為食火鍋公司

營業中

休息中

餐廳以可愛狗狗怖置，牆上有好多可愛狗狗～ 裝修夠新，坐得唔錯～晚市火鍋雞煲任食$318/位～任食相當豐富，先有前菜、菜膽扣鮮鮑魚、五色刺身。▶️ 菜膽扣鮮鮑魚鮑魚汁幾多，夠入味，鮑魚肉質幾好，估唔到咁好味😋▶️ 五色刺身擺盤非常靚，刺身都幾新鮮。甜蝦大大隻，仲有北寄貝、帶子厚切，三文魚肥美及希靈魚有咬口。▶️火鍋配料有聖子到海鮮拼盤、廣島蠔我鍾意食鮑魚，好大隻！扇貝大大隻好爽口，蝦亦都鮮甜爽口。廣島蠔幾有鮮味！蜆同魚都唔錯～▶️定量：手切牛肩頸、五寶丸及精選甜品。牛有牛味，好夠香！五寶丸相當唔錯，全部都幾彈牙～▶️雞煲、紫菜、響鈴、鮮鴨血、炸魚皮、三色餃、黑豚肉可以無限添加。雞煲揀咗小辣都好惹味，雞嘅份量都好多，唔夠仲可以無限添加！基本上一定夠食仲有多款唔同嘅火鍋配料，樣樣質素都唔錯。最後仲有甜品燉蛋白～

為左睇奧運有氣氛，朋友特登約係APM附近食個雞煲，再過商場齊齊睇大電視朋友係哥基迷，早前見到呢間哥基主題餐廳，已經話要黎試下套餐有分兩個價錢，有雞煲外，仲有三色剌身，海鮮拼盤，牛小排蔬菜，飲品，醬料係外面自助區無限任加有三寶丸， 三色餃， 炸魚皮，黑豚肉等等先送上三色刺身，有三文魚，牡丹蝦，北寄貝鮮甜味美雞煲揀左中辣，再配上牛柏葉同鮮魷魚先煮雞煲，之後再落牛柏葉同鮮魷魚醬汁夠香口惹味，帶點少辣如雞煲食完再可添加食完雞煲換上湯底，清甜蕃茄薯仔湯三色餃，韮菜餃最有驚喜，皮薄料又多牛小排，牛肉味濃炸魚皮脆口好食

今日係觀塘附近返工，放工過左黎呢間為食火鍋公司食刺身+雞煲+打邊爐。呢度原來係寵物主題周圍都見到小狗既相刺身都有5款，啲蝦好甜。鮑魚夠曬淋，又入味。雞煲點左bb辣，好多雞件，除左雞，仲有牛柏葉同埋豬皮，佢地先係精華，因為索曬啲汁👍🏻打邊爐點左清清地既番茄薯仔湯底。一大盤海鮮馬上送到，今日啲海鮮好靚，魚片好鮮甜，帶子好大隻，啲蠔好肥美，最正係有聖子王，啖啖肉，仲好爽甜，值回票價！呢度啲黑豚肉同牛肩頸都好出色，好香肉味，肥瘦適中。其後仲送上鴨血、餃、丸類，食到超飽。打算埋單走人，點知原來仲有甜品，係牛乳燉蛋白，仲要係暖既，好滑，又唔太甜，呢道甜品係好驚喜。今餐勁多野食，仲要食物都好高質，只係300幾，好滿足👍🏻食到尾聲先發現原來仲有好多野食可以無限追加，好想試紫菜響鈴！可惜已經飽到食唔落，唔想食唔曬浪費食物，唯有下次再來試啦。

今日同朋友放工經過公司附近嘅e間狗狗主題嘅餐廳😍發現原來有雞煲放題打邊爐😋就決定一試😎餐廳裝修得都別緻，有哥基嘅壁報☺️仲有舒適嘅卡位👍🏻都幾闊落🥳睇下餐牌分左2種套餐。我地點左318果款😋😋入面包左勁多野😎前菜同飲品都好吸引😆飲品仲可以無限添加，飲品嘅種類仲好多添🥳🌸菜膽扣鮮鮑魚鮑魚好入味，煮得適中，入面仲好軟綿綿，唔會過左火🥰西蘭花都吸收左鮑魚汁🤤🌸五色刺身五色刺身包括左厚切三文魚，鯛魚，帶子，大赤蝦，希靈魚🤓帶子勁大隻，三文魚好鮮味😆大赤蝦好鮮甜。🌸為食寵寵雞煲（配三寶）雞煲係無限量可以添加🥰店員好細心講比我地聽點煮，隔幾耐要炒雞😍我地炒左幾次之後就落埋魷魚，豬皮同牛柏葉一齊煮😋味道都好入味，叫左小辣好野味👍🏻🤓雞都好嫩滑👍🏻 魷魚，豬皮同牛柏葉吸收哂雞煲嘅香辣😍食完雞煲，我地就轉左蕃茄薯仔湯打邊爐喇🤓🌸聖子到海鮮拼盤聖子勁大隻，口感彈牙，鮮甜😋除左聖子仲有其他海鮮包括大蝦，龍躉片，脆魚腩，大蜆同廣島蠔。龍躉片食落好嫩同鮮味☺️廣島蠔勁大隻仲脹卜卜🥰🌸手切牛肩脊牛肩脊色澤好靚，肥瘦適中😋味道好有牛味🐮🌸五寶丸&三色餃當中牛丸勁多汁同埋芋泥豬肉丸都好好味😍水餃同雲吞都好多蝦☺️🌸西班牙黑

狗仔貓仔Cafe 見得多，狗仔主題火鍋就未見過，幾有新鮮感！卡位有大大哥基牆紙，仲要戴住眼鏡文青🐶, 好 der意！先黎既魚生，夠晒新鮮有光澤，海老有頭證明呢間店好有誠意、著重細節令客人滿意。 雞煲唔會太咸，夠多芫荽，岩晒芫荽控！ 鮑色肥嘟嘟，滑溜入味 😁😁 到牛， 不得了 😍 難得呢類任食有咁既質素， 我地個個拎多罐道地解茶，清少少狂食肉既“罪惡感”啦 🤣🤣海鮮拼盤中，最欣賞啲蟶子，爽脆鮮甜！ 另外，大元貝都無得輸！我地要既番茄薯仔湯底，夠濃之餘食完唔口渴。所以，呢度絕對係觀塘火鍋既首選 🥇

有日搭的士返屋企經過見到餐廳個名幾得意仲有哥基做logo就上網搵下，原來有任食雞煲火鍋。有$238，$318揀，我地得2個人覺得$238都夠食。一坐低就上刺身，有三文魚，希靈魚同蝦。全部都新鮮。雞煲可以揀辣度，我地話食得辣，店員就建議中辣。每2分鐘攪拌雞煲，大概攪3次就食得啦！中辣都好多辣椒架，個人認為辣得剛剛好（平時譚仔食二小）。雞煲仲會附送豬皮，牛柏葉，魷魚，同雞煲一齊煮，吸收晒湯汁好入味👍🏻前菜，刺身，海鮮，牛小排，甜品只係會單次提供。雞煲唔夠食可以再添架！食完就可以揀直接加湯落雞煲打邊爐，又或者轉煲用番茄薯仔湯底打邊爐。我地就繼續用雞煲加湯。海鮮拼盤有蜆，魚，蠔，蝦。蜆粒粒脹卜卜，蠔大大隻夠新鮮。牛小排同黑豚肉肥瘦剛好，唔韌。三色餃有雲吞，魚皮餃，韭菜餃，款款都細細粒唔怕牙住個肚食唔到其他野。仲有紫菜響鈴，炸魚皮哩類火鍋必備配料都係任叫架。菜類同飲品都係自助任拎，細細枝果x先生的飲品岩晒女仔可以試多幾款口味。甜品係燉奶，好滑，奶味濃！餐廳問口附近有貓狗捐款箱，睇黎用哥基做主題係有因為老闆都好愛貓狗。環境好闊落又有卡位，幾多人黎食都可以坐得舒服。提提大家：醬料區係飲品櫃個邊再轉右

呢度既火鍋雞煲任食套餐分$238同$318兩種，其實$238套餐都已經有好夠食，有特定既刺身、火鍋用既海鮮拼盤、牛小排同甜品，另外無限追加既有雞煲、雞煲三寶同幾款鍋配料。先上既係刺身 : 三色刺身有好大隻既赤蝦、三文魚同北寄貝。雞煲 : 雞煲配埋三寶 (魷魚、豬皮、牛栢葉)都係第一次食，雞煲香辣惹味，三寶索晒雞煲既醬汁好好味。雞煲同三寶都可以無限追加。食完雞煲到火鍋喇，去自助調味區自選火鍋調味醬料就可以開始食火鍋，湯底係蕃茄薯仔栗米湯，湯底好鮮甜，同屋企煲既味道一樣咁好味，用來打邊爐好夾，海鮮同肉類都特別鮮甜。火鍋既丸類、餃類、西班牙黑豚肉、炸魚皮同響鈴都可以無限追加，菜藍就可以自助任拎，飲品例如汽水、果汁、茶等都係任飲，真係可以飲飽食醉。

限聚下知己相聚飮飮食食好地方以前吃過雞煲火鍋覺得很熱氣，估唔到去到觀塘試另一間新店，又有另一番口味。雞煲夠味，可揀辣唔辣，海鮮夠新鮮。雖然老細話雞煲很少人返叫，但其實BB辣至中辣都好味到不得了。D魚皮脆得停不了。傾得開心自然吃得更多。店舖地方清潔，價錢抵。 位置方便，附近有泊車位，也近地鐵站，最啱一家大細一齊嚟。唯一不好地方是附近沒有大商埸，早到行街要去到APM。但要吃真是非為Shopping。值得再去

作為一個東九人，又係火鍋愛好者，觀塘開新火鍋店點可以唔試😚由門口入到餐廳內到處都可以見到可愛哥基嘅圖，完全感受到老闆對動物嘅愛❤️晚市火鍋雞煲任食套餐$238起，包括有前菜三色刺身。為食寵寵雞煲職員有講解每隔2分鐘要炒一次，炒三次後就差唔多可以食得。另外仲俾咗一碟配料包括有魷魚鬚、豬皮、牛柏葉，炒埋落去好野味😋😋食完雞煲之後就準備打邊爐，我哋揀咗櫻桃鮮茄薯仔湯，火鍋配料首先有海鮮盤、牛小排，其他可以無限追加配料包括有西班牙黑豚肉、三寶丸、紫菜響鈴、生根、即炸魚皮、三色餃、菜籃。飲品方面都有好多選擇，除咗有一般嘅汽水、烏龍茶外，最欣賞佢有健康嘅支裝飲品，仲有蜂蜜雪梨揀。最後仲有精選甜品，呢個奶凍椰汁味重，個人比較鍾意牛奶味重嘅奶凍多啲。有海鮮有刺身有雞煲有火鍋又可以配料任食，一次過滿足晒所有願望🤩

觀塘牛頭角呢一區成日都好多新嘅餐廳開張，今日又食咗呢間新嘅開張餐廳，係任食嘅火鍋，但係佢特別之處佢前菜嗰度會有啲比較高質嘅食物，例如鮑魚同埋刺身，呢啲係其他任食火鍋好少見，亦都係俾呢樣嘢吸引咗自己間餐廳。呢間餐廳成間鋪頭個裝飾都有狗，連個爐頭都有前菜有呢個刺身真係好唔錯，非常新鮮首先佢會嚟咗個雞煲先，個雞其實係任叫嘅，但係其實都唔會叫好多，如果唔係會食唔落個火鍋火鍋配要超多款，好正所以都係真心推介呢間餐廳👍🏻

今日去開觀塘，見到openrice 有間新開既雞煲火鍋，就book左同frd去試下~我地揀左$318個餐，包左小食、刺身、雞煲同打邊爐配料小食有每人一份菜膽扣鮮鮑魚， 鮑魚入味，仲有西蘭花伴碟～五色刺身有三文魚、帆立貝、北寄貝、𩶘魚同赤蝦 ，刺身新鮮，特別推薦帆立貝，好鮮甜～雞煲（任食）有分bb辣、小辣、中辣同大辣，侍應我地要炒3次，每次兩分鐘，仲有豬皮魷魚牛柏葉跟埋，可以吸晒鷄煲精華！打邊爐食完雞煲同侍應講打邊爐，佢會換左個煲～打邊爐湯底係蕃茄薯仔粟米湯～好濃味仲有聖子到海鮮拼盤、手切牛肩頸同五寶丸，另外，任食材料有黑豚肉、三色餃、即炸魚皮、響鈴、生根，生菜十分豐富！我地食下食下食左成3個鐘，捧住個肚走☺️☺️P.S 餐廳用咗哥基做主題，好cute~

牛頭角這邊本身就不是美食區，在這區找吃的可說是非常困難，不過就有一家超爆場的火鍋放題環境以寵物佈置為主題，這家火鍋牆壁滿佈可愛寵物，當然是乾淨明亮服務：正常食物：先上來鮑魚原隻，一來就來個高貴的，很有氣派前菜刺身！有夠凍，開胃！再來寵寵雞煲（大辣）雞件大而嫩滑， 大辣的辣椒很夠多，很惹味！另外還附有豬皮 牛柏葉等吸味之選，越吃越辣！之後就換成麻辣火鍋打邊爐牛頸脊的油花漂亮，厚切所以入口滿滿的肉汁！黑豚肉的肉質彈牙，味道鮮而不羶，而且還可以任點呢！菜在外面自助區，也是洽如其份，口感爽脆多水分海鮮拼盤看就知道豐富，有蠔，大蝦，帶子，脆肉鯇，件件都爽脆新鮮，令人意外！總體來說，就是抵食！

今日放工同太太喺觀塘搵嘢食，見到有間新嘅雞煲火鍋放題，門口有狗狗標誌， 外邊見裏便都好企理，就揀依間啦。入門口見到有幾個飾物櫃，有高達模型，已經吸引。再睇吓，原來係義賣，再行入啲，收銀位置上面有個哥基狗狗標誌，同埋放咗幾個籌款箱幫唔同寵物組織籌款。覺得依間餐廳好有意思。再睇吓四周圍，好多哥基嘅相。第一印象覺得好好。我哋揀咗個$238雞煲火鍋放題。先上咗個刺身，好新鮮。雞煲有得揀唔同辣，我唔食得太辣，揀咗BB辣。上雞煲連埋豬皮魷魚牛柏葉一齊上，8分鐘就有得食。好味道，吾太辣，啲雞肉都好滑。食完已經有少少飽，雖然有得添加，要留肚就叫服務員上火鍋。可以揀麻辣湯底，但係我都係揀咗蕃茄薯仔湯底。跟火鍋有牛小排，西班牙豚肉，海鮮拼盤，唔同嘅丸。牛小排唔肥，好滑，好味。海鮮有脆肉鯇，龍躉片，蝦，花甲，好新鮮，蠔就係雪藏嘅，都唔差。豚肉我就一般。丸我就最鍾意雲吞同埋牛丸。加咗一個炸魚皮，因為太太話冇炸魚皮唔似打邊爐。冇加其他嘢，已經食到好飽。打算埋單，最後仲有個甜品，雖然好飽，但係都食埋，哈哈。真係大滿足。想講講，服務員態度好好，解釋點樣去煮雞煲，點落單。環境又好乾淨，枱同枱有距離，唔迫。下次要留肚，

呢間火鍋店係觀塘附近，雖然位置唔係十分好找，但係離地鐵站都近，朋友食過覺得唔錯，所以推介俾我。同一般嘅火鍋店唔同，有狗狗做主題，而且所有裝修佈置方面都比較小清新，現代啲，俾人感覺更加舒服。飲品同埋蔬菜都係自助式，值得一讚係飲品方面選擇好豐富，仲有鴻福堂細細支嘅雪梨茶同山楂蘋果茶，好好飲。首先就食刺身拼盤，係贈送的，質素唔錯。之後就到雞煲，可以無限encore，我哋叫咗BB辣，仲有豬皮、魷魚、牛柏葉，雞煲非常惹味，唔會好鹹，有雞味，內質好滑，有水準！所以我哋食咗兩round。雞煲滿足完，就加水打邊爐，同時餐廳贈送海鮮拼盤，有蝦、鮑魚、龍躉、峴，好新鮮！然後仲有一碟牛頸脊肉。其他無限添加嘅配料方面，選擇雖然唔多，但係質素幾好，魚皮夠脆唔韌，特別嘅係有紫菜響鈴卷，好好味。 總括嚟講，價錢唔算貴，雞煲又可以任食，咁係幾唔錯，最後仲有燉蛋白送，好飽滿足晒！

最鐘意去新開張嘅餐廳，貪佢一定乾淨企理，由其是係火鍋店，一個唔小心就好易做到油淋淋嘅環境。觀塘呢間就喺創紀之城對面嘅萬泰利廣場～入到去好乾淨光猛，而火鍋嘅主題竟然係哥基！係好受香港人歡迎嘅哥基～四處嘅裝飾都係充滿狗仔嘅元素，無論枱上邊嘅火鍋電子爐，窗簾裝飾，仲有大大張嘅poster都有哥基，睇得出老闆係非常愛狗之人，仲不停提出叫大家珍惜寵物，千祈唔好遺棄佢哋嘅訊息。門口都放置咗好多義賣嘅高達，好得意，好似參與咗好多義賣活動嘅感覺，係好正面好有正能量嘅餐廳👍我哋今次食$238一位任食火鍋，首先上咗雞煲先，我哋揀咗BB辣，唔食得辣嘅朋友仔就可以試呢個最少辣嘅程度。雞煲好惹味係好足料。另外仲上咗刺身俾我哋，係三色刺身。另外佢仲上咗一碟魷魚豬肚嘅材料俾我哋自己落落去煮埋一齊，幾有新鮮感，而且入晒味好正。雖然雞煲可以任食，但係我哋兩個實在食唔晒太多，本身設定嘅份量已經非常足夠啦～之後我哋食完雞煲，店員就幫我哋上咗一個湯底打邊爐啦，我哋揀咗蕃茄薯仔湯，諗住清清地。然後就陸續上埋丸類餃類，仲有牛小排同黑豚肉。材料樣樣都好新鮮，牛丸入邊仲有芋泥，我好鍾意啊。仲有包心芝士丸，魚皮餃菜肉餃蝦肉餃。樣樣都好