炳記牛牛 (已結業)

lunch time 去食, 諗住呢一帶的餐廳都會幾快, 結果等左半個鐘先有野食到. 趕住返工真係俾佢激死, 問極佢都俾唔到個滿意的反應.食物: 見佢叫牛牛, 梗係試下牛啦. 唔錯, 以呢個價錢算係好食. 我個朋友食pizza, 但好似係現成買來"叮" 果d 咁.服務ma ma 地, 因為d 野咁遲來已經唔係好想食, 不過如果你唔係趕時間, 值得一"等".

平就真係好平,焗飯都係$25,仲有d十幾蚊o既野食.而且d野食都幾特別添!不過味道就真係麻麻啦....(食左個法式pizza同三文魚焗飯+木瓜奶)d 人又唔騷你咁,地方又逼又窄,行又冇掟行,坐又冇掟坐,逼到好似沙甸魚咁,太差了!

每一次黎親旺角都差唔多去呢一間食飯嫁,因為呢度都算平又好食, 焗野即叫即焗,連埋飲野都係加兩三蚊咁啦!我諗係旺角都冇咩店舖有佢既水準啦!

呢度的食物水準只係一般，特別係有些菜色我嫌味精過重，試過食一味芝士焗菜胆，好咸！不過，我都係好鍾意嚟呢度，差不多每次去旺角都會去，點解，因為而呢度係旺角區才有的全店禁煙食店，無他選擇。

果次我食飯同叫左2 樣野但記住呀下果2樣野係唔同汁O既但佢黎到又係同一樣汁,一樣味咁我就問D WAITRESS啦,佢話係咁GA BOR,食唔到唔同味咩?我就話我O係深水涉果間食話唔係咁GA BOR佢就冇聲出...我其中一碟食左一粒之後成碟冇食過...醒目O既都CANCEL左佢啦,仲要我比$呀???

芝士焗年糕好怪雞架,又硬,但焗飯真的又平又好味,尤其是卡邦尼海鮮焗飯,讚!! 不過要有心理準備環境頗窄及嘈呀

今天三人晚飯時間去到, 初時都唔駛等位, 但後期就要了! 要了芝士焗海鮮飯, 芝士焗三文魚飯及芝士焗秀珍菇意粉! 芝士焗飯, 很香芝士味, 味道也濃烈, 不錯! 但焗意粉就太焾了, 味淡, 不好吃! 又叫了數個小吃, 椒盬螺肉, 魷魚筒, 芝士西籣花及秀珍菇牛肉卷, 全部都只算普通, 但也很便宜!飲品叫了雪糕蘋果茶及木瓜奶, 蘋果茶都算ok, 不難飲, 但有d 過甜, 木瓜奶就不知道了!

佢d 焗飯好好食, 我同過不同的朋友到此, 個個都讚它好味, 不過, 我反覺味道較濃!各位都贊同是它的飲品是很難喝的!環境實在太迫, 想同朋友談耐d, 都唔自然, 且很多人在排隊啊!

要在旺角找完全禁煙的食店，可謂絕不容易。但炳記給我的印象猶如鬧市中的一角，氣氛寧靜之餘，加上美味的三文魚焗飯，寫意二字可謂貼切不過。當然，其他焗飯的味道也不錯，芝士湯底的茶餐亦頗有特色。在旺角走得倦了，這裡是歇息的上佳選擇。

之前見到好多網友仔話呢度好好味,同朋友一齊去食...個白汁雞肉意粉都幾好gei,我o地仲叫o左2個小食(金菇牛肉卷, 芝士焗年糕)前者還可以, 後者真係超難食呀,有好大浸膠膠地既味, 食一啖都成碟唔掂...價錢算係平gei, 不過因為佢即焗就會慢少少啦

我之前去過深水步和旺角食過,我經常食b餐套(28),很便宜,我有食雪糕,很唔錯~我第一次食焗飯,很好味~~我很飽,我和朋友傾計太久~~唔會趕走,可惜要加一收費,我唔介意~下次我會去幫襯

一向都覺得牛牛幾好味, 尤其係d焗野. 但星期日去食lunch, 叫左一個焗意粉, 再加$3叫多杯熱朱古力. 食晒個飯之後, 諗住想飲杯野, 但一聞已經覺得怪怪地, 之後飲一啖仔, 即刻感到強烈的漂白水味, 個口重有d苦同麻......辛好個店長態度算好, 話會同我換過杯, 但我最後都係cancel左佢算啦....我決定食牛牛都係返去深水埗 算啦~~!

平價焗飯意之選，小食一般，焗類夠熱，但碟底仍有水份，影響味道口感。最大優勢是平，還可申請會員卡，好似十蚊定廿蚊。

佢既葡汁同坊間唔同,分分鐘唔係正式既葡汁,但我覺得個汁好好味,葡汁雞扒飯係最正既,芝士汁雪魚焗飯都好好味,個汁唔太漏,但好rich,滿到瀉,d配菜有西芹果d,好特別,係個魚少左d另一次食海鮮焗意粉,唔好味,汁太少,都係飯正d其實呢間真係唔錯架,d野夠熱,份量足,又平,係d"餸"充滿金太郎既味道,我諗係肉類製法相同掛~?

上一次光顧牛牛已是去年年初的事。印象中的牛牛跟其他旺角的年輕人食店差不多－－價格相宜、以同類食品作賣點、食物不算好吃，能飽肚就是、侍應生年輕但缺乏經驗、服務不合格……牛牛的以焗飯或粉麵為主，算是在旺角味精叢中一個比較清新的選擇。相隔差不多一年，覺得牛牛的服務系統化了不少。從前的店員都是年紀很小的小妹妹，不是小看年輕人，不過真的是明顯的缺乏訓練而經常出錯。這次光顧，牛牛明顯想改善服務，有店長以外，員工的態度比從前積極有耐性，而且還在牆上貼上員工架構圖，不錯！好，廢話說完。這次點了「腿片豆腐肉醬飯」，看名字和圖片後，以為會有火腿、豆腐、肉醬，上檯時才知道原來「腿片」是用來形容那些片狀的豆腐的……不過，沒關係，有了不一定會比現在的配搭好！這個肉醬飯，大概可以把它當成茄汁免治牛肉飯看待－－我們常吃的免牛飯一般會加蛋，這個點綴雖好，但不免會覺得滯膩。現在配上滑豆腐，把肉碎的滯膩平衡過來，很清怡。希望牛牛再努力，多創作新菜，那在旺角便不用捱味精了。