炳記牛牛 (已結業)

琴晚係旺角同朋友食飯　試左依間野係女人街既巷仔果間食物好唔得　我叫左個”牛魔王”- 牛扒跟飯(芝士茄汁) 沙律餐飲牛扒好un 仲要得兩舊仔飯佢果隻唔係普通飯唔知係咩飯但係我同個fd都覺得唔好食冇飯香!芝士茄汁冇芝士味冇茄味....唔得!但係最得意既係竟然要收加一個環境係茶餐廳feel 張台又細鄧又難坐　又逼　我坐左落去直至上餐之前都冇杯水４ｘ蚊一個咁既扒餐　去大家x/大x活食仲好...

在香港，除了食自助餐和飲茶之外，從沒有聽說這類茶餐廳會有埋單時限。今日同個朋友去食下午茶，看見餐牌寫時間是由2:30-6:00p.m.，很自然想，意思即是6:00p.m.前落單就可以。點知我們埋單時係6:02p.m.，個收銀員完全不解釋就收多我們6元，到我們追問她才說過了6點加6元。我們想繼續追問，為何她們完全沒有提醒客人，她就只係一味說"多謝光臨"，仲要一邊走一邊講，肯定係習慣了客人這樣的反應，也懶得理你。怪不得她們不會在落單時給我們記錄咭，原來就係等你唔覺唔覺，過了她們設定的時間就多收你錢！這間餐廳不知還有甚麼陷阱，價錢幾平都假，信譽破產了！

琴日同個fd出mk食飯介紹佢炳記牛牛因為之前男朋友同我食過今次同個fd去兩個人叫左:1)芝士牛粒焗飯2)香蕉珍珠3)小食:豬頸肉4)小食:芝士年糕5)甜品:唔知叫咩..不過有西瓜西米花奶個d-個芝士焗飯keep到水準!正!!-香蕉珍珠真係勁香蕉味,都ok"-豬頸肉$12有4,5塊,抵食,都幾好味~-芝士年糕$12,係唔食得ge..好難食..-甜品$12,呢個價格呢個味道算不錯,足料!

星期一午餐去左食..之前都黎過3次..今次第4次啦..今次叫左焗海鮮飯..不過不失啦..係杯芒果珍珠..唔知點解..d味係酸架..都ok既..行開黎想食下d平平地既野都唔錯架..當然旺角仲有好多好既選擇啦~~

今日去搵野食見到呢間野,以為有分店應該唔都差la點知唔掂...個海鮮飯唔係好食,都ok啦但個小食豬頸肉,12蚊得幾塊又多油香蕉奶又溝左水咁淡到死唔會再泥!

炳記牛牛既焗飯水準都唔錯, 即叫即焗~4個人叫左豬頸肉焗飯,豬扒意粉,蜜汁雞翼,焗青口,芝士西蘭花~焗飯夠熱, 焗青口唔錯, 芝士西蘭花幾香芝士味~ 其他一般~

早前去呢間野食,叫左個焗飯..d飯一樣甘乾..汁又少!豬扒得二舊.. 有會員就可以送一樣野食,叫左個芝士年糕...好難食!無芝士味,落左勁多糖水..後悔食!服務又唔好..

同朋友shopping 完帶左我呢度食飯,佢介紹左個芝士魚扒焗飯,佢就叫左個常餐& 迷你pizza.芝士魚扒焗飯真係好好味呀,芝士又多又香,魚扒又滑,價錢又平,好抵食. 但個pizza就一般,可以不叫. 另外坐位好迫好迫,坐得好辛苦.而晚上dinner 時段會收加一服務費囉,但完全睇唔到有咩服務喎.

前幾日去行街..肚餓就去炳記食野..叫左個巴黎汁鮮魷魚桶焗飯,好難食..熱都唔熱下.. 早知食個pizza算。最差系要同人搭枱,不喜歡!

星期六下午二時多才食晏, 行過見到牛牛就走進去.叫了芝士牛柳粒焗紅飯+雪糕珍珠奶茶.焗飯不錯, 不油不膩, 牛柳粒不鞋又不失肉質, 芝士分量也恰到好處.相反珍珠奶茶就麻麻, 奶茶不香濃, 竟然是配士多啤梨雪糕, 超唔夾!

第一次去呢度食,叫左個卡邦尼海鮮焗意粉食,d海鮮有少少失望,只係幾"舊"蟹柳,獅子狗同"油"魚...味道係ok既,因為價錢唔太貴...不過奇怪就係間鋪越來越多人,埋單時有人在門外等位...乜真係咁好食咩??

炳記牛牛成日行旺角都經過，聽講服務唔多好似茶餐廳feel，今日終於有機會試下，侍應我覺得其實相當有禮貌，叫o左個雞扒餐，又有沙律又有飲品，選擇都幾多，結果要o左西瓜汁，又大杯又好味，沙律就一般，雞扒飯d汁幾開胃，不過覺得d飯質素就麻麻地，埋單連加一四十蚊我覺得算係不過不失，下午茶時間又有特價同埋唔收加一，到時再黎試下都好。

年初三，同朋友黎旺角行街，行到好累就搵下橫街有咩好食。見到呢間餐廳既價錢同食物種類都合心意就去啦，兩人座張圓木台，無幾耐就有個男仔黎搭檯。睇左陣就叫左卡邦尼汁焗芝士海鮮飯，朋友要芝士焗三文魚飯，再叫左法國風情pizza、黑椒牛仔粒同豉椒炒螺肉。十分鐘度有得食，卡邦尼汁焗芝士海鮮飯同焗海鮮飯冇咩分別，芝士唔太溜，海鮮有獅子狗、蝦、蟹柳同鮮魷，再加多d生菜絲，簡簡單單已經滿足口感同味覺。黑椒牛仔粒都唔錯，牛仔粒唔會韌，但略肥。用紅椒同生菜絲黎炒，肉質唔錯，有牛味。豉椒炒螺肉，螺肉加上洋蔥、青椒等配料已經好可口。法國風情pizza，有少少痴底，汁料係茄汁，材料大概係菠蘿同火腿絲，加上木魚絲，賣相都唔錯，味道都ok啦，但加上芝士會更好。凍奶茶又幾香滑喎!木台與木台之間都幾迫，服務同環境都係一般，不過以咁平既價錢可以食到咁多野，而味道都唔錯都好好了。p.s.黎食野係不求正宗，港式餐廳一間。

年初三行完街黎呢度食晚飯叫左個芝士焗三文魚飯+凍奶茶$27+2加1個pizza(唔記得左法式乜野味) $18同埋兩個小食牛肉粒&螺肉各$12先講個飯黎到果陣芝士味好濃但到食果陣發覺冇乜味唔知點解而且d芝士都幾"希" 正常應該係"杰"少少三文魚屬一般貨色可以接受咁啦overall個飯都算幾好個汁"杰"返d會更好兩個小食都夠熱而且好香口我非常滿意個pizza就非常普通批底亦太硬1d都唔脆另外要講既係呢度地方都幾迫而且隨時會有人搭檯做成唔方便不過勝在夠抵食上述加埋只係$55(連加一)岩晒budget唔多但又想試多d野既人因為佢d小食每款$12 仲有甜品值得一試!

The waitresses are extremely rude. The environment is poor.Yet, the price isn't really that cheap.POOR.