烏蠅館 (新都城中心二期) (已結業)

今日天氣涼涼哋，又落少少微微雨，啱晒戀戀地食過烤魚，於是同屋企人嚟咗寶琳嘅烏蠅館😍招牌三峽烤魚超級好食，我哋叫咗清江魚，魚骨都唔算話好多，而且肉質都鮮嫩，食落又啖啖肉，烤魚本身都仲有啲芋絲，同埋雞髀菇作配料，好豐富☺️食得烤魚冇理由唔叫紅薯寬粉，寬粉超級索味，而且食落滑脫脫，又夠入味，食到我哋舔舔脷😋仲叫咗個菇類雙拼有金針菇同蟲草花，兩種都食落好爽脆🥰另外都叫咗個餃類雙拼，有西洋菜餃同鮮蝦雲吞，個人幾鍾意西洋菜餃，食落清新得來又唔會太有負擔，食得好滋味🤩飲品方面都叫咗一系列嘅肥仔水，可樂雪碧飲落超爽，另外叫咗個桂花蜂蜜，香甜又唔會太Heavy，係相對健康少少嘅選擇😁