炳記牛牛 (已結業)

一個lunch係旺角食先HK$23都唔算貴, 女仔食得飯的, 男仔就真係唔太夠喇, 不過, HK$23 你想人地俾d 咩你食. 一分錢一分貨, 這間算okay, 當然味道真係好普通喇…

又同同學仔搵野食, 佢又係黎過呢度好多次，so我叫佢介紹有咩正野, oo...全部都係芝士咩, 白汁咩, 我個人又煩, 唔太好呢d野, 於是叫左個米蘭鮮茄雜錦焗飯+葡汁煎餃子個飯都係有少少芝士，可能是焗飯既必需品，但我可以接受，其實真係幾香, 汁好味，不過呢款衰在冇咩"送"，但價錢好都幾抵, 2幾蚊+3蚊有杯凍o茶, 個葡汁煎餃子都幾好, 個葡汁好似同平時食既有d唔同不過呢度最奇怪係要收加一，茶餐廳格局，完全冇service

又係呢間，哈，因為做完Gym，真係會好夜。禽晚叫我的至愛，米蘭鮮茄雜錦焗飯，加飲品，都係$27。但今次個焗飯無咁好味喇。Too much cheese.同埋d飯頗濕。暖暖有係叫那個飯。唔悶咩?

做完gym，又累又餓，就黎呢度開餐，我食返肉醬豆腐意粉，好好味，阿暖就食巴黎汁雞扒飯。食食下，有個waitress大叫，話原來見到大強，於是我都心諗一陣隻大強又會唔知係邊出沒，就想快快吃完走人。到食完差不多要走時，真的見到大強又跑了出來，在貼近天花的牆邊。此時見廚房的一個師傅不慌不忙走出來，用一塊毛巾生檎大強，再把牠衝落toilet。全程都是很冷靜的，我們在坐數檯食客的女士，無不歡呼及拍掌，場面都幾搞笑下。不過笑還笑，還是覺得很核突。

講真! 哩間真係比我預期中好我午飯同男朋友黎食..一個叫左芝士焗海鮮飯..一個叫左豬頸肉焗飯d 野食都黎得幾快佢一黎果野我第一個感覺係夠熱食落去.. 個味道又真係吾差家喎!d 芝士同汁都吾算少個海鮮飯d 料都ok 多而且份量都夠2多元..真是不俗了

前幾日同老婆去mk搵野食係呢個網見到呢間野,就去try下la去到無咩人,但感覺唔錯叫左芝士豬頸肉飯同芝士海鮮飯真係唔錯佢黎送時我同老婆打緊機,無look到個飯,但d heat迫到埋黎,好難得會hot到甘,正d料幾足下,$23到既價錢真係值,唔錯!

本身今日同屋企人出街食飯, 家姐話想食焗飯就諗起"牛牛", 但我相信食完今次, 我地都唔會再去食. 一開始大家開開心心, 寫緊餐單圈上自己想食既食物, 之後比個服務員, 一陣間, 服務員放左柸"咖啡", 我跟住同服務員講, 我要既係"奶茶"唔係"咖啡", 佢叫我等一等, 我心諗佢可能好忙, 轉頭幫我換個柸"奶茶", 大約十五分左右, 佢竟然拎番我寫既餐單, 仲話我圈既真係"咖啡"唔係"奶茶". 之後我同佢講"咁我圈錯左我唔飲咖啡, 可唔可以幫我換", 服務員答"唔可以, 你真係咁圈" 再加上佢既態度極差, 仲立即"黑面", 宜家咁既服務態度係唔得架, 就算間餐廳d野食好好食, 價錢好鬼平都好, 咁既服務態度, 已經令到客人唔會再去食, 希望餐廳老闆正視下問題. 我都希望大家食飯都能夠開心, 而唔係"一肚氣"奉勸大家:唔食好過食......

好鍾意去牛牛。因為又平，又飽，又好味，食完唔會口乾，感覺幾健康，滿足。而家有開心卡，更加要捧場啦。晚市生意很好。常要等位。焗野係必叫的。我要了米蘭什錦茄汁焗意，即係好多腸仔，扎肉，不過都幾濃cheese味。輕手點會好些。我都成碟清晒呀。暖暖要的是巴黎汁雞扒焗飯，呢個幾好味喎，不過叫走onion搞到成碟縮晒水。用了送一杯芒果珍珠。都ok!

行完megobox, 意猶未盡, 走番落旺角繼續shopping. 行到肚餓, 今次的目標想在女人街搵野食. 自己未試過呢間(雖然小二已食過好幾次), 記得comment唔錯, 拉埋佢一試!點左:焗白汁磨菇芝士石斑意粉–味道唔錯, 魚柳無咩雪味, 個芝士汁唔算太膩.燴牛柳粒飯–個汁唔錯, 牛柳粒尚可, 唔算太勁鬆肉粉!芝士西蘭花–一般, 得好少西蘭花, 但勁多芝士汁…蒜皇雞翼–即炸, 蒜味好香, 勝在唔會過火. 雞翼本身亦有先醃過, 唔會外濃內淡.環境預左係迫, 服務預左一般. 不過, 這裏的焗品真的不錯, 最緊要係熱辣辣!! 可再試!!

上個禮拜同朋友準備係睇戲前充飢~見時間尚算充足叫左兩個焗飯~之後同朋友一邊玩nds~一邊等!點知等左十幾分鐘都未見有得食~之後就問下會唔會"流"左單~(果陣時人唔係好多~正常無理由做唔切掛)跟住果位服務員走左去電腦check~check完就問廚房既同事~隔左一陣有另一個人拎住兩個焗飯比轉服務員!其間既對話:要時間整架ma~唔洗吹ar~服務員知道我地好近無出聲~當碟野放左係我地面前既時侯~果位廚房同事即係講:哦~原來有人吹單~唔怪之得眼望望!聽到呢個說話後無出聲~但係可能一肚火食咩都無味!個焗飯上面既芝士碎~聞到over cook既味道~相信係將面層焗焦左既芝士片走~然後再加番d新既芝士上去燒番佢!然後到食飯~圍邊既焗到變左飯焦~係果一刻我只可相信個焗飯一直係個爐度~到我吹單既時侯再加工!!!今時今日咁既食肆我真希望要大大改善~都算係open kicthen形式既食肆更加要注事自已既言行!

同女朋友去左呢間餐廳食野，我叫左個叫咩《牛魔王》扒餐。其實我對牛扒0既要求都幾高，既然佢擺得出黎，我就即管試試。不過當個waitress問我幾成熟時，竟然同我講：「1,3,5,7,9」....唔通我會叫1成熟嗎？定係食RAW？咁我就叫7成啦。點不知個餐黎到，塊牛扒出晒血之餘，仲要冇牛肉味，完全係雪藏雪到冇晒牛扒鮮味......好難食......各位，可能我食牛扒唔係多啦，我食七成一般只係會見少量血水流出來，甚少情況是在七成下，一按就像流血一樣湧出來。似乎廚師火候還未到家。最後，正如其中一位食評人所言，一家咁普通0既餐廳，竟然收加一......仲要好似想趕人走咁......太差喇！i never try this restaurant anymore!!!

星期一同女友係極度肚餓之下入咗去呢間嘢醫肚,以前有食過都唔係太差.不過事隔半年質素直線下降, 是日我地叫咗卡邦尼海鮮焗飯同三文魚焗意,食物份量相比之前少了三分一.飯係半生熟都幾有特色,意粉就好似澎脤咗既上海麵又係特色之一.雖然經濟啫都冇理由愈做愈差架??!衛生方面就十分環保, 因為d匙好似冇洗過,黏著液狀物體(難道又係特色之一??), 叫waiter 哥哥去換, 佢好唔情願,但佢好好人換咗一支黏住飯粒既俾返我(真係多謝晒!!).再叫佢換,佢擰轉背用手指"了"走d飯粒俾返支匙我.(成個過程十分環保, 不過我擔心waiter 哥哥開完大冇洗手,亦驚上一手食客有病.)於是叫佢再換... 不過我以後都唔夠膽再幫襯佢啦,因為我怕會俾人毒死(因為本人抵抗力比較低)!原本我都唔諗住上來寫食評, 點知今晚又有朋友不幸中招,我唔想各位食客再中招所以特登registered上來同大家分享下.今晚d朋友女既經仲恐怖,由於佢地成班女仔,個男waiter(箭豬頭)成日借d嘢用下身貼住其中一個女仔既背脊係度迫來迫去,分明非禮.(我唔在場,如果唔係一定報警等大家開心下.)所以同各位女仕請小心waiter啦...唔好

28/5/07想食平d所以同朋友3人行黎呢到喇佢\地2個都未試過呢到既野食我當然推薦下=)最後我簡左肉醬意粉而朋友就簡左巴黎汁雞扒飯同意粉同埋1個pizza share食我個意粉好正..好熱辣辣..不錯而佢\地個d..個飯會好食好多..haha個18蚊pizza..雖然平雖然細左d但咁平既價錢就有好食..好難得~仲好味過pizza hut個隻最好pizza 1黎就食..因為熱辣辣個隻感覺真不錯~埋單3位102真係好抵既1餐\仲好好味好值得1試ga

早幾個星期再次光臨了炳記牛牛的旺角分店，吃了一碟米蘭蕃茄什錦燴飯。那是個我有生以來吃過最有趣的燴飯，它完全是將「什錦」這詞語的精髓發揮得淋漓盡致。蕃茄菠蘿肉腸固然有，「驚喜」的是連蟹柳豆腐乾椰菜絲等也一併被加進去了。沒什麼蕃茄味？那不要緊；蕃茄肉也不多？那都不要緊。因為它的配料真的很豐富，而且還豐富得太過份。除了不知所謂外，我也想不到其他更合適的形容詞了。

最近經過旺角係尼到食過幾次，我覺得Ｄ質素都唔錯，而且都keep得幾穩定，次次都係新鮮焗起，而佢地Ｄ野飲都好得。不過佢地個環境就真係好細下，坐得好逼，好唔舒服但整体而言，如果想係旺角搵個地方平平地，野食又唔錯，尼到係一個唔錯的choice.