為食仔海鮮火鍋專門店

營業中

休息中

同fd食飯 打邊爐係最佳既選擇 因為可以坐耐d 一路食一路傾其實小妹想食呢間為食仔既卜卜蜆煲好耐好彩有book枱 星期四已經好好生意 聽到有客想walk-in 但結果太爆無得食我地揀左招牌卜卜蜆 奶白色既清湯加上適量既辣椒同蔥花滾十分鐘左右就食得 d蜆既鮮味出晒黎 即使熱辣辣都忍唔住即刻狼吞虎嚥 食完一隻又一隻除左蜆肉 湯底都係精華所在 唔可以放過(題外話 侍應姐姐/ee既服務態度超級欣勤不停主動加湯同清蜆殼)食完晒成煲卜卜蜆 就繼續加湯打邊爐黃金炸魚皮好邪惡脆卜卜既炸魚皮上沾滿咸蛋黃 當小食抑或浸湯食都好食 鐘意食咸蛋黃既朋友必試安格斯牛細碟已經好多芝士蝦丸都係小妹另一個心水 除左有流心芝士 蝦肉仲好彈牙食咁多野 價錢都唔算貴 我同朋友都覺得呢間為食仔幾好味同抵食

今晚係公司OT，收工之後同同事搵野食，我地見時間岩岩好夜晚九點半，所以今晚決定黎呢度食卜卜蜆，因為夜晚九點半後好抵食。黎到得左一陣就已經有位，一坐低就即刻叫左個原味卜卜蜆煲先，我地3個人好快就已經食完第一輪既蜆，之後仲加左一轉蜆，個湯有少少辣味超好飲。我地仲叫左其他配菜，有筒蠔、花枝片、萵筍、手打丸，另外最令我地驚喜既係碟牛舌托。我地一開始叫牛舌托諗住試下，點知一食便愛上了❤️ 佢切到薄薄地一塊，碌幾下就熟，食落口好重牛味同埋好有咬口，但又唔會太韌。呢間餐廳可以無限encore，因為我同同事都係好中意食蜆😂

平時出去打邊爐最中意撈個生蒜豉油加辣花椒，呢間試左一啖佢個ＸＯ醬，覺得個蝦米香真係不得了。首先食左個招牌卜卜蜆煲$168，蜆肉加ＸＯ醬味道相當夾，本身蜆肉湯香辣鮮甜，加上ＸＯ醬提鲜更開胃。原隻花膠筒 $98，花膠彈牙，並非一般魚肚，味道容易入口完全唔覺得腥，店員話女仔最適合食花膠。打邊爐點少得牛肉，都有幾個選擇，最後叫左本地新鮮吊龍伴(小)$208，脂肪唔多，肉比例較多，牛味重肉味濃，肉質彈牙。凍檸七$18，正正常。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

之前講左好耐想食卜卜蜆，一直都無機會，今日趁天氣凍凍地，就建議去食下，揀左旺角為食仔，平日晚都好多人吃！一黎就叫左個招牌卜卜蜆煲$168，食之前蜆合埋口，同煮熟左開晒口，都分別有影相，做番個對比！一樣吸引！份量超多！食左好多好多隻蜆！配埋d蜆個湯好惹味。朋友唔係食得好辣所以就叫左小辣，不過都好辣丫，要飲野解辣，一杯凍檸樂 $18，係懷舊支裝可樂，倒落個冰杯到加幾片檸檬，爽！食完個卜卜蜆，就可以再加湯打邊爐，等地叫左鮮蝦雲吞$58，有6隻，大大隻，包住原隻蝦，好多料！仲叫左個生菜$29，我最愛吃生菜，本身個菜無味，但吸晒湯既精華特別好味。唧唧鯪魚麵 $65，都容易唧出黎，我地想挑戰唧出黎唔斷，但最終都係失敗，哈！個鯪魚麵唔算好腥，口感都結實，不錯！

9點半後$98任加卜卜蜆，抵到爆💛唔係$98一個人，係$98一大煲，任加💛揀左胡椒豬肚，出乎意料，好多豬肚，2個人都食唔晒。要挑剔嘅係唔少蜆都有沙，扣左少少分。但以份量味道搭夠，d蜆都唔細，鮮甜，索到湯底胡椒味💛店員經常主動幫忙收殼，加湯，建議係枱側邊擺個大筒，食完d殼直接倒入去，就唔洗特登黎收。仲嗌左娃娃菜，黃金響鈴，姐係咸蛋黃炸響鈴，完全無得輸。💛💛💛

之前見到為食仔嘅卜卜蜆已經覺得好吸引，好想去食，可惜唔係同朋友夾唔到時間，就係人多到滿晒座食唔到。今日終於去到食卜卜蜆喇，真係嘅開心又興奮。🤪🤪鍋底有好多口味可以揀：原味、黃金乾鍋、鹹菜胡椒豬肚、藥饍、胡椒雞湯、喇沙、18禁同冬陰公8款。因為想食卜卜蜆本身嘅鮮味，我揀咗原味卜卜蜆鍋。卜卜蜆好多好大隻，睇住個鍋袞起，卜卜蜆一隻一隻咁打開，口水都流哂喇🤤🤤。先飲淡湯，係好清嘅蜆味呀🙈🙈。再食卜卜蜆，大大粒肉，好鮮甜囉。 成煲蜆基本上都好乾淨，食哂煲嘅蜆，都係得果一兩粒有啲啲沙。咁多嘅蜆都可以處理同清潔得咁好，足見為食仔好用心去處理啲食材👍🏻👍🏻。為食仔提供嘅醬料唔多，都係蒜蓉、蔥花、辣椒、花生醬、XO醬同豉油。我就覺得佢哋嘅XO醬、加上蒜蓉同豉油後，同卜卜蜆非常之夾，更加帶出卜卜蜆嘅鮮甜味👍🏻👍🏻。除咗卜卜蜆，我都點咗少少火鍋配料，就為大家推介一下幾款好食嘅啦。 首先當然係火鍋必定出玩嘅肥牛啦，為食仔嘅頂級安格斯肥牛，油花分佈均勻，落鍋一分鐘就食得。入口肉香油香味濃，一啲都唔覺得肥膩，非常好食嘅肥牛片😋😋。鮮製韭菜餃，好似好普通嘅嘢食？推介得就當然有佢嘅價值啦。除咗鮮甜好味之外，最值得推介

旺角內街一帶其實都好多好嘢食，白布街有間打邊爐平日都好多人，好彩我上網book定位啫。呢間為食仔最出名就係食卜卜蜆煲🍲，夜晚9點半後仲無限量加卜卜蜆添😱，唔怪之得咁多人啦😎！入到去全店滿座，我哋被安排坐咗喺2樓，一坐低當然先落個卜卜蜆煲先，原來卜卜蜆都有好多唔同嘅味道，有普通招牌式、18禁🔞、冬陰公🌶、喇沙、咸菜豬肚、藥膳、胡椒雞湯，第一次幫襯，先試下個普通招牌式先啦~卜卜蜆煲好快已經送到啦，嘩！真係好多蜆呀，有蒜、蔥、如果食得辣可以加辣椒🌶，我啲朋友因為唔係好食得辣，所以我哋選擇咗走辣，將啲蒜同蔥撈埋一齊，啲蜆特別香，過咗無耐已經食得，啲蜆都算幾大粒，最重要係無沙，而且好鮮甜🥰👍。食完卜卜蜆之後就正式打邊爐，我哋點咗餐牌上有兩個like嘅至尊牛拼盤，有安格斯、牛肩胛、牛頸脊、吊龍同埋牛柳粒，估唔到份量係咁多，有3層，可以試晒唔同嘅部位，安格斯雪花紋分佈均勻，牛味濃郁；牛肩胛、牛頸脊都比較爽口啲；吊龍平時好少食得到，入口甘香嫩滑；至於牛柳粒油脂就偏重左少少，但牛味一樣濃郁👍。美國黑豚肉，肉質都頗嫩，脂肪比例唔會太多。打邊爐又點可以唔叫響鈴呢，呢度嘅響鈴與別不同，佢哋特別自家製，包咗層紫

今日我哋去咗為食仔火鍋店度食卜卜蜆鍋，呢個招牌卜卜蜆真係 10個讚，只係$168就可以食到滿鍋既卜卜蜆，啲蜆全部非常新鮮同埋無沙，加上湯底非常惹味，上面充滿蒜和辣椒🌶️食完之後我哋叫咗海鮮配料，一定要推介嘅係本地新鮮佢吊龍塔$368 ，呢個吊龍塔三層，份量超級多，而且牛肉味濃，非常出色，可以媲美潮汕火鍋嘅牛肉，同出邊食到嘅美國肥牛完全唔同然後我哋嗌左桂花蚌$88，同埋新鮮鵝腸$78每件都非常大條同埋鮮甜，非常爽口！另外仲叫咗五色餃子拼盤$98餃子皮薄餡料多，五色餃子代表有五款唔同嘅餡料，每款有兩件，特別係其中一款有黑松露係入邊，真係有驚喜最後我哋叫咗兩杯飲品，一杯係菠蘿沙冰$38 ，呢個菠蘿沙冰係用新鮮菠蘿即叫即打，特別鮮甜，冇加糖水；另外仲叫咗一個自家製酸梅湯$13，打完邊爐飲酸梅湯可以消暑降火，啱晒

早陣子和朋友吃晚飯，其中一位姊妹大力推介這間火鍋店！好！就看看有多神！我還真的是第一次吃卜卜蜆火鍋，一直沒試的原因是怕有沙和腥味，當天的朋友都不能吃辣，所以最後選了招牌湯底(HKD168)，一鍋滿的卜卜蜆足夠4人吃，蜆肉鮮甜，如蜆肉再飽滿一點就perfect！吃到一半時喝一下湯，超級鮮甜咧👍🏻👍🏻👍🏻👍🏻👍🏻最後一共喝了兩碗，吃完蜆就可以開始放火鍋配料了。配料選擇尚算多也新鮮，必點頂級安格斯肥牛(HKD208)，雪花散布均勻，不會很肥，好嫩好好吃👅💦真是超喜歡這個湯底咧！下次一定再來試試麻辣湯底才行呀☺️

見ig呢間係黃店，朋友又想食打邊爐上左OpenRice 訂左8:30食8:06打電話黎confirm booking店員話hold 枱10分鐘，食1.5小時咁ok丫 好正常。去到舖頭準時到，店員話「執緊枱，等一陣好快」點知佢講既好快原來係要等半個鐘囉。8:30！我等到差唔多8:45！我忍唔住走埋去再問店員話「己經埋左單，等緊客走」咁我又再等啦，再等多5分鐘（8:50）都未有枱。門口果兩個同事都冇諗住行過黎同我地講幾時有位！其實根本係咪冇枱！？係咪可以同客人講，有客出面等緊叫佢地還枱呢請問！？你地要求hold枱hold 10分鐘都係想客人準時啫！點解你地就唔準時交枱出黎？第一次亦係最後一次！朋友都好嬲，直接走左！大佬丫，旺角唔係得你一間有得打邊爐呀！我等到差唔多九點都冇野食呀！咁我訂位黎做乜呀！

卜卜蜆味道稍淡，火鍋材料幾好。黑松露餃出色莞茜餃都好正呀姐服務態度好 豆卜釀墨魚滑就一般喇聖子好大隻1蚊甜蝦麻麻地雖然話2個鐘食飯時間，但都比我地坐左3個幾鐘 可以一試

為食仔海鮮火鍋專門店：旺角區好受歡迎的火鍋雞煲店，18禁卜卜蜆雞煲($138)，既香且辣，非常惹味，送酒一流！蜆肉份量非常多，而且辣味十足，越食越想食！菠蘿沙冰（$38）：大大杯又可以解辣！食完卜卜蜆雞煲後，店員就幫我地加湯變邊爐湯底。頂級安格斯肥牛（$188）（小）：肥牛放湯後一陣就食得，而且湯底辣辣地，都唔洗點太多醬料。自製紫菜炸響鈴（$58）：響鈴加左紫菜，口感冇咁寡。黑松露鮮蝦餃（$88）：蝦餃以外，仲有陣黑松露香。手打墨魚/鮮蝦丸（$62/6粒）：好彈牙，相比之下墨魚丸好味啲。油麥菜（$29）：好大份！夜晚9點半後的優惠，繼續主打卜卜蜆，蜆迷天堂！

為慶祝朋友考到車牌，所以搵一間佢鍾意食嘅卜卜蜆 ，去到先知原來九點半之後有八款卜卜蜆鍋，係可以用98蚊任食，真係超級抵！首先梗係調配好自己鍾意嘅調味料先啦！卜卜蜆鍋～ 睇住啲蜆由合口，變成開口，真係好療癒！一鍋滿滿嘅蜆，食極都食唔完嘅感覺，太滿足啦！ 而且佢個湯底係魚湯嚟嘅！加埋蜆嘅鮮味， 真係不得了！仲要啲蜆又新鮮又乾淨，一粒沙都食唔到！特級牛肩肉～ 雪花均勻，而且厚薄適中 ，牛味非常濃郁！ 真係好對胃口！鮮製韮菜餃～ 一隻隻用元寶式嘅包法， 既好食又好意頭！ 佢係非常有個性， 畢竟係鮮製，裏面嘅餡料全部都出到來自食材本身應有嘅口感。花姿片～ 白雪雪，既香又滑芝士蝦丸～ 蝦丸係手打嘅！ 裏面仲要包埋芝士餡 ！真係別樹一格！ 鮮果沙冰（柚子）～ 沙冰超級大杯，食熱辣辣嘅火鍋，飲沙冰真係好爽！ 而且佢真係鮮果製造，唔會死甜。凍檸樂～ 係支裝可樂呀！始終佢係最有氣㗎！正！新鮮畀任何嘢更重要！ 呢度個個 item都達到水準以上嘅要求！值得推介！

我真係算係一個雞煲超級fans， 最高紀錄試過一星期3晚都食雞煲😂 但自從沙田有間好食嘅雞煲執左之後，真係食少咗好多。為咗就個friend今日喺旺角食嘢， 都係搵咗間雞煲火鍋， 因為想試下卜卜蜆雞煲。好多人等位，我哋入到去坐個位置比較熱， 可能同佢用gas爐有關。個煲一上枱就發現比平時嗰啲煲身較淺， 店員好有心地幫我地炒熟個雞， 辣雞個味道夠濃夠辣， 食落唔會肥到一舊咁。 蜆都幾大隻， 不過有啲黐咗底煮得比較老。 我最鍾意都係麻辣火鍋時候食安格斯牛脊， 因為麻辣同肥牛喺分割唔到嘅一部分， 脂肪比例非常細緻， 一啖食落去係甘香嘅邪惡感😁 仲有非常足料嘅韭菜餃， 同埋新穎嘅鹹蛋響鈴， 質問兩個女仔食到最後鹹蛋響呢真係濟濟地。 所以我哋一人一杯柚子沙冰，解辣之餘亦非常涼快！

恰好行過見到街招就去試下。【咸菜豬肚卜卜蜆煲】$188D蜆就吾係話好大隻，但就量取勝，有成3斤到。太多蜆既關係，湯底勁鮮，濃厚蜆味，反而令到咸菜胡椒味吾明顯。食哂撈一撈底部，仲有好多甩哂出黎既蜆肉。【頂級安格斯肥牛】（小） $188花紋幾細緻，厚薄剛好，牛肉味都吾錯，不過濃底蜆味太濃，有少少蓋過左。【鮮製韮菜餃】$58好食過餃子專門店，極力推薦！！！餃皮煙韌勁，韮菜夠新鮮，好鮮甜又多汁。【芝士蝦丸】$78新鮮蝦肉打成既蝦丸，幾彈牙，內裡芝士幾多下，又濃郁。【鮮果沙冰】（柚子）$38【自家製酸梅湯】$13