炯記燒味 (坤成樓)

營業中

休息中

放工唔知煮咩好，斬料加餸最方便呀！平時食炯記都係食手撕雞同豬手，今次試吓啲燒味先，排隊嘅時候已經聽到個個都話要半斤燒腩仔，等我都唔執輸，叫半斤試吓😌脆皮燒腩仔 半斤$74雖然係外賣，但買到返屋企個皮仲係脆架！燒肉皮脆卜卜勁好食！燒腩仔皮脆肉嫩有肉汁，食落唔乾身，肥瘦均勻，勁快清晒。海哲燻蹄 $38海哲爽口帶麻油味，配上蒜蓉醋汁超好味，酸酸辣辣。燻蹄肥瘦均勻，肉有咬口。下次放工唔知食咩，可以有多個選擇啦！

堂食多次印象良好,今日早了收工,決定斬料加餸,是不然幫襯番啦,燒腩仔是個人必試的,想不到外賣返到屋企仍然皮脆香口,另外麻辣手撕雞,是阿女至愛,當然不可少,辣味剛剛好,今次外賣食物質素不遜於堂食,愛人又多個藉口煮少個餸,要外賣斬料加餸啦。下次又要試吓一D新口味。

今日買燒味加餸食飯，見到有個外賣燒味set 又幾抵wor! $118 有叉燒半斤+ 脆皮燒腩仔半斤 ，一於試下佢先～醬燒腩叉: 呢一part 係成個叉燒最肥美最好味個部位！岩岩一打開個盒都聞到超濃香嘅蜜汁香味，食落去一D都唔乾，肥肉的比例相對地高D，超有咬口。係好邪惡嘅，但真係好好食，食下食下就半盒脆皮燒腩仔: 皮係岩岩燒好，一咬又係燒腩皮好脆口。肥肉又係相對地比較多ge~但就好有滿足感！佢仲有堂食的，下次真係要搵次坐底try try 佢先得！！！

之前諗唔到夜晚食咩嘅時候已經試過係炯記買佢嘅手撕雞🐔見佢有一個超值燒味組合，今次終於黎買返屋企試下🤩佢3個組合都好抵買，我揀左優惠組合C，係半斤醬皇腩叉同埋半斤脆皮燒腩仔🐖醬皇腩叉係半肥瘦嘅，佈滿蜜汁，色水好好🤤肉質唔鞋口同埋層次分明，食落juicy唔會太油膩😻燒腩仔係我最愛嘅燒味😍外皮脆口，食落肉質鮮嫩，配埋芥末一流🤤就算係優惠組合個份量都好夠食😍真係性價比好高～佢仲有其他外賣優惠，之後都會過黎買返屋企試下😻

📍間唔中夜晚唔想煮飯 都會諗住買燒味加餸～😋之前堂食食過鵝油撈麵 手撕雞都好好食 原來外賣仲抵食! 餐廳有好多款外賣優惠✨ 同組合套餐 選擇夠多有好多選擇🙈本身好鐘意食炯記嘅叉燒 所以今次就揀咗 優惠組合C- 有叉燒半斤+ 脆皮燒腩仔半斤 餸飯啱晒🙂✔️…醬燒腩叉: 一打開個盒已經聞到香味 叉燒面層塗滿蜜汁 色澤油潤由於用上腩肉製成 叉燒肉質冇咁乾身 半肥瘦食落啱啱好!✔️…脆皮燒腩仔: 燒腩皮好脆口 燒得好好 肉質一d 都唔乾 而且份量好夠真係算抵食🤣餐廳好多加配優惠 忍唔住+$20叫多個生菜扒冬菇 媽咪都讚性價比好高🙆🏻‍♀️🙆🏻‍♀️

早幾日黎咗荃灣行街順便斬料加餸，呢度位於荃灣街市附近，食物款式選擇好多，手撕雞都有辣同唔辣揀，斬料即叫即斬，之後我叫咗一碟呢度最出名嘅半肥半瘦叉燒，份量都好多，叉燒晶瑩剔透，口感有d似食緊五花腩，但係肉既層次就分佈得好平均，再之後叫左一碟燒腩仔，燒腩仔外皮香脆，而且唔會好肥，點埋芥末醬食好夾，呢度飯同麵價錢都好平好抵，而且份量都好多，黎呢度買外賣返屋企食係一個唔錯嘅選擇，我地仲叫左一碟海蜇，海蜇彈牙入味。

經過有間食燒味同手撕雞的小店，有堂食同外賣。見到價錢又唔貴喎，仲有套餐優惠，可能因為咁所以都幾好生意。店員都好好禮貌，又夠親切，值得一讚。我要了一份手撕雞 , 到手時整整兩大盒，仲好聚手，份量十足。手撕雞食落鹹鹹香香咁，沙薑好入味，真係連骨都有味。一食停唔到口。帶骨的地方會俾埋我哋，但係都好易用口撕開雞肉出來。手撕雞流行左幾年，呢間應該係我食過最好食既手撕雞店。下次會試埋其他燒味，應該腩皇叉燒都好味。

荃灣區嘅居民都會對呢間炯記唔陌生，因為都開咗好耐，我都食過幾次。買餸見到街市街呢間嘅炯記，睇到餐單見到有混醬腸粉＋手撕雞，夠特別喎，一於試一試。鹽焗手撕雞，嫩雞撕成一塊塊，無骨，充分吸收了鹽焗粉的香氣，更有少少白芝麻、花生和麻油香，雞肉香濃鮮嫩，非常入味，炯記嘅手撕雞係好味嘅，呢樣毋庸置疑，多次回購都係食佢嘅手撕雞。混醬腸粉，稍微有少少失望，因為佢唔夠氣，腸粉要食嘅就要夠熱，我真係好介意啲主食唔夠熱，唉，唔夠熱啲醬就會凝固，醬嘅香氣又會減半，我寧願揀白飯仲好，起碼凍咗都唔會結塊，如果可以好熱相信會好好食，可惜，今次一次又浪費了quota。我下次都係只會買手撕雞返去食，其他就唔試了，因為呢間都比咗好多次機會。

Their hand-shredded chicken has been a go-to favourite meal of mine, so I decided to try their takeaway siu mei sets which were priced at a very reasonable $98 for 2 styles of siu mei. The char siu was very juicy and rich in flavour, and was well balanced with the pork fat although there were a few pieces that had more fat than meat. However, the sheer amount of charsiu was enough for many meals (as pictured) For the white chicken, I picked a sand-ginger flavor and it was just as delicious! The

Happy Friday唔想煮飯，經過「炯記」，一於斬料同老婆返屋企慢慢歎。餐廳有好多選擇，而呢個超值加餸組合都幾抵，要咗個組合A: 叉燒半斤拼白切雞半隻。醬皇叉燒 :叉燒色水都幾靚，半斤份量都幾多，半肥瘦嘅叉燒食落好多肉汁，肉質鬆軟唔韌，配埋惹味蜜汁，送飯食一流。白切雞 : 驟眼望都已經覺得切雞好肥美，相當吸引。入口肉質嫩滑，有微微嘅咸香味，加埋秘製薑蓉，感覺好滿足。等外賣期間都見幾多人叫燒腩仔，下次一於試下。

諗唔到買咩餸，咁啱見到上次食手撕雞的餐廳有分店，咁今晚一於外賣加餸食燒味啦。佢嘅招牌菜係手撕雞，但今晚想食叉燒多一點，所以要左個醬皇腩叉燒+ 半隻沙薑雞套餐，98元有兩樣。食唔曬全份，攞咗一半出嚟。腩叉燒有燶邊，肉質係偏肥，一食就滿口油香。我自己唔鍾意瘦叉，所以呢個好啱胃口。沙薑雞好香濃，入曬味，啖啖肉之餘唔鞋口，保持到嫩滑嘅肉質。呢個好好餸飯，今晚食咗兩碗飯。估唔到都唔錯，下次可以再encore。好味指數： 👍👍👍👍

上次食完烔記餐室對佢印象幾好，估唔到有分店開黎專係燒味，即刻諗到不妨今晚斬個料，加個餸。見到個餐牌咁多選擇都唔知食乜好，但係見到新出嘅檸檬鴨都覺得幾特別，所以叫左半隻檸檬鴨，佢份量斬好多，而且見到佢係真材實料嘅醃肉食材。最窩心既係，佢啲燒鴨汁唔會淋喺面，而係另上。唔怕擺耐左，就好似拎完外賣但又未番屋企既，咁就唔會因為擺得耐而令到啲肉好咸。燒鴨啖啖肉，啲肉都幾實淨唔會話好林，雖然隻鴨唔係好肥，但係都有啲油香同埋唔會好柴。烱記餐室同烱記燒味都係一樣咁好味，佢嘅外賣燒味種類都好多，希望佢開多啲分店，第時可以好方便咁去到邊食到邊。檸檬鴨 $135（半隻）

As you could tell, I haven’t written any reviews in a long time, but I’m gonna pick up this hobby again as I think it’s important support local restaurants, especially when everyone is rushing to travel once the borders are opened!I went to my mum’s place for dinner the other day and my sister bought some roasted goose and shredded chicken rice on the way back. The roasted goose was super juicy and tender and it’s not as greasy as one would think! They went well with the sweet & sour sauce and t

其實今次已經唔係第一次經過炯記，但呢晚終於的起心肝停低架車試下佢。整體選擇都多，亦有唔同combo嘅優惠，但我最後都係決定還原基本步，試吓最basic嘅叉燒同燒腩仔先。首先想講樣好笑野，我落單嗰陣同個姐姐講聲想要半肥瘦，然後師傅聽到後應：「我地所以叉燒都係半肥瘦架咼，想搵舊唔靚都冇😂」見佢咁有自信，就更加要一試究竟haha 結果盒叉燒又真係好靚咼！肥瘦分明，肉質軟腍，亦燒得好香。唔會太咸太甜咁，好好食！另外燒腩仔又係高質之作，睇相都睇得出個皮勁脆，亦係肥瘦相間。肉好滑好腍，好滿意👍🏻

本來weekend想買餸煮飯，做做下家務發現已經5點幾，買得來都沒時間煮，又不想食外賣，屋企有菜，決定去斬料、斬料，斬大舊叉燒！行到去街市街的炯記燒味，望下d燒味，叉燒同燒鴨色水都幾靚，超值加餸組合好啱我！另外，外賣大優惠其實都好抵食！手撕雞都好吸引！亦都有海蜇燻蹄、醬皇豬手等等的小食，選擇都幾多！我買了超值加餸組合，其實3個配搭都好吸引，我揀咗A，有半斤叉燒和雞，雞有4款：切雞、油雞、沙薑雞和口水雞，切雞油雞平時都易食到，燒味舖有沙薑雞都幾特別！半肥瘦叉燒，有燶邊呀，好緊要！有燶邊的叉燒香好多，肉質夠腍，充滿麥芽糖香甜味！沙薑雞都不錯，雞幾肥美肉厚，嫩滑，雞肉有有咸香味，沙薑惹味，會再encore！有燒味加餸，可以食多兩碗飯！