啱啱好 又唔會太甜仲可以加奶蓋 加兩份奶蓋亦得🤣🍴仲有桃膠同冰粉食完烤魚熱辣辣 食翻碗凍甜品過癮啊！🍴紅糖糍粑即叫即整 食落熱辣辣紅糖仲係流心添架🥹🥹🥹🥹🥹👉🏻餐廳用QR code自助落單 非常方便#wwh食勻將軍澳 #wwh食勻尖沙咀#wwh火鍋

如果藤椒可以有辣度選擇就好了😮‍💨但都真係將軍澳少有的提供到刺激正宗辣嘢嘅地方🤣🤣🤣🤣🥹🥹🤣適合好鍾意食辣嘅我，可惜的就是真係份量唔夠多，好少，性價比一般