為食火鍋公司

營業中

休息中

喜歡打邊爐的朋友又約我打邊爐，但我最近已經打過幾次，所以就同朋友提議不如食半自助，可以滿足佢邊爐夢，又可以令我有新鮮感。 跟返餐廳順序吃，ROUND 1 餐前小食（可以任食，不過我地想留肚，只點了兩款）唐揚脆炸雞：炸得香口，熱辣辣，又多汁，配埋沙律醬很滋味。鮑汁雞腳：鮑汁味香，雞腳夠林又入味。 訂座可奉送響螺魚翅燉湯：湯底清甜，真係見到大大塊螺肉，好鮮味。 ROUND 2 前菜三點刺身盛合：三文魚夠肥美，北寄貝很新鮮，蝦大大隻又鮮甜。 ROUND 3 頭盤任食寵寵雞煲：朋友話唔食辣，我開頭都驚唔夠味，原來都好惹味，因為有醬汁，洋蔥，芫荽，芹菜等等，雞肉鮮嫩，雞脾嘅位置相對都多喎，而且雞肉斬得幾好，冇碎骨，容易食。 ROUND 4 火鍋濃湯豬骨：湯底清甜，仲有粟米同蘿蔔。 為食海鮮拼盤（開始打邊爐啦）鮮蝦爽口彈牙，蝦頭的膏很鮮甜。大蜆冇沙，口感彈牙。脆肉皖口感爽彈。白鱔片有鮮味。鮮帶子很大隻，夠新鮮。 火鍋配料特級牛頸脊：肉質鮮嫩，油花分佈均勻。和牛板腱肉：油香味比較多，很香口。千歲米豚：口感柔軟，帶豬的甜味。紫菜響鈴：很少任食火鍋店有紫菜的，響鈴帶有紫菜香氣，更加美味。 這間餐廳的老闆

一講到 #火鍋放題，通常都係限時限刻，有時想同朋友仔傾多兩句都比人趕！不過最近我哋發現咗一個好去處，既冇時間規定，又有各式各樣嘅風味食物，啱晒為食嘅我哋😉由 #牛頭角港鐵站 出發，穿過 #創紀之城二期 就會搵到我哋嘅聚腳地「為食火鍋公司」。餐廳以狗仔🐶 #歌姬 做主題，就由大門口到食客區，都會見到可愛嘅小狗做佈置！真係好得意呀❤️ 餐廳最近慶祝四周年紀念，推出一個定價$288起嘅「無限時火鍋盛宴」，食物豐富，認真夠晒誠意！✨期間限定#響螺魚翅燉雞湯 - 熱辣辣嘅燉湯，入口充滿鮮雞湯嘅香氣，加埋大大粒嘅響螺，好豐富呀！#小食 - 先上枱嘅係 #青瓜蟹柳沙律，冰冰涼涼嘅口感啱晒夏日呢個季節！另外仲有 #炸豬大腸、#滷水雞腳 同味道非常香甜# 炸蕃薯條，好有港式風味！#魚生刺生 - 大大隻嘅 #刺生蝦，配埋厚切嘅 #三文魚 同 #北寄貝，加埋芥末一齊食，真係好爽呀！#雞煲 - 新鮮嘅雞肉，加埋 #紫洋蔥、#蒜頭 同 #芫荽 一齊炒，肉質鮮嫩夠晒所惹味！#火鍋 - 最後一道菜當然係呢晚嘅主角「火鍋盛宴」，我哋點咗個 #牛尾藥膳湯 做湯底，味道夠晒濃郁！#海鮮併盤，加埋 #任食 嘅 #火鍋料，選擇

平時打邊爐多數都係得兩個鐘，有時想同朋友坐低慢慢傾吓偈，唔想食得太急，朋友搵到觀塘呢間無限時任食火鍋餐廳就啱晒啦💯有兩個套餐可以揀：$288 / $388，貴呢個套餐包咗多啲海鮮同埋有個和牛拼盤，我哋揀咗$288但已經好夠食🤪！！總共有4 rounds嘢食，食完一輪又一輪，好豐富🤣🤣Round 1 餐前小食有甜番薯條、唐揚脆炸雞、蟹籽沙律、酸甜炸大腸、鮑汁雞腳。每樣都會上少少 - 番薯薯條外脆內軟，而且夠甜，炸雞肉質嫩滑有肉汁，鮑汁雞腳好入味，全部小食都幾好味👍餐廳慶祝緊四周年，7月31號或之前會送響螺魚翅燉雞湯一盅，個湯好夠熱🔥，好足料，夠養生。另外仲可以免費升級成春季限定新品 - 和風昆布卜卜蜆鍋，見到有好多蜆。Round 2 有三款刺身（一次）：三文魚，大大隻又鮮甜嘅牡丹蝦，北寄貝，全部都好新鮮～Round 3 可以揀酸菜魚（一次）或者任食雞煲。我哋揀咗雞煲，每件雞肉都佈滿辣醬料，味道濃郁，雞肉夠嫩，好惹味，配埋洋蔥、芫荽、蒜頭更香口，兩個人輕鬆清晒成煲😎Round 4 火鍋湯底，我哋揀咗沙嗲金菇牛面肉湯底，沙嗲味道濃郁，最後嗌包公仔麵好掛汁好正！仲有是日五款海鮮拼盤，我哋嗰日有

今晚約了朋友去打邊爐，是印象深刻的一次。菜式豐富多樣，食材新鮮，無論是肉類、海鮮還是特色小食都有很高的品質。服務態度也很好，環境舒適。酸菜魚：湯底酸辣鮮明，酸菜脆嫩開胃，魚片滑嫩無腥，搭配花椒的微麻更添層次。寬粉吸飽湯汁，風味十足。濃湯豬骨火鍋湯底：湯底濃郁香甜，粟米精華完全釋放，搭配豬骨的醇厚，順滑暖胃。肉類及海鮮： - 特級牛頸脊：肉質鮮嫩，入口即化，有濃郁的牛肉香味。-脆肉鯇魚片：魚片切得薄厚適中，口感爽脆，沒有魚腥味。-牛胸腹肉：口感很有嚼勁，牛香味十足。三點刺身盛：刺身新鮮，肉質鮮嫩，搭配特製的醬料，味道很不錯。海鮮拼盤：拼盤包含了多種海鮮，蝦、帶子、魚片、蜆，新鮮度很高，性價比不錯。配菜：-手工雲吞：雲吞的餡料飽滿，味道鮮美，皮薄餡大，口感豐富。 -紫菜響鈴：響鈴在火鍋中煮後變得軟糯，紫菜的香味融入其中，口感獨特。 -炸魚皮：炸魚皮直接吃香脆可口，火鍋中煮後又變得軟糯，吸收湯汁後味道更佳。 -爽口白魚蛋：魚蛋Q彈有勁道，白魚蛋的味道比較清淡，爽口彈牙。湯品：-燉湯：湯品味道濃郁，用料足，在吃火鍋前喝上一碗，暖身又開胃。

從澳洲旅行回來，約咗朋友拎手信俾佢，朋友訂咗一間餐廳請我食火鍋放題，為食火鍋公司位於觀塘工業區，佔地都好大，室內燈光明亮，座位寬敞。主打無限時火鍋放題，客人可以邊食邊傾，唔洗限住時間，食得開心又自在。啱晒親朋戚友大伙人聚會，唔洗食到趕喉趕命。套餐分為食和豪食兩種，以食物分類。豪食套餐：奉送時令燉湯：燉湯足料夠火喉，湯色金黃透亮，散發出濃郁的雞香，味道鮮甜。餐前小食：甜蕃薯條、唐揚脆炸雞、蟹籽沙律、酸甜炸大腸、鮑汁雞腳。炸大腸炸得金黃酥脆，鮑汁雞腳入味又夠林，唐揚炸雞外皮酥脆，內裡雞肉軟嫩多汁。五點刺身盛合（一次性）：刺身新鮮，三文魚、油甘魚口感柔滑順口，油脂豐富。帆立貝味道鮮甜。赤蝦的甜味細膩，肉質彈牙。頭盤二揀一：為食酸菜魚（一次性）/任食寵寵雞煲揀咗為食酸菜魚，味道清爽酸香，搭配花椒的麻與辣椒的辣，再加上魚片的鮮嫩，湯頭層次豐富，令人垂涎。火鍋湯底五選一，揀咗濃湯豬骨，湯底濃郁鮮甜。豪食海鮮拼盤：是日新鮮海鮮8款（一次性），一盤新鮮的海鮮拼盤，擺放在碎冰上以保持食材的新鮮度。盤中包含有蟶子皇、鮑魚、脆肉鯇、精選蠔、大蜆、鮮蝦、白鱔片、鮮帶子。整體擺盤精緻，色彩豐富，給人新鮮、豪華的

今日約左朋友去打邊爐，前一日confirm左個餐，下午再confirm左一次，不過放工遲左，之後遲左20分鐘到，佢地因為遲超過10分鐘，所以就俾左張枱其他人，之後話下次可以WhatsApp同佢地講聲會遲，佢地會留枱…只可以話生意太好…confirm左兩次，但係話因為無溝通就俾左張枱人…當時應該都係2-3張枱有人，其他係留左俾其他人個人少少建議，如果原則性咁重，本身WhatsApp溝通開，可以最後問一問客人，咁趕到來又俾左張枱其他人，體驗都幾差

豪食套餐 ($368/位）冇限時 ｜火鍋｜雞煲我和朋友最近去咗「為食火鍋公司」叫佢哋嘅豪食套餐 ($368/位，兩位起)，真係好滿足！餐廳環境夠闊落，一班人聚會啱晒。個套餐豐富到食唔哂，叫了好多輪嘢食。1. 頭盤好正！我揀咗酸菜魚（朋友揀雞煲），隔離枱個雞煲一上枱就好香好攻鼻，睇落好開胃。2. 個燉湯好足料！我飲嘅響螺魚翅燉雞湯，湯底好清甜，料又夠多。3. 湯底我揀咗藥膳高湯牛尾，藥材味唔會太重，清清地幾好飲。4. 海鮮拼盤同牛肉拼盤係重點！一次過上晒6款頂級牛，就是圖片中的幾款。

✨為食火鍋公司（牛頭角）呢間邊爐主打無限時任食，啱晒一大班人喺度吹水慢慢烚吓烚吓Round 1 : 任食餐前小食有炸雞、鮑汁雞腳、炸大腸、蕃薯條、蟹籽沙律貪心嘅小狗每樣都叫咗少少 鮑汁雞腳好入味好好食！但係叫左下一round就無得返轉頭點㗎啦😆Round 2 : 刺身盛盒(一次性）刺身新鮮同埋大大件😍Round 3 : 有雞煲同酸菜魚選擇 我哋揀咗雞煲 雞煲需要自己炒熟 食落惹味 我哋叫咗小辣 唔會好辣岩岩好 雞煲都可以任叫，但我哋想快啲打邊爐就冇加雞啦😂我哋揀咗蕃茄薯仔湯 清淡健康嘅湯底😆海鮮拼盤有帶子、聖子、鮑魚、大蝦、蠔等整體海鮮都新鮮，同埋唔會有沙牛肉拼盤有澳洲和牛牛五花、和牛肩胛肉眼芯、美國SPF和牛三角肉、澳洲M8牛肩頸、黃喉、熊本雪花一口牛 火鍋配料特級牛頸脊同美國和牛牛板腱都唔錯👍🏻仲有丸類、蔬菜🥬可以喺出面夾同埋上菜速度都好快

大家放工後無所 事事,  於是約一起去附近的 火鍋公司] 食個放題, 門外有餐牌.  食物選擇多.入門又有詳細火鍋餐牌.   看了又看, 鎖定  冇限時火鍋盛宴, 為食套餐 每位 $288- .  共有 4個 Round.   包括餐前小食, 前菜, 頭盤, 火鍋盛宴. 餐廳設計明亮整潔,  通道闊, 有間隔卡座,  座位多,  店員 招呼好.飲品任飲,  冰櫃內 有各式汽水, 飲品, 涼茶, 無糖茶, 好健康, 選擇真的多！我們先各來個  竹蔗茅根, 百香果蜜,  Aloe Vera 蘆薈, 清熱, 滋潤,  養顏樣樣 齊.  第一 Round, 餐前小食:    食物很快便由專車送到,   一一擺滿檯,  食完可以添加. 甜番薯條, 唐揚脆炸雞, 酸甜炸大腸,   美味香脆. 蟹籽沙律,   爽口開胃.鮑汁雞腳, 又稔又入味. 燉湯每人盅, 螺頭瘦肉煲雞腳,  滋補養生, 足料煲得夠火喉. 第二, 三個 Round,  前菜及頭盤,   一次送到.     頭盤  (可選任食寵寵雞煲或為食酸菜魚. ) 頭盤任食,  我們選了 寵寵雞煲, 雞煲看來好豐富,  香辣味濃 . 雞肉好嫩滑

套餐有4步曲包以下食物：1️⃣任食餐前小食（唐揚炸雞、鮑汁雞腳、炸大腸、甜蕃薯條、蟹籽沙律）2️⃣刺身盛合3️⃣酸菜魚或雞煲4️⃣火鍋放題＋海鮮拼盤＋牛肉拼盤食法係要遂個step咁食，叫左下一個步曲就無得番轉頭～👌✨Round 1✨每種小食都可以任你嗌，我哋試咗鮑汁雞腳同甜番薯條，都極高質，鮑汁雞腳好軟糯入味，甜番薯條外脆裏糯，甜甜哋好好食！🥰✨Round 2✨我哋揀嘅套餐有三種刺身，三文魚好鮮甜，北極貝同甜蝦都好大隻，完全唔輸壽司店！🤩✨Round 3✨可以揀一次性酸菜魚或者任食雞煲，我哋揀咗酸菜魚，仲可以走辣，好貼心！份量好大！聞到隔籬枱嘅雞煲都好香，下次要試一試～🥹✨Round 4✨湯底都有好多多種，我哋揀咗薯仔蕃茄湯，入邊嘅薯仔都好軟糯，超好味👍🏻會送一個海鮮拼盤，有元貝、鮮蝦、蜆， 好新鮮🥰任嗌嘅牛肉品種都幾豐富，品質唔錯～超推介芝士腸同韭菜餃～😋

有間火鍋想食好耐！因為佢哋用哥基做主題，仲藏著狗狗爪印🐾舖頭座位間距寬敞，而且欣賞佢貫徹愛護動物理念👍🏽出邊仲有義賣區，善款會捐俾慈善機構👍🏽而佢哋嘅火鍋仲要無限時，食到12點都得🤣我上次都食到11點先走哈哈想講佢哋超級多嘢食！有啲似去咗斗x同家x，一樣都係有分先後次序😆佢有兩個套餐，我哋揀咗豪食套餐，每人$400有找性價比好高！同埋前一日預訂，有時令燉湯奉送，都幾好飲！-餐前小食🍟總共有五款可以無限encore！超級鍾意炸大腸🐷外脆如紙，內層油脂肥得嚟好正🥹而甜蕃薯條都好好食！不過唔可以食太多，如果唔係就食唔到之後嘅嘢🤣-前菜-五點刺身盛合🍣望到已經覺得好新鮮！厚切三文魚同油甘魚特別好食！油脂甘香同去日本餐廳一樣水準！-頭盤🍲可以揀酸菜魚/任食雞煲。但見佢最近可免費升級和風昆布卜卜蜆鍋🐚就試試佢。湯底清澈見底，好鮮甜～蜆嘅份量都好多，而且全部冇沙同彈牙！-豪食海鮮拼盤 是日8款🐟🦐當日嘅海鮮最鍾意係精選蠔，同鮑魚🦪蠔肥美，煮耐咗都唔會縮水～而鮑魚都新鮮大大隻，好彈牙！-豪食牛肉拼盤 6款🥩雖然係一次性，不過之後任食配料都有第二啲牛～比較鍾意澳洲M8和牛牛五花，肥瘦三層分明，油脂甘香不

這一間餐廳位於觀塘及牛頭角的市中心，十分之方便，加上座位十分之闊落適合朋友聚會. 1. **精美燉湯** 湯色金黃澄澈，入口溫潤醇厚，慢火熬煮的食材精華盡釋其中。無論是藥膳香氣或老火甜味，都展現出廣式燉湯的底蘊，暖胃又滋補。 2. **刺身拼盤** 新鮮度滿分！厚切三文魚脂香豐腴，甜蝦甘甜綿密，北寄貝爽脆鮮美。搭配現磨山葵與醬油，海洋的鮮味在舌尖層層綻放，滿足刺身愛好者的期待。 3. **酸菜魚** 湯頭酸辣帶勁，醃製酸菜風味地道，魚片嫩滑無骨，吸飽湯汁精華。花椒與辣椒的香氣撲鼻，麻而不燥，是一道讓人食慾大開的經典川味。 4. **海鮮拼盤** 各式各樣的海鮮都十分之新鮮，性價比十分高5. **特級牛頸脊肥牛** 油花分布均勻如大理石紋，輕涮幾秒入口即化，肉汁飽滿帶濃郁牛香。無論搭配日式壽喜燒醬或中式沙茶，都掩不住其高級肉質的本味。 6. **脆肉鯇魚片** 魚肉緊實爽脆，久煮不散，獨特的質感令人驚艷。無論打邊爐或清蒸，都能嘗到其鮮味與脆度，是懂吃老饕的必點之選。 最後大家請提早訂位、由於這個放題是不限時的，性價比十分之高！

今日同friend去左食一間好正既無限時任食打邊爐，係牛頭角既為食火鍋公司，平日都估唔到咁鬼多人，好彩我地有訂位佢地個無限時任食火鍋set 只係 $288，十分抵食先食前菜有甜蕃薯條、唐揚脆炸雞、蟹籽沙律、酸甜炸大腸、鮑汁雞腳各樣都好正，尤其係炸大腸，熱辣辣脆卜卜之後食刺身，有三文魚、北寄貝同牧丹蝦，都好新鮮再跟住就揀酸菜魚或者雞煲，我地就揀左小辣既雞煲，小小麻得黎好香，雞肉都好滑仲配埋個海鮮拼盤，有帶子，白鱔，蜆，海蝦等等，鮮甜好味湯底揀左豬骨湯，有舊好大既豬骨，特級牛頸脊同埋千歲 米豚（和豚）都好出色，油花勁靚食落好甘香仲有好多海鮮同配菜任食，可以慢慢食

下班後相約好友打邊爐，在忙碌的工作後放鬆一下餐廳位於商業區內，日式簡約風的裝潢寧靜舒適木質傢俬營造出溫馨的用餐氛圍，牆上點綴毛孩的圖片自助任食火鍋配料區，整潔明亮，食材陳列得井井有條餐前小食各具特色：甜番薯條金黃酥脆；唐揚脆炸雞鮮嫩多汁；酸甜炸大腸外脆內軟蟹籽沙律清新爽口；鮑汁雞腳軟糯入味，鮑魚汁的濃香滲透其中五點刺身盛盒色彩鮮豔，冰盤上盛載三文魚、油甘魚、帆立貝、赤貝和甜蝦和風昆布卜卜蜆鍋湯底清澈，湯頭溫暖清爽，喝起來格外舒心

一家人慶祝母親節一行十幾人齊齊嚟過無限時打邊爐小食方面有薯條、炸大腸、炸雞件、雞腳同沙律味道方面就麻麻冇乜特別 雖然係任食但係叫一輪就差唔多夠之後就上刺身有三文魚 北寄貝同蝦整體嚟講都算新鮮不過係一次性雞煲係任食的調味非常惹味可以自己選擇辣度最出色之處係唔同外間嗰啲一早煮熟晒俾你翻熱佢係調咗味嘅生雞件之後俾你邊焗邊炒慢慢由生煮到熟所以可以煮到嫩口生熟度除自己喜好不過雞煲雖然係任食但係一輪都夠晒之後就開始最期待嘅打邊爐我哋揀咗最新沙嗲牛面頰肉湯底有濃濃沙嗲同花生醬味感覺唔差得過出面專門食沙嗲鍋嘅湯底呢個豪華海鮮拼盤都係一次性基本上冇乜太大特別最好味係帶子 夠晒厚身鱔片都OK 其餘都不過不失之後就到今晚壓軸佢有隻好出色嘅特式牛頸脊同和牛板腱肉其次係北海道豬肉最麻麻係牛胸腹肉比較多肥膏同韌鞋最重要係我哋呢啲咁鍾意食牛嘅人佢上菜速度非常之快基本上可以滿足到所有大胃王佢其餘打邊爐料有黑柏葉 牛骨髓 同埋鴨血都係比較出色黑柏葉同牛骨髓都encore咗幾輪如果你係牛魔王嘅話真係極度推薦你嚟呢度另外呢度都坐得舒服唔會話坐得好迫而且侍應服務質素好好令你有種賓至如歸嘅感覺而且價錢方面性價比好高得閒會再嚟幫