炳記牛牛 (已結業)

旺角已經有兩間牛牛呢, 我想講的那間係向女人街中間的去過幾次, 價錢平過茶記, 飽又飽D, 又唔使等位情侶去食的話, 可以叫兩個飯$25, 加餐\\\飲都係$2特飲好似有$5同$8另外叫多個PIZZA $18, 就己經飽的了他們有收加一, 但加埋都係八十幾, 用會員咭仲有某些優惠

好抵食呀做埋會員年費都只係$20有好多優惠又可以o係度其他鋪頭用(金太郎...)推介:小食芝士海鮮飯/意PIZZA都好抵唔好:其中一個小食:芝士年糕

好多時候旺角逛街、練完拳後，平價選擇都會選這家餐廳；主因是這裡是完全禁煙的；個人來說真的很怕煙味，尤其那種在餐廳坐一坐，回到家連衫褲都有一股煙味的感覺。這裡主打焗飯類，近來亦有新加Pizaa、扒餐。比較常點的是卡邦尼海鮮焗飯，厚厚的白汁加上青口、蟹柳等，味道不錯。曾試過這裡的Pizza，份量不太多，練完拳出完一身汗後食都算OK，但味道不過一般，比麵包店那些所謂的「Pizza」好少少而已。其他焗飯都OK，新有個日式照燒雞扒飯都不錯的（還是山賊汁?!不太記得）。這裡最大的缺點是地方迫窄，想轉個身都難，起身付款就更加是要擾攘其他檯的朋友。

屋企唔煮飯,o係街行尼行去唔知食乜?求其食D平平地o既野la.叫個牛魔王晚餐.前菜有鮮菜沙律,成分有西芹,紅蘿蔔,生菜等,都幾清新,但缺小鮮果o個種甜味.主菜牛魔王係兩舊頗厚o既牛柳,七成熟,切落有小小韌,但食落都ok,起碼唔係乾爭爭,以咁o既價錢尼講係好唔錯架喇.意粉腍左小小,反而配菜:連皮炸薯條,車喱茄同西蘭花都幾好食.質素相對價錢比好多食店都要好.

前幾日行開女人街,見侍應o係門外推介$22午餐於是入o左去食.叫o左焗牛柳粒飯同埋熱柑桔蜜.個焗牛柳粒飯應該係新鮮整起,所以都ok,牛柳粒唔算多但唔韌.熱柑桔蜜就一般味道.最唔開心就係o係埋單時個收銀姐姐突然話要收加一,但好似o係order紙上冇寫明,有D被屈錢咁!本來食物ok,但咁唔老實o既餐廳我會列佢入黑名單!!

去開會前醫肚. 黃昏六點, 成日o既第一餐, 真o係誇張.海鮮焗意: 我o係無飯o既, 但見倒佢d意粉煮到超級淋超級肥大, 攤o係d冇味白汁中, 真o係好後悔冇叫飯...海鮮預左無味, 有青口, 魷魚, 蝦, 蟹柳. 法式/巴黎汁pizza...唔理佢同法蘭西有咩關係, 好味就得. 份量對我地兩個廿零歲日嗌減肥夜嗌減肥o既女仔o黎講o岩o岩好(provided that 我唔o係食左好多意粉啦, 當然)加兩個drinks, 埋單好似每人唔使三十. 不過開完會即刻去PCC歎杯tall乜乜...分分鐘洗得仲多過呢度.

今日lucnh 一行4人食,d 野黎得好慢,差d搞到小弟遲到...........我見到個fd 個海鮮焗飯同埋豬頸肉就幾好味,我果個咩巴汁鮑魚味道就得,份量就欠理想...........$22,包杯野飲~~~午市免收加一~~~

平安夜下午，跟妹妹和弟弟看完harry potter，記得之前有不少食家都說這兒又抵又好食，於是便拉他們來這裡來一頓下午茶。入到去，有個幾好貌o既waitress招呼我o地，我們要了兩款小食︰蜜糖粟米同唔記得乜o既螺肉，另要了一份pizza。螺肉炒得夠香口，但粟米o既蜜糖落得太多，有點溜，pizza係厚底o固種，焗得唔錯，可惜唔夠芝士(弟弟說的)，餡料也很豐富，整體來說其實不錯。可惜是收銀的服務超差勁，在結帳時，收銀說$62，但由於我不知道要加一，所以同佢理論，後來弟弟指貼在收銀機隔鄰的那幅牆，我才看到要收加一，本來我已向她say sorry，但點知佢竟然罵我唔看清楚就嘈生晒，我當時真係好嬲，若不是因為那天是平安夜，我一定同佢嘈過。

星期日下午在旺角途經"炳記牛牛", 朋友說它價錢便宜, 味道又不錯, 便吃了個下午茶. 我叫了個"八爪魚米線" + "熱阿華田".米線但淡, 應該是味精/雞粉加水著成的"湯", 只有3 隻八爪魚仔, 八爪魚吃完了, 米線才吃到一半. 熱阿華田又有點淡. 朋友叫了個"芝士焗磨菇金針菇意粉", 磨菇和金針菇又是超少. 朋友吃到一半又是吃不下去. 下午也要收加一. 總括來說, 他給我的印象是不行.

上星期六朋友約我去旺角上街,我,男友和朋友諗8點晚餐,我建議我們去炳記牛牛食,我們無問題,見很多人坐位,等十分鐘我們坐位,很塞~~叫食單後等二十分鐘比我們食,唉~~問題很多人等,我唔介意我和朋友食餐套a,(芝士湯底火腿意粉,炒蛋和多士,我飲凍檸荼,朋友飲熱好立克)1個$23,2個$46,男友食焗三文魚柳意粉,飲凍檸荼$27,我feel芝士湯底火腿意粉很好味,炒蛋冇味>,<多士很ok,凍檸荼很麻麻,下次我會幫襯!$73+加一收費$7,付$80!!

今日2個人去食左個扒餐............牛魔王+ 豬八戒牛魔王配黑淑汁+ 飯(8成熟有少少"un")豬八戒配洋蔥汁+ 意粉(豬扒好爽口)2個都好ok~~~扒既份量以女仔黎計都幾飽值得一試service今日都算唔錯

芝士焗銀雪魚焗飯- 有黑色既魚皮, 有骨, 重要有細骨芒果珍珠奶茶- d 珍珠用飲管飲唔到, 因為係一大餅螺肉小食- 話明螺肉小食點解主角係洋蔥芝士焗年糕- 芝士咸,年糕甜? 未去到難食,但唔好食得去邊

早兩日同屋企人黎食可能太早去到所以入到去都好似無人理我地我地叫咗兩個餐同一個熱狗一個沙律+凍檸水同一個意粉餐+奶茶嘢食清清地ok la嘢飲就唔得...我地食咗d嘢唔夠兩個鐘就肚痛喇我諗下次去都係好耐之後既事lu

呢度的焗飯焗意, 我在深水步都食過, 覺得大件夾抵食, 尋日要去旺角, 決定試一試呢間,點知...真係好失望囉....叫左一個帶子焗飯, 一個焗意, 個焗飯黎先, 個汁聞落怪怪地, 但食落都冇乜野既..帶子好似有5粒, 冇其他配料, 我覺得比起深水步果間份量少好多囉...我同男友share食, 好快就食完,個焗意仲未黎, 個焗意係煙煬意粉, 個汁唔係咁得, 好稀,我覺得焗意粉個汁唔應該係咁稀的...又係得幾件切開的紅腸....d意粉好林...冇味...係茶餐廳貨色....野飲方面, 男友個香蕉牛奶ok,但我杯木瓜奶完全冇味, 好彩佢都肯換過杯俾我!環境方面, 在旺角食野, 又係呢d舖頭仔,都預左係迫, 佢仲成日會要求人地轉位係就d新來既客..我覺得唔係咁好囉...好煩...但男友話, 呢度價錢平, 一定係一分錢, 一分貨...咁如果用此作標準的話, 呢度的黎得過的,但唔好有期望囉......... p.s. 我覺得隔幾間舖的"new forest"好食好多!!!又或者深水步果間都好過旺角呢間囉!

今日同個Frd買完o野o係女人街搵飯食, 見到炳記牛牛幾抵: 兩個都食雞明星, $33加一有沙律, 雞扒, 薯菜/飯/意粉, 同埋o野飲!雞扒應該係普通o既咖喱汁, 味道略淡. 我點左意粉, 但就唔算好熱同埋太過\"林\". 不過如果當係茶餐\廳咁食就絕對係唔錯o既~見到隔籬台三個人係就咁叫左好多$12蚊碟o既小食, 如果想一次過食好多款, 呢個都係好選擇!