炳記牛牛 (已結業)

我係炳記牛牛常客，差唔多去親mk 都會去食，鍾意佢環境乾淨，茶餐廳價錢，餐廳o既食物質素，而且套餐凍飲唔駛加兩蚊。XD呢度o既焗飯/意粉好有水準，即叫即焗，大大碟，好多時三五知己飯聚，叫兩三個焗飯/意粉，再加幾碟小食已經飽晒。以前o既最愛係卡邦尼海鮮焗飯同牛仔粒，上兩個星期去有個新o既扒餐，試o左個雞明星，個香草汁好得，$$33 連o野飲同沙律，抵食！但係，正因為係捧場客... 亦都親眼見證住佢o地o既服務走下坡... 開張初期，店員態度好nice，好笑容，而且真係會顧客至上。試過有一次同朋友去食tea，點o左個螺肉小食，又un 又硬，雖然個味道好好，但係因為真係咬唔到，我同朋友都放棄o左，碟o野幾乎係原封不動。食到一半，店員埋o黎問碟螺肉係咪有問題，因為佢見我o地冇食到，我o地同佢講返個情況，佢話會同廚師反映返，跟住就見佢行o左入廚房同廚師講o野。當時我同朋友都好surprise，俾茶餐廳o既價錢，但係有高級餐廳o既service，令到我同朋友都好鍾意呢間餐廳。但係近年再去，笑容少o左，服務態度亦都冇以前咁誠懇親切。雖然話茶餐廳價錢，唔可以有太高要求，但係相比返以前，真係有o的失望。

叫左個小食...... 係螺肉$12 雖然份量小，但好味！仲叫左2 個焗飯，各$25 ，熱騰騰！D 汁幾好，份量算多！以女仔計！等位算快，但迫，又要搭台......個到食野比茶餐廳平...幾好下次會再試過其他茶式

我係炳炳的常客，尤其是夾完BAND11.00幾，無乜邊度有野食，呢間就係最好選擇，依家仲開左分店，都係係女人街0既。先講下食物，可能我一去到就食佢地既焗飯，所以都無乜出事過，而且每次水準都好高，因為係即焗0既，個碟仲熱傷手0既。幾乎每一款都試過，其實D味係差唔多，都係白汁芝士，有一兩款好似唔係之外，只係D餸唔一樣。廿幾蚊有咁0既質素真係已經無野好講。PIZZA仲抵18蚊有交易。唔可以話係好意大利0野，都係香港人口味囉。但價錢可以話好抵。加2蚊仲有凍熱野飲。不過勸大家唔好加8蚊飲D乜鬼珍珠雪糕乜。係超唔好飲0既。飲返平時D奶茶檸水好過。D服務就一般啦，係旺角食野D服務一向都唔好得去邊。環境OK，不過成日有人搭枱，有電視睇(不過有時唔開)

兩個人唔知食咩好,見到間野個名幾得意就行入去,點知咁就領野啦!!法國pizza---好普通,無咩特色,除左芝士ok多之外,不過$18都食得過,如果你唔多要求的話芝士焗年糕---係超難食,$12有4件,見到有d水浸住已覺怪怪地,我地一人一件擺入口,好甜囉,又硬喎,好大陣粉味,即刻down晒特色豬扒焗意粉---又係唔得,d豬扒勁鞋,用刀都好難鋸開,意粉又林,個汁又無乜味,總之食完大家都好後悔囉!!

雞明星$33, 雞扒可配飯意薯菜, 揀左個凍檸茶, 又有蟹籽沙律.

佢既焗飯同佢既雪糕野飲真係一流~下午午餐好抵食~夜晚就太多人,有時order完起碼等到發哂霉都未上~上次去叫左一個雪魚焗飯,等左半個鐘都未上,叫d侍應跟番張單,點知又過多十五分鐘都未有,仲要上錯左...之後同佢地講番,點知咩都唔講就咁拎番走...再過多一陣,仍然冇人理,再吹多佢地一次,點知有一個侍應話7號枱好煩(本人坐7號)...所以下午去就穩陣d~$25-$28一個美味焗飯事實真係幾好,料足同夠芝士味!即焗都幾爽~但服務如果改下更好~

琴晚專登黎試下呢度出名ge焗飯........兩個人食左一個卡邦尼海鮮焗食.....正...d芝士味好濃只不過係$25,仲有一個pizza.....不過不失....仲有小食...chicken wing...呢個真係唔好食.....呢度全面禁煙...正...食得安心..... 不過係窄左d總之....又平又好食

我之前響呢間度做架~但而家聽到大家話佢地服務差~真係!心涼~哈哈~我六月無做啦~(Free Smile~果個唔通就係我！哈哈哈哈！多謝！)大家其實間野D野食係好正架~不過就真係迫左D~叫焗飯要預左等好耐!!不過真係物有所值廿幾蚊一set餐~又禁煙!!正~夜市會常出亂子點~最好是二點到五點去食~呢段時間唔太多人~因為唔係正餐既時候~小食都大碟D~抵D~過條街開左間新鋪！即係東京一番隔離！咁又多個地方比大家去試！！

是否服務與食品質素就不能作個正比?牛牛的確是鐘愛的店鋪，但它的服務的確不敢恭維﹗侍應悠悠閒閒，叫了數次才有反應，還要給個'阻礙'的表情，的確想問他我進店不order 還能做什麼???點了個卡邦尼海鮮焗飯、蜜瓜珍珠奶茶、黑珍珠咖啡。先說焗飯，味道不錯，焗得很香，海鮮足料，三大隻青口，兩隻新鮮蝦，賣相還好，炒飯作底亦見不錯，但沒了白汁伴吃的確有點乾，難於嚥下。蜜瓜珍珠奶茶: 蜜瓜味濃，但未見搶過奶茶，可作一試黑珍珠咖啡: 兩者不能相配...不作推介

我total去過2 次，上次食蕃茄焗豬扒飯，超good﹗前幾日去就食蕃茄焗雜錦意粉，有腸仔粒﹑札肉粒﹑蟹柳等等，反而呢個意粉就味道一般，我覺得唔夠酸XD提提大家，如果大家唔係太肚餓可以叫焗意粉，因為會細碟d^_^我都覺得佢地待應的服務唔太得,很被動同埋成日掛住圍埋一齊傾計~

我都係first one 黎ge~我昨晚同d朋友黎eat dinner~我幫襯左個鱈魚飯~焗得幾好eat啊~叫左pizza~又幾eat喎~但place too small la~我們一行7個人坐得好迫law~本來係坐4個人ge~~severice唔係咁好law~但都有幾多人在門口等~

星期六晚仲報緊六點半新聞，阿姐出黎話係即刻焗，於是幫襯左個鱈魚飯$25，有芝士味，等左好耐但都唔夠熱。小食蜜糖粟米，$12，明顯係開蜜糖水，唔得。金菇，$12，ok。燒三文魚頭$20 ，好大個呀。杯野飲熱擰蜜漏左單，佢送黎時得半杯，我地嘈佢就斟多少少比我地。唔見大家話好笑容果個伙記，反而係度門比客開左都唔醒目去關搞到d熱氣走晒入店。都幾迫下~

服務差！　食品差！　食品同０係ｍｅｕｎ裏面既相完全係兩回事！！我俾十個差已經係好仁慈！！＜巴黎汁鮮魷焗通粉＞同ｍｅｕｎ裏面既相完完全全係兩回事！！ｍｅｕｎ裏面既係原隻魷魚，但事實只得幾個魷魚圈。＜茄汁牛仔粒焗意粉＞（個名大約係咁。）牛仔粒少到冇人有！！個汁又唔好食！！我唔想虐待自己個胃，所以食到都冇一半，就冇食到！！＜芝士焗年糕＞大家一聽呢個名都諗住佢十成十係咸既。我都以為係！！但我一挾黎食既時候，發覺個所謂既芝士汁．．．竟然係甜既！！仲有陣椰汁味！！痴線嫁！！！！！！！！！！！！！！！＜蒜味雞柳＞（個名大約係咁，但我好肯定係雞柳）所謂既雞柳，原來係一塊雞扒剪開．．．唔好味！！總括來說，呢間舖ｄ野係．．．好難食！！　服務唔多掂！！我唔會再去！！！！！！！！！！！！！

早前有朋友帶我來這間野食... 我地4個人. 分別叫左唔同的野食.. 我點左個牛魔王(7成).. 味道不錯.. 又有沙律又有野飲... 另外3個朋友就點左焗飯.. 味道好過前面果間新x林...同意留下... 入面隨左果個掛住好sweet笑容的waitress外, 其他果d人的services真係麻麻... 果個waitress仲好醒.. 我隔左4-5日帶阿媽去果度食.. .我又係叫左個牛魔王, 果個waitress一放低份就問我係咪要茄汁.. 哈哈.. 好好記性...不過有次佢就miss左入張單.. 佢就馬上同我入返之餘仲不停say sorry~~不過見佢咁多次佢的services都唔差.. so我都唔緊要, 返正果日又唔係趕時間...

一行三人, 坐低, 要了兩個飯, 一個意粉:卡邦尼海鮮焗飯,鱈魚焗飯及墨西哥汁火腿焗意海鮮焗飯略嫌濃味, 鱈魚ok, 個腿意就差啦......仲要覺得係冇焗過, 味道淡, 唔好食.......其餘兩樣就嫌過多鹹味雖然是加多幾蚊就可以加凍飲, 但就唔好味, 連凍華田都咁難飲先勁呀.......好甜, 冇華田味不過就算便直,一客飯盛惠$25, 另加一另外,想提的是, 那裏的侍應十問九唔應, 扮聽唔到, 唔記得, 話說我們坐近門口, 入來時已麻煩侍應待有位時轉枱, 因為唔想坐在門口位食風, 但眼見有枱, 我們都已經開到聲要換,其中個待應就只說: "想轉抬喎", 然後卻招呼甚他人就座, 那時我們才剛開始食, 沒有承諾可言, 又扮聽唔到,睇唔到, 唔得閒理你值得一讚的是, 比較好的一個侍應, ok 後生, ok大眼, 掛著親切笑容, 有禮貌