1
餐前小食（⭐️⭐️⭐️⭐️💢）
未食正餐之前，餐廳就有任點既餐前小食醒下我地個胃先。天氣熱當然唔少得一份青瓜沙津同唐揚炸雞啦。青瓜沙津十分新鮮，青瓜好爽脆，而且每啖都爆水好清新，配搭蟹柳絲同飛魚籽，好好味。唔好以為餐廳火鍋主打，唐揚炸雞就唔好食。呢間炸雞拍得住日本既味道，外皮好香脆，食落竟然仲爆雞汁，雞肉嫩滑。
前菜（⭐️⭐️⭐️⭐️⭐️）
剌身前菜有三款，三文魚油脂分布平均，食落啖啖魚油香味，質素好高。剌身蝦亦都好新鮮，蝦肉好有彈性，唔會霉晒，每啖好有蝦既鮮味。北寄貝就好爽口。除左剌身外，仲有超級足料既燉湯。湯入面有魚翅花膠螺頭，成碗湯都好有海味味道，陣陣咸香鮮美。
頭盤雞煲（⭐️⭐️⭐️⭐️⭐️）
呢個雞煲十分惹味，個醬底味道好香濃。雖然雞件係生咁樣落煲比我地客人自己煮，但只要跟足餐廳既指示，食落真係好有驚喜，雞件好嫩滑，而且仲好有鮮雞味，唔會一陣雪味，配上煲入面各種配料，九層塔、紅洋蔥同香芹，味道拍得住專門店，我地仲加左雞！
火鍋盛宴（⭐️⭐️⭐️⭐️⭐️）
黎到重點既火鍋，我地叫左櫻桃鮮茄薯仔湯底，湯底好鮮甜，唔落任何配料都可以飲幾碗。由於雞煲前菜刺身等等已經食到半飽，火鍋配料就只係叫左幾款招牌，特級牛頸脊、千歲米豚、響鈴、魚皮等等，全部配料都好好味，肉類超級重味，脆口野唔會淋晒，正！
為食海鮮拼盤（⭐️⭐️⭐️⭐️⭐️）
「為食海鮮拼盤」，包括鮮蝦、大蜆、元貝、脆肉鯇、白鱔、帶子、青口。唔好以為材料多多就每樣都馬虎，全部材料都好新鮮，無雪味，全間店都超高CP值，絕對回本之選。
1
~~~~~~~
為食火鍋公司(萬泰利廣場) 觀塘創業街15號萬泰利廣場地下C號舖
推介菜式：頭盤雞煲 、火鍋盛宴、為食海鮮拼盤
👍出色味道
👍地點方便
👍服務周到
