炯記燒味 (坤成樓)

營業中

休息中

今日收7:00有點夜所以買料番屋企食飯，平日比較少經過panda 附近，但見都幾多人排隊，所以試試。我好似叫左個套餐有手撕雞加豬手，手撕雞份量比我想像多，而且好好味，但我平日食的手撕雞會有少少麻醬，但這間就沒有，因為我諗住留埋明天的午餐，所以叫多個海蜇燻蹄。豬手的鹵水汁好好食，有少少咬口，有部份位置都有少少淋，餐廳講明有5隻豬手，有誠意。海蜇燻蹄比日在出面食都貴貴哋，但佢$38，當要要一試，份量當然無手撕雞咁多，但味道好味，如果可以再多d就仲正。我同女友二人食了一個晚餐，仲留左一人一個飯做明天午餐，所以我估計其實等同4人的份量，只要煲一個飯，就可以有飯食又可以留飯，最適合我這種懶人😏

今日收工經過熊貓酒店🏨呀媽話親戚黎屋企食飯叫我斬料🧐 好彩比我見到對面街有呢間炯記！小店裝修雖然簡陋，但食物質素唔錯喎！😙仲做緊外賣大優惠😌 加餸斬料一流呀！我買左半斤叉燒😉 半斤燒肉蜜汁叉燒果然食到小朋友係咁添飯！🤪 叉燒半肥瘦，小小燶邊，大人都食到舐舐脷😝叉燒汁用黎撈埋飯，真係多多飯都唔夠食ha ha!! 燒肉最基本皮脆就唔洗講啦😉 肉質唔實，小小脂肪分布比例岩岩好！😎 加上員工工作效率快，落單一陣已經拎得！👏🏻

提早返娘家做冬，買啲斬料返去加餸。炯記燒味的確唔錯，難怪媽子指定叫我去買呢間。樓面乾淨企理！雖然座位唔多，但絕對唔擠迫。雖然我買外賣，但有咩食物款式，喺鋪面已經一目了然，因為好多大大個餐牌放咗出嚟，真係好體貼老人家去。外賣優惠都好抵，我揀咗燒腩仔同叉燒雙拼，各半斤，都係$118。份量都唔少。份量唔少！燒腩骨好正，個皮堅脆，五層分明！雖然叫瘦叉，但肉都淋身唔硬！叉燒邊仲有啲燶邊，咁先至香口….但唔可以多食。😅下次要叫多汁，可以撈飯食。😆聖誕未過，但好快下個月就新年。節日糕點半價嘅早鳥優惠真係超低！下次來荃灣，可以接再食其他！

呢間主打燒味嘅炯記係大街地鋪，因為就腳，之前買過叉燒飯，叉燒幾肥美，調味又唔錯，今次索性斬料加餸！返屋企煮多個菜就搞掂晚餐！呢間燒味店主打外賣，店舖出邊都棟咗幾個牌，上面係餐廳菜式，有乜食一目了然！除咗燒味飯、撈麵、仲有手撕雞、豬手套餐，當然唔少得斬料加餸組合！揀咗超值加餸組合A餐， $98已經有叉燒又有雞！外賣左以下組合😋優惠組合A：醬皇腩叉（半斤）+油雞（半隻）叉燒半肥瘦，口感十足，食到煙薰香味，同時醬油味都好突出，就咁送飯已經好好味！油雞層皮好薄，仲好滑，又充滿豉油咸甘味，雞肉都好滑，又啖啖肉！

話說當天在荃灣逛街，逛到差不多晚上時份。準備回家前，發現有間燒味店人頭湧湧，便去看看吧💕。炯記燒味✨深受街坊歡迎，看到有大量媽媽在買餸加料，我也外帶了一些給媽媽試😙。 「 醬皇腩叉 & 油雞 $98」 超值優惠組合有3款，我比較愛吃叉燒，所以選了第一款。叉燒肥瘦適中，厚薄均勻，肉香軟腍😍，好高質!! 油雞賣相同樣漂亮，雞皮油亮，雞肉入味，肉香嫩滑，皮下帶有少少脂肪，同樣有質素☺️!!炯記燒味 (坤成樓) 荃灣荃灣街市街142-166號坤成樓地下10號舖

今晚放工坐小巴經過荃灣街市街，竟然見到附近有間炯記😯，平時冇留意到呢個位開咗，仲見到佢大大隻字有外賣優惠，落車就即刻衝過去買啦😝，今晚天氣咁凍完全唔想煮飯同洗碗😆。佢門口寫住既外賣選擇，真係好超值，平過其他美x，大家x果啲連鎖店。仲要好多款式同組合，有選擇困難症嘅我揀咗一陣，先揀到😆鹽焗手撕雞飯$42👍🏻滿滿嘅手撕雞配上白飯，手撕雞啲汁慢慢滲咗落啲飯度，非常好味，超大盒烔記四寶飯$52👍🏻四寶飯都係勁大盒，每款餸菜都好多，絕不馬虎醬皇冬菇扒生菜$20🥬好好味呀，佢啲冬菇，蚊到好林，個生菜配落個醬汁就更一流另外仲跟埋例湯或嘢飲，我就選擇咗例湯，味道正🤤

本身見到好多人都推薦燒味同埋手撕雞，果然好好食😋😋一試難忘！我首次試左雙拼瀨粉同手撕雞😌😌價錢好親民之外，店員服務態度都好好，我有疑問都會細心同我解釋返👍🏻值得一讚🐷燒腩仔切雞瀨粉個燒腩仔脆卜卜，外皮唔會太乾太硬，肉質都好鬆軟，連埋脂肪一齊食都唔會覺得好油膩，整體都好味。切雞肉質好嫩滑，外皮都好薄，本身我都成日試唔同鋪頭既切雞，但真係非常推薦炯記，因為好過好多間燒味店既出品。至於瀨粉都好滑，同埋有咬口，唔會太淋，份量亦都夠食。（值得一提係個湯底，唔會太多油同埋好夠味，讚！）推薦指數：⭐️⭐️⭐️⭐️⭐️🐔麻辣手撕雞（半隻）雖然只係半隻，但份量真係好多，灑上滿滿既芝麻真係又香又好食，個麻辣汁都做得好好，雞肉非常嫩滑，唔怪得知好多人都推介👍🏻👍🏻推薦指數：⭐️⭐️⭐️⭐️⭐️

11月22號星期二又到「小雪」來臨此時飲食要防寒養腎，天氣涼浸浸，收工約埋媽咪去荃灣行吓街食個飯都係一個好選擇，由荃灣西鐵開始，Aeon, 荃灣廣場一路掃貨已用了3個鍾，真係滿載而歸。疫情雖然幾千案個案，途經開了好多食市店內都超多人流，想搵間坐得舒適都很難，經過沙咀道有間炯記燒味店門面寬闊，掛滿燒鵝，油雞，燒腩仔，睇到都有啲肚餓，價錢明碼實價一目了然，叉燒，海蜇燻蹄，單拼雙拼任君選擇配答，重有例湯送贈，不過媽咪重想行埋千色廣場先霸休，因為重有化妝品未買，唯有頂住肚餓都去埋先啦，買完後路經荃灣街市街原來又有另一間炯記燒味分店，比對過價錢重便宜，決定買外賣回家吃順便煲電視劇，回家吃更安全，買了兩個飯盒燒腩仔飯同叉燒飯一小食海蜇燻蹄，脆卜卜燒豬肉皮配埋芥辣更醒神，叉燒咬口軟綿，燻蹄配埋醬汁頂呱呱，今餐兩個飯盒一個小食都係122元都算唔錯，例湯熱辣辣味精小值得再去幫襯。

加餸好多時會買炯記手撕雞同醬皇豬手，不過今日亞媽就話想轉一轉口味，叫我去炯記燒味睇一睇，估唔到燒味一樣掂仲有▶️加餸粗合，真係幾抵✅組合A~醬皇腩叉半斤 加切雞/油雞/沙薑雞/口水雞 $98✅組合B~脆皮燒腩仔半斤 加切雞/油雞/沙薑雞/口水雞 $108✅組合C~醬皇腩叉半斤加脆皮燒腩仔半斤 $118❤️燒腩仔半斤 $74燒腩仔皮脆肉嫩，脆皮真係好脆口，而腩肉一層一層，油花滿滿，肥瘦適中，勁受歡迎❤️海哲燻蹄一份 $38海哲好爽好脆，配上蒜蓉醋汁夠哂醒胃，燻蹄肥瘦均勻，皮位咬落有少少爽，肥瘦肉相間，味道清爽下次加餸可以再試下其他燒味!▶️荃灣荃灣街市街142-166號坤成樓地下10號舖

炯記愈開愈多分店～咁多街坊支持當然係抵食又好味啦行過荃灣街市街門口就見到有超值加餸優惠組合大約$100到有兩味餸我放工又可以煮少兩味有優惠組合A B C我就揀咗組合B因為之前堂食已經試過呢度嘅腩叉今次一於試吓燒腩仔同埋沙薑雞燒腩仔嗰層五花真係好均勻醃得恰到好處30分鐘車程返屋企返到屋企層豬皮都仲係卜卜脆㗎沙薑雞一路返屋企陣沙薑味就一路飄出來超級期待因為我真係好鍾意重沙薑返到屋企果然冇令我失望隻雞好入味而且生熟度剛剛好平時好怕會滲血唔嘅雞佢就煮到啱啱好啲肉唔會老雞骨又冇滲血

👩🏻‍💻今日偷懶唔煮飯🔥要快靚正🈶️飯食💕最啱就係斬料返屋企喇🔪我每次經過呢間燒味店🔥見到佢地嘅叉燒🐷油雞🐔燒鴨🦆燒腩仔🐽高高掛係玻璃窗前🪟真係吸引到不得之了💕令人垂涎三呎喔😍🔥今次外賣咗佢地嘅「超正加餸組合A」$98💕醬皇腩叉半斤➕油鷄半隻😍真係好抵又好食呀😋🐔油鷄肥美又啖啖肉🔥佢嘅叉燒有燶邊燒得超香口🐽斬料係我哋香港人生活文化特色之一🔪因為又簡單又方便🥳我呢個懶人今次返到屋企仲連米都唔洗😂買咗兩盒韓國即食白飯叮一叮🔥咁就秒速可以開餐囉🥢方便又美味呢🥳🥳

曾經到訪烔記的堂食店，感覺食物質素都不錯，得見他們在荃灣開了一間新店，所以外賣了一份燒味拼盤，還滿抵吃的站門口的姐姐服務態度很好，完全不像茶餐廳外賣選擇很多，而且大多都有折扣真心平套餐半隻白切雞+半斤燒腩仔$108那半隻白切雞好大隻！而且不會因此而肉鞋皮韌，尤其雞腿超嫩滑，雞胸肉厚，黃油香濃但不會太肥，性價比很高燒腩仔半斤超肥美的燒腩仔帶層次分明的五層腩，外皮超爽脆，油香滿滿，鹹香細膩，配飯吃超正點！

🚩 炯記燒味 唔知有冇人同我一樣對於燒味飯都有少少情意結，無論街市燒味飯又好或者酒樓燒味飯都好，兩款燒味飯都冇咗我對佢嘅愛～〰️〰️〰️〰️〰️〰️〰️〰️〰️〰️〰️〰️〰️〰️〰️🌈炯記四寶飯 $52超級聚手嘅四寶飯，包括叉燒/豬手/手撕雞/紅腸～肉食愛好者必備🤤叉燒 肥瘦適中，燒得唔柴，調味亦都啱啱好豬手 成盒飯得一隻，而且係骨位，唔太食到咩味手撕雞 好好餸飯，份量都好多，雞肉嫩嫩的好鍾意佢哋嘅豉油都比好多，岩曬撈飯🌈叉燒燒肉雙拼飯 $45呢盒嘅叉燒因為我唔鍾意食肥，所以就特登叫咗瘦叉叉燒味道的確唔錯，不過可能我嗌咗瘦叉，所以整體偏鹹咗少少燒肉有驚喜‼️瘦肉居多，只有中間分層有少許脂肪返到屋企燒肉皮都仲係keep住脆口✨佢哋所有飯都會送飲品或者例湯，例湯絕對唔係用啲骨頭煲兩煲就算，真係真材實料嫁～今日飲嘅係霸王花粟米排骨湯～

番屋企想簡單煮碗米粉，斬料買燒味是常識吧炯記之前係另一間分店堂食過性價比都幾高晚上7點，不乏人潮買外賣番屋企加餸真心平 推介呢個外賣優惠組合我最好揀左優惠組合A～～～比起燒腩仔，叉燒更吸引抵食！醬皇腩叉半斤 +油雞半隻 只需$98單買叉燒半斤都$70，所以買兩盒就真係餸都唔洗煮～油雞都幾大隻，夠晒份量～雞皮唔算好多肥膏，豉油上色都幾靚仔雞肉肉質多肉嫩滑腩叉放滿兩層，每塊呈上肥下瘦，食落肉質軟稔肥膏部位則幾爽口～

今日姐姐放假, 指定動作一定係買斬料for晚餐, 既然我喺荃灣區就黎li間都幾多分店嘅烔記, 鐘意佢標哂價, 又有set, 擺出黎嘅燒肉燒鵝肥叉都靚.🥢優惠組合A-醬皇腩叉x口水雞我揀左$100都唔使嘅雙拼, 叉燒n口水雞係全家favourite. 雙拼之中嘅雞有成4款可以揀:切雞, 油雞, 沙薑雞, 口水雞半隻, 份量for一家幾口好夠. 🥢醬皇腩叉🤤肥瘦適中, 唔會有一大舊肥膏或者一舊dry叉出現, 叉燒醬都好入味, 推介.🥢口水雞🤤夠辣wor!! 加少少汁落飯辣辣地好正, 啖啖雞肉, 喺盒夾出碟有2層咁豐富足料. 半隻size唔係細👍.🥢最緊要係…. 鋪頭乾淨, 好怕見到一地油淋淋😵‍💫.