炳記牛牛 (已結業)

又來這裡了，通常在女人街附近，無咩頭緒，就會揀呢度，因為平靚正。去勝利道前，可能緊張，無咩胃口，同暖暖Share一個餐，卡邦尼海鮮焗意，雖是我不愛的白汁，但都可接受。因為都係夠熱辣辣囉。暖暖又加錢飲"定情"的香蕉珍珠奶。但今次係無味架。其實我地每次o黎，都話點解唔申請其一年的集團會員卡。但又真係次次得個講字，的唔起心肝實行。哈!其實都好似係廿蚊o者。

同JJ行旺角,之前已經食左少少野,到左十點幾諗住食d野,咪提議黎呢度食飯,因為聽人講D焗飯唔錯喎入到去地方唔算大,我地要同人搭枱,點左個特式焗豬扒飯,材料當然有主角豬扒、菠蘿、磨菇,(豬扒都幾鬆軟,芝士又香),小食就點左洋蔥雞柳(雞皮脆,肉又滑,好味),飲品係熱朱古力同凍檸檬茶價錢又平,D野又唔錯,值得一試...

經過炳記牛牛, 見到都幾多人, 所以揀左呢度食飯.d野食好平. 我點左個芝士焗煙三文魚飯. 幾好食, 包餐飲都係$25. 仲叫左個pizza, 串燒帶子, 雞翼. 全部都好食. 仲好平. 埋單每人都係$50. 飽飽的. 我很滿意. 不過朋友的牛魔王餐塊牛扒就太硬了.

同友人睇完戲，於這裡食晚餐，叫了巴黎汁雞扒意粉和黑珍珠香蕉奶。雞扒同意粉都好普通，d汁都係不過不失，三十多塊，差不多了~杯飲品幾淡，如果喜歡仙跡岩的珍珠，這裡定必無法滿足你，因為它真的好『林』，細粒~~服務都不俗的，食下都ok的，不過唔係好喜歡加一服務費。

早兩星期試了炳記牛牛的旺角分店，要了意式肉醬焗飯。第一次吃炳記牛牛的焗飯，很多人也說portion很細。到我這次吃才知道是真的，怪不得這麼便宜了。其實意式肉醬應該是茄汁的，可是她們做的肉醬卻一點蕃茄味也沒有，還好味道也算不錯，只是肉醬少了點。但她們卻在肉醬中加了很多長條形洋蔥，很九唔搭八的感覺。

豬頸肉焗意粉: 原來係白汁,同啲豬頸肉好唔夾,啲汁同啲意粉無乜味,所以都無乜點食過但係試過朋友仔個巴黎汁焗飯就好好味,可能自己唔識揀,下次會試下其他野食要左個雪糕蘋果奶: 呢個都唔錯,唔會太甜,不過飲完己經好飽最唔抵係要加一,又唔係啲咩高級餐\廳

聽人講呢間野D野食唔錯...今日就一於去試下...由於係接近十點先去...所以間野唔算太多人...一入去就見到個伙記坐o係度食緊野...冇問題...人地都要開飯於是我同GF就去左搭枱...坐到咁上下見到一枱人走左諗住坐過去啦...點知o個個伙記好快咁坐左過去...我都未見過一間食肆D伙記會同客爭位坐...咁都算喇...既然係咁...我同GF就坐左去個伙記開頭坐既位度...叫左一個pizza(淨係記得配巴黎汁...唔記得左個名...)同埋一個三文魚焗飯...上菜既速度都算快...個pizza就一般...不過唔係好明隻汁點解叫巴黎汁...至於個焗飯就唔錯...食完唔會好滯...整體上味道都好味...不過唔知點解食到咁上下竟然有個伙記坐o係我地張枱度對住我地o係度"撩牙"囉...我GF話睇到佢咁即刻飽晒食唔落囉...最唔明既係...點解呢間野要收加一...

(28/11/06)睇過人地寫都讚,而且男友食過,都讚好。扎肉通粉,雖然通心粉質地係差d,不過湯底用半稀的忌廉湯,好特別,感覺無咁單調。燒三文魚骨,好油,不過好香,點埋個汁,好正!帶子焗飯,有五粒好新鮮既帶子,茄汁主力,芝士味勁香,飯又唔爛,份量相當o岩。

今晚同朋友仔o係旺角睇戲入場前黎左呢度食個early bird dinner叫左火腿鴛鴦焗飯同牛柳粒焗飯(各$25)跟餐各加8蚊要蜜瓜珍珠奶茶同雪糕珍珠奶茶飲品先上朋友仔既蜜瓜奶茶太甜我試飲一啖即刻想嘔叫佢加番d茶即刻黑晒面算,我忍你!!我既雪糕奶茶好重奶味但幸好唔太甜加埋雪到凍冰冰既朱古力雪糕都算ok焗飯等左一陣先上朋友仔既鴛鴦汁即係茄汁加白汁白汁o個邊芝士都幾多但朋友仔食到尾時話都覺得幾漏我既牛柳粒焗飯係用茄汁焗牛柳都有七八粒但有d韌而且無乜味飯底應該加左蛋炒過無乜特別勝在唔太油除左個汁之外得少少配料:洋蔥同菠蘿一兩件之前食家話呢度d焗飯好味但今次試過之後真係覺得無乜特別我煮得仲好味過佢呢度只係勝在即焗夠新鮮o者呢度d waiter好似唔憂做咁成日黑面又趕客叫佢過黎落單點知一句窒埋黎話自己填表都唔明有咩服務可言咁都要加一真係好過份食一餐唔算好正既飯仲要受你氣---所以一定要俾喊面!!

今日同同學仔黎試milkmilk^^叫左個海鮮焗飯....雖然等得耐左dd...但係就真係幾好食lor...起碼夠大碟先la...最衰唔夠芝士

今晚去左食.. 但一d 都唔好食.. 仲有我都唔明點解呢d餐廳都要加一.. d 位又迫.. 又沒有服務可言.. 我地叫左海鮮意粉.. 又稔又一pet... 個金菇又多水.. 係個魷魚好味少少.. 平就夠平.. 但我情願貴少少都唔想食d咁既野.. ]一定唔會再去..

匆匆在旺角午餐, 再上堂, 隨意走入這裡. 結果中招.店內一大陣旺角味, 服務差, 叫落單有一定困難. 態度仲差, 迎合旺角口味.巴黎汁雞扒焗飯: 6分, 巴黎汁係乜? 反而覺得似葡汁, 叫巴黎汁吸引點嗎? 定係故弄言虛, 搞到我都失落於巴黎鐵塔下.C7跟沙蝦點睇都係兩個人.雞扒大大舊, 無乜質感, 飯撈巴黎汁還算美味.焗肉醬意粉: 3分, 水汪汪, 味道勁淡, 唔似焗過.凍檸茶: 4分, 沒有茶味的檸茶這樣的服務, 環境, 竟要收加一, 什麼道理? 扮完平又要收加一補數.

要找了一陣才可以找到這隱密在女人街的店子下午四點多去吃下午茶有7成坐滿叫了'卡邦尼海鮮焗飯'即叫即焗,所以等得比較久但上枱時好夠熱~個邊仲脆脆地~正~海鮮夠多,有青口,蝦,魷魚~汁同飯都好味美中不足是不夠芝士如可加多d 芝士就好了~凍飲不用加$2,也不用加一成個餐大大份~好扺~會再去~

同事話哩到既焗飯焗意粉好食！出開旺角去試下先！晚飯時間都幾多人！要等位！入坐後好迫！！真係好迫....落單先知原來係要自己用筆圈order =.=Order左焗雪魚意粉！果然好味！仲好大碟！比錢先知要加一=.=自己用筆圈order！冇水！坐得迫！都唔明點解要加一！！

同個朋友睇完戲唸住坐低飲杯~叫左杯木瓜鮮甜,好大杯而且係新鮮搾,唔係好甜但幾好味!朋友就叫左香蕉珍珠奶,佢都話幾好但都覺太大杯呢~雖然$12咁大杯係好抵,但點解咁既餐廳都要加一呢?!奇怪...