炯記燒味 (坤成樓)

營業中

休息中

今晚放工晏左少少，所以去隔離街炯記買外賣加餸回家吃就可以了。見到個叉燒好似幾吸引，又想食多樣野所以叫左佢個超值加餸組合既醬皇腩x加半隻沙薑雞。一百蚊都唔使炒碟菜就食得，方便快捷。醬皇腩叉:個肉質唔錯，少少肥食入口個口感更加係好食。有少少咬口又唔會過肥，蜜糖準將個肉鮮味更加突出。半隻沙薑雞:沙薑雞入口冇雪味，肉質良好，更重要的是雞好入味。另外雞肉都幾滑而又唔係好生個D,因為好多時外賣雞都好生,我自己個人就好驚D肉太生。大件夾抵食，下次可以再叫。

#叉燒 ⭐️⭐️⭐️⭐️#燒腩仔 ⭐️⭐️⭐️⭐️⭐️講到加餸大家一定會諗起燒味，荃灣炯記成日都聽，今次難得經過荃灣一定要去買佢嘅燒味食先得，仲要見到佢超值加餸組合咁抵，一於來個雙拼！⭕️佢嘅燒味肥瘦均勻啱我口味⭕️燒腩仔皮脆肉嫩食唔停口⭕️呢個價錢本身以為會好少但原來都幾多⭕️叉燒好多汁好啱送飯⭕️除咗外賣佢仲有堂食⭕️見佢仲有好多唔同口味嘅雞可以揀⭕️想加餸絕對可以諗諗呢間總括來說，呢間燒味又平又有質素

今日陪家人去大窩口換完身份證見時間又有少少晏。經過炯記燒味，門口招牌大大隻字外賣大優惠。望兩望入面掛住既燒腩仔，燒鵝都好似唔錯。不過最吸引我既係招牌醬皇腩义，半肥瘦一斤$98都唔算貴就買佢斬料。义燒肥瘦平均，唔會太瘦而痴牙都唔會太肥而滿口油。肉質唔錯，有咬口又淋。加埋蜜糖真係連色都有埋。蜜糖又唔算好甜，所以混起义燒來食都唔會過甜反而將义燒肉味提昇出嚟。回家再將外賣义燒炒兩下，將义燒整返熱來吃簡直係性格比高既外賣。

今晚難得同屋企人食飯，梗係要斬料加送啦！行過荃灣發現咗一間睇落幾乾淨企理嘅燒味店櫥窗燒味幾吸引，仲有啲冷款同手撕雞睇落都幾好味亦都有好多優惠，限時半價仲有得堂食添，見到仲有下午茶外賣優惠，價錢都係四五十左右，都幾抵食諗咗好耐叫咩返屋企，最後都係覺得呢個雙拼組合最抵，叫咗燒腩同埋雞雙拼，$108都幾平呢個雙拼組合嘅燒腩仔有半斤，都幾足秤，雞就有半隻，可以揀白切雞、豉油雞、沙薑雞同口水雞，我就揀咗沙薑雞燒腩仔味道唔錯，調味適中，而且外皮好趣，就算買咗返屋企擺兩個鐘先食都冇變腍，仲係好脆口沙薑雞肉質都好滑，大家食完都讚不絕口下次想試手撕雞

炯記好耐之前都食過，近年愈開愈多分店，今日經過發現已經係荃灣開第二間分店，門口既燒味又幾靚，就再次幫襯🤣，估唔到比之前好食左進步左！😳-💕雙拼飯 $45 送湯/汽水👅好味指數：8/10雙拼叉燒+切雞🥰，一開滿到嚇親我😂又滿又靚仔，叉燒仲比左半肥瘦😍，薄切肉質軟腍有蜜汁味，切雞皮滑肉嫩，都好入味👍🏻。-💕手撕雞 半隻$55👅好味指數：8.5/10又係滿到塞爆左個盒😂會唔會太抵食❗️😍有麻油味同芝麻香，雞肉嫩滑彈牙多汁仲有啫喱😍必食❗️-環境：7/10服務：8/10好味指數：8/10回頭率：8/10

平時返工多數都係帶飯，諗唔到煮咩餸好我地多數都會買燒味加餸，夠哂方便又好食，琴日去完荃灣搵朋友等小巴嗰陣見到呢間炯記燒味，佢地有三款優惠組合超抵，半斤叉燒加半隻雞都係$100有找，超抵🥰優惠組合A: 醬皇腩叉 (半斤) + 半隻雞 ($98)兩款燒味都好足秤，先講醬皇腩叉，識食一定係食半肥瘦叉燒，肉質好腍又夠juicy，配埋秘製既叉燒汁，送飯一流💯半隻雞可以揀白切雞、豉油雞、沙薑雞同口水雞，我最鐘意就係食豉油雞，半隻雞份量都幾多，雞髀肉質鮮嫩多汁，煮得好入味，推介😍😍😍

之前喺長沙灣都有試過呢間餐廳，點知今日去荃灣嘅時候見到佢竟然有開燒味店，所以特登買外賣先你返屋企試吓見到有個外賣優惠，所以就試咗買一斤燒腩仔佢個份量都唔少，本身見到以為有啲乾，點知食落又唔會，都幾林，唔會太乾硬而且食落嘅時候仲係暖 外皮好脆，肥瘦適中，重點係唔會太咸 ，平時有一啲嘅燒肉真係咸到不得了，屋企人都覺得質素唔錯，下次可以試吓其他款式而且外賣嘅時候見到佢入邊都有堂食，又有飯同埋撈麵配燒味，搵日得閒都可以再試

腩肉油雞雙併Lunch 外賣燒味，估唔到送到嚟公司，啲燒肉皮仲係脆㗎！一打開個飯就見到跟左好多薑蓉，啲飯嘅份量都幾多，但有啲乾身，好彩有薑蓉餸到飯，另外，油雞雞皮好滑，不過雞肉就有啲鞋。

今天打算買回家吃，路過這燒臘店，光猛、乾淨，櫥窗上的燒味，企理、齊整，菜牌標示，燒鵝下莊才148元，還可以，試下。看見玻璃後的師傅，從架上拿下一隻，開了這隻新的給我，他手起刀落，把它砍開一半，剩下半隻一邊滴著汁一邊掛回架上，看到我在玻璃前吞著口水。再看見這兩支送酒神物，給娘娘說：「下次買這兩支！」她啤了我一眼，感到點兒殺氣，我馬上閉嘴。回家了，馬上剪綵！娘娘賜了我一塊鵝髀，還暖的，夠香夠滑，略嫌不夠脆，下次容許堂食時再來一次。😋

買雙拼鵝油撈粗，內有雞，叫佢比薑蓉，態度差回應已放，再攞要收錢，返屋企先知沒有比。撈粗亦有沙，出品差，平時態度差是常見，尤其個阿姐🤬🤬🤬請大家檢查好食物才離開🤬🤬🤬

事緣今日心血來潮想食燒味，但又想食個撈麵，咁喱間舖就剛好一次過滿足晒我兩個願望；為咗響應政府抗疫措施，都無選擇逗留堂食盡量叫外賣(減低感染風險嘛)，所以最後選擇了外賣自取，差唔多夠鐘個app顯示攞得啦，咁我就滿心歡喜咁行去舖頭到拎啦⋯點知去到個阿姐話無收過單，無單唔識做，然後一副收唔到單事不關己的態度，又話唔識取消，叫客人自己打上客服去聯繫取消⋯ ⋯如果要用兩個字去形容喱間舖頭，我會用‘垃圾’喱兩個字！