炯記燒味 (坤成樓)

營業中

休息中

炯記開咗唔少堂食同主打外賣嘅分店，街市街呢間分店開幾個月，有堂食座位，不過只得幾個，都係以外賣為主！除咗外賣斬料之選，餐廳仲有提供燒味粉麵飯套餐！平時經過見到射燈射住啲燒味，油光令令，都幾吸引，今日心癮起，決定晚餐斬料加餸！➺➺超值加送組合A餐$98：醬油腩叉+自選油雞醬油腩叉(半斤)肥瘦肉相間，口感更覺juicy，比起全瘦叉燒，無咁乾爭爭，食到焦香同濃厚醬油味，外層仲甜甜哋，聚喺飯盒底嘅甜豉油都唔可以放過，用嚟撈飯好正！油雞（半隻）呢度嘅油雞好大隻，所以足半隻嘅份量都唔少，肥大肉厚好嫩滑，外皮色澤均勻好靚，食落本身好夠味，不過覺得佢同薑蓉係絕配，加埋一齊食，送飯一流！